Jaakë 1:25 - Kuö Dëdrä Jenɛɛsë Rutë

²⁵ ‑Maa nyɔɔlɔ tɛa' Nyɔsʋaa 'mʋfa ‑dɔlʋ 'pʋɔa' nyüü 'ua 'mlɩ nɩ, ‑bɛ ɔ ‑nëmäa' 'uun dɛrɩ sɔ, 'ɔ ‑nëmäa' ‑trɔ sɔsɔ, ‑maa 'ɔmäa' 'lɩ Nyɔsʋaa ‑dɔ ‑träärä nɩ, 'ia nyɔɔlɔ, dɛɛ o dɛɛ 'ɔmäa' nʋ 'ɛnya 'lɩmlɩwʋa.

Jaakë 1:25 Referans Kwoze

Lukë 11:28

‑Maa Jesu nya ‑gbala 'ɔɔn: «Nyüülü poa' nyɔsʋaawii 'nyakli, ‑bɛ ü ‑trääräa' 'lɩ 'imɩ nɩ, 'üü ‑jɔrʋ pala!»

Jaan 13:17

'Anya 'a 'ia ‑gbaa jre ɔ, 'ama ‑träärälɩ 'iin nɩ, dɔrʋ nya 'amɩ 'blaa.

1 Piɛɛrë 2:16

'Ba 'nyɛ 'sɩrɩ 'anyɩa' dɛɛa ‑geei bä, ‑maa 'anyɩ ‑srörö 'iin kälɩ ‑bɛ 'anyɩ ‑sisie 'ana bʋbɔgbi 'a nöa', ‑maa abɩa 'ana nʋnʋgbi srara 'sɩrɩ 'a bäa' Nyɔsʋaa 'jrʋpafɛnyüü.

Jaakë 2:12

'A 'ia ‑gʋ 'ama 'pawii, 'ama nʋ dɛɛ, 'ba jresaa ‑dɔlʋ 'pʋɔa', 'uu Nyɔsʋa 'mä ‑gälɩ tɛ 'ɔmä 'ana ‑gä ‑tʋ.

Galaatënyüü 5:1

'Kriisë 'ba amɩ ‑dɔa ‑geeidɛɛ 'lɩ, a ‑ka ‑pɩ ‑geei bä. 'Ii känyrɩ 'ba ‑sɔɔrɔwʋ 'wli 'klɩ. 'A ‑kanyɩ 'nyie, nyɔɔ ‑kanyɩ 'pa 'amɩ 'cɩ.

1 Korɛɛntënyüü 15:58

'Ii känyrɩ 'na ‑wawawlajü 'amɩ, 'ba ‑sɔɔrɔwʋ, 'ba 'nyüglö nyɩbɛsa. 'Ba kpɛrɛ 'ana nyüfë 'taɩn a 'fɩɔ 'lɩ, 'amä 'Pläkänyɔɔa 'jrʋpa ‑fɛ. 'A jre 'iin 'sɩrɩ 'jrʋpalä 'a ‑fɛɛɛa' 'nyɩa' 'fëflɛsa bä.

1 Timotee 4:16

‑Tʋ ‑na nyufa nyra ‑na 'kpɩkpɩakʋ 'nyügba. Nyɔnyrɔ 'iin kälɩ ‑gböösa. ‑Ama nʋ 'saa nɩ, ‑nya 'lɩ ‑na 'mʋgbɛ nyra nyüülü poa' ‑mɩ 'nyakli mlɩ 'baa.

2 Korɛɛntënyüü 13:5

'Ba 'bete 'ana nyüfë ima 'daa nyɔsʋaplɛtoronyüü 'a bä! ‑Beeredɛ 'a jre 'iin 'sɩrɩ Jesu 'Kriisë bäa' 'amɩ 'lɩ, ‑mää 'sɩ 'inyɩ bä? 'Ama 'nyɩ 'ɔɔn plɛ ‑a toro 'iibä ‑söö.

Rɔmënyüü 11:22

‑Jää Nyɔsʋaa ‑gbinanakʋ nyra 'ɔa 'nyüamlɩflɔɔrɔkʋ: 'ɔ ‑flɔɔɔrɔ ü blöa' 'nyüa 'mlɩ, 'kä 'ɔ ‑nyɛɛ ‑mɩ 'ɔa ‑gbinanakʋ ‑ama ‑ka bä 'ɔa ‑gbinanakʋ 'lɩ. Ima 'nyɩ 'iin bä ‑a bä 'ɔnya bɩa ‑mɩ 'lɩböa.

Rɔmënyüü 8:15

‑Bɛ ‑Susulu Nyɔsʋa ‑nyɩa' 'amɩ nɩ, ‑mää ‑geeidɛɛ nyra ŋalɛ 'mä 'sɔɔwʋ 'amɩ 'blaa ‑gʋ ‑a. ‑Maa 'ɔ ‑nyɩ 'amɩ ‑Susulu nröröa' 'amɩ 'sɔrɔjü 'lɩ. 'Uu känyrɩ ‑bɛ a we Nyɔsʋa: «Aba! Tʋ!»

Galaatënyüü 2:4

‑Bɛ 'ia 'fɩɔlʋ kʋa' ‑pɩ nɩ, 'a ‑gbagblɛwlajülü palaa' ana ‑tɔrʋpɩɔ, 'üü nʋ 'imɩ. Yrʋsa 'ü prɛ amɩ dɛrɩ, 'ümä 'iin 'jä 'sɩrɩ a ‑kanyɩa' ‑goou bä Jesu 'Kriisë 'lɩ. 'Be 'ü 'bata 'ümä amɩ ‑dɔa ‑goou 'lɩnrörö.

Jaan 8:36

'Ii känyrɩ 'Jʋ ma 'ba 'amɩ ‑geeidɛɛ ‑gälɩ nɩ, 'a ‑ka ‑nëmä 'kasa ‑goou ‑a bä.

'Nyügälɩjawii 14:13

'Nyaa 'nu 'papawiili sɔa' cɛlɩ 'wli, 'inya ‑gbala 'mɩ: «‑Jɩjra: ‹'Bala 'saarɩ ‑gälɩ abɩa dɔrʋ 'bla nyüülü järäa' 'Pläkänyɔɔ 'lɩ! ‑Yɛɛ, 'asɩ Nyɔsʋaa ‑Susu ‑gba, 'be 'jrʋpalä 'ü ‑fɛa', 'ia ‑fʋflʋ 'ü 'paa ‑bɛ wiili 'ü nʋa' 'mä 'üün dɛrɩprɛ.› »

1 Timotee 2:15

‑Maa 'ɔnya 'lɩmlɩwʋa ‑guguuö 'lɩ, ɔma kʋ nyɔsʋaplɛtorokʋ nyra ‑wawakʋ 'lɩ, 'ɔa 'klä ma 'nyɩ bɩa ‑fre ‑a pa. 'Ɔnyɩ 'bata bɩa 'ɔa 'dooa 'jäjräkʋ.

Rɔmënyüü 7:12

'Ii känyrɩ, ‑dɔ 'nyɩ ‑fre ‑a pa; 'u ‑gäklɩ, 'unya 'na.

Akëtë 26:22

‑Maa Nyɔsʋa ‑gääläa' 'mɩ 'nyiöli nɩ, 'ia ‑gʋ wiili 'n jäa', 'jüplü nyra tagbüa 'klɩ 'n ‑ka 'paa 'saarɩ 'ia ‑gä. 'Nyɩ 'pa ‑pasawii ‑a ima 'nyɩ wiili nyɔsʋaamlɩpalanyüü nyra Moisë 'daaa' imäa' nrörö ‑a bä:

Akëtë 13:43

'Ü ‑gbagbaa' 'kä nɩ, juifë 'kɔkɔmlɛ nyra 'ü nʋa' juifë nɩ, 'ünya fala 'Pɔɔlë nyra Banabasë. 'Pɔɔlë nyra Banabasë nya 'pa 'üün ‑tɔɔ 'lɩ, ‑bɛ 'ü 'jrara 'üa 'klü, ü toro Nyɔsʋaa ‑gbinanakʋ plɛ.

Ebröönyüü 12:15

'Ba ‑tre 'ana nyüfë nyɔɔ 'doo ‑pɩ Nyɔsʋaa ‑gbinanakʋ wala, wasäa tigblii ‑pɩ 'ana ‑tɔrʋpɩɔ ‑gaaala, 'i ‑pɩ 'amɩ 'lɩcakla ‑bɛ 'i ‑pɩ nyüü 'kɔkɔmlɛ bʋblɔ.

Akëtë 2:42

'Ü ‑tʋʋä apotrëa 'kpɩkpɩakʋ 'nyügba, 'ü bä nyüü 'doo, 'ü ‑päplä jijri 'lɩ ‑bɛ 'ü bibrie Nyɔsʋa ‑pɩɔ 'doo 'wʋ.

'Nyügälɩjawii 22:14

Abɩa dɔrʋ 'bla nyüülü ‑trääräa' 'lɩ nyɔsʋaawii 'lɩ, 'üü nëmä tuulu ‑nyɛɛa' 'kläa 'bü ji, 'kä 'ünya bätäläa tatia mlɩ ‑srörö 'kä 'ünya pa.

1 Jaan 2:24

'Ia ‑gʋ 'amɔlɔ nɩ, abɩa wiili 'a 'nua' 'wli 'käkolofa 'wʋ kʋ 'amɩ 'lɩ. Wiili 'a 'nua' 'wli 'käkolofa 'wʋ ma kʋ 'amɩ 'lɩ nɩ, 'anya bɩa 'Jʋ nyra Tʋ 'lɩ kʋa.

Kolɔɔsënyüü 1:23

‑Maa 'a kä 'amä nyɔsʋaplɛtorokʋ 'lɩ kʋ, 'ana ‑toko kä 'ämä 'käsri ‑bɛ 'amä nyɔnyrɔ 'mʋfasa. Dɛɛlɛ 'a jrea' 'saa 'Mʋfagogo tɛrɛa' 'amɩ nɩ, 'anyɩ be 'iin ‑gälɩ 'klɩ. 'A 'nu 'ään 'wli, 'ü 'sa 'ään nyüüa 'fɩɔ ‑pɩ ‑tʋtʋ ‑gälɩ, 'mɔɔ bäa' 'Pɔɔlë nya bä 'äa 'sasanyɔɔ.

Rɔmënyüü 2:13

‑Mää nyüülü poa' ‑dɔ 'nyakli, ‑mää 'üün 'nyɩ 'klɩgänyüü bä Nyɔsʋa 'klɔɔtrʋ. Nyüülü ‑trääräa' 'lɩ ‑dɔ nɩ, 'üü Nyɔsʋa 'dara 'klɩgänyüü.

Rɔmënyüü 8:2

'Be 'Nyüna ‑Susua ‑dɔlʋ ‑nyɛɛa' 'klä 'Kriisë Jesu 'lɩ 'ba 'mɩ ‑balʋ nyra jäjäkʋa ‑dɔa mlɩ.

Galaatënyüü 6:2

'Ba jöjrögba: 'ama nʋ 'saa nɩ, 'Kriisëa ‑dɔ 'a ‑träärälɩ.