Ɛfɛsënyüü 1:22 - Kuö Dëdrä Jenɛɛsë Rutë

²² Nyɔsʋa ‑tʋ diia 'fɩɔ 'ɔa böklöli, ‑bɛ 'ɔɔlɔ bäa' diia 'fɩɔa 'wliklɩ nɩ, Nyɔsʋa nya ‑tʋ 'ɔɔn 'cɛcɩa 'wliklɩ.

Ɛfɛsënyüü 1:22 Referans Kwoze

Kolɔɔsënyüü 1:18

'Ɔa 'mʋgbɛ bä 'ɔa fugbalä bäa' 'Cɛcɩa 'wli. 'Ɔɔ bä Cɛtrɛfa, 'ɔɔ ‑kätɩ 'sɔɔ 'kuaabre, 'ɔmä wiia 'fɩɔa 'wliklɩ bä.

Kolɔɔsënyüü 2:10

'A nyra 'ɔɔn bäa' 'doo nɩ, 'ɔa 'fɩɔ kʋ 'amɩ 'lɩ, 'ɔɔlɔ bäa' 'klüa 'fɩɔa nyra 'klügälɩkäläkʋa 'kamanyɔɔ.

Ebröönyüü 2:8

‑Tʋ 'ia 'fɩɔ 'ɔa bökli ‑wälɩ. Nyɔsʋa ‑nyɩ 'ɔɔn diia 'fɩɔa 'kamakʋ nɩ, 'ɔnyɩ 'lɩ dɛɛ ‑a tɩ. ‑Maa 'köklesaplɩɩ nɩ, anyɩ 'jä 'sɩrɩ 'ɔ 'kamaa' diia 'fɩɔwʋ ‑a.

Kolɔɔsënyüü 2:19

'Ünyɩ kpasra 'Kriisëlɔ bäa' 'wli ‑gba ‑a. ‑Bɛ 'wli 'ii ‑nyɛɛ fugba diili 'naa'. 'Ii känyrɩ kä fugbaa 'katrafë nyra tri kpakü nyɔnyrɔ 'wʋ, 'kä fugbaa 'fɩɔ 'bʋala 'wʋ 'sɩrɩ Nyɔsʋa 'bataa'.

Ɛfɛsënyüü 5:23

'Be dʋɔ 'ɔɔ bä 'ɔa 'ŋlʋʋa 'cifi 'sɩrɩ 'Kriisë bäa' 'cɛcɩa 'cifi, ‑bɛ 'ɔ bäa' 'cɛcɩlɛ bäa' 'ɔa fugbaa 'Lɩmlɩbanyɔɔ.

1 Korɛɛntënyüü 11:3

‑Maa 'ba jresaa, 'Kriisë 'ɔɔ bä nyɔɔ o nyɔɔa 'wliklɩ. Nyɔɔ bä 'ŋlʋʋa 'wliklɩ. Nyɔsʋa nya bä 'Kriisëa 'wliklɩ.

Akëtë 20:28

'Ii känyrɩ 'ba ‑tre 'ana nyüfë, 'ba ‑gäälä nyüülü kä 'fɩɔ 'Nyüna ‑Susu ‑nyɩa' 'amɩ kälɩ 'nyü ‑gba, 'sɩrɩ nyɔɔ ‑glaara ‑bablëëjü ‑gälɩ. 'Ba bä Nyɔsʋaa 'cɛcɩa 'nyiöligälänyüü; 'ɔa 'Jʋa 'mʋgbɛa ‑toru 'ɔ nʋ 'ɔnya ‑su 'üün.

Ɛfɛsënyüü 3:21

'ɔɔ kä 'wliklɩbʋbʋakʋ 'Cɛcɩa 'mlɩ nyra Jesu 'Kriisë 'lɩ, i ‑wɩara 'taɩn a 'fɩɔ 'lɩ nyra 'plɔʋplɔʋa ‑gʋ! 'Asɩ i bä.

Jenɛɛsë 3:15

'Nyaa ‑mɔ bɛ 'ŋlʋʋa ‑tɔrʋpɩɔ ‑yrɛ berea, 'nyaa bɩa ‑na 'jüa 'jü nyra 'ɔa 'jüa jüa ‑tɔrɔpɩɔ ‑yrɛ berea. 'Ɔnya ‑na 'wli 'käsusroa, 'kä ‑nya 'ɔa bɔtötö mlu.»

1 Timotee 3:15

‑Maa ama 'nyɩ sɔsɔ ji ‑a ji nɩ, 'n ‑jɩjra 'sɩrɩ ‑nëmäa' nʋ Nyɔsʋaa ‑gböööa 'mlɩ. ‑Gbööölä nɩ, 'ää bä 'Lɩbä Nyɔsʋaa 'Cɛcɩ, 'ää bä 'cɩcasaa ‑gɔmʋʋ nyra 'äa ‑toko.

Matiö 16:18

'Na 'mʋgbɛ ‑jäsɩ 'n ‑gbalaa' ‑mɩ nɩ: ‑Mɔ bä Piɛɛrë ‑bɛ 'a 'ia 'täkäläa ‑gälɩ 'mä 'na 'cɛcɩ 'pala. 'Kuaabrea 'klü 'nyɩ 'lɩ ‑a bɩa ü 'kpa 'uun 'kä.

Kolɔɔsënyüü 1:8

'Ɔɔ ‑gbala amɩ 'sɩrɩ Nyɔsʋaa ‑Susu ‑tʋa' ‑wawlakʋ 'amɩ 'lɩ.