Ɛfɛsënyüü 3:12 - Kuö Dëdrä Jenɛɛsë Rutë

¹² A nyra 'Kriisë bäa' 'doo plɛtorokʋ 'lɩ, 'ia ‑gʋ a jresaa a 'mrɛɛ amä Nyɔsʋa ‑gbajijrö 'surusa.

Ɛfɛsënyüü 3:12 Referans Kwoze

Ɛfɛsënyüü 2:18

'Be 'abɩa 'Kriisë ana 'fɩɔ ma ‑srörö kälɩ nɩ, ‑bakää ‑bä juifë 'aiɛ ‑nyɩ juifë bä, 'a ‑plɩɩ a 'mrɛɛ amä ana Tʋ Nyɔsʋa ‑gbajijrö ‑Susu 'doolʋa 'nyrɩklɩ.

Rɔmënyüü 5:2

'A 'ɔa plɛtorokʋa ‑gʋ 'ɔ 'sa amɩ 'ɔa ‑gbinanakʋa 'nyʋfɔa tatu 'klɩ, ‑bɛ a kʋ 'lɩ 'mʋfasa ‑mlatɩ. Dɔrʋ 'blaa amɩ 'be anya ‑pɩ Nyɔsʋaa 'bʋalakʋ 'jäa.

Jaan 14:6

Jesu nya ‑gbala 'ɔɔn: «'Mɔɔ bä 'nyʋfɔ, 'nyaa bä 'cɩcasa nyra 'klä. Nyɔɔ ‑o nyɔɔ jöa' Tʋa ‑nyɛɛ 'mɔɔ 'ɔ ‑srörö kälɩ.

2 Korɛɛntënyüü 3:4

'Abɩa 'surukʋlʋ a 'järäa' 'Kriisë kälɩ Nyɔsʋaa 'klʋɩ.

Rɔmënyüü 3:22

'Klɩgägäkʋlʋ sɔa' 'ɔɔn kälɩ nɩ, Jesu 'Kriisëa plɛtorokʋ 'lɩ 'u ‑srörö 'kä 'u jrä nyüülü kä 'fɩɔ toroa' Nyɔsʋa plɛ ‑gälɩ; 'be nyüüa 'fɩɔ bä dɛɛ 'dee.

Ebröönyüü 3:6

‑Maa 'Kriisëlɔ nɩ, 'ɔ bä plɛgälɩpie 'Jʋ ‑bɛ 'ɔ bä nyukulua 'wliklɩ. Ama ‑sɔɔrɔ ana nyɔsʋaplɛtorokʋ 'wʋ ‑sɔrɔ 'pläa bɩarafa 'wʋ nɩ, ‑bɛ ama 'kpla ana nyɔsʋaplɛgälɩpipiekʋlʋ käa' amɩ dɔrʋ 'wʋ nɩ, ama nʋ 'imɩ nɩ, a bä 'ɔa nyuku.

Ebröönyüü 10:35

'Ii känyrɩ, 'anyɩ sɩa plɛgälɩpiepiekʋa ‑gʋ. 'Be 'ɛa 'nyrɩklɩ 'ɔ tɛrɛ 'amɩ 'bɩɔ kpaku.

1 Piɛɛrë 3:18

'Kriisëa 'mʋgbɛ 'jä ‑sʋɩ ‑balʋnyüüa ‑balʋa ‑gʋ, 'ɔ nʋ 'imɩ 'wʋ 'doo 'wʋ 'plɔʋplɔʋa ‑gʋ: 'ɔɔ bäa' 'klɩgänyɔɔ, 'ɔ jä nyüülü 'nyɩa' 'klɩgäa ‑gʋ, 'ɔmä 'amɩ Nyɔsʋaa 'pɛlɩ fala. 'Tasɩrɩ 'ɔ jä, ‑maa Nyɔsʋaa ‑Susu nya 'ba 'ɔɔn jäjäa ‑tɔrʋpɩɔ, 'ɔnya bälɩ.

1 Jaan 2:28

'Na 'jü 'amɩ, 'ba kʋ 'ɔɔn 'lɩ. 'Ia 'taɩn 'lɩ ɔma ji ‑srɩɩ nɩ, ana plɛ 'mä nyɔnyrɔ, 'nyüsü ‑pɩ amɩ 'bla 'ɔa jijitaɩn 'lɩ.

1 Jaan 3:21

‑Maa, 'na ‑wawanyüü 'amɩ, ana plɛ ma ‑si nɩ, 'ɛ ‑nëmä 'lɩ ‑a ‑taara Nyɔsʋaa 'klɩ.