Ɛfɛsënyüü 1:8 - Kuö Dëdrä Jenɛɛsë Rutë

⁸ ‑Bɛ wiijejrekʋ nyra 'lɩgaglakʋ 'sia' 'ɔɔn 'lɩ nɩ, 'ia ‑gʋ 'ɔ ‑gblɔɔ amɩ 'ia ‑gbinanakʋlʋ 'wʋ 'kä ‑gböösa.

Ɛfɛsënyüü 1:8 Referans Kwoze

'Nyügälɩjawii 5:12

‑Bɛ 'ü ‑gbolomlɩ 'ü nö: «‑Bablëëjʋlɔ 'blaraa', 'wʋ 'kamakʋa 'klüa 'jäjäkʋ 'klɩ, nyra 'bɩɔ, wiijejrekʋ, 'klü, 'jrarakʋ, nyra 'bʋalakʋ 'klɩ, 'kä 'ümä 'ɔɔn 'lɩbrɛrɛ!»

Kolɔɔsënyüü 2:3

Dɛɛlɛ bäa' 'bɩɔ, 'lɩgaglakʋa 'fɩɔ nyra wiijejrekʋa 'fɩɔ, 'ɔɔ 'lɩ 'i ‑sisre.

Ɛfɛsënyüü 3:10

'Köklesaplɩɩ ɔ nɩ, 'Cɛcɩ Nyɔsʋa ‑srörö kälɩ 'kä 'kamasisi nyra 'klüükäsisili bäa' cɛlɩ 'mä Nyɔsʋaa wiijejrekʋ jre. 'Ia wiijejrekʋlʋ nɩ, Nyɔsʋa kä 'ia srarakʋa 'drü 'kɔkɔmlɛ.

Rɔmënyüü 5:15

‑Maa wiili Adaan nʋa' nyra Nyɔsʋaa 'flɛɛlɩa wiiwälɩcɛrɛkʋ 'nyɩ dɛɛ 'dee ‑a bä. Nyɔɔ 'dooa ‑balʋa ‑gʋ nyüü 'kɔkɔmlɛ ma jä nɩ, Nyɔsʋaa ‑gbinanakʋ ‑siwʋ ‑gböösa: nyɔɔ 'doo Nyɔsʋa ‑srörö kälɩ, Jesu 'Kriisëa ‑gbinanakʋ kälɩ 'ɔ ‑srörö 'ɔnya ‑gbäträ 'ɔa ‑gbinanakʋ nyüü 'kɔkɔmlɛ 'wʋ kä.

Judë 1:25

'Ɔa 'doo bä ana 'Lɩgla Nyɔsʋa, 'ɔɔ ‑srörö Jesu 'Kriisë ana 'Pläkänyɔɔ kälɩ 'ɔnya 'balɩ amɩ mlɩ, a ‑nyɩ 'ɔɔn 'bʋalakʋ, 'wliklɩbʋabʋakʋ, 'klü nyra 'kamakʋ 'taɩn a 'fɩɔ 'lɩ, 'köklesaplɩɩ nyra 'plɔʋplɔʋa ‑gʋ. 'Asɩ i bä!

Ɛfɛsënyüü 1:11

A nyra 'ɔɔn bäa' nyüü 'doo nɩ, 'ia ‑gʋ a bä ‑jaajinyüü, 'be Nyɔsʋa 'a kä 'lɩ amɩ 'ba, 'sɩrɩ 'ɔ boboa'; 'sɩrɩ 'ɔ 'daaa' ‑bɛ 'ɔ 'bataa' 'asɩ 'ɔ nʋ diia 'fɩɔ,

1 Korɛɛntënyüü 2:7

Nyɔsʋaa 'lɩgaglakʋlʋ 'ɔ ‑sisre käa' nyüü ‑gba, u 'ünyɩa' 'wli 'nu, 'uu a 'kpɩa 'üün. Nyɔsʋa tɛrɛ kä amɩ 'ia wiijejrekʋ 'fɩɔwʋ 'ɔnya 'mä 'plä nʋ ana 'bʋalakʋa ‑gʋ.

Rɔmënyüü 11:33

Nyɔsʋaa ‑gbinanakʋ 'bʋa! 'Ɔa 'lɩgaglakʋ nyra 'ɔa wiijejrekʋ 'bʋa! Nyɔɔ 'plɛɛ jre wiili Nyɔsʋa 'daaa' 'ɔmäa' nʋ le? Nyɔɔ 'plɛɛ 'mrɛɛ 'ɔ 'nu 'ɔa ‑gätʋtʋkʋ 'wli le? Nyɔɔ 'plɛɛ 'mrɛɛ 'ɔ 'nu wiili 'ɔ 'bataa' 'wli le!

Matiö 11:19

Nyɔɔa 'Jʋ nya ji, 'ɔ jödɛɛ, 'ɔ 'mlaa, 'kä 'a nö: ‹‑Jää nyɔɔ jöa' jijri, 'nʋmlanyɔɔ ‑susugbee, dapookälɩpɛrɛnyüü nyra ‑balʋnyüüa ‑bei!› 'Lɩgaglakʋa nʋnʋdii 'ii srara 'sɩrɩ 'lɩgaglakʋ ‑gäa' 'klɩ.»

Ɛfɛsënyüü 1:7

'Kriisëa ‑toru Nyɔsʋa ‑srörö kälɩ 'ɔnya 'balɩ amɩ mlɩ, 'ɔɔ 'lɩ Nyɔsʋa cere amɩ ana ‑balʋ, 'ɔa ‑gbinanakʋlʋ ‑siea' 'wli, 'ia ‑gʋ.

Ɛfɛsënyüü 1:9

'Ɔ srara amɩ dɛɛlɛ ‑sisie ɩa' ɛ 'ɔmä ɩa' nʋ; dɛɛlɛ nɩ, 'ɔ 'a kä 'nyie 'ɔa ‑gbinanakʋ 'lɩ 'ɔmä 'ɛɛn nʋ 'Kriisë 'lɩ.