Jaakë 1:27 - Kuö Dëdrä Jenɛɛsë Rutë

²⁷ 'Cɛcɩlɛ bäa' 'tasɩrɩa 'cɛcɩ ‑bɛ ɛnyɩa' ‑fre pa ana Tʋ Nyɔsʋa 'klɩ nɩ, 'a 'cɛcɩlɛ jöa' ‑gbokuijü nyra 'kusroŋlëgë ‑gba 'üa ‑sʋɛa 'mlɩ, ‑bɛ ɛ tʋŋlɔa' 'lɩ 'pläa 'mlɩa ‑frepadii dɛrɩ.

Jaakë 1:27 Referans Kwoze

Rɔmënyüü 12:2

'Anyɩ dɔrɔ ‑taa 'plälä kʋa' ‑pɩa nʋnʋgbi 'wʋ, ‑maa 'ba 'cɛrɛ Nyɔsʋa ‑wälɩ 'ɔmä 'amɩ 'cici 'ɔmä 'amɩ bobowli dëdrä ‑nyɩ, 'amä 'tasɩrɩ wiili Nyɔsʋa 'bataa' jre: wiili 'naa', i 'mɩmrɛa' 'klɩ, nyra wiili 'naa' 'mʋfasa.

Jaakë 4:4

Bätësaa nyüü! 'Anyɩ 'saa ‑a jre 'sɩrɩ 'pläa ‑wawakʋ bäa' Nyɔsʋaa jrarakʋ? Nyɔɔ ma bä 'pläa ‑bei nɩ, Nyɔsʋaa 'nyüamlɩjraranyɔɔ 'ɔ bä.

1 Timotee 5:4

‑Maa 'kusroŋlʋʋ ma kä 'jü, 'aiɛ 'jüa 'jü, ü 'mrɛɛa' 'ümä 'ɔa ‑gä 'pa nɩ, 'ü 'kpɩa 'üa nyɔsʋaplɛa srarakʋ 'üa 'mʋgbɛa ‑gbööli, ü 'sa diili 'üa tʋɩɩ nʋa' 'üün ‑gba mlɩ. 'Be 'ii 'na 'inya kä Nyɔsʋa 'tʋ.

1 Timotee 1:5

Dɛɛlɛ 'n 'batraa' wiili 'n ‑gbalaa' ‑mɩa 'mlɩ nɩ, 'ɛɛ bä ‑wawakʋlʋ sɔa' plɛlɛ 'nyɩa' ‑fre paa 'mlɩ, i sɔa' 'mʋfa bobowli 'lɩ nyra 'tasɩrɩa nyɔsʋaplɛtorokʋlʋ 'nyɩa' ‑gla 'klɩ bäa' 'lɩ.

Lukë 1:6

Sakarii ‑bɛ 'ɔa 'ŋlʋʋ ‑gäklɩ Nyɔsʋa 'klɩ ‑gälɩ; 'ü ‑träärälɩ 'ɔa ‑dɔa 'fɩɔ, wiili 'Pläkänyɔɔ 'daaa' 'ii 'ü nö, 'ünyɩ wala dɛɛ ‑a.

Matiö 5:8

Abɩa dɔrʋ 'bla nyüülü kä plɛ ‑gälɩ 'pɔlɔa', 'be 'ünya Nyɔsʋa 'jäa.

1 Jaan 5:18

A jre 'iin, nyɔɔ o nyɔɔ bäa' Nyɔsʋaa 'jʋ nɩ, 'ɔnyɩ nʋ ‑balʋ ‑a, 'be nyɔɔlɔ bäa' Nyɔsʋaa 'jʋ nɩ, 'ɔa nyufa 'ɔ ‑gäälänyiöli Plɛbʋbɔsusu ‑pɩ 'ɔa ‑gbanʋdɛɛ kä.

Jaakë 3:17

Cɛlɩa 'lɩgaglakʋ 'nyɩ ‑fre ‑a pa, 'unyɩ 'blarʋ ‑a kä, 'u ‑plɔ. Cɛlɩa 'lɩgaglakʋ ‑träärälɩ nyüü, 'u cere nyüüa ‑balʋ, 'u 'si 'cɩcagbi 'klɩ, 'unyɩ ‑glɛglɛ ‑a, 'unyɩ 'pa nyüü mlüü 'lɩ ‑a. 'Unyɩ bä ‑glaaklɩ.

Galaatënyüü 6:14

'Mɔɔlɔ nɩ, 'nyɩ 'bata 'na nyufaa srarakʋ ‑a, ima 'nyɩ ana 'Pläkänyɔɔ Jesu 'Kriisëa krʋaa ‑gʋ ‑a bä. 'Äa ‑gʋ 'pläa 'mlɩa diia 'fɩɔ ‑beere jäjädii 'na 'klɩ. ‑Bɛ 'na 'mʋgbɛ 'n ‑beere jäjänyɔɔ 'pläa 'mlɩa diia 'klɩ.

Galaatënyüü 1:4

'Kriisëlɔ 'saa' 'ɔa 'klä ana ‑balʋa ‑gʋ, 'ɔmä amɩ ‑taa bʋbɔplälä kʋa' ‑pɩa 'klü mlɩ 'ba, 'sɩrɩ ana Nyɔsʋalɔ bäa' Tʋ 'bataa'.

Galaatënyüü 5:6

'Be 'Kriisë Jesu 'lɩ nɩ, ‑böölö o, ‑nyɩ 'bölö o, 'inyɩ ‑gbaa ‑a kä. ‑Maa plɛtorokʋlʋ käa' 'nyrɩ ‑bɛ a ‑wawlaa', 'uu bä wii.

Matiö 12:32

Nyɔɔ o nyɔɔ 'mäa' Nyɔɔa 'Jʋa ‑gʋ bʋbɔwii 'pa nɩ, 'ɔa ‑balʋ bä ceresa. ‑Maa nyɔɔ o nyɔɔ nëmäa' 'Nyüna ‑Susua bʋbɔwii 'pa nɩ, 'ia ‑balʋlʋ ‑nëmä 'ɔmɩ ‑a cere 'plɔʋplɔʋ ‑taa 'pläläa 'mlɩ, nyra 'plälä jöa' 'äa 'mlɩ.

Rɔmënyüü 2:13

‑Mää nyüülü poa' ‑dɔ 'nyakli, ‑mää 'üün 'nyɩ 'klɩgänyüü bä Nyɔsʋa 'klɔɔtrʋ. Nyüülü ‑trääräa' 'lɩ ‑dɔ nɩ, 'üü Nyɔsʋa 'dara 'klɩgänyüü.

Galaatënyüü 3:11

‑Mää ‑dɔa 'lɩträäräkʋ 'nyɩ ‑gä nyɔɔ 'klɩ Nyɔsʋaa 'klɔɔtrʋ; 'inyɩ ‑sisisekʋ ‑a kä, 'be «Nyɔɔlɔ ‑gäa' 'klɩ nɩ, 'ɔa 'klä bä nyɔsʋaplɛtorokʋ 'lɩ.»

Ɛfɛsënyüü 2:2

'Ana nʋnʋgbi nyra ‑taa 'plälä kʋa' ‑pɩa nyüü ma bäa' dɛɛ 'dee, ‑bɛ 'a ma prɛ cɛ nyra ‑tʋtʋa ‑tɔrʋpɩɔa 'klüa 'cifi dɛrɩ; 'a 'ia ‑susulu 'uu ‑fɛɛɛrɛ nyüülü 'nyɩ ‑trääräa' 'lɩ Nyɔsʋaa 'kläa 'mlɩ 'jrʋpa.

Titë 2:12

'U 'kpɩa amɩ bʋbɔgbi nyra ‑taa 'pläläa diia ‑wawakʋa ‑wälɩcɛrɛkʋ, amä ‑pɩ ‑tʋtʋ ‑gälɩ kʋ 'lɩglasa, ana 'klä 'mä 'klɩgä ‑bɛ amä 'lɩ Nyɔsʋa ‑träärä.

Jaakë 3:9

'Ɛɛ a nö ‑bɛ a 'trɛɛ ana Tʋ Nyɔsʋa. 'Ɛɛ a nö bɩa ‑bɛ a ‑tapla nyüülü Nyɔsʋa nʋa' 'ɔa 'sa.

2 Piɛɛrë 1:4

'Wliklɩbʋabʋakʋlʋ nyra 'klülüa 'mlɩ nɩ, Nyɔsʋa ‑nyɩ amɩ 'cɩcadii nyra 'perubʋadiili 'ɔ 'daa käa' 'ɔmäa' ‑nyɩ. 'Iili nɩ, 'ɔ 'bata 'a nyra Nyɔsʋa bä dɛɛ 'dee, 'amɔlɔ fɔlɔa' ‑fɛfɛdii 'klɩ 'plälä kʋa' ‑pɩa 'mlɩ dɛɛnyükäkäkʋa ‑gʋ.

2 Piɛɛrë 2:20

‑Maa ‑mülü jrea' 'Pläkänyɔɔ 'Lɩmlɩbanyɔɔ Jesu 'Kriisë nɩ, 'üma 'cɛrɛ 'pläa ‑fre ‑wälɩ, ‑bɛ üma 'cɛrɛ 'sɔɔwʋ 'ia diili ‑wälɩ 'ima kʋ 'üün ‑gälɩ nɩ, 'üa 'klä nya bʋbɔa ‑gböösa 'kä 'inya 'üa ‑kätɩdɛɛ 'wʋsi.

2 Piɛɛrë 3:14

'A 'ia ‑gʋ 'na ‑wawanyüü 'amɩ, 'a ‑glaaa' wiili nɩ, 'ba 'pa 'kpɔɔ 'amä nyüülü ‑fre 'nyɩa' 'lɩbä bä, nyüülü wii 'nyɩa' ‑gälɩ bä bä, nyüülü nyra Nyɔsʋa 'Nönröa' 'wli bä.