27 'Anyɩ ‑nyɩ Sataan kʋfa.
'Ii känyrɩ, 'ba ‑träärälɩ Nyɔsʋa. 'A 'nɩ ‑nyɩ Sataan 'casɩ, 'ɔmä 'amɩ 'klɩfɔlɔ.
'Ba ‑tre 'ana nyüfë, 'anyɩ 'mʋmɔ; 'be 'ana ‑gbakäklɛnyɔɔ Sataan 'nyɛɛ ‑beere sruku 'kpöö u 'bata nyɔɔlɔ 'umäa' ji.
'Ia 'fɩɔlʋa 'wliklɩ nɩ, 'ba ‑tʋ 'lɩ nyɔsʋaplɛtorokʋ ‑beere 'ana tafudɛɛlɛ kakaa' dii 'klɩ. 'Ɛɛ 'a nëmä nʋ ‑bɛ 'amä Plɛbʋbɔsusu a ‑pruuulu 'pütöa' 'nyrɔlɔ.
'Ba fa Nyɔsʋaa tafudiia 'fɩɔ, Sataan ma ji 'amɩ ‑trɔɔrɔ, 'amä 'wʋsɔɔrɔ.
Piɛɛrë nya ‑gbala 'ɔɔn: «Ananiasë, dɛplɛɛ kä ‑gʋ ‑cɛɛrɛ Sataan ‑wälɩ ‑bɛ 'ɔ fa ‑na plɛ le? 'Nyüna ‑Susu ‑saara ‑gbagblɛ ‑nya ‑tʋ putulu ‑paaa' 'perua möliia 'pɛ 'dee ‑wälɩ.
'Na ‑wawanyüü 'amɩ, 'ana 'mʋgbɛ 'nyɩ ‑fu ana 'wlia tou, 'ba 'cɛrɛ Nyɔsʋaa 'crɛ ‑wälɩ ɛ ji. 'I ‑jɩjra: 'Pläkänyɔɔ nɩnɩa: «'Mɔɔ ‑fuuö 'ana 'wli 'lɩa tou. 'Nyaa 'ua 'kpa 'saa.»
