Jaakë 1:18 - Kuö Dëdrä Jenɛɛsë Rutë

¹⁸ 'Ɔ ‑srörö 'ɔa 'papawiili bäa' 'cɩcasa 'lɩ 'ɔnya ‑gu amɩ, amä 'ɔa nʋnʋdiia 'fɩɔa 'wliklɩa nü bä.

Jaakë 1:18 Referans Kwoze

1 Piɛɛrë 1:23

'Anya 'a 'sɔɔwʋ ‑glooro, ‑bɛ 'sɔɔwʋa ‑gloorokʋlʋ nɩ, 'unyɩ dɛɛlɛ nëmäa' jäa ‑gugudɛɛ ‑a bä, ‑maa dɛɛlɛ 'nyɩ jäa', 'ɛa ‑gugukʋ bäsaa: 'iibä Nyɔsʋaa 'papawiili ‑nyɛɛa' nyɔɔ 'klälä 'nyɩa' blöröfa kä.

Jaan 1:13

‑Mää 'sɩrɩ nyɔɔ ‑guuöa' 'jʋ, ‑mää 'sɩ 'ünyɩ Nyɔsʋa 'jü bä, ‑mää nyɔɔa plɛ 'klɩa wii ‑a, ‑mää nyɔɔa 'jrʋpa ‑a, ‑maa Nyɔsʋa 'ɔɔ nrörö 'üün 'ɔa 'jü 'lɩ.

1 Piɛɛrë 1:3

A 'bʋala Nyɔsʋa, ana 'Pläkänyɔɔ Jesu 'Kriisëa Tʋ! 'Ɔa nyatɛplɛ kpakia ‑gʋ 'ɔ ‑glooro 'sɔɔwʋ amɩ 'ɔnya 'ba Jesu 'Kriisë 'kuaabre. 'Asɩ a 'jä plɛgälɩpiepiekʋlʋ ‑nyɛɛa' 'kläa 'jäjäkʋ.

'Nyügälɩjawii 14:4

'Üülü nɩ, 'ünyɩ ‑fre ‑a pa, 'be 'ü ‑kaaŋlʋ 'ŋlʋʋ jre. 'Üü nyra ‑Bablëëjʋ 'sɔ mö ‑plɩɩlɩ kä 'fɩɔ 'ɔ möa'. 'Üü ‑srooro nyüüa ‑tɔrʋpɩɔ, 'ümä nyüülü ‑kätɩ ‑nyrɛɛlɛa' Nyɔsʋa nyra ‑Bablëëjʋ kälɩ bä.

Ɛfɛsënyüü 1:12

'kä Nyɔsʋa 'mä 'bʋala ana ‑gʋ, amɔlɔ ‑kätɩ toroa' 'Kriisë plɛ.

1 Jaan 3:9

Nyɔɔ o nyɔɔ bäa' Nyɔsʋaa 'jʋ nɩ, 'ɔnyɩ nʋ ‑balʋ ‑a, 'be Nyɔsʋaa 'pɛ bä 'ɔɔn 'lɩ. 'Ɔ ‑kanyɩ 'lɩ ‑a bɩa ɔ nʋ ‑balʋ, 'be Nyɔsʋaa 'jʋ 'ɔ bä.

Ebröönyüü 12:23

'Anya jijrö ‑kätɩjülü känyrɩ ‑jɩjraa' cɛɩɩa 'mlɩ ‑gba 'üa ‑glɩsɩglɩsɩ 'lɩ. 'Anya jijrö Nyɔsʋalɔ bäa' nyüüa 'fɩɔa ‑gätʋnyɔɔ ‑gba. 'A jijrö nyüülü kä ‑sisi ‑gäläa' 'klɩ ‑bɛ i jräa' 'wli ‑gba.

Jaakë 1:21

'A 'ia ‑gʋ, 'ba 'pie diili kä 'fɩɔ plaa' nyɔɔ ‑fre 'lɩ nyra wiili kä 'fɩɔ bʋbɔa'. ‑Maa 'ba 'kpla plɛblösa Nyɔsʋaa 'papawiili 'ɔ plaa' 'ana plɛ ‑gälɩ, 'ii 'mrɛɛ i 'balɩ 'ana 'klä mlɩ.

1 Korɛɛntënyüü 4:15

‑Bakää nyüülü 'kpɩaa' 'amɩ 'Kriisëa plɛtorokʋa ‑srɩ 'nyɩ ‑pɛ nɩ, 'anyɩ tʋɩɩ 'kɔkɔmlɛ ‑a kä. 'Mɔɔ bä 'ana tʋ 'Kriisë Jesu 'lɩ, 'be 'mɔɔ 'saralɩ 'amɩ 'Mʋfagogo.

Rɔmënyüü 4:17

'sɩrɩ 'i ‑jɩjraa' nyɔsʋapɔɔkʋ 'lɩ ‑maa: «'N nrörö ‑mɩ 'plä 'kɔkɔmlɛa tʋ 'lɩ.» Abraamë bä ana tʋ Nyɔsʋalɔ 'ɔ toroa' plɛa 'klɔɔtrʋ. 'A Nyɔsʋalɔ tɛrɛa' jäjänyüü 'kä ‑bɛ ɔ wea' diili ‑kaapɩɔa' 'plä 'wʋ bä ‑bɛ ibäa' 'plä 'wʋ.

2 Korɛɛntënyüü 6:7

'cɩcasaa 'papawiia 'mlɩ, Nyɔsʋaa 'klüa 'mlɩ. A srara bɩa 'iin 'klɩgägäkʋa 'mlɩ i ‑beere tafudɛɛ amä tou ‑fu ‑bɛ ana 'mʋgbɛ 'mä ana 'wli 'lɩa ‑gbi 'ba;

Ɛfɛsënyüü 1:13

'Ana 'mʋgbɛ 'a toro 'Kriisë plɛ. 'A 'nua' 'cɩcasalä bäa' 'Mʋfagogolä 'baaa' 'lɩ 'amɩ mlɩ nɩ, 'a toro 'Kriisë plɛ, Nyɔsʋa nya ‑tʋ 'amɩ tie nyüü 'mä 'saa jre 'sɩrɩ 'a bäa' 'ɔa nü. Tielɛ nɩ, 'ɛɛ bä 'Nyüna ‑Susulu 'ɔ 'daa käa' 'ɔmäa' amɩ ‑nyɩ.

2 Timotee 2:15

'Pa 'kpɔɔ ‑mä Nyɔsʋa 'tʋkä ‑beere 'mʋfa 'jrʋpafɛnyɔɔ 'nyɩa' 'nyüsü kä ‑bɛ ɔ 'kpɩaa' nyüü 'mʋfasa 'papawiili bäa' 'cɩcasa.

Jaakë 1:15

Bobowiili ma mi ‑gu nɩ, 'ii ‑guuö ‑balʋ; ‑balʋ ma nyaa' 'tɔ nɩ, 'u ‑guuö jäjäkʋ.

Jaakë 3:14

‑Maa ana plɛ ‑gälɩ ma 'si 'cɩcɛwasä nyra ‑gbakɛklɛkʋ nɩ, 'ana 'mʋgbɛ 'nyɩ 'pa 'ana 'cɩcanyrɩ ‑a. 'Anyɩ bʋblɔ 'cɩcasaa 'nyrɩ.