Ɛfɛsënyüü 3:10 - Kuö Dëdrä Jenɛɛsë Rutë

¹⁰ 'Köklesaplɩɩ ɔ nɩ, 'Cɛcɩ Nyɔsʋa ‑srörö kälɩ 'kä 'kamasisi nyra 'klüükäsisili bäa' cɛlɩ 'mä Nyɔsʋaa wiijejrekʋ jre. 'Ia wiijejrekʋlʋ nɩ, Nyɔsʋa kä 'ia srarakʋa 'drü 'kɔkɔmlɛ.

Ɛfɛsënyüü 3:10 Referans Kwoze

1 Piɛɛrë 1:12

Nyɔsʋa nya srara 'üün 'sɩrɩ wiili 'ɔ ‑tʋa' 'üün mlɩ 'nyɩa' 'üa 'mʋgbɛa ‑gʋ bä, ‑maa 'sɩrɩ 'i bäa' 'ana ‑gʋ. 'A wiili bä 'saarɩ 'Mʋfagogo, 'ää nyüü 'saa 'amɩ 'Nyüna ‑Susua 'klülü sɔa' ‑nyɛɛ cɛa 'mlɩ. 'Aanjëa 'mʋgbɛ 'bata 'ümä 'ia 'mlɩ 'kä 'järä.

Ɛfɛsënyüü 6:12

'Be ‑golulu a ‑fuuöa' 'nyɩ 'jajɛ nyra ‑torua ‑golu ‑a bä; ‑maa 'klü, 'kamanyüü, nyüülü 'kama 'jöjrüükpüa 'blɩlɩ kʋa' ‑pɩ, nyra bʋbɔsisili kʋa' cɛ nyra ‑tʋtʋa ‑tɔrʋpɩɔ, 'üü a nyra 'üün ‑fuuö.

1 Korɛɛntënyüü 2:7

Nyɔsʋaa 'lɩgaglakʋlʋ 'ɔ ‑sisre käa' nyüü ‑gba, u 'ünyɩa' 'wli 'nu, 'uu a 'kpɩa 'üün. Nyɔsʋa tɛrɛ kä amɩ 'ia wiijejrekʋ 'fɩɔwʋ 'ɔnya 'mä 'plä nʋ ana 'bʋalakʋa ‑gʋ.

Rɔmënyüü 11:33

Nyɔsʋaa ‑gbinanakʋ 'bʋa! 'Ɔa 'lɩgaglakʋ nyra 'ɔa wiijejrekʋ 'bʋa! Nyɔɔ 'plɛɛ jre wiili Nyɔsʋa 'daaa' 'ɔmäa' nʋ le? Nyɔɔ 'plɛɛ 'mrɛɛ 'ɔ 'nu 'ɔa ‑gätʋtʋkʋ 'wli le? Nyɔɔ 'plɛɛ 'mrɛɛ 'ɔ 'nu wiili 'ɔ 'bataa' 'wli le!

Ɛfɛsënyüü 1:21

'Kriisë bä 'kamanyüüa 'fɩɔa 'wliklɩ, 'ɔ bä 'klüa 'fɩɔa 'wliklɩ, 'ɔ bä 'kɩɩɩ nyra 'cifua 'fɩɔa 'wliklɩ: 'ɔ bä 'nyrɩa 'fɩɔa 'wliklɩ, ‑mää ‑tɛ ‑tʋtʋlʋ kʋa' ‑pɩa 'dooa ‑gälɩ ‑a, ‑maa ‑sraakäpɩa 'pläa 'mlɩ bɩa.

Ɛfɛsënyüü 1:3

Abɩa Nyɔsʋa 'bʋala, 'ɔɔ bä ana 'Pläkänyɔɔ Jesu 'Kriisëa Tʋ. 'Ɔ 'pa amɩ 'nɩ 'Kriisë 'lɩ, 'ɔɔ kälɩ 'ɔ ‑srörö 'ɔnya ‑nyɩ amɩ 'ɔa 'nɩpapakʋlʋa 'fɩɔ bäa' cɛa 'mlɩ.

1 Korɛɛntënyüü 1:24

‑Maa ‑mülü Nyɔsʋa wea' ü bäa' juifënyüü nyra grɛɛkënyüü nɩ, 'ü jre 'iin 'sɩrɩ 'Kriisë bäa' Nyɔsʋaa 'klü nyra 'ɔa 'lɩgaglakʋ;

1 Piɛɛrë 3:22

'Ɔ 'jra cɛa 'mlɩ, 'ɔ bä Nyɔsʋaa 'dupa 'pɛlɩ. 'A ‑plɩɩ 'ɔ 'kamlaa 'aanjë, ‑sisili kä 'fɩɔ 'kamaa', nyra ‑sisili kä 'fɩɔ käa' 'klü.

Kolɔɔsënyüü 1:16

'Be 'ɔɔ Nyɔsʋa ‑srörö kälɩ 'ɔnya nʋ diili kä 'fɩɔ bäa' cɛa 'mlɩ nyra ‑tʋtʋ ‑gälɩ: diili a 'jäa' 'wʋ nyra ‑mɩlɩ anyɩ 'jäa' 'wʋ; 'Kɩɩɩ nyra 'üa 'kamakʋ, 'cifu nyra 'klüɩɩ. 'Ɔɔ kälɩ 'ia 'fɩɔ ‑srörö 'inya nrörö 'ɔa ‑gʋ.

1 Timotee 3:16

‑Yɛɛ, nyɔɔ 'nyɩ 'lɩ ‑a bɩa ɔ blara ana nyɔsʋaplɛtorokʋlʋ kpakulu ‑kanyɩa' ‑sisie 'klɩ: Nyɔsʋa ji 'ɔmä 'ɔa nyufa nyɔɔ 'lɩnrörö, Nyɔsʋa ‑Susu nya srara 'sɩrɩ 'ɔ ‑gäa' 'klɩ. 'Aanjëɩɩ nya 'jä 'ɔɔn, nyüü 'saralɩ 'ɔa ‑gä nyüülü 'nyɩa' juifë bä. ‑Tʋtʋgälɩ nyüü toro 'ɔɔn plɛ, cɛa 'mlɩ 'lee 'ɔnya 'jrara Nyɔsʋaa 'bʋalakʋ 'lɩ.

Ɛfɛsënyüü 1:8

‑Bɛ wiijejrekʋ nyra 'lɩgaglakʋ 'sia' 'ɔɔn 'lɩ nɩ, 'ia ‑gʋ 'ɔ ‑gblɔɔ amɩ 'ia ‑gbinanakʋlʋ 'wʋ 'kä ‑gböösa.

Rɔmënyüü 8:38

'Na plɛ 'srikä 'nyaa jresaa: ‑mää jäjä, 'aiɛ 'klä, 'aiɛ 'aanjë, 'aiɛ ‑sisia 'klü, 'aiɛ 'saarɩ, 'aiɛ ‑srɩɩ,

Ɛfɛsënyüü 1:23

'Ɛɛ bä 'ɔa fugba. 'Ɔnya bä 'ɛɛn 'lɩ, 'ɔnya 'sie 'ɛɛn, 'ɔɔlɔ 'siea' diia 'fɩɔ.

Kolɔɔsënyüü 2:10

'A nyra 'ɔɔn bäa' 'doo nɩ, 'ɔa 'fɩɔ kʋ 'amɩ 'lɩ, 'ɔɔlɔ bäa' 'klüa 'fɩɔa nyra 'klügälɩkäläkʋa 'kamanyɔɔ.

Kolɔɔsënyüü 2:15

Nyɔsʋa 'ba 'kamanyüü nyra ‑sisili käa' 'klü 'üa 'klü kälɩ; 'ɔnya ‑srörö krʋa kälɩ nyüüa 'fɩɔa 'klɩ, 'ɔnya du 'üün.