Ɛfɛsënyüü 5:26 - Kuö Dëdrä Jenɛɛsë Rutë

²⁶ 'ɛmä 'klɩbere. 'Papawii nyra 'nɩ 'ɔ nʋ 'ɔnya 'ba 'ɛɛn ‑fre 'lɩ.

Ɛfɛsënyüü 5:26 Referans Kwoze

Jaan 15:3

'Amɔlɔ nɩ, wiili 'n 'kpɩaa' 'amɩ, 'ii 'a kä 'amɩ kpëtä.

Ebröönyüü 10:22

ŋalɛ 'nyɩ 'blaa amɩ a jijrö Nyɔsʋa ‑gba, 'be ana plɛ ‑gäklɩ, 'ɛ 'si 'ɔa plɛtorokʋ 'klɩ. Bʋbɔ bobowiili kä 'fɩɔ bäa' ana plɛ ‑gälɩ, i kpëträ, 'kä ana fugba ‑futo 'nɩlɩ 'nyɩa' ‑fre pa.

Jaan 3:5

'Iibäa' Jesu nɩ: «'Tasɩrɩa 'cɩcasa 'n ‑gbala ‑mɩ, nyɔɔlɔ 'nyɩa' 'nɩ nyra ‑susu 'lɩ ‑glooro, 'ɔnyɩ 'lɩ ‑a bɩa ɔ pa Nyɔsʋaa 'kamaplä 'lɩ.

1 Korɛɛntënyüü 6:11

‑Bɛ 'asɩ 'ana ‑tɔrʋpɩɔa ‑mölöö ma bä. ‑Maa 'anya 'a ‑gbafuto, 'anya 'a 'klɩbere Nyɔsʋaa ‑gʋ, 'Pläkänyɔɔ Jesu 'Kriisë nyra Nyɔsʋaa ‑Susua 'nyrɩklɩa ‑gʋ, Nyɔsʋa 'daa 'a ‑gäklɩ.

Ɛfɛsënyüü 6:17

'Ba dɔrɔ bɩa 'lɩmlɩwʋwʋkʋ 'wʋ ‑beere tafuwlugbö, 'kä 'a dɔrɔ Nyɔsʋaa ‑Susua ‑jɛrɛ 'wʋ, ɛ bäa' nyɔsʋaawii.

1 Jaan 5:6

'A Jesu 'doolɔ bäa' 'Kriisë, 'ɔɔ jara 'nɩ nyra ‑toru 'lɩ; ‑mää 'nɩa 'doo ‑a, ‑maa 'nɩ nyra ‑toru. Nyɔsʋaa ‑Susu 'uu 'salɩ 'imɩ, ‑bɛ 'u bä 'cɩcasa.

Titë 2:14

'Ɔ 'sa 'ɔa nyufa ana ‑gʋ, 'ɔnya 'ba amɩ ‑balʋa 'fɩɔ ‑gälɩ 'ɔmä amɩ kpëtä. 'Ia 'taɩn 'lɩ anya 'ɔa ‑glügbölä 'ɔ 'baaa' 'lɩ bäa, 'kä anya kli 'cɩcagbia nʋnʋkʋa ‑gʋ.

Ebröönyüü 10:10

Wiili Nyɔsʋa 'bataa' 'ii Jesu 'Kriisë nʋ, 'ɔ 'sa 'ɔa fugbaa ‑gbɔ 'wʋ 'doo 'wʋ 'plɔʋplɔʋa ‑gʋ; 'ɔnya kpëtä ana ‑balʋ.

1 Piɛɛrë 3:21

'Nie 'klɩ ‑srörökʋlʋ bä 'nɩwlipapakʋa 'pike, 'ii 'pʋɔ amɩ 'saarɩ. ‑Mää ana fugbaa ‑gba ‑a ‑fre 'babakʋ ‑a, ‑maa 'nyünaplɛa Nyɔsʋaa ‑nyɩnyɩkʋ bäsaa. Jesua 'Kriisëa 'kuaabrea sɔsɔkʋ 'lɩ a 'wʋlɩmlɩ.

Ebröönyüü 9:14

'iibä 'Kriisëa ‑toru ‑sɔɔrɔ 'wʋ ‑gböösa 'unya ‑si 'iin 'wʋ. ‑Susulu 'nyɩa' blöröfa käa 'klüa 'nyrɩklɩ, 'Kriisëlɔ 'nyɩa' bʋbɔdɛɛ ‑gba kä, 'ɔɔ 'sara 'ɔa nyufa Nyɔsʋa kälɩ. 'Asɩ 'ɔa ‑toru 'mä 'ana bobowii kpëtä. Bʋbɔgbili plaa' nyɔɔ ‑fre 'lɩ kä i fala jäjä mlɩ, 'a 'ii 'u kpëtä. 'I bäa' 'sa nɩ, a 'mrɛɛ a ‑fɛ 'Lɩbä Nyɔsʋaa 'jrʋpa.

Akëtë 22:16

Dɛplɛɛ ‑ka ‑glaaa le? Sɔwʋ, we 'Pläkänyɔɔa 'nyrɩ 'kä ‑paa 'nɩwli, 'kä nö 'imɩ ‑na ‑balʋ 'mä kpëträ.›

1 Piɛɛrë 1:2

'Amɔ ana Tʋ Nyɔsʋa nya käa' 'lɩba 'sɩrɩ 'ɔ ‑gba käa'. 'Ɔa ‑Susu bere 'amɩ 'klɩ 'amä 'lɩ Jesu 'Kriisë ‑träärä, 'amɔ bä nyüülü 'ɔa ‑toru ‑gbagbaa' 'wʋ: 'abɩa Nyɔsʋaa ‑gbinanakʋ nyra plɛgälɩflɛrɛkʋ ‑sie 'amɩ 'wli!

Judë 1:1

'Mɔɔ Judë, Jesu 'Kriisëa ‑geei, Jaakëa ‑wlajʋ, 'mɔɔ ‑jɩjraa' 'amɩ 'wʋ: 'amɔ Nyɔsʋalɔ bäa' Tʋ ‑wa ‑bɛ 'ɔ wea', 'amä 'ɔa nü bä Jesu 'Kriisëa ‑gʋ.

Akëtë 26:18

'N blɔ ‑mɩ ‑mä 'üa 'nyü ‑jie, ‑bɛ ‑mä 'üün 'jöjrüükpü 'lɩ 'ba ‑mä 'üün ‑srɩ 'klɩ ja; ‑mä 'üün Sataan a 'klü mlɩ 'ba ‑mä 'üün Nyɔsʋa ja. Üma toro 'mɩ plɛ nɩ, 'üa ‑balʋ 'mä 'üün cere ‑bɛ 'ümä ‑jaaa nyüülü Nyɔsʋa berea' 'klɩa ‑tɔrʋpɩɔ kälä.›

Jaan 17:7

'Ü jre 'iin ‑mlatɩ 'sɩrɩ diili kä 'fɩɔ ‑nyɩa' 'mɩ sɔa' ‑mɩ kälɩ.

Jaakë 1:18

'Ɔ ‑srörö 'ɔa 'papawiili bäa' 'cɩcasa 'lɩ 'ɔnya ‑gu amɩ, amä 'ɔa nʋnʋdiia 'fɩɔa 'wliklɩa nü bä.

Jaan 15:8

'Ama tʋ ‑gböösa nɩ, 'anya 'na 'wʋnyɛrɛnyüü bäa. 'Iibä 'na Tʋa 'wliklɩ 'bʋalakʋ.

Jaan 13:10

'Iibäa' Jesu nɩ: «Nyɔɔlɔ nyaa' ‑futo nɩ, 'ɔa beia 'doo 'ɔ kä 'ɔmä ‑su ‑bɛ 'ɔa 'fɩɔ 'mä ‑fre 'lɩ 'wʋ. 'Anya 'a ‑fre 'lɩ 'wʋ, ‑maa ‑mää 'ana 'fɩɔ ‑a.»

Rɔmënyüü 10:8

‑Asɩ nyɔsʋaapɔɔkʋ ‑gbaaa le? 'U nɩnɩa: «'Papawii bä ‑na ‑gba, 'i bä ‑na mlɩ nyra ‑na plɛklɩ.» 'A 'papawiili 'ii 'paa nyɔsʋaplɛtorokʋlʋ kä ‑gä a 'paaa'.

2 Korɛɛntënyüü 11:2

'N kä 'ana wasä, ‑bɛ 'ia ‑wawakʋlʋ nɩ, Nyɔsʋaa ‑wawakʋ bäsaa; 'be dʋɔ 'doo 'n tɛrɛ 'amɩ 'ɔɔ bä 'Kriisë; 'mä 'amɩ 'ɔɔn srara ‑beere 'ŋlëkaplö ‑kaaŋlʋa' nyɩbɛrʋ jre.

Kolɔɔsënyüü 3:16

Abɩa 'Kriisëa 'papawiia 'fɩɔ kʋ 'amɩ 'lɩ. ‑Moloo ma bälɩ ɔ 'kpɩa 'ɔa ‑moloo, ‑bɛ 'ba 'papla toto 'lɩglasa: 'ba brɩ nyɔsʋaa 'lɩbrɛrɛdʋ, Jesubibriedʋ, nyra 'dʋlʋ Nyɔsʋaa ‑Susu ‑nyɛɛa' 'amɩ ‑bɛ 'ba brɛrɛ 'Pläkänyɔɔ 'lɩ. 'Ba nʋ 'ana polua 'fɩɔ 'amä 'ɔɔn 'trɛɛ.

Ebröönyüü 4:12

'Be nyɔsʋaawii ‑nyɛɛ 'klä 'inya ‑sɔɔrɔ 'wʋ; 'i 'jääkä ‑beere ‑jɛrɛlɛ käa' 'kʋɩa 'sɔɔ. 'I pa 'kä 'iɛ 'sasra nyɔɔa ‑gälɩa 'ku nyra ‑susu ‑gba, 'kä 'i 'sasra 'koia 'katrafë nyra 'koia 'mlɩa 'kpɩ ‑gba. 'I dɛtɛ bobowiili nyra wiili bäa' plɛ ‑gälɩa ‑gä.

Ebröönyüü 10:14

‑Gbɔ 'doolʋ 'ɔ 'saa nɩ, 'u jrä nyüülü 'wʋäa' ‑fre 'lɩ 'wli 'plɔʋplɔʋa ‑gʋ.

Ebröönyüü 10:29

'Ii känyrɩ, nyɔɔ ma 'pala Nyɔsʋaa 'Jʋ 'crʋ ‑gälɩ nɩ, ɔma bobo ‑maa kuöa ‑torulu kpëtäa' 'ɔɔn ‑gba 'nyɩ ‑gbaa ‑a kä nɩ, ɔma ‑jree ‑Susulu sraraa' amɩ Nyɔsʋaa ‑gbinanakʋ nɩ, 'anyɩ bobo bobo ‑a 'sɩrɩ 'ia nyɔɔlɔ 'wʋa' 'sɔɔwʋ 'pʋnɩkʋ 'klɩ?

Ebröönyüü 13:12

'A 'ia ‑gʋ Jesua 'mʋgbɛ 'järä ‑sʋɩ bätäa 'kɔtʋmlɩ, 'ɔmä 'ɔa ‑toru nʋ 'ɔmä nyüüa ‑balʋ kpëtä.

2 Piɛɛrë 1:9

‑Maa ‑mɔlɔ 'nyɩa' 'iin 'klaa nɩ, 'ɔ ‑beere 'nɔnɔnyɔɔ ɔnyɩ 'jäa' 'kä; ɔ ‑trɔa' 'sɩrɩ 'ɔa ‑balʋ nya käa' kpëträ.