Jaakë 2:12 - Kuö Dëdrä Jenɛɛsë Rutë

¹² 'A 'ia ‑gʋ 'ama 'pawii, 'ama nʋ dɛɛ, 'ba jresaa ‑dɔlʋ 'pʋɔa', 'uu Nyɔsʋa 'mä ‑gälɩ tɛ 'ɔmä 'ana ‑gä ‑tʋ.

Jaakë 2:12 Referans Kwoze

Jaakë 1:25

‑Maa nyɔɔlɔ tɛa' Nyɔsʋaa 'mʋfa ‑dɔlʋ 'pʋɔa' nyüü 'ua 'mlɩ nɩ, ‑bɛ ɔ ‑nëmäa' 'uun dɛrɩ sɔ, 'ɔ ‑nëmäa' ‑trɔ sɔsɔ, ‑maa 'ɔmäa' 'lɩ Nyɔsʋaa ‑dɔ ‑träärä nɩ, 'ia nyɔɔlɔ, dɛɛ o dɛɛ 'ɔmäa' nʋ 'ɛnya 'lɩmlɩwʋa.

Jaakë 2:8

'Ama ‑träärälɩ Nyɔsʋalɔ bäa' 'kɩɩ 'ɔa ‑dɔlʋ 'daaa' ‑maa: «'Sɩrɩ ‑waa' ‑na nyufa, ‑wa 'saa ‑na ‑moloo» nɩ, 'ii 'na.

Kolɔɔsënyüü 3:17

‑Bɛ diili kä 'fɩɔ 'amäa' nʋ, 'papawii 'lɩ 'aiɛ 'ana nʋnʋgbia 'mlɩ nɩ, 'ba nʋ 'imɩ 'Pläkänyɔɔ Jesua 'nyrɩklɩ; 'ba ‑srörö 'ɔɔn kälɩ 'amä Nyɔsʋalɔ bäa' Tʋ 'trɛɛ.

Filipënyüü 4:8

'Na ‑wlajü 'amɩ, 'ba ‑tʋ 'ana bobowli ‑taa waklüülü kʋa' ‑pɩ ‑gälɩ: diili kä 'fɩɔ bäa' 'cɩcasa, ibäa' 'lɩträäräsa, i ‑gäa' 'klɩ, i kä 'fɩɔ 'nyɩa' ‑fre pa, i kä 'fɩɔ 'naa', diili 'wʋa' ‑wawakʋ nyra 'bʋalakʋ 'klɩ, 'ii 'ba bobo.

Lukë 4:18

'Pläkänyɔɔa ‑Susu bä 'mɩ ‑gälɩ, 'ɔnya 'balɩ 'mɩ 'mä 'pʋablanyüü 'Mʋfagogo 'sa. 'Ɔ blɔ 'mɩ 'mä nyüülü ‑kanyɩa' plɛtorofa kä plɛlɩpa ; 'mä ‑jienyüü ‑gbala 'sɩrɩ 'ü ‑kanyɩa' ‑jienyüü bä, ‑bɛ 'mä 'nɔnɔnyüü ‑gbala, 'ü 'mrɛɛ 'ü 'jäkä, 'mä nyüülü 'jääa' ‑sʋɩ, ‑sʋɩ 'lɩ 'ba .

Jaan 8:32

'kä 'anya 'cɩcasa jre, 'kä 'cɩcasa nya 'amɩ ‑geeidɛɛ ‑gälɩ 'ba.»

Galaatënyüü 6:2

'Ba jöjrögba: 'ama nʋ 'saa nɩ, 'Kriisëa ‑dɔ 'a ‑träärälɩ.