Jaakë 1:14 - Kuö Dëdrä Jenɛɛsë Rutë

¹⁴ ‑Maa nyɔɔa ‑balʋwiili 'ɔ boboa', 'ii 'tutro 'ɔɔn ‑balʋ 'lɩ.

Jaakë 1:14 Referans Kwoze

Ɛfɛsënyüü 4:22

'A kä 'amä 'ana ‑kätɩsaa nʋnʋgbi nyra 'ana ‑kätɩnyɔɔlɔ käa' dɛɛnyülü ‑trɔɔrɔa' ‑wälɩ 'cɛrɛ. 'Ba 'ba 'ana ‑kätɩnyɔɔlɔ, ɔ bʋblɔa' 'ana 'klä ‑gba.

Matiö 15:18

‑Maa wiili sɔa' plɛ ‑gälɩ 'ii jara mlɩ, 'a 'ii pla nyɔɔ ‑fre 'lɩ.

Ebröönyüü 3:13

Nyɔsʋa ka we 'amɩ «'saarɩ.» 'A 'ia ‑gʋ 'ba 'papla 'klü 'lɩ ‑srɩ o ‑srɩ, 'a ‑pɩ 'nyakliwlisu, ‑balʋ ‑pɩ 'amɩ mlüülɩpa.

Rɔmënyüü 7:13

‑Bɛ dɛɛlɛ 'naa' nɩ, 'ɛɛ bä 'na ‑gʋ jäjäkʋ? 'Klaaklä! ‑Balʋ 'uu ja jäjä. Nyüüa 'fɩɔ 'mä 'saa jre ‑balʋ bä ‑balʋ, 'u ‑srörö 'cɩcasa kälɩ 'umä 'mɩ jäjä ‑nyɩ. 'Asɩ ‑dɔ nʋ 'unya srara 'sɩrɩ ‑balʋa bʋbɔkʋ ‑sesrea' ‑gbʋgbʋmäklɛ.

Matiö 5:28

‑Maa ‑jäsɩ 'n ‑gbalaa' 'amɩ: Nyɔɔ o nyɔɔ tɛa' 'ŋlʋʋ 'klɩ ‑bɛ ɔ 'bataa' 'ɔɔn 'ɔa plɛklɩ nɩ, 'ɔ 'a bätësa 'pa.

Rɔmënyüü 7:11

'Be ‑dɔ kälɩ ‑balʋ ‑srörö 'unya ‑trɔɔrɔ 'mɩ, 'ua ‑gʋ ‑balʋ nya 'bla 'mɩ.

Matiö 15:20

‑Jää ‑gbili plaa' nyɔɔ ‑fre 'lɩ! ‑Maa ‑nyɩ su wlu ‑bɛ ‑a jidɛɛ nɩ, ‑mää 'iin 'nyɩ pla nyɔɔ ‑fre 'lɩ.»

Jenɛɛsë 6:5

Yawe 'jäa' nyüü ‑bɛ 'ü nöa' ‑balʋ 'kɔkɔmlɛ ‑tʋtʋ ‑gälɩ, ‑bɛ wiili kä 'fɩɔ 'üa plɛ boboa' falaa' ‑balʋa 'dooa 'pɛlɩ nɩ,

Jenɛɛsë 8:21

Yawe nya 'kʋɛɛ ɩa' 'mʋfa 'nɔnʋ, 'ɔa plɛklɩ 'ɔ ‑nëma: «'N ‑ka ‑nëmä ‑tʋtʋ ‑a busu nyɔɔa ‑gʋ, 'be kolo 'ɔa ‑sëgbadɛɛ 'lɩ 'kä nɩ, wiili 'ɔa plɛ 'bataa' 'i bʋbɔ. 'N ‑ka ‑nëmä diili kä 'fɩɔ bäa' 'lɩ ‑a ‑gblooo, ‑beere 'sɩrɩ 'n nʋa' ‑plɩɩ.

Jenɛɛsë 3:6

'Ŋlʋʋ 'jäa' 'sɩrɩ tuulua 'bö 'naa jijikʋa ‑gʋ, ‑bɛ 'u 'naraa' 'nyü ‑gälɩ, ‑bɛ 'u 'naa' wiijejrekʋa ‑nyɩnyɩkʋa ‑gʋ nɩ, 'ɔnya dɔrɔ 'ua 'bö 'wʋ 'ɔnya jidɛɛ, 'ɔnya ‑nyɩ bɩa 'ään 'ɔa dʋɔlɔ bäɩa' 'ɔa ‑gba, 'ɔnya ji 'ään.

Matiö 4:1

'I ‑sia' nɩ, Nyɔsʋaa ‑Susu nya fa Jesu ‑aaga 'lɩ Sataan 'mä 'ɔɔn 'traɩn.

Jaakë 1:13

‑Molooa plɛ ma 'tutro 'ɔɔn ‑balʋ 'lɩ, 'ɔnyɩ 'daa ‑maa: «Nyɔsʋa 'tutro 'lɩ 'mɩ.» 'Be ‑balʋ 'nyɩ 'lɩ ‑a bɩa u 'tuto Nyɔsʋa. Nyɔsʋalɔ nɩ, 'ɔnyɩ 'tutro nyɔɔ ‑balʋ 'lɩ ‑a.

Jaakë 1:15

Bobowiili ma mi ‑gu nɩ, 'ii ‑guuö ‑balʋ; ‑balʋ ma nyaa' 'tɔ nɩ, 'u ‑guuö jäjäkʋ.