Ɛfɛsënyüü 1:5 - Kuö Dëdrä Jenɛɛsë Rutë

⁵ 'Ɔ 'a kä 'lɩ amɩ 'ba amä 'ɔa 'sɔrɔjü bä Jesu 'Kriisëa 'nyrɩklɩ; 'asɩ 'i käa' 'ɔmɩ 'tʋ, 'asɩ 'ɔ nʋ 'iin.

Ɛfɛsënyüü 1:5 Referans Kwoze

Ɛfɛsënyüü 1:11

A nyra 'ɔɔn bäa' nyüü 'doo nɩ, 'ia ‑gʋ a bä ‑jaajinyüü, 'be Nyɔsʋa 'a kä 'lɩ amɩ 'ba, 'sɩrɩ 'ɔ boboa'; 'sɩrɩ 'ɔ 'daaa' ‑bɛ 'ɔ 'bataa' 'asɩ 'ɔ nʋ diia 'fɩɔ,

1 Jaan 3:1

'Ba 'jä 'sɩrɩ Tʋ ‑waa' amɩ: 'ɔ 'dara 'nɩmɩ amɩ 'ɔa 'jü, ‑bɛ 'üü a bä 'kasa! 'A 'ia ‑gʋ 'plä 'nyɩ amɩ jre, 'be 'änyɩ 'ɔɔn jre ‑a jre.

Jaan 1:12

‑Mülü kä 'fɩɔ 'nyierea' 'iin 'klɩ, ü toroa' 'iin plɛ nɩ, 'i nrörö 'üün Nyɔsʋaa 'tasɩrɩa 'jü 'lɩ.

Rɔmënyüü 8:23

‑Maa 'änyɩ 'döö ‑a bä: ana 'mʋgbɛlɔ 'klaaa' Nyɔsʋaa ‑Susu u bäa' Nyɔsʋaa 'klɩsa ‑nyɩnyɩdɛɛ nɩ, 'asɩ a pütö ana plɛklɩ bɩa. A 'sosowʋ Nyɔsʋa 'mä amɩ 'ɔa 'jü 'lɩnrörö ‑bɛ 'ɔmä amɩ ana fugba mlɩ 'ba;

Galaatënyüü 3:26

'Ana 'fɩɔ 'a Nyɔsʋaa 'jü bä Jesu 'Kriisëa plɛtorokʋa ‑gʋ.

2 Korɛɛntënyüü 6:18

'Nyaa 'ana Tʋ bäa, 'kä 'anya 'na nyɩbɛjü nyra 'na 'ŋlëkayörü bä. 'Nɩmrɛɛ 'Pläkänyɔɔ, 'ɔɔ ‑gba 'imɩ .

'Nyügälɩjawii 21:7

Nyɔɔlɔ nëmäa' 'wʋsi nɩ, 'ɔɔ nëmä 'ia ‑jaaa ji. 'Nyaa 'ɔa Nyɔsʋa bäa 'kä 'ɔnya 'na 'jʋ bä.

Ɛfɛsënyüü 1:9

'Ɔ srara amɩ dɛɛlɛ ‑sisie ɩa' ɛ 'ɔmä ɩa' nʋ; dɛɛlɛ nɩ, 'ɔ 'a kä 'nyie 'ɔa ‑gbinanakʋ 'lɩ 'ɔmä 'ɛɛn nʋ 'Kriisë 'lɩ.

Jaan 11:52

'Inyɩ juifëa 'pläa 'dooa ‑gʋ ‑a bä, ‑maa Nyɔsʋaa 'jülü ‑gbagbaa' 'kä nɩ, 'ɔmä 'üa 'fɩɔ ‑gbapapla 'ümä 'doo bä.

2 Tɛsalonikënyüü 1:11

'A 'ia ‑gʋ a bibie 'ana 'wlili 'taɩn a 'fɩɔ 'lɩ, ana Nyɔsʋalɔ wea' 'amɩ 'mä 'lɩ 'amɩ 'kʋɛɛ, ‑bɛ 'ɔmä 'amɩ 'klülɩpa, 'amä wiili kä 'fɩɔ 'naa' nʋ 'ɔa 'klü 'lɩ 'ana nyɔsʋaplɛtorokʋa ‑gʋ.

Lukë 10:21

'A 'ia 'taɩn 'lɩ dotro dɔrʋ 'si Jesu 'klɩ 'Nyüna ‑Susu 'lɩ 'ɔ ‑nëma: «Tʋ, cɛ nyra ‑tʋtʋa 'Pläkänyɔɔ, 'n 'trɛɛ ‑mɩ 'sɩrɩ nʋa' ‑bɛ ‑sisrea' wiili 'lɩglanyüü nyra ‑pɔɔkɩjrenyüü ‑gba, ‑bɛ ‑sraraa' 'iin 'jütɛtɛɛ. ‑Yɛɛ, Tʋ, 'a wiili käa' ‑mɩ 'tʋ, 'ii nʋ!

1 Korɛɛntënyüü 1:21

'Be Nyɔsʋaa 'lɩgaglakʋ 'lɩ nɩ, 'ɔ nʋ 'iin 'plä ‑pɩ 'lɩgaglakʋ nʋ 'ä ‑pɩ 'ɔɔn jre. 'A 'ia ‑gʋ Nyɔsʋa 'daa 'papawiili a 'paaa' nɩ, 'ii 'ü 'daraa' mlüü, 'inya kä Nyɔsʋa 'tʋ 'ɔmä 'iin kälɩ ‑srörö ‑bɛ 'ɔmä 'lɩmlɩ nyüülü toroa' 'ɔɔn plɛ 'ba.

Jaan 20:17

'Iibäa' Jesu nɩ: «‑Nyɩ ‑fɛ 'mɩ ‑gba, 'n ‑kaaŋlʋ 'na Tʋa ‑nyɛɛ 'jra. ‑Maa mi ‑a ‑gbala 'na ‑wlajü, 'na Tʋa ‑nyɛɛ 'n 'jraa, ɔ bäa' 'ana Tʋ; 'na Nyɔsʋaa ‑nyɛɛ 'n 'jraa, ɔ bäa' 'ana Nyɔsʋa.»

Matiö 11:26

‑Yɛɛ Tʋ, 'a wiili käa' ‑mɩ 'tʋ, 'ii nʋ!

Lukë 11:32

‑Srɩlɩ kä 'mlɩ Nyɔsʋa 'mäa' nyüüa ‑gä ‑tʋ nɩ, Niniivëa bätäa nyüü nya 'wʋsɔa, 'kä 'ünya 'üün 'klɩ 'nyüglö 'ümä 'üün ‑gbala 'sɩrɩ 'ünyɩa' ‑gä kä. 'Be Niniivëa nyüülü, 'ü poa' Jonaasëa 'papawii 'nyakli, 'ü toro 'lɩ ‑balʋ ‑gälɩ; ‑bɛ nyɔɔ bä ‑pɩ 'ɔ ‑si Jonaasë 'wʋ!

Filipënyüü 2:13

'be Nyɔsʋa ‑nyɛɛ 'amɩ 'nyienyiekʋa 'klü nyra 'ia nʋnʋkʋa 'klü amä wiili käa' 'ɔɔn 'tʋ nʋ.

1 Korɛɛntënyüü 1:1

'Mɔɔ 'Pɔɔlë, ɔ bäa' Jesu 'Kriisëa apotrëlɔ Nyɔsʋa wea' 'sɩrɩ 'ɔ ‑waa', 'a 'mɔɔ ‑bɛ ‑wlajʋlɔ 'ü 'daraa' Sosëtɛnë.

Matiö 1:25

‑Maa 'ɔ nyra 'ɔɔn 'nyɩ jejre ‑a jejre 'ɔnya ‑gu nyɩbɛjʋlɔ. 'Ɔnya ‑nyɩ 'ɔɔn Jesu 'nyrɩlɩ.

Lukë 12:32

«Ŋalɛ 'nyɩ 'bla 'amɩ, 'amɔ ‑beerea' ‑bablëëkpa jɔ, 'be 'tʋ 'i kä Tʋ, 'ɔnya ‑nyɩ 'amɩ 'kamaplälä.

Akëtë 13:48

«Nyüülü 'nyɩa' juifë bä 'nua' 'iin 'wli nɩ, dɔrʋ 'bla 'üün, 'ünya 'bʋala 'Pläkänyɔɔa 'papawii. Nyüülü kä 'fɩɔ Nyɔsʋa 'baa' 'lɩ 'ümäa' 'klälä 'nyɩa' blöröfa kä 'jä nɩ, 'ü toro 'iin plɛ.»

Kolɔɔsënyüü 1:19

'Be 'i kä Nyɔsʋa 'tʋ 'ɔmä 'ɔɔn 'lɩ kʋ 'sɩrɩ 'ɔ bäa' ‑tɛɛ.

Ebröönyüü 2:4

Nyɔsʋa srara 'sɩrɩ 'üa 'papawii bäa' 'cɩcasa: a 'jä 'ia ‑saragbia tie nyra ‑saragbi nyra plɛklɩkalawiia 'kaɩn 'kaɩn, nyra bɩa 'Nyüna ‑Susua 'srɛa 'kaɩn 'kaɩn 'lɩ, 'ɔ ‑pääläa' nyüü 'lɩ 'sɩrɩ 'ɔ ‑waa'.