Ɛfɛsënyüü 6:8 - Kuö Dëdrä Jenɛɛsë Rutë

⁸ 'Be 'a jre 'iin, ‑moloo ma bälɩ, 'ɔ bä ‑geei, 'aiɛ 'ɔnyɩ ‑geei ‑a bä, 'a 'cɩcagbili ‑moloo nʋa' 'ia 'sa 'Pläkänyɔɔ 'mä 'ɔɔn 'pɛɛ.

Ɛfɛsënyüü 6:8 Referans Kwoze

Kolɔɔsënyüü 3:24

'Be 'a jre 'iin 'sɩrɩ 'Pläkänyɔɔ 'mäa' 'amɩ ‑jaalä 'ɔ ‑tʋa' ‑wälɩ ‑nyɩ; 'ää bä 'ɔa nyüüa 'pɛɛ. 'Be 'Pläkänyɔɔ 'Kriisëa 'jrʋpa 'a ‑fɛɛɛ.

Lukë 14:14

‑Ama nʋ 'saa, abɩa dɔrʋ 'blaa ‑mɩ, 'be 'ünyɩ dɛɛ ‑a kä 'ümä ‑na 'kpa 'sa. Nyɔsʋa nya ‑mɩ 'iin 'pɛɛa 'taɩn 'lɩ 'klɩgänyüüa 'fɩɔ 'mäa' 'kuaabre sɔ.»

Kolɔɔsënyüü 3:11

'Ii ‑känyrɩ, 'i ‑kanyɩ juifënyɔɔ 'aiɛ grɛɛkënyɔɔa wii ‑a bä, nyüülü 'bölöa' o, nyüülü 'nyɩa' 'bölö o, nyüülü kä 'wlia 'mlɩ 'nyɩa' 'klɩ ‑jiero, ‑kä mlaagbikänyüü, ‑goou, 'ünyɩa' ‑goou bä; 'Kriisë bä 'doo, 'ɔɔ ‑si diia 'fɩɔwʋ, 'ɔnya bä nyüüa 'fɩɔ 'lɩ.

2 Korɛɛntënyüü 5:10

'Be ana 'fɩɔ nya 'Kriisëa 'klʋɩ 'nyüglöa 'ɔmä ana ‑gä ‑tʋ. 'Ia 'taɩn 'lɩ, 'jrʋpalä ‑moloo ‑fɛɛɛrɛa' ‑pɩ tʋtʋ ‑gälɩ ma 'na, 'aiɛ äma 'nyɩ 'na ‑a 'na, 'a 'ia 'sa 'ümä 'ɔɔn 'pɛɛ.

Matiö 16:27

'Be Nyɔɔa 'Jʋ nyra 'ɔa 'aanjë nëmä 'ɔa Tʋa 'wliklɩbʋabʋakʋ ja ‑bɛ 'ɔmä ji ‑o. 'Ia 'taɩn 'lɩ nɩ, ‑moloa nʋnʋgbi 'ɔmä 'klɩtɛ ‑bɛ 'ɔmä 'ɔɔn 'pɛɛ.

Matiö 6:4

'Asɩ dɛɛlɛ ‑nyɛɛa' 'pʋablanyüü kä 'imä ‑sisie. 'Ia 'taɩn 'lɩ ‑na Tʋlɔ 'jääa' wiili nöa' ‑sisiedii 'lɩ 'mä ‑mɩ ‑jria 'klɩ 'pɛrɛ.

Ebröönyüü 10:35

'Ii känyrɩ, 'anyɩ sɩa plɛgälɩpiepiekʋa ‑gʋ. 'Be 'ɛa 'nyrɩklɩ 'ɔ tɛrɛ 'amɩ 'bɩɔ kpaku.

Ebröönyüü 11:26

'Ɔ 'nyie 'ɔmä ‑sʋɩ 'jä 'Kriisëa 'nyrɩklɩa ‑gʋ, 'be 'ia 'bɩɔlʋ ‑si Ejiipëtëa 'bɩɔ 'wʋ. 'Cɩca dɛɛlɛ 'ɔmäa' ‑srɩɩ 'jä 'lee, 'ɛɛ 'ɔ tɛklɩ.

Galaatënyüü 3:28

'Ii känyrɩ, ‑bakää ‑bä juifë, 'aiɛ ‑nyɩ juifë ‑bä, ‑geei bä o, ‑nyɩ ‑geei bä o, nyɩbɛrʋ 'aiɛ 'ŋlʋʋ o, 'ana 'fɩɔ bä nyüü 'doo 'Kriisë Jesu 'lɩ.

Matiö 6:1

«'Ba ‑tre 'ana nyüfë, 'anyɩ nʋ 'ana nyɔsʋaajrʋpa 'kä nyüü 'mä ‑gʋ 'amɩ 'jäjrä. 'Ama nʋ 'saa nɩ, 'ana Nyɔsʋalɔ bäa' cɛlɩ ‑ka ‑nëmä 'amɩ dɛɛlɛ 'ɔmä ɩa' 'amɩ ‑nyɩ ‑a ‑nyɩ.

Matiö 5:12

'Ba 'bri ‑bɛ abɩa dɔrʋ 'bla 'amɩ, 'be 'ana 'pɛɛ nya 'bʋaa cɛlɩ! 'Asɩ 'ü nʋ, 'ünya nʋ kä nyɔsʋaamlɩpalanyüü ‑gbi ‑gba, 'a ‑kaaŋlʋa' ji.

Lukë 6:35

‑Maa 'amɔlɔ nɩ, 'ba ‑wa nyüülü bäa' 'ana 'kpɛɛ 'lɩ, 'kä 'a nö 'üün 'cɩcagbi ‑gba. 'Ba ‑nyɩ 'üün, 'kä 'anyɩ bobo 'ümä 'amɩ dɛɛ ‑nyɩ. 'Ama nʋ 'saa nɩ, 'anya 'pɛɛ kpaki 'jäa, 'kä 'anya 'Wʋsi Nyɔsʋaa 'jü bä. 'Be 'ɔɔlɔ nɩ, nyüülü 'nyɩ jrea' nyüüa 'cɩcagbi, nyra plɛbʋbɔnyüü, 'ɔ nö 'cɩcagbi ‑gba.

1 Korɛɛntënyüü 12:13

'Asɩ ana 'fɩɔ bä. Juifënyüü, nyüülü 'nyɩa' juifë bä, ‑goou, nyüülü 'nyɩa' ‑goou bä, ‑Susu 'doo 'lɩ ana 'fɩɔ 'pala 'nɩwli amä fugba 'dööa nyüü bä. Ana 'fɩɔ nya 'mlala ‑Susu 'doolʋa ‑gba.

Kolɔɔsënyüü 3:25

‑Maa ‑mɔlɔ ‑ka nöa' bʋbɔgbi nɩ, 'ɔa bʋbɔgbia 'pɛɛ 'ɔmä 'jä, 'be Nyɔsʋa 'nyɩ ‑gbasalɩ ‑a.

Matiö 20:7

'Iibäa' 'üün nɩ: ‹Nyɔɔ 'nyɩ ‑nyɩ amɩ 'jrʋpa ‑a 'ia ‑gʋ.› 'Ɔnya ‑gbala 'üün: ‹'Ana 'mʋgbɛ 'ba mi 'na putu 'lɩ, ‑bɛ 'mä 'amɩ 'ia mölii 'pɛɛ.›