Ɛfɛsënyüü 5:1 - Kuö Dëdrä Jenɛɛsë Rutë

¹ ‑Bɛ 'a bäa' Nyɔsʋaa ‑wawajü nɩ, 'ba ‑tɩtra 'ɔɔn mlɩ.

Ɛfɛsënyüü 5:1 Referans Kwoze

1 Jaan 4:11

'Na nyüü 'amɩ, Nyɔsʋa ma nʋ 'saa ɔma ‑wa amɩ nɩ, ana 'mʋgbɛ kä amä 'saa ‑wawla.

Ɛfɛsënyüü 4:32

'Ba 'nanragbi 'wʋ, abɩa 'ana plɛ 'si ‑wawlakʋ 'klɩ. 'Ba cere wii 'sɩrɩ Nyɔsʋa cerea' 'amɩ 'ana nɩ 'Kriisë 'lɩ.

Matiö 5:48

'Ii känyrɩ 'ba ‑gäklɩ, 'sɩrɩ 'ana Tʋlɔ bäa' cɛlɩ ‑gäa' 'klɩ.

Kolɔɔsënyüü 3:12

‑Bɛ Nyɔsʋa 'baa' 'lɩ 'amɩ 'amäa' 'ɔa 'nyünanyüü nyra 'ɔa ‑wawanyüü bä nɩ, ‑bɛ 'ɔ ‑waa' bɩa 'amɩ nɩ, 'ba kä nyatɛplɛ, ‑gbinanakʋ, 'wʋcieciekʋ, plɛböblökʋ nyra 'mlɩkpʋkplɔkʋ.

Jaan 1:12

‑Mülü kä 'fɩɔ 'nyierea' 'iin 'klɩ, ü toroa' 'iin plɛ nɩ, 'i nrörö 'üün Nyɔsʋaa 'tasɩrɩa 'jü 'lɩ.

Matiö 5:45

'A nöa' 'saa nɩ, nyüü 'a srara 'sɩrɩ 'a bäa' 'ana Tʋlɔ bäa' cɛlɩ, 'ɔa 'jü; 'be 'ɔ ŋʋala 'ɔa 'jrʋ plɛbʋbɔnyüü nyra 'cɩca nyüüa ‑gälɩ; 'ɔa 'nʋŋlʋ 'dara ü ‑gäa' 'klɩ nyra nyüülü 'nyɩa' 'klɩgä ‑gälɩ.

Filipënyüü 2:15

'ana 'nyü 'mä 'na, 'ü ‑pɩ 'ana 'kläa 'mlɩ ‑balʋ 'järä. 'Amä Nyɔsʋaa 'jülü 'nyɩa' bʋbɔdɛɛ ‑gba kä ‑gbagblɛnyüü nyra plɛbʋbɔnyüüa ‑tɔrʋpɩɔ, 'ana 'klä 'mä 'pläa 'mlɩ ŋʋala.