Jaakë 1:21 - Kuö Dëdrä Jenɛɛsë Rutë

²¹ 'A 'ia ‑gʋ, 'ba 'pie diili kä 'fɩɔ plaa' nyɔɔ ‑fre 'lɩ nyra wiili kä 'fɩɔ bʋbɔa'. ‑Maa 'ba 'kpla plɛblösa Nyɔsʋaa 'papawiili 'ɔ plaa' 'ana plɛ ‑gälɩ, 'ii 'mrɛɛ i 'balɩ 'ana 'klä mlɩ.

Jaakë 1:21 Referans Kwoze

Ɛfɛsënyüü 4:22

'A kä 'amä 'ana ‑kätɩsaa nʋnʋgbi nyra 'ana ‑kätɩnyɔɔlɔ käa' dɛɛnyülü ‑trɔɔrɔa' ‑wälɩ 'cɛrɛ. 'Ba 'ba 'ana ‑kätɩnyɔɔlɔ, ɔ bʋblɔa' 'ana 'klä ‑gba.

Ɛfɛsënyüü 1:13

'Ana 'mʋgbɛ 'a toro 'Kriisë plɛ. 'A 'nua' 'cɩcasalä bäa' 'Mʋfagogolä 'baaa' 'lɩ 'amɩ mlɩ nɩ, 'a toro 'Kriisë plɛ, Nyɔsʋa nya ‑tʋ 'amɩ tie nyüü 'mä 'saa jre 'sɩrɩ 'a bäa' 'ɔa nü. Tielɛ nɩ, 'ɛɛ bä 'Nyüna ‑Susulu 'ɔ 'daa käa' 'ɔmäa' amɩ ‑nyɩ.

1 Piɛɛrë 2:11

'Na ‑wawanyüü 'amɩ, 'amɔ bäa' nyɔtugbanyüü ‑taa ‑tʋtʋlʋa ‑gälɩ jrüü jiea ‑gʋ, 'n bibie 'amɩ, 'ba 'cɛrɛ bʋbɔgbili 'a 'bataa' ‑wälɩ; 'ii nyra 'ana ‑susu ‑fuuö tou.

Jaan 6:63

‑Susu 'uu ‑nyɛɛɛ nyɔɔ 'klä, 'jajɛ 'nyɩ dɛɛ ‑a bä. Wiili 'n ‑gbalaa' 'amɩ 'i bä ‑susu nyra 'klä.

1 Piɛɛrë 2:1

'Ii känyrɩ, 'ba cɛrɛ plɛbʋbɔkʋ nyra yrʋa 'fɩɔ ‑wälɩ, ‑gbagblɛ, ‑glagälɩsrörökʋ, dɛɛnyükäkäkʋ nyra nyüüsrörökʋ.

Ebröönyüü 12:1

‑Bɛ 'ia 'samaa' nyüü 'kɔkɔmlɛlü sraraa' 'üa nyɔsʋaplɛtorokʋ traraa' amɩ 'klɩ ‑beere ‑gbru nɩ, 'a 'ia ‑gʋ ana 'mʋgbɛ a 'ba ana ‑gba diili kä 'fɩɔ 'mrɛɛa' imäa' amɩ 'nyʋfɔ ka, nyra ‑balʋlʋ traraa' amɩ 'klɩ sɔsɔ! A ‑sɔɔrɔwʋ a fɔ fʋfɔlʋlʋ bäa' ana 'klɔɔtrʋ.

Jaakë 4:8

'Ba jijrö Nyɔsʋa ‑gba, ‑bɛ 'ɔmä 'amɩ ‑gbajijrö. ‑Balʋnyüü 'amɩ, 'ba 'wʋ ‑fre 'lɩ; 'ba kpëtä 'ana polu, 'amɔ käa' polu 'sɔɔ!

Titë 2:11

'Be Nyɔsʋaa ‑gbinanakʋlʋ 'baaa' 'lɩ nyɔɔ mlɩ nɩ, 'uu srara 'ua nyufa nyüüa 'fɩɔ 'klɩ.

Rɔmënyüü 1:16

'Be 'nyɩ 'Mʋfagogolä 'paaa' 'Kriisëa ‑gäa 'sasakʋa 'nyüsü ‑a kä. 'Ää bä Nyɔsʋaa 'klülü 'ɔ ‑sröröa' kälɩ ‑bɛ 'ɔ 'pʋɔa' nyɔɔ o nyɔɔ toroa' 'ɔɔn plɛ: kolo juifë ‑gälɩ 'kä, ‑a jrä ünyɩa' juifë bä ‑gälɩ.

Ebröönyüü 4:2

'Be a 'nu bɩa 'mʋfagogolä 'wli ‑beere ana tʋɩɩ. ‑Maa 'papawiili 'ü 'nua' 'wli nɩ, 'inyɩ 'üün dɛɛ ‑gba ‑a nʋ, 'be nyüülü 'nua' 'iin 'wli nɩ, 'ünyɩ 'iin nyɔsʋaplɛtorosa ‑a 'kpla.

Ebröönyüü 2:3

‑Asɩ anya 'pɔnɩkʋ mlɩ sɔ ama 'nyɩ 'kpla 'mʋfasa 'samaa 'lɩmlɩwʋwʋkʋ kpakulua wii ‑ale? 'Be 'Pläkänyɔɔ ‑kätɩ ‑gbala amɩ 'lɩmlɩwʋwʋkʋlʋa ‑gä, 'fɩɔwʋ ‑mülü 'nua' 'iin 'wli nya ji 'sɔɔwʋ amɩ 'iin ‑gbala.

1 Korɛɛntënyüü 15:2

'Ää kälɩ Nyɔsʋa ‑srörö 'ɔnya 'pʋɔ 'amɩ, 'ama 'kpla 'ään 'sɩrɩ 'n ‑gbala käa' 'amɩ, ima 'nyɩ 'saa ‑a bä nɩ, 'fëflɛsa 'a toro 'ään plɛ.

Rɔmënyüü 6:17

‑Maa a 'trɛɛ Nyɔsʋa, 'amɔ ma bäa' ‑balʋa ‑goou, 'a nʋ 'ana plɛ 'anya ‑träärälɩ 'kpɩkpɩakʋlʋ Nyɔsʋa ‑nyɩa' 'amɩ.

Jaan 6:68

'Iibäa' Simɔɔ Piɛɛrë nɩ: «'Pläkänyɔɔ, nyɔɔ 'plɛɛ kä ‑nyɛɛ anya ‑plɩɩ mi le? ‑Na mlɩa wii ‑nyɛɛ 'klälä 'nyɩa' blöröfa kä.

1 Tɛsalonikënyüü 2:13

'A 'ia ‑gʋ a 'trɛɛ Nyɔsʋa 'plɔʋplɔʋ, 'be a ‑gbalaa' 'amɩ nyɔsʋaawii. 'Anyɩ 'iin 'kpla ‑a 'kpla ‑beere nyɔɔa dɛtɛdɛtʋ, ‑maa 'sɩrɩ 'i bäa' 'tasɩrɩa Nyɔsʋaa wii nɩ, 'asɩ 'a 'kpla 'iin. ‑Bɛ 'ia 'mʋgbɛ ‑fɛɛɛrɛ 'ana 'kläa 'mlɩ 'jrʋpa; 'amɔ toroa' Nyɔsʋa plɛ.

2 Korɛɛntënyüü 7:1

'Na ‑wawanyüü 'amɩ, 'be Nyɔsʋa nɩnɩa 'ɔnya 'ia 'fɩɔlʋ nʋa ana ‑gʋ. 'Ii känyrɩ, diili kä 'fɩɔ plaa' ana fugba nyra bobowli ‑fre nɩ, a 'ba 'iin ana ‑gba, a 'pa ana nyüfë 'klü 'lɩ ‑fre ‑pɩ amɩ 'lɩbä, 'kä a pɩɛ Nyɔsʋa.

Akëtë 13:26

«'Na ‑wlajü 'amɩ, 'amɔ bäa' Abraamëa 'jü nyra 'amɔ ‑trääräa' 'lɩ Nyɔsʋa: 'amɔ Nyɔsʋa ja 'papawiili 'baaa' 'lɩ nyüü mlɩ.

1 Piɛɛrë 1:9

'Be dɛɛlɛ 'ana nyɔsʋaplɛ 'bata ɩa' 'ɛɛ 'a 'jää: 'iibä 'ana ‑sisi nya 'lɩmlɩwʋa.

Rɔmënyüü 11:17

'Ii känyrɩ katë ‑mülü ma 'bölö nɩ, ‑bɛ ‑mɔ oliivëtuu ‑gaa' 'klʋɛɛ 'lee, 'üa ‑pi 'lɩ 'ü 'ma ‑mɩ 'kä, ‑bɛ ‑jää oliivëtuua tigbliia 'nɩ.

Akëtë 10:33

'A ‑plɩɩ 'n kʋ dotro 'nyaa blɔ nyüü ‑na ‑nyɛɛ. ‑Bɛ ‑jia' nɩ, 'i 'na. 'Ii känyrɩ, ana 'fɩɔ bä ‑pɩ Nyɔsʋaa 'klʋɩ amä ‑mɩ 'nyaklipo; wiili kä 'fɩɔ 'Pläkänyɔɔ ‑gbalaa' ‑mɩ ‑mä amɩ 'iin ‑gbala.»

Matiö 5:5

Abɩa dɔrʋ 'bla nyüülü 'wlaa' 'lɩkä. 'Üü Nyɔsʋa nëmä 'plä jaa 'lɩ ‑nyrɛɛlɛ!

1 Tɛsalonikënyüü 1:5

'be 'Mʋfagogolä a 'saraa' 'lɩ 'amɩ nɩ, 'änyɩ 'fʋflɛ ‑gogo ‑a bä, ‑maa 'Nyüna ‑Susua 'klü bä 'lɩ, anya 'suru 'sɩrɩ 'i bäa 'cɩcasa; 'be 'a 'jä 'sɩrɩ a 'nyɛrɛa' 'ana ‑tɔrʋpɩɔ, 'ia 'fɩɔlʋ nɩ 'ana 'cɩcasaa ‑gʋ.

Ɛfɛsënyüü 5:4

'Papawiili bebea' nyüü cɛlɩ, mlüüpawii nyra bʋbɔ ‑gbanyrüü 'nyɩ bä 'ana ‑tɔrʋpɩɔ! 'Ba kä Nyɔsʋaa 'tɛtrɛɛkʋa 'doo.

Ɛfɛsënyüü 4:25

'Ii känyrɩ 'ba 'pie ‑gbagblɛ! ‑Moloo ma bälɩ ɔ 'saralɩ 'ɔa ‑moloo 'cɩcasa, 'be anya 'a nyüü 'doo bä.

Jaakë 5:20

ɔ jresaa nyɔɔlɔ 'baaa' ‑balʋnyɔɔ bʋbɔnyʋfɔ mlɩ nɩ, jäjä mlɩ nyɔɔlɔ 'ba 'ɔɔn; Nyɔsʋa nya ‑balʋ 'kɔkɔmlɛ ‑wälɩ 'cɛrɛa.

1 Piɛɛrë 1:22

Nyɔsʋaa ‑Susu 'lɩ 'a ‑träärälɩ 'cɩcasa ‑bɛ 'ana ‑sisi kpëträ 'amä ‑wawla 'tasɩrɩasa ‑beere ‑wlajü. 'Ii känyrɩ, 'ba nʋ 'nyünaplɛ 'ba ‑wawla 'tasɩrɩasa.