15 Bibiekʋlʋ toroa' Nyɔsʋa plɛ nya ‑wusublanyɔɔlɔ 'pʋɔa. 'Pläkänyɔɔ nya 'ɔmɩ 'wʋdɔrɔa, ‑bɛ ɔma nʋ ‑balʋ nɩ, 'ɔnya 'ɔmɩ 'uun cerea.
Nyɔɔ ma bä 'ana ‑tɔrʋpɩɔ ɔma bä ‑sʋɩ 'lɩ nɩ, ɔ bibie Nyɔsʋa. Nyɔɔ ma bä 'ana ‑tɔrʋpɩɔ dɔrʋ ma 'bla 'ɔmɩ nɩ, ɔ brɩ.
'Ii känyrɩ ‑moloo ma nʋ ‑balʋ, ɔ ‑gbala 'ɔa ‑moloo, 'kä ‑moloo bibie 'ɔa ‑molooa 'wli 'lɩ 'amä 'pʋ. Nyɔɔ ma ‑gäklɩ, ɔma we Nyɔsʋa, 'ɔa nyɔsʋabibiekʋ kä 'klü.
‑Maa ɔ nʋ nyɔsʋaaplɛ ‑bɛ ɔ ‑sɛ 'imɩ, 'ɔa plɛ 'nyɩ ‑pi 'lɩ 'klɩ. Nyɔɔlɔ kä plɛ ‑piiea' 'lɩ 'klɩ nɩ, 'ɔ ‑beere 'sɩrɩ ‑fʋflʋ dɔrɔa' 'tanie 'lɩa dakë 'wʋ, ‑bɛ 'u faa' 'üün ‑plɩɩlɩ 'u ‑waa'.
Jesu nya ‑gbala 'üün: «'Ana nyɔsʋaplɛ 'nyɩ 'bʋa ‑a 'bʋa, 'ia ‑gʋ. 'Cɩcasa 'n ‑gbala 'amɩ, 'ama kä nyɔsʋaplɛ, ɛma bä dɩjɔ ‑beere mutarëdëeji nɩ, 'anya ‑taa 'dʋgbalä ‑gbalaa: ‹Sɔ ‑pɩ, mi ‑nyɛɛ!› 'Kä 'änya 'kousɔ. Dɛɛ 'nyɩ 'lɩ ‑a bä 'ɛmä 'amɩ 'nyüglö.
'I ‑sia' nɩ, Jesu nya jrä 'ɔɔn Nyɔsʋaanyuku kpaku ‑wälɩ; 'ɔnya ‑gbala 'ɔɔn: «‑Jää ‑mɔ, ‑nya 'pʋ; ‑kanyɩ nʋ ‑balʋ, ‑mɩlɩ 'mäa' ‑mɩ ‑gälɩjrä ‑pɩ 'wʋsi.»
‑Bɛ wiili Tʋlɔ blɔa' 'mɩ 'bataa' nɩ, 'iibä, 'nyɩ 'mɔlɔ ü kä 'fɩɔ 'ɔ ‑nyɩa' 'mɩ 'üa ‑tɔrʋpɩɔa 'doo; ‑maa ‑a 'ba 'üün 'kuaabre 'pläa bɩarafa 'wʋ.
'Be Nyɔsʋaa 'lɩgaglakʋ 'lɩ nɩ, 'ɔ nʋ 'iin 'plä ‑pɩ 'lɩgaglakʋ nʋ 'ä ‑pɩ 'ɔɔn jre. 'A 'ia ‑gʋ Nyɔsʋa 'daa 'papawiili a 'paaa' nɩ, 'ii 'ü 'daraa' mlüü, 'inya kä Nyɔsʋa 'tʋ 'ɔmä 'iin kälɩ ‑srörö ‑bɛ 'ɔmä 'lɩmlɩ nyüülü toroa' 'ɔɔn plɛ 'ba.
'Be a jresaa Nyɔsʋalɔ 'baa' 'Pläkänyɔɔ Jesu 'kuaabre nɩ, 'ɔnya bɩa amɔ ‑bɛ Jesu 'kuaabre 'baa, 'kä 'ɔnya amɩ ‑bɛ 'amɔ 'ɔa 'klɩsrara.
ɔ jresaa nyɔɔlɔ 'baaa' ‑balʋnyɔɔ bʋbɔnyʋfɔ mlɩ nɩ, jäjä mlɩ nyɔɔlɔ 'ba 'ɔɔn; Nyɔsʋa nya ‑balʋ 'kɔkɔmlɛ ‑wälɩ 'cɛrɛa.