Jaakë 3:1 - Kuö Dëdrä Jenɛɛsë Rutë

¹ 'Na ‑wlajü 'amɩ, nyüü 'kɔkɔmlɛ 'nyɩ bä 'ana ‑tɔrʋpɩɔ 'ünyɩ 'kpɩa nyüü nyɔsʋaawii, 'be 'a jre 'iin 'sɩrɩ amɔlɔ 'kpɩaa' ana ‑gä 'mäa' ‑srɩɩ 'wʋsɔɔrɔ.

Jaakë 3:1 Referans Kwoze

1 Timotee 1:7

'Ü 'bata 'ümä ‑dɔa 'kpɩkpɩanyüü bä. Wiili 'ü 'paaa' 'ünyɩ 'nu 'imɩ 'wli ‑a, wiili 'ü 'kpɩaa' nyüü, 'ünyɩ 'iin jre ‑a jre.

1 Piɛɛrë 5:3

'Ana 'klügälɩkäläkʋ 'nyɩ nrörö nyüülü 'ü tɩa' 'amɩ ‑gba ‑goou 'lɩ, ‑maa 'ba bä 'üa ‑gʋ ‑gälɩtɛnyüü.

1 Korɛɛntënyüü 12:28

Nyɔsʋa 'saa' 'klɩ apotrë ‑kätɩ 'ɔ ‑tʋ 'cɛcɩnyüköli, 'sɔɔa nü bä nyɔsʋaamlɩpalanyüü, tääa nü bä 'kpɩkpɩanyüü. 'Pɩrɩgälɩ ‑mülü nöa' ‑saragbi, ‑mülü ‑futoa' ‑wusublanyüü; 'pɩrɩgälɩ nɩ, nyüülü jöa' nyüü ‑gba, ü 'kamaa', nyra ‑mülü 'paaa' mlɩa wiia 'kaɩn 'kaɩn.

Matiö 23:13

«Busukʋ bä 'amɩ ‑gälɩ ‑dɔkpɩanyüü nyra Farisinyüü, ‑glagälɩsrörönyüü! 'Amɔ 'paa cɛɩɩa 'kamapläa tatu: 'ana 'mʋgbɛ 'nyɩ pa pa ‑a, 'anyɩ 'cɛrɛ bɩa ‑mülü 'bataa' papakʋ ‑wälɩ ‑a.

1 Timotee 2:7

'Abɩa 'mä 'lɩ 'iin 'sa, 'ia ‑gʋ 'ɔ nönrö 'mɩ apotrë nyra nyɔsʋaawiipanyɔɔ. 'Cɩcasa 'n 'saalɩ 'Kriisëa 'klɩ, ‑mää ‑gbagblɛ 'nyɩ kä. 'Ɔ nönrö 'mɩ apotrë 'lɩ 'mä dɛɛlɛ bäa' nyɔsʋaplɛtorokʋ nyra 'cɩcasa nyüülü 'nyɩa' juifë bä 'kpɩa.

Ɛfɛsënyüü 4:11

'A 'ɔɔ ‑nyɩ ‑mölöö apotrëdɛɛ, ‑mölöö bä nyɔsʋaamlɩpalanyüü, ‑mölöö bä 'Mʋfagogoa 'sasanyüü, ‑bɛ ‑mölöö bä 'pɛrɩnyüü ‑mölöö nya bä 'kpɩkpɩanyüü.

2 Korɛɛntënyüü 5:10

'Be ana 'fɩɔ nya 'Kriisëa 'klʋɩ 'nyüglöa 'ɔmä ana ‑gä ‑tʋ. 'Ia 'taɩn 'lɩ, 'jrʋpalä ‑moloo ‑fɛɛɛrɛa' ‑pɩ tʋtʋ ‑gälɩ ma 'na, 'aiɛ äma 'nyɩ 'na ‑a 'na, 'a 'ia 'sa 'ümä 'ɔɔn 'pɛɛ.

Ebröönyüü 13:17

'Ba ‑träärälɩ 'ana 'wliklɩa nyüü 'kä 'a 'ciewʋ 'üa 'klɩ, 'be 'üü ‑gäälä 'amɩ 'nyiöli, 'ü ‑ka nya Nyɔsʋa 'üa 'jrʋpaa ‑gogo 'sa. 'Ia 'taɩn 'lɩ 'ümä 'üa 'jrʋpa ‑fɛ dɔrʋsa, 'üa kpati ‑pɩ 'lɩ jä; 'inya ‑nëmä 'amɩ 'känyɩgla.

Lukë 16:2

'Ɔnya we 'ɔɔn 'ɔnya ‑gbala 'ɔɔn: ‹Wii 'plɛɛ ‑nö i 'n 'nööwli le? Ja ‑na möliia ‑pɔɔkɩ, 'be ‑mää ‑mɔ ‑ka ‑nëmä 'ia wiigba kälä.›

2 Timotee 1:11

'A 'Mʋfagogoläa ‑gʋ Nyɔsʋa nrörö 'mɩ 'ɔa mlɩawiipanyɔɔ 'lɩ, apotrë nyra nyüülü 'nyɩa' juifë bä 'üa 'kpɩkpɩanyɔɔ.

Jaan 3:10

'Iibäa' Jesu nɩ: «‑Mɔ bäa' 'sɔɔwʋ Israɛɛlëa 'kpɩkpɩanyɔɔ kpakö nɩ, ‑mɔ 'nyɩ 'iin jre!

Matiö 10:24

«‑Sukujʋ 'nyɩ 'ɔa 'kpɩkpɩanyɔɔ 'wʋ ‑a ‑si, 'asɩ 'jrʋpafɛnyɔɔ 'nyɩ bɩa 'ɔa 'kamanyɔɔ 'wʋsi.

Lukë 6:37

«'Anyɩ 'bölö 'ana ‑mölöö ‑gä ‑gälɩ, ‑gä ‑pɩ 'amɩ ‑gälɩ 'bölö. 'Anyɩ kala 'ana ‑mölöö dɛrɩ 'plɔʋ, 'a ‑pɩ 'plɔʋ dɛrɩkala; 'ba cere ‑mëa ‑balʋ Nyɔsʋa 'mä 'ana ‑balʋ cere.

Matiö 9:11

Farisinyüü 'jäa' 'üün nɩ, 'ünya 'bete 'ɔa 'wʋnyɛrɛnyüü ‑maa: «Dɛplɛɛ kä ‑gʋ 'ana 'kpɩkpɩanyɔɔ nyra dapookälɩpɛrɛnyüü nyra ‑balʋnyüü ‑mölöö tara 'wʋ le?»

Akëtë 13:1

Antiɔɔsëbätäa 'cɛcɩnyüüa ‑tɔrʋpɩɔ ma bä nyɔsʋaamlɩpalanyüü nyra 'kpɩkpɩanyüü, 'üü bä: Banabasë, Simeɔɔn 'ü 'daraa' bɩa 'Kpörönyɔɔ, Sirɛɛnënyɔɔ Lusiusë, Manaɛɛnlɔ nyra ‑gofɩanëma Erɔɔdë kɔsɔ 'bʋala ‑pɩɔ 'doo 'wʋ, nyra Sɔɔlë.

Jaakë 1:16

'Na plɛ ‑gälɩa ‑wlajü 'amɩ, 'anyɩ 'mɔlɔ 'ana nyüfë:

Jaakë 1:19

'A 'ia ‑gʋ 'na ‑wawawlajü 'amɩ 'ba jresaa: nyɔɔ kä 'ɔmä 'nyaklipo 'cɩcasa, 'ɔnyɩ 'daa 'fla 'ɔnyɩ 'pawii, 'ɔnyɩ 'daa 'fla 'ɔnyɩ ‑tʋ 'crɛ;

Jaakë 3:10

'Trɔrʋ nyra ‑taplakʋ 'cie 'mä 'dööa 'mlɩ. 'Inyɩ bäsaa, 'na ‑wlajü 'amɩ!

Matiö 23:14

Busukʋ bä 'amɩ ‑gälɩ ‑dɔkpɩanyüü nyra Farisinyüü, ‑glagälɩsrörönyüü! 'A bɩa 'kusroŋlëgë diia 'fɩɔ kälɩ, ‑bɛ 'ama bibie Nyɔsʋa 'a ‑wlɛlɩ ‑beere 'cɩcanyüü, nyüü 'mä ‑gʋ 'amɩ 'jäjrä. 'Ia ‑gʋ 'ana ‑gäa ‑tʋtʋkʋ nya 'lɩklaa ‑gböösa.