Ɛfɛsënyüü 4:17 - Kuö Dëdrä Jenɛɛsë Rutë

¹⁷ 'Ii känyrɩ, 'amɔ 'n ‑gbala ‑bɛ 'n bɔtrɔ 'iin ‑gälɩ 'kä 'Pläkänyɔɔa 'nyrɩklɩ: 'a ‑kanyɩ 'nyɛ ‑mülü 'nyɩ toroa' Nyɔsʋa plɛa 'sa. 'Üa bobowli 'nyɩ mi 'klɔɔtrʋ ‑a.

Ɛfɛsënyüü 4:17 Referans Kwoze

Rɔmënyüü 1:21

'Asɩɛ 'ü jre 'iin 'sɩrɩ Nyɔsʋa bäa' 'plä 'wʋ ‑maa 'ünyɩ 'ɔɔn 'bʋala ‑a 'bʋala, 'ünyɩ 'ɔɔn 'trɛɛ ‑a 'trɛɛ. 'Ü ‑gölöa' 'üa bɔwɛ bobowli 'ü 'nyɛɛ ‑gälɩ, 'äa polulu 'nyɩa' bobokʋ kä nya blö 'jöjrüükpü 'lɩ.

2 Piɛɛrë 2:18

'Be 'fëflɛwiia 'kpɔ 'ü 'saalɩ. Bʋbɔgbili käa' plɛ 'tʋ nyra ‑sagbili käa' 'nyüsü 'üü ‑srörö kälɩ ‑bɛ 'ü 'kʋɛɛ ‑mülü ‑ka 'wʋ ɩa' ɩ 'lɩmlɩ ü sɔa' ‑mülü 'nyɛrɛa' ‑gbagblɛ 'lɩa ‑tɔrʋpɩɔ.

Kolɔɔsënyüü 2:4

Nyɔɔ ‑moloo ‑pɩ yrʋdɛtʋ nʋ 'ɔ ‑pɩ 'amɩ mlüülɩpa, 'ia ‑gʋ 'n ‑gbala 'amɩ.

1 Piɛɛrë 1:18

A jre ‑srülü Nyɔsʋa 'saa' 'ana 'lɩmlɩwʋwʋkʋa ‑gʋ, 'kä 'a nö ‑gbili 'nyɩa' ‑tɔɔ kä i 'a 'kpɩaraa' 'ana tʋɩɩ ‑gbaa. ‑Mää diili 'nyɩ ‑wlɛa' 'lɩ ‑beere mölii 'aiɛ ‑sika 'ɔnyɩ nʋ ‑bɛ 'ɔnyɩ 'amɩ ‑su.

Akëtë 20:21

'N ‑gbala juifë nyra grɛɛkë ü 'pie 'üa ‑balʋ 'ümä Nyɔsʋa 'lɩträärä, 'ümä ana 'Pläkänyɔɔ Jesu 'Kriisë plɛtoro.

Akëtë 18:5

Silasë nyra Timotee 'ciea' Masedoanë ‑bɛ 'ü jia' 'lɩ nɩ, ‑Susu nya 'tuto 'Pɔɔlë, 'ɔnya 'saralɩ juifë 'sɩrɩ Jesu bäa' 'Kriisë.

Akëtë 14:15

«‑Wlajü 'amɩ, dɛplɛɛ kä ‑gʋ 'a nö 'saa le? Nyüü a bä ‑beere 'amɔ 'la! 'Mʋfagogo a 'saa 'amɩ, 'amä diili 'nyɩa' ‑gbaa kä ‑wälɩ 'cɛrɛ, 'amä 'Lɩbä Nyɔsʋaa 'pɛlɩ kälɩsie, ɔ nʋa' cɛ, ‑tʋtʋ, 'tanie nyra diili kä 'fɩɔ bäa' 'ia 'mlɩ.

2 Timotee 4:1

'A 'ia ‑gʋ, 'tasɩrɩ 'n ‑gbala ‑mɩ Nyɔsʋa nyra 'Pläkänyɔɔ Jesu 'Kriisëlɔ 'mäa' 'lɩbänyüü nyra jäjänyüüa ‑gä ‑tʋ, 'taɩn 'lɩ 'ɔɔ ‑bɛ 'ɔa 'Kamaplä 'mäa' ‑srɩɩ ji nɩ, 'üa 'klɩ:

1 Timotee 6:13

‑Mɔ 'n ‑gbala Nyɔsʋaa 'klɩ, Nyɔsʋalɔ bäa' diia 'fɩɔa ‑fʋflʋa 'käkolofa, nyra Jesu 'Kriisëa 'klɩ, Jesulɔ 'palaa' Pɔɔsë Pilatëa 'klɩ 'cɩcasa.

1 Timotee 5:21

Nyɔsʋaa 'klɩ, 'Pläkänyɔɔ Jesu 'Kriisëa 'klɩ nyra 'aanjëlü Nyɔsʋa 'baa' 'lɩ, 'üa 'klɩ, ‑jäsɩ 'n ‑gbala ‑mɩ nɩ: ‑träärälɩ wiili 'n ‑gbalaa' ‑mɩ, ‑gäglɛkʋ 'nyɩ bä 'ia 'mlɩ.

1 Tɛsalonikënyüü 4:6

Nyɔɔ 'nyɩ nʋ 'ɔa ‑wlajʋ 'iia 'samaa' ‑balʋ ‑gba, 'be Nyɔsʋa nya 'ia bʋbɔgbili 'pɔnɩa. Anya ɩ 'amɩ 'iin ‑gbala 'wʋ 'kɔkɔmlɛ 'wʋ.

Kolɔɔsënyüü 2:18

'Anyɩ 'cɛrɛ nyüülü ‑waa' 'üa nyüfëa 'klɩböbökʋ ‑wälɩ, ü ‑waa' «'aanjëa 'wlitrarakʋ» 'ünyɩ 'ba 'amɩ 'nyʋfɔ 'wʋ. Diili 'ü ‑kaapɩɔa' 'jä, 'ii 'ü toroplɛ; 'ü ‑gbaalɩ, 'ü bɔtɔ ‑tɔklʋ 'üa bobowlili ‑balʋ 'tierea', 'ii 'tuto 'ümɩ ‑bɛ ü nö 'sa.

Ɛfɛsënyüü 4:22

'A kä 'amä 'ana ‑kätɩsaa nʋnʋgbi nyra 'ana ‑kätɩnyɔɔlɔ käa' dɛɛnyülü ‑trɔɔrɔa' ‑wälɩ 'cɛrɛ. 'Ba 'ba 'ana ‑kätɩnyɔɔlɔ, ɔ bʋblɔa' 'ana 'klä ‑gba.

Ɛfɛsënyüü 1:22

Nyɔsʋa ‑tʋ diia 'fɩɔ 'ɔa böklöli, ‑bɛ 'ɔɔlɔ bäa' diia 'fɩɔa 'wliklɩ nɩ, Nyɔsʋa nya ‑tʋ 'ɔɔn 'cɛcɩa 'wliklɩ.

Galaatënyüü 5:3

'Amɔ 'n ‑gbala 'sɔɔwʋ: nyɔɔlɔ nëmäa' 'ɔa nyufa 'bö nɩ, 'ɔ kä 'ɔmä 'lɩ ‑dɔa 'fɩɔ ‑träärä.

Galaatënyüü 3:17

Wiili 'n 'bataa' 'mäa' 'amɩ ‑gbala nɩ, 'iibä: Nyɔsʋaa kuö 'a kä 'Kriisë 'lɩ 'pala, 'i ‑si ‑sɩa ‑duu ‑sɩ ‑glʋ ‑sɩ ‑pʋ (430) 'fɩɔwʋ ‑dɔ nya nëmä ji. ‑Mää 'uun ‑nëmä 'lɩ Nyɔsʋaa kuö 'ba ‑a ji wiili 'ɔ 'paa' nɩ, 'imä ‑gbagblɛwii bä.

2 Korɛɛntënyüü 9:6

'Ba 'pa waklöölä kʋa' ‑pɩ plɛ: nyɔɔ ma pla diijie nɩ, diijie 'ɔ 'baalɩ; nyɔɔ ma pla 'kɔkɔmlɛ nɩ, 'kɔkɔmlɛ 'ɔ 'baalɩ.

1 Korɛɛntënyüü 15:50

'Na ‑wlajü 'amɩ, ‑jäsɩ 'n ‑gbalaa' 'amɩ nɩ: Dɛɛlɛ bäa' 'jajɛ nyra ‑toru 'nyɩ 'lɩ ‑a bɩa ü ji Nyɔsʋaa 'kamapläa ‑jaaa, ‑bɛ dɛɛ nëmäa' ‑fɛ nɩ, 'ɛnyɩ 'lɩ ‑a bɩa ɛ ji 'klälä 'nyɩa' blöröfa käa ‑jaaa.

1 Korɛɛntënyüü 1:12

‑Jäsɩ 'i bäa' nɩ: ‑moloo ma bälɩ 'ɔ nɩnɩa: «'Mɔɔ bä 'Pɔɔlëa nɔ», 'aiɛ: «'Mɔɔ bä Apolɔsëa nɔ», 'aiɛ: «'Mɔɔ bä Sefasëa nɔ», 'aiɛ: «'Mɔɔ bä 'Kriisë nɔ!»

Akëtë 2:40

'Ɔ 'pawii 'kɔkɔmlɛ 'ɔmä 'üa 'klü 'jrara ‑bɛ 'ümä wiili 'ɔ 'paaa' wii 'dara. 'Ɔ ‑nëma: «'Ba sɔ ‑srɩlɩ kä 'mlɩ a bäa', 'ia plɛbʋbɔnyüü dɛrɩ!»

Lukë 16:28

'be 'na ‑wlajü ‑gböö bälɩ. Ɔ mi ɔ ‑gbala 'üün dotro, 'üa 'mʋgbɛ ‑pɩ ‑tɛ ‑sʋɩa 'mlɩ ji.›