Jaakë 4:11 - Kuö Dëdrä Jenɛɛsë Rutë

¹¹ 'Na ‑wlajü 'amɩ, ‑moloo 'nyɩ 'pa 'ɔa ‑molooa ‑gʋ bʋbɔwii. Nyɔɔ ma 'pa 'ɔa ‑molooa ‑gʋ bʋbɔwii nɩ, 'aiɛ ɔma ‑srɛ 'ɔa ‑moloo nɩ, ‑dɔ 'ɔ ‑srɛɛɛ. ‑Bɛ ‑ama ‑srɛ ‑dɔ nɩ, ‑kanyɩ 'ua 'lɩträäränyɔɔ ‑a bä, ‑maa ‑gätʋnyɔɔ bä.

Jaakë 4:11 Referans Kwoze

1 Piɛɛrë 2:1

'Ii känyrɩ, 'ba cɛrɛ plɛbʋbɔkʋ nyra yrʋa 'fɩɔ ‑wälɩ, ‑gbagblɛ, ‑glagälɩsrörökʋ, dɛɛnyükäkäkʋ nyra nyüüsrörökʋ.

Rɔmënyüü 2:1

'Ii känyrɩ, nyɔɔ o, ‑mɔ 'daaa' ‑mölöö, ‑nyɩ ‑gbagbawii ‑a kä; 'be ‑ama 'daa ‑na ‑mölöö nɩ, ‑na 'mʋgbɛ ‑kala dɛrɩ. ‑Mɔ 'daaa' ‑na ‑moloo nɩ, ‑na 'mʋgbɛ 'a dii 'doolü ‑nö!

Jaakë 5:9

'Na ‑wlajü 'amɩ, ‑moloo 'nyɩ 'pala ‑plɛlɩ wii 'ɔnyɩ ‑srɛ 'ɔa ‑moloo, Nyɔsʋa ‑pɩ 'ana ‑gä ‑tʋ. 'Ba tɛlɩ: ‑gätʋnyɔɔ bä nyukua 'mäklɩ.

Lukë 6:37

«'Anyɩ 'bölö 'ana ‑mölöö ‑gä ‑gälɩ, ‑gä ‑pɩ 'amɩ ‑gälɩ 'bölö. 'Anyɩ kala 'ana ‑mölöö dɛrɩ 'plɔʋ, 'a ‑pɩ 'plɔʋ dɛrɩkala; 'ba cere ‑mëa ‑balʋ Nyɔsʋa 'mä 'ana ‑balʋ cere.

1 Korɛɛntënyüü 4:5

'Ii känyrɩ 'anyɩ tɩ 'taɩnlɩ ‑trääräa' 'lɩdɛrɩ 'anyɩ ‑tʋ ‑gä. 'Ba ‑glaaa 'Pläkänyɔɔ. Diili ‑sisrea' 'jöjrüükpü 'lɩ nɩ, 'ɔnya 'iin ‑srɩ 'klɩ jaa, 'kä 'ɔnya bobowiili ‑sisrea' nyɔɔa plɛklɩ srara. 'Kä Nyɔsʋa nya nyüü 'bʋala, ‑moloo ‑bɛ 'ɔa 'bʋalakʋ.

Ɛfɛsënyüü 4:31

'Ba 'ba 'ana ‑tɔrʋpɩɔ, 'mʋgbʋgbʋɛ, 'crɛ, nyanyrakʋ, ‑jejrekʋ nyra plɛbʋbɔkʋa 'kaɩn 'kaɩn.

2 Korɛɛntënyüü 12:20

Ŋalɛ 'bla 'mɩ 'nyɩ ‑pɩ 'ana ‑nyɛɛ jikalɩ mi ‑bɛ 'nyɩ ‑pɩ 'amɩ 'klälä 'nyɩ 'bataa' a 'mlɩ jrä; 'ana 'mʋgbɛ ‑pɩ 'mɩ 'jä ‑pasasa 'sɩrɩ 'anyɩa' bobo. Ŋalɛ 'blaa 'mɩ 'nyɩ ‑pɩ 'ana ‑nyɛɛ ‑taa wiili kʋa' ‑pɩ jrä: ‑topokʋ, wasä, 'crɛ, ‑gbakɛklɛkʋ, ‑jejrekʋ, ‑gbagblɛ, bʋbɔwiia 'papakʋ nyra 'lɩcaklakʋ.

2 Timotee 3:3

‑Wawlakʋ ‑nëmä 'üün 'lɩ ‑a bä, 'ü ‑nëmä nyatɛrɩ ‑a jre, 'ünya ‑mölööa bʋbɔnyrɩ 'paa. 'Ü ‑nëmä 'üa nyufaa 'tierekʋ ‑a jre, plɛbʋbɔkʋ, 'nana wiia 'nyüamlɩjraranyüü 'ü nëmä bä.

1 Timotee 3:11

'Asɩ 'üa 'ŋlëgë kä 'ümä nyɔɔwʋbasa bä. 'Ünyɩ kä ‑a kä 'ümä ‑mölööa bʋbɔnyrɩ 'pa; ɔ kä 'ɔa nyufa, 'kä 'ɔ bä plɛtorosa wiia 'fɩɔa 'mlɩ.

Rɔmënyüü 7:7

‑Bɛ ‑asɩ anya ‑gba le? 'Kä anya 'daa ‑dɔ bä ‑balʋ? 'Klaaklä! 'Ima 'nyɩ ɩ ‑dɔa ‑gʋ ‑a bä ɩ nɩ, 'nëmä ɩ ‑balʋ ‑a jre. 'Be ‑dɔ ma 'nyɩ ɩ 'daa: «'A 'nɩ kä dɛɛnyü», 'nëmä dɛɛlɛ bäa' dɛɛnyükäkäkʋ ‑a jre.

Rɔmënyüü 2:13

‑Mää nyüülü poa' ‑dɔ 'nyakli, ‑mää 'üün 'nyɩ 'klɩgänyüü bä Nyɔsʋa 'klɔɔtrʋ. Nyüülü ‑trääräa' 'lɩ ‑dɔ nɩ, 'üü Nyɔsʋa 'dara 'klɩgänyüü.

Jaakë 1:25

‑Maa nyɔɔlɔ tɛa' Nyɔsʋaa 'mʋfa ‑dɔlʋ 'pʋɔa' nyüü 'ua 'mlɩ nɩ, ‑bɛ ɔ ‑nëmäa' 'uun dɛrɩ sɔ, 'ɔ ‑nëmäa' ‑trɔ sɔsɔ, ‑maa 'ɔmäa' 'lɩ Nyɔsʋaa ‑dɔ ‑träärä nɩ, 'ia nyɔɔlɔ, dɛɛ o dɛɛ 'ɔmäa' nʋ 'ɛnya 'lɩmlɩwʋa.

Titë 2:3

‑Gbala bɩa tagbüŋlëgë ü 'nyɛ 'sɩrɩ nyɔɔ 'nyɩa' ‑fre pa Nyɔsʋaa 'klɩ, 'ia 'sa. 'Ünyɩ 'pa 'üa ‑mölööa bʋbɔnyrɩ, 'ünyɩ bä 'nʋa ‑goou. Ü 'kpɩa nyüü wiili 'naa',

Jaakë 1:16

'Na plɛ ‑gälɩa ‑wlajü 'amɩ, 'anyɩ 'mɔlɔ 'ana nyüfë:

Jaakë 1:19

'A 'ia ‑gʋ 'na ‑wawawlajü 'amɩ 'ba jresaa: nyɔɔ kä 'ɔmä 'nyaklipo 'cɩcasa, 'ɔnyɩ 'daa 'fla 'ɔnyɩ 'pawii, 'ɔnyɩ 'daa 'fla 'ɔnyɩ ‑tʋ 'crɛ;

Jaakë 2:8

'Ama ‑träärälɩ Nyɔsʋalɔ bäa' 'kɩɩ 'ɔa ‑dɔlʋ 'daaa' ‑maa: «'Sɩrɩ ‑waa' ‑na nyufa, ‑wa 'saa ‑na ‑moloo» nɩ, 'ii 'na.

Jaakë 5:7

'Ii känyrɩ 'na ‑wlajü 'amɩ, 'ba kpʋkplɔmlɩ 'kä 'Pläkänyɔɔ jö. 'Ba 'jä 'sɩrɩ paplanyɔɔ ‑glaaa' 'ɔa papladiili bä 'ɔa plɛ. 'Mlɩ 'ɔ kpʋkplɔ ‑bɛ 'ɔ ‑glaaa' 'nʋŋlʋ kpaku nyra 'nʋŋlʋ sʋsʋa 'taɩn.

Jaakë 5:10

'Na ‑wlajü 'amɩ, dɛɛlɛ bäa' 'mlɩkpʋkplɔkʋ ‑sʋɩa 'mlɩ nɩ, 'ba 'pa nyɔsʋaamlɩpalanyüülü 'paa' Nyɔsʋaa ‑gä plɛ.