Ɛfɛsënyüü 2:9 - Kuö Dëdrä Jenɛɛsë Rutë

⁹ ‑mää nyɔɔa 'jrʋpaa ‑gʋ ‑a, nyɔɔ ‑pɩ 'ia ‑gʋ 'lɩgba.

Ɛfɛsënyüü 2:9 Referans Kwoze

2 Timotee 1:9

Nyɔsʋa 'ɔɔ 'pʋɔ amɩ, 'ɔ we amɩ 'nyünanakʋ 'lɩ; ‑mää ana 'mʋfa 'jrʋpaa ‑gʋ ‑a, ‑maa 'sɩrɩ 'ɔ ‑waa', 'ii 'ɔ nʋ, 'ɔa ‑gbinanakʋ 'lɩ. ‑Gbinanakʋlʋ bälɩ 'fɩɔwʋ ‑tʋtʋ nya nëmä nrörö, 'ɔ ‑nyɩ amɩ 'uun 'Kriisë Jesu 'lɩ.

Rɔmënyüü 11:6

‑Bɛ ima 'daa ‑gbinanakʋ 'lɩ 'ɔ ‑srörö nɩ, ‑mää nyɔɔa nʋnʋdiia ‑gʋ ‑a; ima 'daa ɩ 'iin nɩ, ‑gbinanakʋ ‑kanyɩ ‑gbinanakʋ ‑a bä. ‑Bɛ ima 'daa nyɔɔa nʋnʋdiia ‑gʋ nɩ, ‑mää ‑gbinanakʋ ‑kanyɩ 'saabä; ima bä ɩ 'iin nɩ, nyɔɔa nʋnʋdii ‑kanyɩ nyɔɔa nʋnʋdii ‑a bä.

Rɔmënyüü 9:16

'Ii känyrɩ, ‑mää nyɔɔ 'inyɩ kälɩ bä, ‑mää bɩa nyɔɔa 'klüa wii ‑a, ‑maa Nyɔsʋalɔ käa' nyatɛplɛ 'ɔɔ 'i bäkälɩ.

Rɔmënyüü 3:20

Nyɔɔ 'doo nyɔɔ 'doo ‑nëmä 'klɩ ‑a ‑gä 'ɔa 'klɔɔtrʋ ‑dɔa 'lɩträäräkʋ ‑a ‑gʋ; 'be ‑dɔ srara nyɔɔ dɛɛlɛ bäa' ‑balʋ.

Rɔmënyüü 9:11

'Be Nyɔsʋaa 'mlɔɔ 'ɔɔ 'baalɩ nyüü: ‑maa ‑mää 'üa ‑gbi 'ɔnyɩ tɛklɩ ‑bɛ 'ɔnyɩ 'balɩ 'üün, 'ɔɔ bäa' Nyɔsʋa ɔ 'baa' 'lɩ nyüü 'ɔa 'doo 'i bäkälɩ. 'Asɩ 'jülü ‑kaaŋlʋ ‑glooro, 'ü ‑kaaŋlʋ 'nɩmɩ ‑balʋ nyra 'cɩcasa ‑a nʋ,

Rɔmënyüü 4:2

Abraamëa 'cɩcagbia ‑gʋ ɔma ‑gäklɩ nɩ, 'ɔa 'lɩgbagbakʋ kälä 'lɩ, ‑maa ‑mää 'sɩ 'inyɩ bä Nyɔsʋaa 'klɔɔtrʋ.