Ɛfɛsënyüü 3:7 - Kuö Dëdrä Jenɛɛsë Rutë

⁷ A 'ia 'Mʋfagogoläa 'mlɩ 'n nʋ Nyɔsʋaa 'jrʋpafɛnyɔɔ: 'a Nyɔsʋaa 'srɛlɛ 'ɔ ‑nyɩa' 'mɩ 'ɔa ‑gbinanakʋ 'lɩ, 'ɔa 'klü 'ɔ nʋ.

Ɛfɛsënyüü 3:7 Referans Kwoze

Ɛfɛsënyüü 1:19

‑Bɛ 'amä 'ɔa 'klü kpakülü ‑fɛɛɛrɛa' amɔlɔ toroa' 'ɔɔn plɛa 'kläa 'mlɩa 'jrʋpa jre. 'Ia 'klülü nɩ, 'klü 'kɔkɔmlɛ Nyɔsʋa nʋ 'ɔnya srara 'üün.

Ɛfɛsënyüü 3:20

Nyɔɔlɔ ‑fɛɛɛrɛa' ana 'kläa 'mlɩ 'jrʋpa ‑gböösa, ɔ 'mrɛɛa' ɔmäa' 'ɔa 'klülü bäa' amɩ 'lɩ kälɩ ‑srörö, ‑bɛ ɔmäa' dii 'kɔkɔmlɛlɛ anyɩa' 'bete 'aiɛ 'anyɩa' bobo nʋ,

Ɛfɛsënyüü 3:2

'N jresaa 'a 'nu 'sɩrɩ Nyɔsʋaa ‑gbinanakʋ 'lɩ 'ɔ ‑nyɩa' 'mɩ 'Mʋfagogoa 'sasajrʋpa 'ana ‑gʋ.

2 Korɛɛntënyüü 3:6

'Ɔɔ nʋ 'iin 'a 'ia ‑gʋ a 'mrɛɛ amä kuö dëdräa 'jrʋpafɛnyüü bä. ‑Mää ‑dɔlʋ ‑jɩjraa' ‑gälɩ 'ia kuölä 'nyɩ pɩara, Nyɔsʋaa ‑Susu ‑gälɩ 'ä pɩara. 'Be ‑dɔlʋ ‑jɩjraa' 'blaa, ‑maa Nyɔsʋa ‑Susu ‑nyɛɛɛ 'klä.

Ebröönyüü 13:21

abɩa 'ia Nyɔsʋalɔ nʋ 'imɩ 'amä 'jrʋpalä kä 'fɩɔ 'naa' a nʋnʋkʋ mlɩbɩa, 'amä wiili 'ɔ 'bataa' nʋ, ɔ ‑srörö Jesu 'Kriisë kälɩ 'ɔmä 'amɩ 'lɩ wiili käa' 'ɔɔn 'tʋ ‑tʋ. 'Ɔɔ kä 'bʋalakʋ 'plɔʋplɔʋa ‑gʋ! 'Asɩ i bä!

1 Tɛsalonikënyüü 2:13

'A 'ia ‑gʋ a 'trɛɛ Nyɔsʋa 'plɔʋplɔʋ, 'be a ‑gbalaa' 'amɩ nyɔsʋaawii. 'Anyɩ 'iin 'kpla ‑a 'kpla ‑beere nyɔɔa dɛtɛdɛtʋ, ‑maa 'sɩrɩ 'i bäa' 'tasɩrɩa Nyɔsʋaa wii nɩ, 'asɩ 'a 'kpla 'iin. ‑Bɛ 'ia 'mʋgbɛ ‑fɛɛɛrɛ 'ana 'kläa 'mlɩ 'jrʋpa; 'amɔ toroa' Nyɔsʋa plɛ.

Kolɔɔsënyüü 1:29

'A 'ia ‑gʋ 'n ‑fɛɛɛ 'jrʋpa 'ɔa 'klüa 'nyrɩklɩ, 'ü 'tuto 'mɩ ‑gböösa.

1 Korɛɛntënyüü 15:10

‑Maa Nyɔsʋaa ‑gbinanakʋa ‑gʋ 'n bäsaa 'saarɩ, 'be 'ɔa ‑gbinanakʋlʋ ɔ sraraa' 'mɩ nɩ, ‑mää 'fëflɛsa ‑a, ‑bɛ 'n ‑fɛ 'jrʋpa 'nyaa ‑si apotrë ‑mülüa 'fɩɔwʋ. ‑Mää 'mɔɔ 'nyɩ 'jrʋpa ‑fɛ, ‑maa Nyɔsʋaa ‑gbinanakʋlʋ bäa' 'mɩ 'lɩ 'uu bäsaa.

1 Korɛɛntënyüü 3:5

Nyɔɔ 'plɛɛ bä Apolɔsë, ‑bɛ ɔ bä 'Pɔɔlë le? Nyɔsʋaa 'jrʋpafɛnyüü 'ü bä. 'Anya ‑srörö 'üün kälɩ 'anya toro Nyɔsʋa plɛ. ‑Mɔ ma bälɩ 'jrʋpalä 'Pläkänyɔɔ ‑nyɩa' 'ɔɔn 'ää 'ɔ ‑fɛɛɛ.

Rɔmënyüü 15:16

'N nʋ Jesu 'Kriisëa 'jrʋpafɛnyɔɔ nyüülü 'nyɩa' juifë bä 'üa ‑gʋ. Nyɔsʋaa 'Mʋfagogoa 'pɛrɩnyɔɔa 'jrʋpa 'n ‑fɛɛɛ, 'kä nyüülü 'nyɩa' juifë bä 'mä ‑gbɔlʋ käa' Nyɔsʋa 'tʋ bä, ‑gbɔlʋ 'Nyüna ‑Susu berea' 'klɩ.

Rɔmënyüü 1:5

'Ɔɔ Nyɔsʋa ‑srörö kälɩ 'ɔnya ‑nyɩ amɩ 'ɔa ‑gbinanakʋ, 'ɔa ‑gʋ 'ɔ nrörö amɩ apotrë 'lɩ, amä 'iin nʋ 'kä 'ɔa 'nyrɩklɩ nyüülü 'nyɩa' juifë bä 'mä 'ɔɔn plɛtoro ‑bɛ 'ümä 'ɔɔn 'lɩträärä.

Ɛfɛsënyüü 4:16

'Ɔɔ känyrɩ 'kä fugbaa 'fɩɔ 'bʋa 'klɩtotrosa, ‑bɛ 'ä bä 'döö diili kä 'fɩɔ kɔklɔa' 'klɩ a 'nyrɩklɩa ‑gʋ. 'Pɛ ‑mɩdee ma 'nyɛ 'sɩrɩ 'ɛ käa' 'ɛmäa' 'nyɛ nɩ, fugbaa 'fɩɔ 'bʋala ‑wawlakʋ 'lɩ.

Ɛfɛsënyüü 3:8

'Mɔɔ 'padɛrɩtä nyɔsʋaanyünanyüüa 'fɩɔa ‑tɔrʋpɩɔ. ‑Maa 'mɔɔ 'ɔ ‑nyɩ 'ɔa ‑gbinanakʋ 'mä nyüülü 'nyɩa' juifë bä 'Mʋfagogo 'sa. 'Mʋfagogolä nɩ, 'bɩɔ bäsaa, 'unyɩ bɩabɩa ‑a, 'Kriisëa kälɩ 'u sɔ.

Galaatënyüü 2:8

'Be ɔ nröröa' Piɛɛrë nyüülü 'bölöa' apotrë 'lɩ nɩ, 'ɔɔ nrörö bɩa 'mɩ nyüülü 'nyɩa' juifë bä 'üa apotrë 'lɩ.

2 Korɛɛntënyüü 4:1

'Bala 'lɩ ‑gälɩ, 'be Nyɔsʋa 'jä ana nyatɛrɩ 'ɔnya ‑nyɩ amɩ 'jrʋpalä, 'ii känyrɩ ana kpati 'nyɩ jä 'lɩ ‑a.

Akëtë 9:15

‑Maa 'Pläkänyɔɔ nya ‑gbala 'ɔɔn: «Mi! 'A nyɔɔlɔ 'n 'baa' 'lɩ 'ɔmä 'na 'nyrɩ 'plä 'klɩsrara: nyüülü 'nyɩa' juifë bäa 'klɩ, 'üa 'kɩɩɩa 'klɩ, nyra Israɛɛlëa 'klɩ.

Rɔmënyüü 12:3

Nyɔsʋaa ‑gbinanakʋlʋ ɔ ‑nyɩa' 'mɩ nɩ, 'ua 'nyrɩklɩa ‑gʋ, 'n ‑gbala 'amɩ 'doorodoo: 'ana bobowli 'nyɩ 'jrara 'amɩ ‑gböösa 'inyɩ ‑sie 'wli, ‑maa 'ba jre 'ana kʋfa. ‑Moloo ma bälɩ ɔ 'jä 'ɔa nyɔsʋaplɛtorokʋlʋ Nyɔsʋa ‑nyɩa' 'ɔɔn 'kä 'ɔ nö 'ia 'sa.