Ɛfɛsënyüü 4:16 - Kuö Dëdrä Jenɛɛsë Rutë

¹⁶ 'Ɔɔ känyrɩ 'kä fugbaa 'fɩɔ 'bʋa 'klɩtotrosa, ‑bɛ 'ä bä 'döö diili kä 'fɩɔ kɔklɔa' 'klɩ a 'nyrɩklɩa ‑gʋ. 'Pɛ ‑mɩdee ma 'nyɛ 'sɩrɩ 'ɛ käa' 'ɛmäa' 'nyɛ nɩ, fugbaa 'fɩɔ 'bʋala ‑wawlakʋ 'lɩ.

Ɛfɛsënyüü 4:16 Referans Kwoze

Kolɔɔsënyüü 2:19

'Ünyɩ kpasra 'Kriisëlɔ bäa' 'wli ‑gba ‑a. ‑Bɛ 'wli 'ii ‑nyɛɛ fugba diili 'naa'. 'Ii känyrɩ kä fugbaa 'katrafë nyra tri kpakü nyɔnyrɔ 'wʋ, 'kä fugbaa 'fɩɔ 'bʋala 'wʋ 'sɩrɩ Nyɔsʋa 'bataa'.

Jaan 15:5

'Mɔɔlɔ nɩ, 'mɔɔ bä viinyëtuu, 'amɔ bä katë. Nyɔɔlɔ 'maaa' 'mɩ ‑gbakä, ‑bɛ 'n 'maaa' ‑gbakä nɩ, 'ɔ tʋä ‑gböösa. ‑A ‑gbala 'amɩ, ama 'nyɩ 'amɩ 'lɩ ‑a bä, 'anyɩ 'lɩ ‑a bɩa 'amä dɛɛ nʋ.

Kolɔɔsënyüü 2:2

'N 'bata abɩa 'üa 'klü 'jrara, ü bä 'tasɩrɩ nyüü 'doo ‑wawlakʋ 'lɩ, 'kä 'ümä 'lɩgaglakʋ kpaku 'jä, 'ümä wiili Nyɔsʋa ‑sisiea' 'wli 'nu, 'iibä 'Kriisë.

Ɛfɛsënyüü 4:12

'Asɩ 'ɔ 'pa 'nyünanyüü 'klü 'lɩ, 'ümä nyɔsʋaanyüülü bäa' 'Kriisëa fugba 'klülɩpa 'ümä 'wʋsɔɔrɔ.

1 Korɛɛntënyüü 13:13

‑Bɛ dii tää bälɩ 'inya 'lɩ tɩɔrɔa: nyɔsʋaplɛtorokʋ, plɛgälɩpiepiekʋ, nyra ‑wawakʋ. ‑Maa ‑mɛlɛ ‑sia' 'wʋ, 'ɛɛ bä ‑wawakʋ.

Ɛfɛsënyüü 4:15

‑Maa 'cɩcasa ma 'saralɩ ‑wawlakʋ 'lɩ nɩ, anya diia 'fɩɔa 'mlɩ 'bʋalaa 'Kriisë 'lɩ, ɔ bäa' 'wliklɩ.

1 Timotee 1:5

Dɛɛlɛ 'n 'batraa' wiili 'n ‑gbalaa' ‑mɩa 'mlɩ nɩ, 'ɛɛ bä ‑wawakʋlʋ sɔa' plɛlɛ 'nyɩa' ‑fre paa 'mlɩ, i sɔa' 'mʋfa bobowli 'lɩ nyra 'tasɩrɩa nyɔsʋaplɛtorokʋlʋ 'nyɩa' ‑gla 'klɩ bäa' 'lɩ.

1 Tɛsalonikënyüü 2:13

'A 'ia ‑gʋ a 'trɛɛ Nyɔsʋa 'plɔʋplɔʋ, 'be a ‑gbalaa' 'amɩ nyɔsʋaawii. 'Anyɩ 'iin 'kpla ‑a 'kpla ‑beere nyɔɔa dɛtɛdɛtʋ, ‑maa 'sɩrɩ 'i bäa' 'tasɩrɩa Nyɔsʋaa wii nɩ, 'asɩ 'a 'kpla 'iin. ‑Bɛ 'ia 'mʋgbɛ ‑fɛɛɛrɛ 'ana 'kläa 'mlɩ 'jrʋpa; 'amɔ toroa' Nyɔsʋa plɛ.

Filipënyüü 1:9

‑Bɛ ama bibie Nyɔsʋa dɛɛlɛ 'n 'betea' nɩ, 'iibä: abɩa 'ana ‑wawakʋ 'paplagälɩa 'doo, 'amä 'cɩcasa jre ‑gböösa ‑bɛ 'amä 'tasɩrɩ wiia 'fɩɔ 'wli 'nu,

Ɛfɛsënyüü 3:17

‑bɛ 'Kriisë 'mä 'ana polua 'mlɩ kʋ. 'Be 'a toro 'ɔɔn plɛ, 'ana ‑wawlakʋa tigblii 'mä nyɔnyrɔ, 'imä 'käsri ‑wawlakʋ 'lɩ

1 Piɛɛrë 1:22

Nyɔsʋaa ‑Susu 'lɩ 'a ‑träärälɩ 'cɩcasa ‑bɛ 'ana ‑sisi kpëträ 'amä ‑wawla 'tasɩrɩasa ‑beere ‑wlajü. 'Ii känyrɩ, 'ba nʋ 'nyünaplɛ 'ba ‑wawla 'tasɩrɩasa.

Ɛfɛsënyüü 3:7

A 'ia 'Mʋfagogoläa 'mlɩ 'n nʋ Nyɔsʋaa 'jrʋpafɛnyɔɔ: 'a Nyɔsʋaa 'srɛlɛ 'ɔ ‑nyɩa' 'mɩ 'ɔa ‑gbinanakʋ 'lɩ, 'ɔa 'klü 'ɔ nʋ.

Ɛfɛsënyüü 1:4

'Plä ‑kaaŋlʋ nrörö Nyɔsʋa nya 'balɩ amɩ 'Kriisë 'lɩ amä 'nyünanyüü nyra nyüülü 'nyɩa' bʋbɔdɛɛ ‑gba kä 'ɔa 'klʋɩ ‑gälɩ, 'ɔa ‑wawakʋ 'lɩ.

Galaatënyüü 5:22

‑Maa wiili ‑Susu 'ciea' amɩ 'lɩ nɩ, 'iibä: ‑wawlakʋ, dɔrʋ, plɛgälɩflɛrɛkʋ, plɛpɩpɛa käkäkʋ, 'cɩcagbia nʋnʋkʋ, ‑gbajijikʋ, plɛtoronyɔɔa bäbäkʋ, ‑gbinanakʋ nyra jre ‑na 'mʋgbɛa 'kpakplakʋ;

1 Jaan 4:16

Amɔlɔ nɩ, a jre ‑wawakʋlʋ Nyɔsʋa ‑waa' amɩ, anya toro 'uun plɛ. Nyɔsʋa bä ‑wawakʋ. Nyɔɔlɔ kʋäa' ‑wawakʋ 'lɩ nɩ, Nyɔsʋa 'lɩ 'ɔ kʋ, ‑bɛ Nyɔsʋa kʋ 'ɔɔn 'lɩ.

2 Tɛsalonikënyüü 1:3

‑Wlajü 'amɩ, 'ana ‑gʋ a kä amä Nyɔsʋa 'trɛɛ 'taɩn a 'fɩɔ 'lɩ. 'Inya 'nara 'lɩ, 'be 'ana nyɔsʋaplɛ 'papla ‑gälɩa 'doo, ‑bɛ 'ana ‑wawlakʋa 'mʋgbɛ 'papla ‑gälɩa 'doo.

1 Tɛsalonikënyüü 3:12

Abɩa 'Pläkänyɔɔ 'papla 'ana ‑wawlakʋ ‑gälɩ, nyra nyüü ‑mölööa 'pɛlɩ, 'sɩrɩ a ‑waa' 'amɩ.

1 Tɛsalonikënyüü 1:3

'Asɩ a bibiea' ana Tʋ Nyɔsʋa nɩ, a 'paa 'jrʋpalä 'ana nyɔsʋaplɛ ‑fɛɛɛa', 'äa ‑gä plɛ, 'ana ‑wawlakʋlʋ ‑fɛɛɛa' 'jrʋpa nyra 'ana plɛlɛ 'a 'piea' ana 'Pläkänyɔɔ Jesu 'Kriisë ‑gälɩ ɛnyɩ sɩaa'.

Galaatënyüü 5:6

'Be 'Kriisë Jesu 'lɩ nɩ, ‑böölö o, ‑nyɩ 'bölö o, 'inyɩ ‑gbaa ‑a kä. ‑Maa plɛtorokʋlʋ käa' 'nyrɩ ‑bɛ a ‑wawlaa', 'uu bä wii.

1 Korɛɛntënyüü 8:1

Dɛɛlɛ bäa' mlaalü 'ü 'blaraa' ‑wäsɩa nɩ, ‑yɛɛ ana 'fɩɔ jre 'cɩcasa. 'Ia wiijejrekʋlʋ nö 'iin kä a ‑gbaalɩ, ‑maa ‑wawlakʋ 'paa nyɔɔ 'klü 'lɩ.

Rɔmënyüü 12:4

'Be fugbalä a 'klaaa' 'ä bä 'döö ‑maa 'äa ‑gbaa dii ‑sümlö, 'ia 'fɩɔ 'nyɩ 'jrʋpa 'döö ‑a kä.

1 Korɛɛntënyüü 10:17

‑Bɛ 'flɔɔbölä bäa' 'döö, ‑bɛ a ‑sümlöa' nɩ, fugba 'döö a bä; 'be 'flɔɔbö 'döölä 'ää ana 'fɩɔ jö.