Jaakë 3:13 - Kuö Dëdrä Jenɛɛsë Rutë

¹³ Nyɔɔ bä 'ana ‑tɔrʋpɩɔ ɔ jre wii ‑bɛ 'ɔ ‑glalɩ ɔ srara 'imɩ plɛblösa 'ɔa 'cɩcagbia mlɩ.

Jaakë 3:13 Referans Kwoze

Galaatënyüü 5:23

‑dɔ 'nyɩ 'lɩ ‑a bä 'umä 'daa 'inyɩ 'na ‑a 'na.

Jaakë 3:17

Cɛlɩa 'lɩgaglakʋ 'nyɩ ‑fre ‑a pa, 'unyɩ 'blarʋ ‑a kä, 'u ‑plɔ. Cɛlɩa 'lɩgaglakʋ ‑träärälɩ nyüü, 'u cere nyüüa ‑balʋ, 'u 'si 'cɩcagbi 'klɩ, 'unyɩ ‑glɛglɛ ‑a, 'unyɩ 'pa nyüü mlüü 'lɩ ‑a. 'Unyɩ bä ‑glaaklɩ.

Matiö 5:5

Abɩa dɔrʋ 'bla nyüülü 'wlaa' 'lɩkä. 'Üü Nyɔsʋa nëmä 'plä jaa 'lɩ ‑nyrɛɛlɛ!

Kolɔɔsënyüü 3:12

‑Bɛ Nyɔsʋa 'baa' 'lɩ 'amɩ 'amäa' 'ɔa 'nyünanyüü nyra 'ɔa ‑wawanyüü bä nɩ, ‑bɛ 'ɔ ‑waa' bɩa 'amɩ nɩ, 'ba kä nyatɛplɛ, ‑gbinanakʋ, 'wʋcieciekʋ, plɛböblökʋ nyra 'mlɩkpʋkplɔkʋ.

1 Piɛɛrë 2:12

'Ba kä 'cɩcagbi nyüülü 'nyɩa' Nyɔsʋa jrea ‑tɔrʋpɩɔ. 'Ama nʋ 'saa nɩ, ‑gbʋgblʋʋkänyüüa 'nyrɩ 'lɩ 'ümäa' 'amɩ ‑gälɩ ‑tʋ, üma 'jä 'ana 'cɩcagbi nɩ, 'ünya Nyɔsʋaa 'nyrɩ 'bʋalaa ‑srɩlɩ kä 'mlɩ 'ɔmäa' 'üa 'kläa 'mlɩ ji.

Titë 3:2

Ünyɩ ‑jree nyɔɔ, ü ‑wa 'wlinönrökʋ, ü bä ‑pɔplɔnyüü, 'kä 'ü srara nyüüa 'fɩɔ 'sɩrɩ 'ü ‑plɔa'.

2 Timotee 2:25

'Ɔ kä ɔ 'kpɩa plɛblösa nyüülü 'ɔ nyra 'üün totroa' 'wli. Ɔma nʋ 'saa nɩ, ‑beeredɛ Nyɔsʋa 'mrɛɛ ɔ nʋ 'iin 'kä 'ünya nʋnʋgbi 'cici, 'ümä 'cɩcasa jre,

Filipënyüü 1:27

'Ba 'nyɛ nyɔɔwʋbabasa, 'sɩrɩ imäa' 'lɩ 'Kriisëa 'Mʋfagogo ‑träärä. 'Ia 'taɩn 'lɩ, ‑bakää 'n jö 'amɩ 'jää, ‑bakää 'nyɩ ‑plɩɩ bä, ‑a 'nu 'sɩrɩ 'a kʋa' bobowli 'doo 'lɩ, 'amä 'ana nyɔsʋaplɛlɛ 'Mʋfagogo ‑nyɩa' 'amɩ ‑wälɩtʋ.

1 Timotee 6:11

‑Maa ‑mɔ bäa' Nyɔsʋaa nyɔɔ nɩ, fɔlɔ 'ia 'fɩɔlʋ 'klɩ. 'Bata ‑gböösa 'klɩgägäkʋ, Nyɔsʋaa 'lɩträäräkʋ, nyɔsʋaplɛtorokʋ, ‑wawakʋ, plɛböblökʋ nyra plɛpɩpɛ.

Jaakë 2:18

‑Maa ‑moloo nya 'daa: «‑Mɔ toro Nyɔsʋa plɛ, ‑bɛ 'mɔɔ kä 'ɛa ‑gbi. Srara 'mɩ ‑na nyɔsʋaplɛtorokʋa 'kpɔ, ‑bɛ 'mɔɔlɔ nɩ, 'mä ‑mɩ 'na nyɔsʋaplɛtorokʋ srara nʋnʋgbi 'lɩ.»

1 Piɛɛrë 2:9

‑Maa 'amɔlɔ nɩ, Nyɔsʋaa 'lɩba ‑glügbö 'a bä. 'Kɩɩa 'pɛrɩnyüü 'a bä, ‑tʋtʋ ‑gälɩa ‑glügbölä kä 'nyü 'naa', nyüülü bäa' Nyɔsʋaa nyüü. 'Ɔ 'balɩ 'amɩ 'mʋfa diili 'ɔ nʋa' nɩ, 'amä 'ia ‑gogo 'sa. 'Ɔɔ 'ba 'amɩ 'jöjrüükpü 'lɩ 'ɔnya were 'amɩ 'ɔa 'cɩca 'napɛ 'lɩ.

Jaakë 1:21

'A 'ia ‑gʋ, 'ba 'pie diili kä 'fɩɔ plaa' nyɔɔ ‑fre 'lɩ nyra wiili kä 'fɩɔ bʋbɔa'. ‑Maa 'ba 'kpla plɛblösa Nyɔsʋaa 'papawiili 'ɔ plaa' 'ana plɛ ‑gälɩ, 'ii 'mrɛɛ i 'balɩ 'ana 'klä mlɩ.

1 Timotee 4:12

Nyɔɔ 'nyɩ fɛrɛ ‑na sëgbadɛɛ! Bä nyɔsʋaplɛtoronyüüa 'klɩtɛnyɔɔ, ‑na 'papawiia 'mlɩ, ‑na nʋnʋgbia 'mlɩ, ‑na ‑wawakʋ 'lɩ, ‑na ‑susu 'lɩ ‑na nyɔsʋaplɛtorokʋ 'lɩ nyra ‑na ‑fre 'klɩfɔlɔkʋ 'lɩ.

2 Korɛɛntënyüü 10:1

'Mɔɔ 'Pɔɔlë, ‑mölöö nɩnɩa ama bä 'ana ‑tɔrʋpɩɔ 'n pa sɩɔ 'na nʋnʋgbia 'mlɩ, ‑maa ama tʋŋlɔlɩ 'amɩ dɛrɩ nɩ, 'a ‑plɩɩ 'n ‑sɔɔrɔwʋ. ‑Maa 'Kriisëa plɛböblökʋ nyra 'ɔa ‑gbinanakʋ 'lɩ 'n cere 'amɩ 'iin:

Matiö 11:29

'Ba 'pie 'na ‑gblɛ ‑plɩ ‑gälɩ 'kä 'a 'cɛrɛ 'na 'kpɩkpɩakʋ ‑wälɩ 'umä 'amɩ 'tiere, 'be 'n 'wlalɩkä 'na plɛ nya 'jɔrɔ; ‑bɛ 'amä ‑fʋflʋ 'pa.

Jaakë 3:1

'Na ‑wlajü 'amɩ, nyüü 'kɔkɔmlɛ 'nyɩ bä 'ana ‑tɔrʋpɩɔ 'ünyɩ 'kpɩa nyüü nyɔsʋaawii, 'be 'a jre 'iin 'sɩrɩ amɔlɔ 'kpɩaa' ana ‑gä 'mäa' ‑srɩɩ 'wʋsɔɔrɔ.

Ɛfɛsënyüü 4:2

'Ba 'cie 'ana nyüfë 'wʋ 'taɩn a 'fɩɔ 'lɩ, 'anyɩ kä 'crɛ, 'kä 'a kpʋkplɔmlɩ, abɩa ‑moloo bɩa ‑molooa ‑gbi mlɩ ‑wawlakʋ 'lɩ.

Galaatënyüü 6:4

‑Moloo ma bälɩ ɔ 'jäjrä 'ɔa 'mʋgbɛa ‑gbi, ima kä 'ɔɔn dɔrʋ 'wʋ nɩ, ɔ ‑gbalɩ 'ɔa 'dooa ‑gʋ. ‑Maa 'ɔnyɩ 'papla 'ɔa nyufa ‑mölöö 'klɩ.

Galaatënyüü 6:1

'Na ‑wlajü 'amɩ, nyɔɔ ma nʋ ‑balʋ, ‑bɛ 'ama 'kplara 'ɔɔn ‑gälɩ nɩ, 'amɔ ‑trääräa' 'lɩ ‑Susu nɩ, 'ba 'pa 'ɔmɩ ‑tɔɔ 'lɩ plɛblösa. ‑Na 'mʋgbɛ ‑tre ‑na nyufa, ‑nyɩ ‑pɩ bɩa ‑balʋ 'lɩ blö.

2 Korɛɛntënyüü 8:24

'Ii känyrɩ, 'ba srara 'üün 'sɩrɩ 'a ‑wawlaa' 'cɛcʋa 'mlɩ, 'ümä 'saa jre ama ‑gbalɩ 'ana ‑gʋ nɩ, 'inyɩ ‑gbagblɛ ‑a bä.

Matiö 21:5

«'Ba ‑gbala Siɔɔnbätäa 'yria: ‑Jää ‑na 'kɩɩ; plɛblösa 'ɔ jö ‑na ‑nyɛɛ! ‑Sʋbrea 'jʋ ‑gälɩ 'ɔ kʋ, ‑sʋbrea 'ŋlʋʋa nɛa 'jʋ !»

1 Piɛɛrë 3:4

‑maa abɩa 'ana 'nanakʋ bä 'ana polua 'mlɩ: plɛlɛ 'naa' ɛ traraa' 'kä. 'Ia 'samaa 'nanakʋlʋ 'nyɩ bʋblɔ bʋblɔ ‑a. 'Unya kä 'peru kpaku Nyɔsʋa ‑nyɛɛ.

1 Korɛɛntënyüü 6:5

'I bä 'ana 'nyüsü, 'a 'ia ‑gʋ 'n ‑gbala 'amɩ. 'Lɩglanyɔɔ 'doo 'nyɩ 'ana ‑tɔrʋpɩɔ ‑a bä 'ɔmä ‑wlajülüa ‑gä ‑tʋ?

Matiö 7:24

«Nyɔɔ o nyɔɔ ma po ‑taa wiili 'nyakli ‑bɛ ɔma ‑träärälɩ 'imɩ nɩ, 'ɔnya ‑beere nyɔɔlɔ 'paaa' 'ɔa nyuku 'täkä ‑gälɩ.

Ebröönyüü 13:5

Möliia ‑wawakʋ 'nyɩ 'tiere 'ana nʋnʋgbi. Dɛɛlɛ 'a 'klaaa' 'ɛa 'dee 'ba tɛklɩ. 'Be Nyɔsʋaa 'mʋgbɛ nɩnɩa: 'Nëmä ‑mɩ ‑wälɩ ‑a 'cɛrɛ 'plɔʋ, 'nëmä ‑mɩ dɛrɩ ‑a sɔ 'plɔʋ .

1 Piɛɛrë 1:15

‑Maa 'ana 'nyɛnyɛbei 'nyɩ pa ‑fre, 'be Nyɔsʋalɔ wea' 'amɩ, 'ɔa 'nyüna,