Jaakë 3:9 - Kuö Dëdrä Jenɛɛsë Rutë

⁹ 'Ɛɛ a nö ‑bɛ a 'trɛɛ ana Tʋ Nyɔsʋa. 'Ɛɛ a nö bɩa ‑bɛ a ‑tapla nyüülü Nyɔsʋa nʋa' 'ɔa 'sa.

Jaakë 3:9 Referans Kwoze

Jenɛɛsë 9:6

Nyɔɔ ma 'blaa nyɔɔ nɩ, nyɔɔ nëmä bɩa 'ɔa ‑toru 'kägblɔɔ; 'be Nyɔsʋa nʋ nyɔɔ 'ɔa 'sa.

Akëtë 2:26

'Ia ‑gʋ dɔrʋ 'si 'mɩ 'klɩ ‑bɛ 'n brɛ dɔrʋsa; 'na Nyɔsʋaa plɛgälɩpiepiekʋa ‑gʋ nɩ, 'na 'jajɛ nya 'ɔa ‑gba ‑fʋflʋ 'palaa;

Jenɛɛsë 5:1

‑Jäsɩ Adaan a 'jüa 'jüa wii nʋa' ‑sisidɛɛa ‑pɔɔkʋ. ‑Srɩlɩ kä 'mlɩ Nyɔsʋa nʋa' nyɔɔ, 'ɔa 'sa 'ɔ nʋ 'ɔɔn.

1 Korɛɛntënyüü 11:7

Nyɔɔ 'nyɩ kä ‑a kä 'ɔmä dapä 'wli ‑tʋ, 'be 'ɔɔ jajra Nyɔsʋa, 'ɔɔ bä Nyɔsʋaa 'bʋalakʋ; ‑maa 'ŋlʋʋ bä nyɔɔa 'bʋalakʋ.

Rɔmënyüü 3:14

Busukʋ nyra 'cɩcɛkäwii 'si 'üa mlɩ.

Matiö 26:74

Piɛɛrë ‑nyɩ 'iin Nyɔsʋa 'ɔnya 'sɔrɩ ‑bɛ 'ɔ ‑tapla 'ɔa nyufa: «Nyɔɔlɔ kä ‑gä 'a 'paaa' 'nyɩ 'ɔɔn jre ‑a jre.» 'Ɔ ‑ka babla dotro ‑bɛ sapɛ ‑gbe.

Matiö 5:44

‑Maa ‑jäsɩ 'n ‑gbalaa' 'amɩ nɩ, 'ba ‑wa 'ana 'nyüamlɩjraranyüü, nyüülü busua' 'amɩ, 'ba 'pa 'üün 'nɩ, ‑bɛ 'ba nʋ 'ana 'nyüamlɩjraranyüü 'cɩcagbi ‑gba, 'kä 'a bibie nyüülü nöa' 'amɩ ‑gbi ‑gba 'üa 'wli 'lɩ.

Ɛfɛsënyüü 1:3

Abɩa Nyɔsʋa 'bʋala, 'ɔɔ bä ana 'Pläkänyɔɔ Jesu 'Kriisëa Tʋ. 'Ɔ 'pa amɩ 'nɩ 'Kriisë 'lɩ, 'ɔɔ kälɩ 'ɔ ‑srörö 'ɔnya ‑nyɩ amɩ 'ɔa 'nɩpapakʋlʋa 'fɩɔ bäa' cɛa 'mlɩ.

1 Piɛɛrë 1:3

A 'bʋala Nyɔsʋa, ana 'Pläkänyɔɔ Jesu 'Kriisëa Tʋ! 'Ɔa nyatɛplɛ kpakia ‑gʋ 'ɔ ‑glooro 'sɔɔwʋ amɩ 'ɔnya 'ba Jesu 'Kriisë 'kuaabre. 'Asɩ a 'jä plɛgälɩpiepiekʋlʋ ‑nyɛɛa' 'kläa 'jäjäkʋ.

Jaakë 1:27

'Cɛcɩlɛ bäa' 'tasɩrɩa 'cɛcɩ ‑bɛ ɛnyɩa' ‑fre pa ana Tʋ Nyɔsʋa 'klɩ nɩ, 'a 'cɛcɩlɛ jöa' ‑gbokuijü nyra 'kusroŋlëgë ‑gba 'üa ‑sʋɛa 'mlɩ, ‑bɛ ɛ tʋŋlɔa' 'lɩ 'pläa 'mlɩa ‑frepadii dɛrɩ.

Jaakë 3:10

'Trɔrʋ nyra ‑taplakʋ 'cie 'mä 'dööa 'mlɩ. 'Inyɩ bäsaa, 'na ‑wlajü 'amɩ!