Jaakë 2:14 - Kuö Dëdrä Jenɛɛsë Rutë

¹⁴ 'Na ‑wlajü 'amɩ, nyɔɔ ma 'daa 'ɔ toro Nyɔsʋa plɛ, ‑bɛ ɔma 'nyɩ 'ia ‑gbia ‑a kä nɩ, 'ɔa nyɔsʋaplɛtorokʋ 'nyɩ ‑gbaa ‑a kä! 'Ia nyɔsʋaplɛtorokʋlʋ 'mrɛɛ i 'pʋɔ 'ɔmɩ?

Jaakë 2:14 Referans Kwoze

Lukë 6:49

‑Maa ‑mɔlɔ 'nööa' 'na 'papawii 'wli, ‑bɛ 'ɔnyɩ ‑träärä 'lɩ 'imɩ nɩ, 'ɔ ‑beere 'sɩrɩ nyɔɔ 'paa' nyuku, u kä ‑toko 'nyɩa' 'käsri. 'Nie ‑sia', 'ɛ jräa' 'uun ‑gälɩ nɩ, blö 'u blö dotro. ‑Srɩ 'nyɩ pa ‑a pa 'ua 'fɩɔ nya ‑gblooo 'unya bʋblɔ ‑gböösa.»

Titë 1:16

'Ü nɩnɩa 'ü jre Nyɔsʋa, ‑maa wiili 'ü nöa', 'i ‑gbala nyüü 'sɩrɩ 'i bäa' ‑gbagblɛ, 'ü bä cacɩ 'wʋ, 'ünyɩ ‑träärälɩ Nyɔsʋa ‑a ‑bɛ 'ünyɩ 'nɩmɩ 'lɩ ‑a bɩa ü nʋ 'cɩcadɛɛ 'dee.

2 Piɛɛrë 1:5

'Ii känyrɩ nɩ, 'ba 'palɩ 'klü, 'ba 'pa 'ana nyɔsʋaplɛa ‑gälɩ 'cɩca nʋnʋgbi, ‑bɛ 'cɩca nʋnʋgbia ‑gälɩ nɩ, 'ba 'palɩ wiijejrekʋ,

Jaakë 2:26

'Sɩrɩ ‑susu ma 'nyɩa' nyɔɔ ‑gälɩ bä ‑bɛ 'ɔ jäa' nɩ, 'asɩ nyɔɔa nyɔsʋaplɛtorokʋ bä bɩa ɛma 'nyɩ 'ɛa ‑gbi ‑a kä nɩ, 'ia nyɔsʋaplɛtorokʋlʋ jä.

Ebröönyüü 11:17

Abraamëa nyɔsʋaplɛtorokʋa ‑gʋ 'ɔ 'sara 'ɔa 'jʋ Isaakë ‑gbɔ 'lɩ, 'taɩn 'lɩ Nyɔsʋa tɛa' 'lɩ 'ɔɔn. 'A 'ɔa 'jʋ 'doo 'doo 'ɔ 'saa ɩ ‑bɛ Nyɔsʋa 'a 'kä Abraamë wii ‑gbala 'ɔa 'jʋlɔa ‑gälɩ,

Ebröönyüü 13:9

'Anyɩ 'cɛrɛ 'ana nyüfë ‑wälɩ nyɔɔ 'nyɩ ji 'ɔnyɩ 'kpɩa 'amɩ ‑pasa 'kpɩkpɩakʋ, u nyra ‑mulu 'a 'kpɩaa' 'nyɩa' dɛɛ 'dee bä. 'I 'na Nyɔsʋaa ‑gbinanakʋ 'mä ana polu 'klülɩpa, ‑maa ‑mää jijria ‑dɔ ‑a. 'Ia ‑dɔlʋ nɩ, 'u ‑kaapɩɔ nyüülü prɛa' 'uun dɛrɩ 'känyɩgla.

Galaatënyüü 5:6

'Be 'Kriisë Jesu 'lɩ nɩ, ‑böölö o, ‑nyɩ 'bölö o, 'inyɩ ‑gbaa ‑a kä. ‑Maa plɛtorokʋlʋ käa' 'nyrɩ ‑bɛ a ‑wawlaa', 'uu bä wii.

Jaakë 2:18

‑Maa ‑moloo nya 'daa: «‑Mɔ toro Nyɔsʋa plɛ, ‑bɛ 'mɔɔ kä 'ɛa ‑gbi. Srara 'mɩ ‑na nyɔsʋaplɛtorokʋa 'kpɔ, ‑bɛ 'mɔɔlɔ nɩ, 'mä ‑mɩ 'na nyɔsʋaplɛtorokʋ srara nʋnʋgbi 'lɩ.»

Akëtë 8:21

‑Nyɩ ‑taa wiilia 'mlɩ dɛɛ ‑a kälä; ‑nyɩ kä ‑a kä ‑mä 'nɩmɩ 'lɩ dɛɛ kälä, 'be ‑na plɛ 'nyɩ 'klɩ ‑a ‑gä Nyɔsʋaa 'klɔɔtrʋ.

Matiö 5:20

«'Amɔ 'n ‑gbala, 'ana 'klɩgägäkʋ ma 'nyɩ Farisinyüü nyra ‑dɔkpɩanyüü 'wʋ ‑a ‑si, 'a ‑nëmä Cɛɩɩa 'kamapläa 'mlɩ ‑a pa 'plɔʋ.

Titë 3:8

Wiili 'n ‑gbalaa' ‑mɩ nɩ, 'i bä 'tasɩrɩa wii, ‑bɛ 'n 'bata ‑a ‑sɔɔrɔ 'ia ‑gälɩ mɛ 'wʋ, nyüülü toroa' Nyɔsʋa plɛ 'mä 'klü 'pa 'ümä 'mʋfagbi nʋ. 'A wiili 'naa' ‑bɛ i 'mrɛɛa' 'imäa' nyɔɔ ‑gbaji.

1 Timotee 1:5

Dɛɛlɛ 'n 'batraa' wiili 'n ‑gbalaa' ‑mɩa 'mlɩ nɩ, 'ɛɛ bä ‑wawakʋlʋ sɔa' plɛlɛ 'nyɩa' ‑fre paa 'mlɩ, i sɔa' 'mʋfa bobowli 'lɩ nyra 'tasɩrɩa nyɔsʋaplɛtorokʋlʋ 'nyɩa' ‑gla 'klɩ bäa' 'lɩ.

1 Tɛsalonikënyüü 1:3

'Asɩ a bibiea' ana Tʋ Nyɔsʋa nɩ, a 'paa 'jrʋpalä 'ana nyɔsʋaplɛ ‑fɛɛɛa', 'äa ‑gä plɛ, 'ana ‑wawlakʋlʋ ‑fɛɛɛa' 'jrʋpa nyra 'ana plɛlɛ 'a 'piea' ana 'Pläkänyɔɔ Jesu 'Kriisë ‑gälɩ ɛnyɩ sɩaa'.

Galaatënyüü 5:13

'Na ‑wlajü 'amɩ, 'a ‑kapɩ ‑goou bä 'a 'ia ‑gʋ Nyɔsʋa we 'amɩ. ‑Maa 'anyɩ mala 'iin 'wʋ ‑bɛ 'anyɩ nʋ bʋbɔgbili käa' 'ana plɛ 'tʋ; 'ba jöjrö ‑gba ‑wawlasa.

1 Korɛɛntënyüü 15:2

'Ää kälɩ Nyɔsʋa ‑srörö 'ɔnya 'pʋɔ 'amɩ, 'ama 'kpla 'ään 'sɩrɩ 'n ‑gbala käa' 'amɩ, ima 'nyɩ 'saa ‑a bä nɩ, 'fëflɛsa 'a toro 'ään plɛ.

Akëtë 15:9

'Ɔnyɩ amɩ ‑tɩa ‑a 'bö, 'be 'üa nyɔsʋaplɛ 'ɔ tɛklɩ 'ɔnya kpëtä 'üa polu.

Jaakë 2:16

'kä 'ana ‑tɔrʋpɩɔa nyɔɔ 'doo 'nyɩ ‑nyɩ 'üün dɩjɔ 'doo, ‑bɛ ɔ ‑gbala 'üün ‑maa: «Abɩa 'ana fugba 'lɩ flɛrɛ, 'ba 'jä 'koti 'amä sɩɔ 'klɩ ka, 'ba 'jä ‑srɩa 'mlɩa jijrɛ 'ba jidɛɛ 'kä 'a dö!» ‑Gbaa 'plɛɛ 'ii kä le?

1 Timotee 4:8

Fʋfɔlʋ jö nyɔɔa fugba ‑gba ‑jie. ‑Maa Nyɔsʋaa 'lɩträäkʋ 'na diia 'fɩɔa ‑gʋ, 'be 'i ‑nyɛɛɛ amɩ 'klä: 'saarɩa 'klä nyra ‑srɩɩa nä.

Akëtë 8:13

Simɔɔa 'mʋgbɛ nya 'dara 'iin wii. 'Ɔ 'palaa' 'nɩ 'wli nɩ, Filipë 'ɔ prɛdɛrɩ. 'Ɔ 'jää ‑saragbia tie nyra plɛklɩkalawiili nröröa' 'i kala 'ɔɔn plɛ 'klɩ.

1 Korɛɛntënyüü 16:22

Nyɔɔ ma 'nyɩ 'Pläkänyɔɔ Jesu 'Kriisë ‑a ‑wa nɩ, ɔ busu. Maranata!

Rɔmënyüü 2:25

‑Ama nʋ wiili ‑dɔ 'daaa' nɩ, 'böbökʋ 'na. ‑Maa ‑ama 'pɩ ‑dɔ ‑gälɩ nɩ, ‑na 'böbökʋ ‑beere 'sɩrɩ ‑nyɩa' 'bölö.

Lukë 3:11

'Ɔnya ‑gbala 'üün: «‑Moloo ma 'klaa 'koti 'sɔɔ, 'ɔ ‑nyɩ ‑mɔlɔ 'nyɩa' dɛɛ 'klaa, kä ‑mɔlɔ 'klaaa' jijri nö bɩa dɛɛ 'dee.»

Jaakë 1:16

'Na plɛ ‑gälɩa ‑wlajü 'amɩ, 'anyɩ 'mɔlɔ 'ana nyüfë: