Ɛfɛsënyüü 2:8 - Kuö Dëdrä Jenɛɛsë Rutë

⁸ 'Be Nyɔsʋaa ‑gbinanakʋa ‑gʋ 'a 'wʋlɩmlɩ, nyɔsʋaplɛtorokʋ kälɩ 'a ‑srörö 'kä 'a 'jä 'umɩ. ‑Mää 'ana 'mʋgbɛa plɛklɩa wii ‑a, Nyɔsʋa 'ɔɔ ‑nyɛɛ 'iin 'flɛɛlɩ;

Ɛfɛsënyüü 2:8 Referans Kwoze

Ɛfɛsënyüü 2:5

a bä käa' 'nɩmɩ jäjänyüü ana ‑balʋa ‑gʋ nɩ, 'ɔ nʋ 'iin a nyra 'Kriisë nya bä 'sɔɔwʋ 'lɩ. Nyɔsʋaa ‑gbinanakʋa ‑gʋ 'a 'wʋlɩmlɩ.

Rɔmënyüü 4:16

'A 'ia ‑gʋ nyɔɔa nyɔsʋaplɛtorokʋ kälɩ 'ɔ ‑srörö 'kä 'ɔ jö ‑jaaa, 'ia ‑toko 'mä Nyɔsʋaa ‑gbinanakʋ bä. ‑Bɛ wiili Nyɔsʋa 'daaa' 'ɔmäa' nʋ ‑bɛ 'imäa' Abraamëa 'jüa 'fɩɔa dɛɛ bä nɩ, ‑mää ‑mülü kä 'doo ‑trääräa' 'lɩ ‑dɔ ‑a, ‑maa nyüülü toroa' bɩa Nyɔsʋa plɛ 'sɩrɩ Abraamë toroa' 'ɔɔn plɛ. 'Ɔɔ bä ana 'fɩɔa tʋ,

Rɔmënyüü 10:17

'Ii känyrɩ, nyɔsʋaawii a 'poa' 'nyakli, 'ii ‑nyɛɛɛ nyɔsʋaplɛtorokʋ; ‑bɛ nyɔsʋaawiili a 'poa' 'nyakli nɩ, Nyɔsʋaa mlɩa wii bäsaa.

Akëtë 16:31

'Ü ‑nëma: «Toro 'Pläkänyɔɔ Jesu 'Kriisë plɛ, ‑mɔ ‑bɛ ‑na ‑gbööö 'mä 'lɩmlɩwʋ.»

Jaan 6:37

Ü kä 'fɩɔ Tʋ ‑nyɩa' 'mɩ 'ünya 'na 'pɛlɩ jia, ‑bɛ 'nëmä bɩa nyɔɔlɔ jöa' 'na 'pɛlɩ ‑fälɩ ‑a be 'plɔʋ.

Jaan 5:24

«'Tasɩrɩa 'cɩcasa 'n ‑gbala 'amɩ, nyɔɔlɔ poa' 'na 'papawii 'nyakli ‑bɛ 'ɔ toro nyɔɔlɔ blɔa' 'mɩ plɛ nɩ, 'ɔ kä 'klälä 'nyɩa' blöröfa kä. 'Ɔa ‑gä ‑nëmä ‑träärä ‑a ‑träärä. 'Ia nyɔɔlɔ, 'ɔ 'a jäjä 'lɩ sɔ, 'ɔ 'a 'klä 'lɩ ji.

Jaan 4:10

'Iibäa' Jesu nɩ: «‑Ama jre ɩ dɛɛlɛ Nyɔsʋa ‑nyɩa' ‑mɩ nɩ, ‑bɛ ‑ama jre ɩ nyɔɔlɔ 'daaa': ‹‑Nyɩ 'mɩ 'nɩ ‑a 'mla› nɩ, ‑na 'mʋgbɛ ‑tɛɛ, ‑mä nëmä 'ɔɔn ‑sɛ ‑mä 'mla 'kä 'ɔnya ‑mɩ 'nɩlɩ ‑nyɛɛa' 'klä ‑nyɩ.»

Lukë 7:50

'Ɔnya ‑gbala 'ŋlʋʋlɔ: «‑Na nyɔsʋaplɛ 'a ‑mɩ 'lɩmlɩba; mi, abɩa ‑na fugbaa 'mlɩ flɛrɛ.»

Marëkë 16:16

Ɔ nëmäa' 'ään wii 'dara, ‑bɛ 'ümäa' 'nɩ 'wli 'pa, 'ɔnya 'lɩmlɩwʋa. ‑Maa ‑mɔlɔ ‑nëmäa' 'ään wii 'dara, Nyɔsʋa nya 'ɔɔn 'pɔnɩa.

Jaan 3:36

Nyɔɔlɔ toroa' 'Jʋ plɛ nɩ, 'ɔ kä ‑wɩara 'klä; nyɔɔlɔ 'nyɩ toroa' 'Jʋ plɛ nɩ, 'ɔ ‑nëmä 'klä ‑a 'jä, ‑maa Nyɔsʋaa 'crɛ bä 'ɔɔn ‑gälɩ 'plɔʋplɔʋ.»

Rɔmënyüü 4:5

‑Maa nyɔɔlɔ 'nyɩ ‑fɛa' 'jrʋpa 'pɛpɛɛkʋa ‑gʋ ‑bɛ ɔ toroa' Nyɔsʋalɔ nröröa' ‑balʋnyüü 'klɩgänyüü 'lɩ plɛ nɩ, 'ɔa nyɔsʋaplɛtorokʋ nrörö 'ɔɔn 'klɩgänyɔɔ 'lɩ Nyɔsʋaa 'klɔɔtrʋ.

Ɛfɛsënyüü 2:10

'Be Nyɔsʋa 'ɔɔ nʋ amɩ; a nyra 'Kriisë Jesua nyüü 'dooa bäbäkʋ kälɩ Nyɔsʋa ‑srörö 'ɔnya nʋ amɩ amä 'cɩcagbi nʋ. 'Cɩcagbili nɩ, 'ɔ 'a kä 'iin ‑ëlere amä 'iin nʋ.

Galaatënyüü 3:22

‑Maa nyɔsʋapɔɔkʋ nɩnɩa ‑balʋ kälä 'pläa 'fɩɔ 'klü ‑gälɩ, 'kä wiili Nyɔsʋa 'daaa' ɔmä 'iin nyüülü toroa' Jesu 'Kriisë plɛ ‑nyɩ.

Akëtë 13:39

'Ɔɔ nyɔɔ ‑o nyɔɔ toroa' 'ɔɔn plɛ ma ‑srörö kälɩ nɩ, 'kä Nyɔsʋa nya 'daa 'ia nyɔɔlɔ ‑gäklɩ. ‑Maa Moisëa ‑Dɔ 'nyɩ 'lɩ ‑a bɩa u ‑gä nyɔɔ 'klɩ Nyɔsʋaa 'klʋɩ ‑gälɩ.

Galaatënyüü 3:14

'Asɩ 'i nʋ ‑sisidɛɛ 'kä 'papanɩ 'lɩ Nyɔsʋa 'daa 'ɔmäa' Abraamë 'pa nɩ, 'imä 'Kriisë Jesu kälɩ ‑srörö ‑bɛ 'imä nyüülü 'nyɩa' juifë bä ‑gälɩjrä. 'Ia 'taɩn 'lɩ nɩ, ‑Susulu Nyɔsʋa 'daaa' 'ɔmäa' amɩ ‑nyɩ nɩ, 'ɔmä amɩ 'uun ‑nyɩ, 'ɔa plɛtorokʋ 'lɩ.

Jaan 6:40

Wiili 'na Tʋ blɔa' 'mɩ 'bataa' nɩ, 'iibä: nyɔɔ o nyɔɔ 'jäa' 'Jʋ, ‑bɛ ɔ toroa' 'ɔɔn plɛ nɩ, ɔ 'jää 'klälä 'nyɩa' blöröfa kä, ‑bɛ 'pläa bɩarafa 'wʋ 'mä 'üün 'kuaabre 'ba.»

Jaan 6:35

Jesu nya ‑gbala 'üün: «'Mɔɔlɔ nɩ, 'mɔɔ bä 'flɔɔlʋ bäa' 'klä. Nyɔɔlɔ jöa' 'na ‑nyɛɛ, ‑gbëka ‑nëmä ‑srɩɩ 'ɔmɩ ‑a 'bla, ‑bɛ ‑mɔlɔ toroa' 'mɩ plɛ nɩ, 'mamlatʋ ‑nëmä ‑srɩɩ 'ɔmɩ ‑a 'bla.

Ɛfɛsënyüü 1:19

‑Bɛ 'amä 'ɔa 'klü kpakülü ‑fɛɛɛrɛa' amɔlɔ toroa' 'ɔɔn plɛa 'kläa 'mlɩa 'jrʋpa jre. 'Ia 'klülü nɩ, 'klü 'kɔkɔmlɛ Nyɔsʋa nʋ 'ɔnya srara 'üün.

Akëtë 14:27

'Ü 'tɔa' nɩ, 'ünya 'papla 'cɛcɩnyüü ‑gba, 'ünya ‑gbala 'üün wiili kä 'fɩɔ Nyɔsʋa sröröa' 'üün kälɩ 'ɔ nʋa', nyra 'sɩrɩ 'ɔ ‑fɛa' nyüülü 'nyɩa' juifë bäa plɛ ‑gba ‑bɛ 'ü toroa' 'ɔɔn plɛ.

Jaan 6:65

'Ɔnya ‑nëma 'sɔɔwʋ: «'A 'ia ‑gʋ 'n ‑gbala ɩ 'amɩ ‑maa, nyɔɔ Tʋ 'nyɩa' 'mɩ ‑gba 'kʋɛɛrɛ, 'ɔa 'mʋgbɛ 'nyɩ 'lɩ ‑a bɩa ɔ ‑mɛ 'mɩ ‑gälɩ.»

Kolɔɔsënyüü 2:12

'A 'palaa' 'nɩwli nɩ, 'amɔ ‑bɛ 'Kriisë 'sɔ 'ü ‑träärä ‑pɩɔ 'doo 'wʋ, 'anya toro Nyɔsʋaa 'klülü 'baa' 'ɔɔn jäjäa 'bre plɛ, 'a 'ia ‑gʋ 'a nyra 'ɔɔn sɔ 'kuaabre.

Jaan 6:44

Tʋlɔ blɔa' 'mɩ ma 'nyɩ 'mɩ nyɔɔ ‑gba ‑a 'kʋɛɛrɛ, nyɔɔa 'mlɔɔ 'nyɩ 'lɩ ‑a bɩa ɔ bä 'mɩ dɛrɩ. ‑Bɛ nyɔɔlɔ bäa' 'mɩ dɛrɩ nɩ, 'nya 'ɔɔn 'kuaabre 'baa 'pläa bɩarafa 'wʋ.

1 Piɛɛrë 1:5

‑Bɛ 'a toroa' 'ɔmɩ plɛ nɩ, Nyɔsʋaa 'klü ‑tʋʋäa 'amɩ 'nyügba 'amä 'lɩmlɩwʋ. 'Lɩmlɩwʋwʋkʋlʋ nɩ, 'unya sraraa ‑gälɩblöröjrüü 'lɩ.

Filipënyüü 1:29

'Be Nyɔsʋa we 'amɩ 'flɛɛlɩ 'amä 'Kriisëa 'jrʋpafɛnyüü bä, ‑mää 'amä 'ɔɔn plɛtoroa 'doo ‑a, ‑maa 'amä bɩa ‑sʋɩ 'jä 'ɔa ‑gʋ.

Rɔmënyüü 10:14

‑Maa ‑asɩ nyüülü 'nyɩ toro 'ɔɔn plɛ nya 'ɔɔn we le? Üma 'nyɩ 'ɔa 'nyrɩ 'wli ‑a 'nu, ‑asɩ 'ümä 'ɔɔn plɛtoro le? Nyɔɔ ma 'nyɩ 'lɩ ‑a bä 'ɔmä 'üün nyɔsʋaawii ‑gba 'pala nɩ, ‑asɩ 'ünya 'iin 'wlinu le?

Matiö 16:17

Jesu nya ‑gbala 'ɔɔn ‑maa: «Simɔɔ, Jonasëa 'Jʋ, abɩa dɔrʋ 'bla ‑mɩ, 'be ‑mää nyɔɔ 'nyɩ ‑mɩ 'iin mlɩ 'pa, ‑maa 'na Tʋlɔ bäa' cɛlɩ, 'ɔɔ 'pa ‑mɩ 'iin mlɩ.

Akëtë 16:14

'Dooa 'nyrɩ bä Lidii, Tiratiirëbätä 'ɔ sɔ. 'Ɔ 'paa ‑fɔflɔɔ deili kä 'peru 'bʋaa 'peru. 'Ɔ ‑träärälɩ Nyɔsʋa. 'Nyakli 'ɔ po ɩ, 'Pläkänyɔɔ nya jie 'ɔa bobowli 'klɩ 'ɔmä wiili 'Pɔɔlë 'saalɩ 'nyaklipo 'cɩcasa.

2 Tɛsalonikënyüü 1:9

'Üülü nɩ, 'üa 'pɛpɛɛkʋ bä 'üa 'mɔlɔkʋ 'plɔʋplɔʋa ‑gʋ, 'ü ‑nëmä 'Pläkänyɔɔ nyra 'ɔa 'wliklɩbʋabʋakʋa 'klü ‑gba ‑a jijrö; 'ünya 'lɩdɛrɩtʋŋlɔa.

Akëtë 15:11

‑Maa a jresaa 'Pläkänyɔɔ Jesu 'pʋɔ amɩ 'ɔa ‑gbinanakʋ 'lɩ 'sɩrɩ 'ɔ 'pʋɔa' bɩa 'üün.»

Rɔmënyüü 9:16

'Ii känyrɩ, ‑mää nyɔɔ 'inyɩ kälɩ bä, ‑mää bɩa nyɔɔa 'klüa wii ‑a, ‑maa Nyɔsʋalɔ käa' nyatɛplɛ 'ɔɔ 'i bäkälɩ.

Ebröönyüü 6:4

'Be dɛɛlɛ bäa' ‑mülü nya käa' Nyɔsʋaa 'napɛ 'klɩtɔrɔ, ‑bɛ 'ü cɛ ‑nyɩa' 'srɛ, ‑bɛ 'Nyüna ‑Susu 'cerea' 'lɩ nɩ,

Matiö 20:9

'Jrʋpafɛnyüülü jia' 'jrʋpa 'lɩ 'jrʋa 'pipitaɩn 'lɩ nya ji, 'ünya ‑nyɩ 'üün denie 'deeredee.