Ɛfɛsënyüü 4:25 - Kuö Dëdrä Jenɛɛsë Rutë

²⁵ 'Ii känyrɩ 'ba 'pie ‑gbagblɛ! ‑Moloo ma bälɩ ɔ 'saralɩ 'ɔa ‑moloo 'cɩcasa, 'be anya 'a nyüü 'doo bä.

Ɛfɛsënyüü 4:25 Referans Kwoze

Kolɔɔsënyüü 3:9

'Anyɩ käklä ‑gbagblɛ 'wʋ, 'be 'anya 'a 'ana ‑kätɩnyɔɔ ‑bɛ 'ɔa nʋnʋgbi ‑gba 'ba,

Rɔmënyüü 12:5

'Asɩ a ‑sümlö ‑maa a bä nyɔɔ 'doo 'Kriisë 'lɩ, ‑bɛ ‑moloo bä ‑molooa 'pɛ.

Ɛfɛsënyüü 4:15

‑Maa 'cɩcasa ma 'saralɩ ‑wawlakʋ 'lɩ nɩ, anya diia 'fɩɔa 'mlɩ 'bʋalaa 'Kriisë 'lɩ, ɔ bäa' 'wliklɩ.

'Nyügälɩjawii 21:8

‑Maa, ü käa' ŋalɛ nyra nyüülü 'nyɩ toroa' Nyɔsʋa plɛ, ü nöa' bʋbɔgbi, nyüüblanyüü, nyüülü nöa' ‑sagbili Nyɔsʋa 'nyɩ 'bataa', ‑gëglänyüü, nyüülü traraa' ‑papanyɔsʋaɩɩ 'wli, nyra ‑gbagblɛnyüü, 'üa 'fɩɔ nya 'pʋpʋlʋ 'pütüa', 'ua kapuprʋgbaa 'mlɩ bäa. 'A 'sɔɔa në jäjä.»

Titë 1:2

'Ia 'taɩn 'lɩ 'ünya 'üa plɛ 'klälä 'nyɩa' blöröfa kä ‑gälɩ 'piea. 'Klälä nɩ, ‑tʋtʋ ‑kaaŋlʋ kä 'lɩbä Nyɔsʋalɔ 'nyɩ käa' ‑gbagblɛ ‑nëma 'ɔnya kä amɩ 'ään ‑nyɩa.

1 Timotee 4:2

‑Glagälɩsrörönyüüa ‑gbagblɛ 'kpɩkpɩakʋ nëmä 'üa plɛ fa. 'Ünyɩ ŋalɛ ‑a kä 'ümä ‑balʋ nʋ, ‑beere 'sɩrɩ dete fumölu 'pütöa' nyɔɔ ‑bɛ 'ɔnyɩ 'jäa' 'ɛa mɩmɩakʋ.

'Nyügälɩjawii 22:15

‑Maa ‑fälɩ, 'ii ‑fä, ‑gëglänyüü, 'palɩ nyüülü 'paa' ‑sagbili Nyɔsʋa 'nyɩ 'bataa', nyüüblanyüü, nyüülü traraa' ‑papadii 'wli, nyüülü ‑waa' ‑gbagblɛ ‑bɛ 'ü käa' 'ɛɛn, 'ümä tɩɔ!

1 Timotee 1:10

‑Dɔ bälɩ nyüülü nöa' ‑sagbili Nyɔsʋa 'nyɩ 'bataa' 'üa ‑gʋ, nyɩberülü ‑bɛ nyɩberü 'piea', ü 'paaa' ‑goou 'peru, ‑gbagblɛkänyüü, nyüülü 'sɔrɩa' ‑gbagblɛsa, nyra nyüülü 'nyɩ 'bataa' 'cɩcasaa 'kpɩkpɩakʋ.

2 Korɛɛntënyüü 7:14

'Be ama 'daa 'a kä 'mɩ dɔrʋ 'wʋ 'ɔa 'klʋɩ nɩ, 'inyɩ 'mɩ 'nyüsü 'wʋ ‑a kä. ‑Maa 'sɩrɩ a ‑gbala 'amɩ 'cɩcasa 'taɩn a 'fɩɔ 'lɩ nɩ, 'asɩ 'mʋfagbili a ‑gbalaa' bɩa Titë 'ana ‑gʋ bä 'cɩcasa.

Titë 1:12

Krɛɛtënyɔɔ 'doo bäa' 'üa ‑tɔrʋpɩɔa 'lɩglanyɔɔ ‑nëma nɩ: «Krɛɛtënyüü, ‑gbagblɛa 'doo 'ü kä, 'ü ‑beere kaklamlaa; jijrijinyüü, ‑fɛfɛnyüü.»

1 Korɛɛntënyüü 10:17

‑Bɛ 'flɔɔbölä bäa' 'döö, ‑bɛ a ‑sümlöa' nɩ, fugba 'döö a bä; 'be 'flɔɔbö 'döölä 'ää ana 'fɩɔ jö.

Jaan 8:44

'Amɔlɔ nɩ, 'ana tʋ bä Sataan. Wiili 'ana tʋ 'bataa' 'ii 'a 'bata 'amä nʋ. 'Bala 'pläa 'käkolofa 'wʋ 'ɔ bä nyüüblanyɔɔ, 'ɔnyɩ 'salɩ 'cɩcasa ‑a, 'cɩcasa 'nyɩ 'ɔɔn 'lɩ ‑a bä. Ɔma 'salɩ 'ɔa plɛ 'klɩa wii, 'ia 'fɩɔ bä ‑gbagblɛ. ‑Gbagblɛkänyɔɔ 'ɔ bä, ‑bɛ 'ɔ bä ‑gbagblɛa tʋ.

Ɛfɛsënyüü 5:30

'Be a bä bɩa 'ɔa fugbaa ‑gbaa dɛɛ 'ɔa 'jajɛ nyra 'ɔa 'koi.

Ɛfɛsënyüü 4:22

'A kä 'amä 'ana ‑kätɩsaa nʋnʋgbi nyra 'ana ‑kätɩnyɔɔlɔ käa' dɛɛnyülü ‑trɔɔrɔa' ‑wälɩ 'cɛrɛ. 'Ba 'ba 'ana ‑kätɩnyɔɔlɔ, ɔ bʋblɔa' 'ana 'klä ‑gba.

Ɛfɛsënyüü 4:31

'Ba 'ba 'ana ‑tɔrʋpɩɔ, 'mʋgbʋgbʋɛ, 'crɛ, nyanyrakʋ, ‑jejrekʋ nyra plɛbʋbɔkʋa 'kaɩn 'kaɩn.

Kolɔɔsënyüü 3:8

'Ii känyrɩ 'ana 'mʋgbɛ nɩ, 'ba 'pie ‑mlatɩ 'ia 'fɩɔlʋ, ibäa': 'crɛ, plɛklɩfefekʋ, plɛbʋbɔkʋ. ‑Jejreewii nyra bʋbɔwii 'nyɩ 'cie 'ana mlɩ.

Ebröönyüü 12:1

‑Bɛ 'ia 'samaa' nyüü 'kɔkɔmlɛlü sraraa' 'üa nyɔsʋaplɛtorokʋ traraa' amɩ 'klɩ ‑beere ‑gbru nɩ, 'a 'ia ‑gʋ ana 'mʋgbɛ a 'ba ana ‑gba diili kä 'fɩɔ 'mrɛɛa' imäa' amɩ 'nyʋfɔ ka, nyra ‑balʋlʋ traraa' amɩ 'klɩ sɔsɔ! A ‑sɔɔrɔwʋ a fɔ fʋfɔlʋlʋ bäa' ana 'klɔɔtrʋ.

Jaakë 1:21

'A 'ia ‑gʋ, 'ba 'pie diili kä 'fɩɔ plaa' nyɔɔ ‑fre 'lɩ nyra wiili kä 'fɩɔ bʋbɔa'. ‑Maa 'ba 'kpla plɛblösa Nyɔsʋaa 'papawiili 'ɔ plaa' 'ana plɛ ‑gälɩ, 'ii 'mrɛɛ i 'balɩ 'ana 'klä mlɩ.

1 Piɛɛrë 2:1

'Ii känyrɩ, 'ba cɛrɛ plɛbʋbɔkʋ nyra yrʋa 'fɩɔ ‑wälɩ, ‑gbagblɛ, ‑glagälɩsrörökʋ, dɛɛnyükäkäkʋ nyra nyüüsrörökʋ.