Ɛfɛsënyüü 6:19 - Kuö Dëdrä Jenɛɛsë Rutë

¹⁹ 'Ba bibie bɩa 'na 'wli 'lɩ, Nyɔsʋa 'mä 'mɩ wii mlɩ 'pa 'kä ama 'salɩ 'Mʋfagogoa 'mlɩa wiili ‑sisiea' nɩ, ŋalɛ ‑pɩ 'mɩ 'bla.

Ɛfɛsënyüü 6:19 Referans Kwoze

Kolɔɔsënyüü 4:3

'Ama bibie Nyɔsʋa nɩ, 'ba bibie dotro ana 'wli 'lɩ, Nyɔsʋa 'mä amɩ 'nyʋfɔ ‑nyɩ wiili ‑sisiea' 'Kriisëa ‑gälɩ, amä 'iin 'lɩsa. 'A ‑gogoläa ‑gʋ 'n bä ‑jie 'lɩ.

Akëtë 4:29

'Pläkänyɔɔ, dɛɛlɛ a bäa' ‑plɩɩ ‑gälɩ ɔ nɩ, 'jä 'sɩrɩ 'ü ‑flɔɔrɔa' amɩ 'nyüa 'mlɩ, 'kä ‑nyɛɛ amɔlɔ bäa' ‑na 'jrʋpafɛnyüü ‑na plɛtorokʋ kpaku amä ‑na mlɩa wii nyüü ‑gba 'pala.

2 Tɛsalonikënyüü 3:1

‑Jäsɩ 'n blöa' nɩ, ‑wlajü 'amɩ, 'ba bibie ana 'wlili 'Pläkänyɔɔa 'papawii 'mä 'klɔɔtrʋ mi a 'doo ‑bɛ 'imä 'bʋala 'sɩrɩ 'i bäa' 'ana ‑nyɛɛ,

1 Tɛsalonikënyüü 5:25

‑Wlajü 'amɩ, 'ba bibie bɩa ana 'wlili.

Ebröönyüü 13:18

'Ba bibie ana 'wlili. 'Be a 'suru 'sɩrɩ ana bobowli 'naa'. 'Sɩrɩ amäa' nʋ ‑bɛ ana nʋnʋgbi 'mäa' 'na wiia 'fɩɔa 'mlɩ nɩ, 'iibä ana bobokʋ.

Akëtë 4:31

'Ü bɩaa' nyɔsʋabibiekʋ nɩ, ‑plɩɩlɩ 'ü traraa' nya tɩtrɛ. 'Nyüna ‑Susu nya 'si 'üa 'fɩɔ 'klɩ, ‑bɛ 'ü 'paa nyɔsʋaawii 'surusa.

1 Tɛsalonikënyüü 2:2

'A jre 'iin 'sɩrɩ a 'järäa' ‑sʋɩ Filipëbätä, 'sɩrɩ 'ü nʋa' amɩ ‑gbigba; 'asɩɛ anya 'pa ana nyüfë 'klü 'lɩ Nyɔsʋaa 'nyrɩklɩ anya ji 'amɩ Nyɔsʋaa 'Mʋfagogo 'lɩsara; 'klü a 'pa anya nʋ 'imɩ.

2 Korɛɛntënyüü 8:7

'A ‑sɔɔrɔwʋ wii 'kɔkɔmlɛa 'mlɩ: nyɔsʋaplɛtorokʋ 'lɩ, 'papawii 'lɩ, wiijejrekʋ 'lɩ, 'sɩrɩ 'a fumöa' wiia 'fɩɔa 'mlɩ, nyra 'sɩrɩ 'a ‑waa' amɩ. 'Sɩrɩ 'a ‑sɔɔrɔa' 'wʋ 'ia 'fɩɔlʋa 'mlɩ nɩ, 'ba ‑sɔɔrɔwʋ bɩa 'ia 'mlɩnanakʋlʋ 'lɩ.

Ɛfɛsënyüü 1:9

'Ɔ srara amɩ dɛɛlɛ ‑sisie ɩa' ɛ 'ɔmä ɩa' nʋ; dɛɛlɛ nɩ, 'ɔ 'a kä 'nyie 'ɔa ‑gbinanakʋ 'lɩ 'ɔmä 'ɛɛn nʋ 'Kriisë 'lɩ.

1 Korɛɛntënyüü 4:1

'Ii känyrɩ 'ba 'jä amɩ ‑beere 'Kriisëa 'jrʋpafɛnyüü nyra nyüülü käläa' Nyɔsʋaa ‑sisiewiia wii ‑gbaa 'papakʋ.

Akëtë 28:31

'Ɔ 'saralɩ nyüü Nyɔsʋaa 'kamapläa ‑gä ‑bɛ 'ɔ 'kpɩa nyüü wiili 'paa' 'Pläkänyɔɔ Jesu 'Kriisëa ‑gä. 'Inyɩ 'nɩmɩ 'ɔɔn ŋalɛ 'wʋ ‑a kä, dɛɛ 'nyɩ ka 'ɔɔn 'nyʋfɔ ‑a.

Akëtë 19:8

'Pɔɔlë nya mi juifëa 'sraaplanyuku 'wʋ, 'ɔ 'pawii nyɩbɛsa ‑söplü tää. Nyɔsʋaa 'kamapläa ‑gä 'ɔ 'pala nyüü ‑gba 'ümä Nyɔsʋa 'klɩ 'nyiere.

Akëtë 13:46

'Pɔɔlë nyra Banabasë nya 'pa plɛ 'klü 'lɩ, 'ünya ‑gbala 'üün ‑maa: «Nyɔsʋaa wii kä 'imä 'amɩ ‑gba 'pala ‑kätɩ. ‑Maa 'be 'anyɩ 'bata 'iin ‑a, ‑bɛ 'ama 'jä 'ana nyüfë nɩ, 'anyɩ 'klälä 'nyɩa' blöröfa kä 'klɩ ‑a 'wʋ. 'I känyrɩ nɩ, nyüülü 'nyɩa' juifë bä 'üa 'pɛlɩ a mö.

Filemɔɔ 1:22

Tɛrɛ dotro 'mɩ 'pifa, 'ana nyɔsʋabibiekʋa ‑gʋ 'n jresaa 'nyaa 'sɔɔwʋ 'ana ‑tɔrʋpɩɔ dɛrɩ 'blööa.

Kolɔɔsënyüü 2:2

'N 'bata abɩa 'üa 'klü 'jrara, ü bä 'tasɩrɩ nyüü 'doo ‑wawlakʋ 'lɩ, 'kä 'ümä 'lɩgaglakʋ kpaku 'jä, 'ümä wiili Nyɔsʋa ‑sisiea' 'wli 'nu, 'iibä 'Kriisë.

2 Korɛɛntënyüü 3:12

'A 'i a toroplɛ, 'a 'ia ‑gʋ ana polu 'nyɩ ‑gbakä.

1 Korɛɛntënyüü 1:5

'Be, 'a nyra 'ɔɔn 'a 'doo bä. 'Asɩ Nyɔsʋa ‑nyɩa' 'amɩ 'bɩɔ diia 'fɩɔa 'mlɩ, wiipapakʋ nyra wiijejrekʋ nya 'si 'amɩ 'klɩ.

Akëtë 14:3

'Ii känyrɩ 'ünya ‑wlɛ Ikoniɔɔbätä. Nyɔsʋaawiia 'papakʋ 'nyɩ 'üün ŋalɛ 'wʋ ‑a kä, 'be 'Pläkänyɔɔa 'klü bä 'üün 'lɩ. 'Pläkänyɔɔ srara 'sɩrɩ wiili 'ü 'saalɩ, 'ɔa ‑gbinanakʋ ‑a ‑gʋ bäa' 'cɩcasa: 'ɔ ‑nyɩ 'üün 'klü 'ümä ‑saragbia tie nyra plɛklɩkalawii nʋ.

Akëtë 9:27

Banabasë nya ji 'ɔɔn ‑gba, 'ɔnya fa 'ɔɔn apotrëa ‑nyɛɛ. 'Ɔnya ‑gbala 'üün 'sɩrɩ Sɔɔlë jäa' 'Pläkänyɔɔ 'nyʋfɔ mlɩ ‑bɛ 'sɩrɩ 'Pläkänyɔɔ 'palaa' 'ɔɔn wii ‑gba. 'Ɔnya ‑gbala 'üün bɩa 'sɩrɩ Sɔɔlë 'palaa' nyɔsʋaawii Jesua 'nyrɩklɩ Damasëbätä ‑bɛ ŋalɛ 'nyɩa' 'ɔɔn 'bla.

1 Timotee 3:16

‑Yɛɛ, nyɔɔ 'nyɩ 'lɩ ‑a bɩa ɔ blara ana nyɔsʋaplɛtorokʋlʋ kpakulu ‑kanyɩa' ‑sisie 'klɩ: Nyɔsʋa ji 'ɔmä 'ɔa nyufa nyɔɔ 'lɩnrörö, Nyɔsʋa ‑Susu nya srara 'sɩrɩ 'ɔ ‑gäa' 'klɩ. 'Aanjëɩɩ nya 'jä 'ɔɔn, nyüü 'saralɩ 'ɔa ‑gä nyüülü 'nyɩa' juifë bä. ‑Tʋtʋgälɩ nyüü toro 'ɔɔn plɛ, cɛa 'mlɩ 'lee 'ɔnya 'jrara Nyɔsʋaa 'bʋalakʋ 'lɩ.

2 Korɛɛntënyüü 7:4

'N toro 'amɩ plɛ ‑gböösa, ‑bɛ 'a kä 'mɩ dɔrʋ 'wʋ. 'Na 'klü 'jraa ‑gböösa a 'jä ‑sʋɩa 'fɩɔ, ‑maa dɔrʋ 'si 'mɩ 'klɩ.

2 Korɛɛntënyüü 1:11

'Ana 'mʋgbɛ 'a jö 'amɩ ‑gba 'ana nyɔsʋabibiekʋa 'mlɩ. 'Asɩ nyüü 'kɔkɔmlɛ 'mä Nyɔsʋa 'trɛɛ ana ‑gʋ, 'sɩrɩ 'ɔ 'nua' 'üa wewewii 'wli ana 'pɛlɩ, 'be 'ɔɔ ‑nyɩ amɩ 'ia ‑gbinanakʋlʋ.

1 Korɛɛntënyüü 2:7

Nyɔsʋaa 'lɩgaglakʋlʋ 'ɔ ‑sisre käa' nyüü ‑gba, u 'ünyɩa' 'wli 'nu, 'uu a 'kpɩa 'üün. Nyɔsʋa tɛrɛ kä amɩ 'ia wiijejrekʋ 'fɩɔwʋ 'ɔnya 'mä 'plä nʋ ana 'bʋalakʋa ‑gʋ.

Rɔmënyüü 15:30

'Na ‑wlajü 'amɩ, ana 'Pläkänyɔɔ Jesu 'Kriisë nyra ‑Susua ‑wawakʋa 'nyrɩklɩa ‑gʋ nɩ, 'n 'jrara 'ana 'klü, 'amä 'mɩ ‑gbaji toua 'mlɩ 'amä Nyɔsʋa bibie 'na ‑gʋ

Akëtë 18:26

'Ɔma 'pala juifëa 'sraaplanyüköli 'wʋ wii, ŋalɛ 'nyɩ 'bla 'ɔɔn 'bla ‑a. 'Taɩn 'lɩ Akilasë nyra Prisiilë poa' 'ɔɔn 'nyakli nɩ, 'ünya fa 'ɔɔn 'üa ‑nyɛɛ 'ünya 'kpɩa 'ɔɔn Nyɔsʋaa 'nyʋfɔ 'cɩcasa.

Akëtë 4:13

'Ü 'jäa' Piɛɛrë nyra Jaan 'surua' 'üa 'papawiia 'mlɩ nɩ, 'i kala 'üün plɛklɩ: 'ü jrea' 'saa 'ü 'wlalɩkä, 'ünya 'nyɩ 'saa ‑pɔɔkʋ jre nɩ, 'ünya ‑tʋ 'üün 'nyü ‑gba 'sɩrɩ 'üü ‑bɛ Jesu 'nyɛrɛa' 'wʋ.

Akëtë 2:4

'Nyüna ‑Susu nya 'sesie 'üa 'fɩɔ 'klɩ, ‑bɛ 'ü 'paa nyüü ‑mölööa mlɩa wii; wiili ‑Susu 'paaa' ‑molooa mlɩ, 'ii 'ɔ 'paa.

Akëtë 9:29

'Ɔɔ ‑bɛ juifënyüülü 'paaa' grɛɛkëwii ma ‑topo Nyɔsʋaawiia ‑gʋ; ‑maa 'üülü nɩ, 'ü 'bata 'ümä 'ɔɔn 'bla.

Rɔmënyüü 16:25

A 'bʋala Nyɔsʋa! 'Ɔɔ 'mrɛɛ 'ɔ ‑nyɩ 'amɩ 'klü 'sɩrɩ 'Mʋfagogolä 'n 'saraa' 'lɩ 'amɩ; 'ää 'paa Jesu 'Kriisë ‑gä, 'ää srara amɩ wiili Nyɔsʋa 'piea', i 'ɔ ‑sisiea' ‑sɩ a ‑sɩ.

2 Korɛɛntënyüü 6:11

Korɛɛntënyüü 'amɩ, a ‑jie ana polu 'klɩ anya ‑gbala 'amɩ 'mʋfasa.

Ɛfɛsënyüü 3:9

'N kä 'mä bɩa wiili ‑sisie käa' sököö nyüüa 'klʋɩ ‑gälɩ ‑fälɩ be, wiili Nyɔsʋalɔ nʋa' diia 'fɩɔ 'mäa' nʋ.