Ɛfɛsënyüü 2:2 - Kuö Dëdrä Jenɛɛsë Rutë

² 'Ana nʋnʋgbi nyra ‑taa 'plälä kʋa' ‑pɩa nyüü ma bäa' dɛɛ 'dee, ‑bɛ 'a ma prɛ cɛ nyra ‑tʋtʋa ‑tɔrʋpɩɔa 'klüa 'cifi dɛrɩ; 'a 'ia ‑susulu 'uu ‑fɛɛɛrɛ nyüülü 'nyɩ ‑trääräa' 'lɩ Nyɔsʋaa 'kläa 'mlɩ 'jrʋpa.

Ɛfɛsënyüü 2:2 Referans Kwoze

Ɛfɛsënyüü 6:12

'Be ‑golulu a ‑fuuöa' 'nyɩ 'jajɛ nyra ‑torua ‑golu ‑a bä; ‑maa 'klü, 'kamanyüü, nyüülü 'kama 'jöjrüükpüa 'blɩlɩ kʋa' ‑pɩ, nyra bʋbɔsisili kʋa' cɛ nyra ‑tʋtʋa ‑tɔrʋpɩɔ, 'üü a nyra 'üün ‑fuuö.

1 Jaan 5:19

A jre 'iin 'sɩrɩ a bäa' Nyɔsʋaa 'jü, ‑bɛ a jre bɩa 'iin 'sɩrɩ 'pläa 'fɩɔ bäa' Plɛbʋbɔsusu kälɩ.

Ɛfɛsënyüü 2:3

‑Kätɩsa nɩ, ana 'mʋgbɛ ma bä 'ia nyüülüa ‑tɔrʋpɩɔ. Bʋbɔgbili ma käa' ana plɛ 'tʋ 'ii a ma nö, ‑bɛ wiili ana 'jajɛ nyra ana bobowli 'bataa' 'ii a ma nö. Nyɔsʋaa 'crɛ ‑nyrɔ bä ɩ amɩ ‑gälɩ ‑beere ‑mülü.

Jaan 12:31

'A 'pläa ‑gäbötaɩn ‑ka jräa' ‑ɩ 'lɩ; nyɔɔlɔ bäa' 'pläa 'wliklɩ, 'a 'ɔa ‑fälɩbetaɩn.

Ɛfɛsënyüü 5:6

Nyɔɔ 'nyɩ nʋ wiili 'nyɩa' ‑tɔɔ kä 'ɔnyɩ 'pa 'amɩ mlüü 'lɩ. 'A 'samaa nʋnʋgbili 'ii 'kʋɛɛrɛ Nyɔsʋaa 'crɛ nyüülü 'nyɩ ‑trääräa' 'lɩ 'ɔmɩ ‑gälɩ.

Jaan 8:44

'Amɔlɔ nɩ, 'ana tʋ bä Sataan. Wiili 'ana tʋ 'bataa' 'ii 'a 'bata 'amä nʋ. 'Bala 'pläa 'käkolofa 'wʋ 'ɔ bä nyüüblanyɔɔ, 'ɔnyɩ 'salɩ 'cɩcasa ‑a, 'cɩcasa 'nyɩ 'ɔɔn 'lɩ ‑a bä. Ɔma 'salɩ 'ɔa plɛ 'klɩa wii, 'ia 'fɩɔ bä ‑gbagblɛ. ‑Gbagblɛkänyɔɔ 'ɔ bä, ‑bɛ 'ɔ bä ‑gbagblɛa tʋ.

Ɛfɛsënyüü 4:22

'A kä 'amä 'ana ‑kätɩsaa nʋnʋgbi nyra 'ana ‑kätɩnyɔɔlɔ käa' dɛɛnyülü ‑trɔɔrɔa' ‑wälɩ 'cɛrɛ. 'Ba 'ba 'ana ‑kätɩnyɔɔlɔ, ɔ bʋblɔa' 'ana 'klä ‑gba.

1 Korɛɛntënyüü 6:11

‑Bɛ 'asɩ 'ana ‑tɔrʋpɩɔa ‑mölöö ma bä. ‑Maa 'anya 'a ‑gbafuto, 'anya 'a 'klɩbere Nyɔsʋaa ‑gʋ, 'Pläkänyɔɔ Jesu 'Kriisë nyra Nyɔsʋaa ‑Susua 'nyrɩklɩa ‑gʋ, Nyɔsʋa 'daa 'a ‑gäklɩ.

2 Korɛɛntënyüü 4:4

'Üü 'nyɩ toro 'iin plɛ. 'Be 'plälä kʋa' ‑pɩa nyɔsʋa 'cakla 'üa bobowli 'lɩ 'ümä 'jöjrüükpü 'lɩ kʋ, 'ü ‑pɩ 'napɛlɛ bäa' 'Mʋfagogoa 'mlɩ 'wʋjä, ‑bɛ 'ɛɛ srara 'Kriisëlɔ bäa' Nyɔsʋaa 'pikea 'wliklɩbʋbʋakʋ.

1 Jaan 5:4

Nyɔsʋaa 'jüa 'fɩɔ duö 'plä. ‑Bɛ dɛɛlɛ nöa' 'iin ‑bɛ a duöa' 'plä, 'ɛɛ bä ana nyɔsʋaplɛ.

1 Jaan 3:10

‑Jää 'sɩ 'ü jrea' Nyɔsʋaa 'jü nyra Sataan a 'jü: nyɔɔ o nyɔɔ 'nyɩa' 'klɩgä, 'aiɛ ɔnyɩa' 'ɔa ‑wlajʋ ‑wa nɩ, 'ɔnyɩ Nyɔsʋaa 'jʋ ‑a bä.

1 Piɛɛrë 1:14

'Ba ‑träärälɩ Nyɔsʋa, ‑bɛ 'a ‑kanyɩ 'nyie ‑wawadiili ma 'kamaa' 'amɩ ‑kanyɩ 'tiere 'amɩ, ‑beere 'taɩn 'lɩ 'anyɩ käa' 'Kriisë jre.

'Nyügälɩjawii 20:2

'Ɔnya 'kpla ‑gblɔtrɔlʋ, ‑kätɩ trɔɔlʋ 'ü 'daraa' Diabëlë 'aiɛ Sataan, 'ɔnya kpasa 'uun 'umä 'lɩ ‑sɩa ‑diisɔɔ ‑glʋɩpʋ ‑si (1 000).

1 Jaan 4:4

'Amɔlɔ nɩ, 'na 'jüjie 'amɩ, Nyɔsʋaa nü 'a bä; 'anya 'a ‑gbagblɛnyüülü du, 'be ‑susulu bäa' 'amɩ 'lɩ 'u 'bʋa 'unya ‑si ‑mulu bäa' 'pläa 'mlɩ 'wʋ.

1 Piɛɛrë 4:3

‑Kätɩsa nɩ, wiili nyüülü 'nyɩa' Nyɔsʋa jre ‑waa', 'ii ana 'mʋgbɛ ma nöa 'doo ana 'klälä a ma 'klaaa' 'mlɩ: ‑sagbili Nyɔsʋa 'nyɩ 'bataa', bʋbɔ dɛɛnyükäkäkʋ, 'nʋbablakʋ, jijri jijikʋ, nyra ‑wäsɩa ‑pʋpʋakʋlʋ bäa' ‑balʋ kpaku.

Kolɔɔsënyüü 1:21

‑Bɛ 'amɔlɔ nɩ, 'a ma tʋŋlɔlɩ Nyɔsʋa dɛrɩ, 'a ma bä 'ɔa 'nyüamlɩjraranyüü 'ana bobowli nyra 'ana bʋbɔgbia 'mlɩ.

Galaatënyüü 1:4

'Kriisëlɔ 'saa' 'ɔa 'klä ana ‑balʋa ‑gʋ, 'ɔmä amɩ ‑taa bʋbɔplälä kʋa' ‑pɩa 'klü mlɩ 'ba, 'sɩrɩ ana Nyɔsʋalɔ bäa' Tʋ 'bataa'.

Rɔmënyüü 12:2

'Anyɩ dɔrɔ ‑taa 'plälä kʋa' ‑pɩa nʋnʋgbi 'wʋ, ‑maa 'ba 'cɛrɛ Nyɔsʋa ‑wälɩ 'ɔmä 'amɩ 'cici 'ɔmä 'amɩ bobowli dëdrä ‑nyɩ, 'amä 'tasɩrɩ wiili Nyɔsʋa 'bataa' jre: wiili 'naa', i 'mɩmrɛa' 'klɩ, nyra wiili 'naa' 'mʋfasa.

Jaakë 4:4

Bätësaa nyüü! 'Anyɩ 'saa ‑a jre 'sɩrɩ 'pläa ‑wawakʋ bäa' Nyɔsʋaa jrarakʋ? Nyɔɔ ma bä 'pläa ‑bei nɩ, Nyɔsʋaa 'nyüamlɩjraranyɔɔ 'ɔ bä.

1 Korɛɛntënyüü 5:10

‑Mää nyüülü 'nyɩa' nyɔsʋaanyüü bä ‑bɛ ü 'paaa' ‑sagbili 'nyɩ 'daa, ‑mää tɛkänyüüa 'fɩɔ 'nyɩ 'daa, 'inya 'nyɩ bɩa 'jejienyüüa 'fɩɔ bä, ‑mää bɩa ‑wäsɩapʋpʋanyüü 'nyɩ bɩa 'daa. Ima ‑gä ɩ 'ia ‑gä nɩ, 'anya ɩ 'blɩa 'mlɩ sɔa 'la!

Akëtë 5:3

Piɛɛrë nya ‑gbala 'ɔɔn: «Ananiasë, dɛplɛɛ kä ‑gʋ ‑cɛɛrɛ Sataan ‑wälɩ ‑bɛ 'ɔ fa ‑na plɛ le? 'Nyüna ‑Susu ‑saara ‑gbagblɛ ‑nya ‑tʋ putulu ‑paaa' 'perua möliia 'pɛ 'dee ‑wälɩ.

Jaan 15:19

'Ama bä ɩ 'pläa 'mlɩa nyüü nɩ, 'plä nya ɩ 'amɩ ‑waa, 'be 'äa nü 'a bä. ‑Maa 'n 'baa' 'amɩ 'pläa ‑tɔrʋpɩɔ ‑bɛ 'a ‑kanyɩa' 'pläa nü bä nɩ, 'a 'ia ‑gʋ 'plä jrara 'amɩ 'nyüa 'mlɩ.

Jaan 14:30

'Nyraa 'amɔ ‑ka ‑nëmä ‑srɩɩ 'wʋ ‑a dɛtrɛ, 'be nyɔɔlɔ 'kamaa' 'plälä kʋa' ‑pɩ 'ɔɔ jö; 'ɔnyɩ 'na ‑gbanʋdɛɛ ‑a kä.

2 Piɛɛrë 2:14

Bätësaa 'dooa wii 'ü bobo, ‑balʋa nʋnʋkʋa 'doo bä 'üa plɛ 'klɩ. 'Ü 'kʋɛɛrɛ ü 'fʋmaa' 'üa nyüfë ‑gba, 'üa polu 'si dɛɛnyükäkäkʋ 'klɩ. Nyɔsʋaa busukʋ bä 'üün ‑gälɩ.

Jaan 16:11

Dɛɛlɛ bäa' ‑gätʋtʋkʋ nɩ: nyɔɔlɔ käa' 'plälä kʋa' ‑pɩ, 'ɔa ‑gä 'a ‑träärä.

Jaan 13:27

'Flɔɔ klöölä blöa' 'ɔɔn kälɩ dotro, Sataan nya 'cere 'ɔɔn ‑gälɩ. Jesu nya ‑gbala 'ɔɔn: «Dɛɛlɛ ‑nëmäa' nʋ, 'sosowʋ ‑a ‑nʋ 'ɛmɩ.»

Jaan 13:2

'Ɔ nyra 'ɔa 'wʋnyɛrɛnyüü jö ɩ dɛɛ ‑gbiajrʋ 'lɩ. 'Ia 'taɩn 'lɩ nɩ, Sataan 'a ɩ Judaa Isëkario Simɔɔa 'jʋa 'wli 'lɩ bʋblɔ, 'ɔmä 'ɔɔn 'sa.

Jaan 8:23

'Ɔnya ‑gbala 'üün: «‑Tʋtʋ ‑gälɩa nyüü 'a bä; 'mɔɔlɔ nɩ, cɛlɩa nɔ 'n bä. 'Plälä kʋa' ‑pɩ 'äa nyüü 'a bä; 'mɔɔlɔ nɩ, 'nyɩ 'äa nyɔɔ ‑a bä.

Jaan 7:7

'Plä 'nyɩ 'lɩ ‑a bɩa ä jrara 'amɩ 'nyüa 'mlɩ; 'mɔɔlɔ nɩ, 'ä jrara 'mɩ 'nyüa 'mlɩ, dɛɛlɛ kä ‑gʋ 'n 'daaa' 'äa nʋnʋgbi bʋbɔ.

Matiö 13:38

Putulu nɩ, 'u bä 'plä; 'cɩca papladiili nɩ, 'iibä 'kamapläa 'jü; bʋbɔsipili nɩ, 'a Plɛbʋbɔsusua 'jü.

'Nyügälɩjawii 13:8

Tʋtʋ ‑gälɩa nyüülü kä 'fɩɔa 'nyrɩ 'nyɩa' ‑Bablëëjʋlɔ 'ü 'blaa' 'pläa 'käkolofa 'wʋa 'kläa ‑pɔɔkʋa 'mlɩ ‑jɩjra, nya 'ɔɔn 'wlitraraa. ‑Pɔɔkʋlʋ nɩ, ‑Bablëëjʋlɔ 'ü 'blaa' 'ɔɔ kä 'uun.

1 Jaan 3:8

Nyɔɔ nöa' ‑balʋ nɩ, Sataan a 'jʋ 'ɔ bä, 'be 'bala 'käkolofa 'wʋ Sataan nö ‑balʋ. ‑Bɛ Nyɔsʋaa 'Jʋ ji 'ɔmä Sataan a 'jrʋpa ‑gblooo.

Jaakë 1:7

'Ia nyɔɔlɔ nɩ, 'ɔnyɩ bobo ‑maa 'ɔnya 'Pläkänyɔɔa kälɩa dɛɛ 'jäa.

2 Timotee 4:10

'be Demasë 'a 'mɩ ‑wälɩ 'pala 'pläa ‑wawakʋa ‑gʋ, 'ɔa Tɛsalonikëbätä mi. Klesɛɛsë mi Galasiia 'bre, Titë mi Damasëa 'bre.

Akëtë 19:35

Bätäa ‑pɔɔkʋjɩjranyɔɔ nya 'cie 'üa plɛ 'wʋ, 'ɔnya ‑gbala 'üün ‑maa: «'Na Ɛfɛsënyüü 'amɩ, nyɔɔ 'plɛɛ 'nyɩ 'iin jre 'sɩrɩ Ɛfɛsë bäa' nyɔsʋa kpakö Atemesëanyuku nyra 'ɔa papaa nɔ, ɔ sɔa' cɛa 'mlɩa ‑gälɩglara bätä le?

Lukë 22:31

'Pläkänyɔɔ ‑nëma: «Simɔɔ, Simɔɔ, ‑tre ‑na nyufa: Sataan 'a 'nyʋfɔ 'bete 'ɔmä 'amɩ 'kädögökalɩ ji ‑beere ‑bleee 'ü 'sasragba.

Lukë 16:8

'Bɩɔjinyɔɔlɔ nya 'kɔlɔ bʋbɔ 'jrʋpafɛnyɔɔlɔ 'ɔa 'lɩgaglakʋa ‑gʋ. Nyüülü bäa' 'plälä kʋa' ‑pɩa nyüü nɩ, 'ü ‑glalɩ 'üa ‑tɔrʋpɩɔ, 'ünya ‑si 'napɛa nyüü 'wʋ.

Matiö 11:19

Nyɔɔa 'Jʋ nya ji, 'ɔ jödɛɛ, 'ɔ 'mlaa, 'kä 'a nö: ‹‑Jää nyɔɔ jöa' jijri, 'nʋmlanyɔɔ ‑susugbee, dapookälɩpɛrɛnyüü nyra ‑balʋnyüüa ‑bei!› 'Lɩgaglakʋa nʋnʋdii 'ii srara 'sɩrɩ 'lɩgaglakʋ ‑gäa' 'klɩ.»

'Nyügälɩjawii 16:17

‑Uunsɔɔa nɔ 'aanjë nya ‑gblɔɔɔ 'ɔa nä ‑fʋflʋa 'mlɩ 'kä. 'Papawii kpakü nya sɔ Nyɔsʋaanyukulu bäa' cɛlɩa 'mlɩ; 'kɩɩkpata 'lɩ 'i 'sɔɔ, 'i ‑nëma: «'I 'a nrörö!»

'Nyügälɩjawii 13:14

‑Saragbia tie 'ɛ ma nö ‑bɛ 'ɛ ‑trɔɔrɔ nyüü, ‑bɛ 'ɛmä 'iin ‑kätɩa nɛ mrɛɛlɛa 'klɩ nrörö, 'a 'ia ‑gʋ 'klülü ‑nyrɛɛlɛ 'ɛmɩ. 'Ɛnya ‑gbala nyüü ü ‑pa dɛɛ ɛ ‑beerea' mrɛɛlɛ 'ü nʋa' ‑jɛrɛ 'ü 'kapaa' ‑bɛ ɛ ‑ka bäa' 'lɩ.

'Nyügälɩjawii 12:9

‑Gblɔtrɔ kpakulu, ‑kätɩ trɔɔlʋ 'ü 'daraa' ‑Balʋsusu 'aiɛ Sataan, ɔ ‑trɔɔrɔa' nyüülü kä 'fɩɔ bäa' ‑tʋtʋ ‑gälɩ. 'Ünya be 'uun ‑tʋtʋ ‑gälɩ, 'ɔɔ ‑bɛ 'ɔa 'aanjëɩɩa 'fɩɔ.

Matiö 13:22

Papladiili blöa' nänëa mlɩ nɩ, 'a nyɔɔlɔ 'nööa' nyɔsʋaawii 'wli, ‑maa 'ɔa plɛ ‑ka bä ‑tʋtʋ ‑gälɩa dii dɛrɩ, 'ɔa 'nyü ‑ka fɔlɔa' 'bɩɔ dɛrɩ 'fʋflɛsa. 'Ii kakla nyɔsʋaawii 'klɩ, 'a 'ia ‑gʋ 'inyɩ 'lɩ ‑a bɩa i tʋ.

Marëkë 4:19

‑maa 'ü kä plɛ ‑ka bäa' ‑tʋtʋ ‑gälɩa dii dɛrɩ, ü ‑ka fɔlɔa' 'bɩɔ dɛrɩ 'fʋflɛsa, nyra dɛɛnyükäkäkʋ. 'Ii kakla nyɔsʋaawii 'klɩ, 'a 'ia ‑gʋ 'inyɩ 'lɩ ‑a bɩa i tʋ.

Ɛfɛsënyüü 1:21

'Kriisë bä 'kamanyüüa 'fɩɔa 'wliklɩ, 'ɔ bä 'klüa 'fɩɔa 'wliklɩ, 'ɔ bä 'kɩɩɩ nyra 'cifua 'fɩɔa 'wliklɩ: 'ɔ bä 'nyrɩa 'fɩɔa 'wliklɩ, ‑mää ‑tɛ ‑tʋtʋlʋ kʋa' ‑pɩa 'dooa ‑gälɩ ‑a, ‑maa ‑sraakäpɩa 'pläa 'mlɩ bɩa.

Ɛfɛsënyüü 2:11

'Ba 'pa ‑taa wiili kʋa' ‑pɩ plɛ: 'amɔ 'nyɩ käa' juifënyüü bä 'ana fugba 'lɩ, ‑bɛ nyüülü nyüüa 'böbötie bäa' ‑gälɩ 'daraa' «nyüülü 'nyɩa' 'bölö» 'be tielɛ 'nyɩ 'amɩ ‑gälɩ ‑a bä.

Ɛfɛsënyüü 2:13

‑Maa 'köklesaplɩɩ ɔ nɩ, 'amɔ ma tʋŋlɔa' 'lɩ Nyɔsʋa dɛrɩ nɩ, 'Kriisë Jesu 'lɩa bäbäkʋa ‑gʋ nɩ, 'a ‑kanyɩ 'lɩ 'ɔɔn dɛrɩ ‑a tʋŋlɔ, 'Kriisëa ‑torua ‑gʋ.

Ɛfɛsënyüü 4:17

'Ii känyrɩ, 'amɔ 'n ‑gbala ‑bɛ 'n bɔtrɔ 'iin ‑gälɩ 'kä 'Pläkänyɔɔa 'nyrɩklɩ: 'a ‑kanyɩ 'nyɛ ‑mülü 'nyɩ toroa' Nyɔsʋa plɛa 'sa. 'Üa bobowli 'nyɩ mi 'klɔɔtrʋ ‑a.

Ɛfɛsënyüü 5:8

'Jöjrüükpü 'a ma bä, ‑maa 'anya 'a ‑mlatɩ 'napɛ bä 'Pläkänyɔɔ 'lɩ. 'Ii känyrɩ, 'ba nʋ 'napɛa 'jüa 'sa;

Jaakë 1:27

'Cɛcɩlɛ bäa' 'tasɩrɩa 'cɛcɩ ‑bɛ ɛnyɩa' ‑fre pa ana Tʋ Nyɔsʋa 'klɩ nɩ, 'a 'cɛcɩlɛ jöa' ‑gbokuijü nyra 'kusroŋlëgë ‑gba 'üa ‑sʋɛa 'mlɩ, ‑bɛ ɛ tʋŋlɔa' 'lɩ 'pläa 'mlɩa ‑frepadii dɛrɩ.