Jaakë 1:12 - Kuö Dëdrä Jenɛɛsë Rutë

¹² Abɩa dɔrʋ 'bla nyɔɔlɔ ‑sɔɔrɔa' 'wʋ ‑sʋɩa 'mlɩ. Ɔma 'nyɩ fɔlɔ ‑sʋɩ 'klɩ ‑a nɩ, 'ɔnya 'pɛɛrɛa: 'ɛɛ bä 'klälä 'Pläkänyɔɔ 'daaa' 'ɔmäa' nyüülü ‑waa' 'ɔɔn ‑nyɩ.

Jaakë 1:12 Referans Kwoze

1 Piɛɛrë 5:10

‑Maa 'ana ‑sʋɩ ‑nëmä 'lɩ ‑a ‑wlɛ, Nyɔsʋalɔ käa' ‑gbinanakʋa 'fɩɔ, ɔ werea' 'amɩ 'ɔa 'wliklɩbʋabʋakʋlʋ 'nyɩ bɩaraa' Jesu 'Kriisë 'lɩ nɩ, 'ɔnya 'amɩ 'naraa. 'Ɔnya 'amɩ nyɔnyrɔa, 'ɔnya 'amɩ 'wʋsɔɔrɔa, 'kä 'ɔnya 'amɩ 'wʋsɔɔrɔa nyɔɔ ‑pɩɔ 'amɩ käkpa.

'Nyügälɩjawii 2:10

‑Sʋɩlɩ ‑nëmäa' 'jä 'nyɩ kä ‑mɩ ŋalɛ 'wʋ. Ponyakli. Sataan nya 'amɩ 'traɩn a: 'ɔnya 'ana ‑tɔrʋpɩɔa ‑mölöö 'kplaa kä 'ɔnya 'üün ‑jie 'lɩ 'pa, 'kä 'anya ‑sʋɩ 'jä ‑kpraalɩa jrüü ‑pʋ. ‑Maa ‑sɔɔrɔwʋ ‑bakää 'ünyɩ 'bla ‑mɩ, ‑bɛ 'mä ‑mɩ 'kläa 'wlugbö ‑nyɩ.

Jaakë 5:11

'A 'ia ‑gʋ a nö: «A dɔrʋ 'bla ü kpʋkplɔa' 'mlɩ.» 'A 'nu 'sɩrɩ Jɔɔbë kpʋkplɔa' 'mlɩ, 'anya 'jä 'sɩrɩ 'Pläkänyɔɔ nʋa' 'ɔa ‑sʋɩa bɩarafa 'wʋ. 'Pläkänyɔɔ 'si ‑wawakʋ nyra nyatɛrɩ 'klɩ.

Rɔmënyüü 8:28

‑Bɛ a jre 'iin 'sɩrɩ wiili kä 'fɩɔ jräa' nyüülü ‑waa' Nyɔsʋa ‑bɛ ü werea' 'sɩrɩ 'ɔ ‑waa' ‑gälɩ nɩ, Nyɔsʋa ‑nyɩgla 'iin 'kä 'imä 'na 'üa ‑gʋ.

Matiö 10:22

Nyüüa 'fɩɔ nëmä 'amɩ 'nyüamlɩjraraa 'na 'nyrɩa ‑gʋ, ‑maa nyɔɔlɔ ‑nëmäa' 'iin 'klɩfɔlɔ, ɔmäa' 'ia bɩarafa 'wʋ 'tɔ nɩ, 'ɔnya 'lɩmlɩwʋa.

1 Korɛɛntënyüü 9:25

Fɔfɔnyüüa 'fɩɔ 'paa plɛ mlɩ wiia 'fɩɔ 'lɩ. 'Ü nöa' 'imɩ nɩ, 'ümä 'pɛpɛɛdɛɛlɛ 'nyɩ ‑wlɛa' 'lɩ fa, ‑maa amɔlɔ nɩ, a nö 'imɩ amä 'pɛpɛɛdɛɛlɛ ‑wɩaraa' fa.

1 Piɛɛrë 3:14

‑Maa ‑bakää 'a nö 'cɩcagbi ‑bɛ ‑sʋɛ ma jrälɩ 'amɩ nɩ, abɩa dɔrʋ 'bla 'amɩ! Nyüü ma ‑guua 'amɩ 'inyɩ kä 'amɩ ŋalɛ 'wʋ.

2 Timotee 4:8

'Bala 'saarɩ ‑gälɩ nɩ, 'klɩgä 'wlugbölä 'ümäa' 'mɩ ‑nyɩ nɩ, 'mɔɔ 'ä ‑glaaa. 'Pläkänyɔɔlɔ ‑gäa' 'klɩ ɔ ‑tʋʋäa' ‑gä, nya 'mɩ 'ään ‑nyɩa 'ia ‑srɩlɩa 'mlɩ. ‑Bɛ ‑mää 'na 'doo ‑a, nyüülü kä 'fɩɔ ‑waa' 'ɔɔn ü ‑glaaa' bɩa 'ɔa jijisrɩ bä bɩa 'lɩ.

Jaakë 2:5

'Ba ponyakli 'na plɛ ‑gälɩa ‑wlajü 'amɩ: ‑mää nyüülü 'plä 'daraa' 'pʋablanyüü nɩ, ‑mää 'üün Nyɔsʋa 'nyɩ 'lɩba 'kä 'üa 'bɩɔ 'mä nyɔsʋaplɛtorokʋ bä, ‑bɛ 'ɔa 'plälä 'ɔ tɛrɛa' nyüülü ‑waa' 'ɔɔn, 'ümä 'äa ‑jaaa ji?

1 Piɛɛrë 5:4

'Ia 'taɩn 'lɩ ‑bablëëgbanyɛrɛnyüüa 'cifi kpakö ma 'tɔ nɩ, 'ɔnya 'amɩ 'kɩɩa 'wlugbölä plöa' ‑bɛ änyɩ bɩaa' 'klɩ ‑nyɩa.

1 Korɛɛntënyüü 2:9

‑Maa 'i ‑jɩjra nyɔsʋapɔɔkʋ 'lɩ 'kä: Dɛɛlɛ 'nyiö 'nyɩa' 'jä, ɛ 'nyaklu 'nyɩa' 'wli 'nu, ‑bɛ wiili 'nyɩa' nyɔɔa plɛklɩ ji, Nyɔsʋa ‑ëlere 'ia 'fɩɔ nyüülü ‑waa' 'ɔɔn, 'üa ‑gʋ .

'Nyügälɩjawii 3:21

Nyɔɔlɔ nëmäa' 'wʋsi nɩ, 'nyraa 'ɔɔn nya 'na 'kɩɩkpata ‑gälɩ kʋa, 'sɩrɩ 'na 'mʋgbɛ ‑sia' 'wʋ ‑bɛ 'n mia' ‑bɛ 'mɔɔ ‑bɛ 'na Tʋ kʋa' 'ɔa 'kɩɩkpata ‑gälɩ.

1 Piɛɛrë 4:13

‑Maa abɩa dɔrʋ 'bla 'amɩ ‑sʋɩlɩ 'a 'jääa' 'Kriisëa ‑gʋ. 'Ia 'taɩn 'lɩ dɔrʋ nya 'amɩ 'klɩ 'sia 'taɩn 'lɩ 'ɔmäa' ‑srɩɩ ji 'ɔa 'wliklɩbʋbʋakʋ 'lɩ.

1 Korɛɛntënyüü 8:3

‑Maa nyɔɔ ma ‑wa Nyɔsʋa, 'a nyɔɔlɔ Nyɔsʋa jrea'.

'Nyügälɩjawii 3:19

Nyüülü kä 'fɩɔ 'n ‑waa' nɩ, 'n 'daa 'üün 'kä 'n bɔtɔ 'üün. 'Ii känyrɩ, ‑srara 'sɩrɩ ‑fumöa' 'na ‑gʋ 'kä ‑toro 'lɩ ‑balʋ ‑gälɩ.

Ebröönyüü 10:32

‑Maa 'ba 'pa wiili 'a 'jä käa' plɛ. 'A 'jäa' Nyɔsʋaa 'napɛ 'ia ‑srɩlɩa 'mlɩ nɩ, 'a 'järä tou ‑susugbee ‑sʋɩa mlɩ.

Ebröönyüü 6:15

Abraamë nya kpʋkplɔmlɩ 'ɔnya ‑glaaa. 'Asɩ 'ɔ nʋ 'ɔnya 'jä dɛɛlɛ Nyɔsʋa 'daaa' 'ɔmäa' 'ɔa ‑gʋ nʋ.

Matiö 25:34

'Kä 'kɩɩ nya nyüülü bäa' 'ɔa 'dupa 'pɛlɩ ‑gbala: ‹'Ba ji, 'amɔ 'na Tʋ 'paa' 'nɩ; 'ba ji 'amä ‑jaalä 'na Tʋ ‑nyɩa' 'amɩ fa, ä bäa' 'kɩɩplälä 'ɔ tɛrɛa' 'amɩ 'pläa 'käkolofa 'wʋ.

Ebröönyüü 11:17

Abraamëa nyɔsʋaplɛtorokʋa ‑gʋ 'ɔ 'sara 'ɔa 'jʋ Isaakë ‑gbɔ 'lɩ, 'taɩn 'lɩ Nyɔsʋa tɛa' 'lɩ 'ɔɔn. 'A 'ɔa 'jʋ 'doo 'doo 'ɔ 'saa ɩ ‑bɛ Nyɔsʋa 'a 'kä Abraamë wii ‑gbala 'ɔa 'jʋlɔa ‑gälɩ,

1 Jaan 4:19

Amɔlɔ nɩ, a ‑wa 'ɔɔn, 'be 'ɔɔ ‑kätɩ ‑wa amɩ.

Ebröönyüü 12:5

'Anya 'a ‑taa 'klülɩpa wiili Nyɔsʋa ‑gbalaa' 'amɩ 'sɩrɩ nyɔɔ 'palaa' 'ɔa 'jü wii ‑gba ‑trɔ: 'Na 'jʋ 'Pläkänyɔɔ ma 'pala ‑mɩ wii ‑gba nɩ, ‑nyɩ 'pa 'iin sawʋ, ‑na 'klü 'nyɩ jä 'lɩ, 'ɔma 'daa ‑mɩ;

Jenɛɛsë 22:1

'Ia 'fɩɔ ‑sia' nɩ, Nyɔsʋa nya tɛlɩ Abraamë, 'ɔnya we: «Abraamë!» 'Ɔnya 'nyie: «'N bä ‑plɩɩ.»

Lukë 6:22

«Abɩa dɔrʋ 'bla 'amɩ nyüü ma jrara 'amɩ 'nyüa 'mlɩ, üma 'pala 'amɩ ‑wälɩ, üma ‑jejre 'amɩ, üma bʋblɔ 'ana 'nyrɩ Nyɔɔa 'Jʋa ‑gʋ.

Rɔmënyüü 5:4

'kä plɛböblökʋ ‑nyɛɛ amɩ 'klü amä ‑sʋɩ 'wʋsi; 'kä ‑sʋɩa 'wʋsisikʋ ja plɛgälɩpiepiekʋ.

2 Timotee 2:15

'Pa 'kpɔɔ ‑mä Nyɔsʋa 'tʋkä ‑beere 'mʋfa 'jrʋpafɛnyɔɔ 'nyɩa' 'nyüsü kä ‑bɛ ɔ 'kpɩaa' nyüü 'mʋfasa 'papawiili bäa' 'cɩcasa.

1 Piɛɛrë 4:14

Nyüü ma ‑jejre 'amɩ 'Kriisëa ‑gʋ nɩ, i bä 'ana dɔrʋ, 'be ‑Susulu käa' 'bʋalakʋ, Nyɔsʋaa ‑Susu, 'uu bä 'amɩ ‑gälɩ. 'Üa ‑nyɛɛ ‑jejre 'ü ‑jejre 'ɔɔn, ‑maa 'ana në 'pɛlɩ nɩ 'ɔ 'bʋala.