Ɛfɛsënyüü 1:20 - Kuö Dëdrä Jenɛɛsë Rutë

²⁰ ‑Jäsɩ 'ɔ sraraa' 'üün nɩ, 'a 'taɩn 'lɩ 'ɔ 'baa' 'Kriisë 'kuaabre ‑bɛ 'ɔ 'sria' 'ɔɔn 'ɔa 'dupa 'pɛlɩ 'kä cɛɩɩa 'mlɩ.

Ɛfɛsënyüü 1:20 Referans Kwoze

Ebröönyüü 10:12

‑Maa 'Kriisëlɔ nɩ, ‑gbɔ 'doo 'ɔ 'sa ‑balʋa ‑gʋ 'kä 'plɔʋplɔʋa ‑gʋ 'ɔnya kʋ Nyɔsʋaa 'dupa 'lɩ.

Marëkë 16:19

'Pläkänyɔɔ bɩaa' 'üün wii ‑gba 'palakʋ, 'ɔnya sakla cɛlɩ, 'ɔnya kʋ Nyɔsʋaa 'dupa 'pɛ 'lɩ.

Ebröönyüü 1:3

'A 'Jʋlɔ bä Nyɔsʋa 'wliklɩbʋabʋakʋa srarakʋ, 'ɔɔ bä 'tasɩrɩ 'ɔa 'pije. 'Ɔɔ 'klaa diia 'fɩɔ kälɩ 'ɔa 'wʋsɔɔrɔ 'papawiia 'mlɩ. 'Ɔa 'mʋgbɛ kälɩ 'ɔ ‑srörö 'ɔ bɩaa' amɩ ‑gbafutokʋ ana ‑balʋa ‑gʋ nɩ, 'ɔnya kʋwälɩ cɛ 'lɩ Nyɔsʋalɔ 'bʋaa' 'wliklɩa 'dupa 'lɩ.

Matiö 28:18

Jesu nya jijrö 'üün ‑gba 'ɔ ‑nëma: «Nyɔsʋa ‑nyɩ 'mɩ ‑tʋtʋ nyra cɛlɩa 'kama 'klüa 'fɩɔ.

Kolɔɔsënyüü 3:1

'A nyra 'Kriisë ma sɔ 'kuaabre nɩ, 'ba 'bata cɛlɩa dii, 'a ‑nyɛɛ 'Kriisë kʋ Nyɔsʋaa 'dupa 'lɩ.

Filipënyüü 3:10

Dɛɛlɛ 'n 'bataa' nɩ, 'iibä ‑a jre 'Kriisë nyra 'ɔa 'kuaabresɔsɔkʋa 'klü; 'nyraa 'ɔɔn 'mä 'ɔa ‑sʋɩ ‑gbötö, 'nyraa 'ɔɔn 'mä 'wʋjärä,

Rɔmënyüü 8:34

Nyɔɔ 'plɛɛ 'mä 'üün 'pɔnɩ le? 'Kriisë 'ɔ jä! 'Pɩrɩgälɩ nɩ, 'ɔnya sɔ jäjäa ‑tɔrʋpɩɔ, 'ɔ bä Nyɔsʋaa 'dupa 'pɛlɩ ‑bɛ 'ɔ bibie ana 'wli 'lɩ!

Akëtë 5:31

'Ɔɔ Nyɔsʋa 'jrara, 'ɔnya nrörö 'ɔɔn 'Cifi nyra 'Lɩmlɩbanyɔɔ 'lɩ, 'ɔmä 'iin nʋ Israɛɛlë 'mä 'lɩ ‑balʋ ‑gälɩtoro, ‑bɛ 'üa ‑balʋ 'mä cere.

Marëkë 14:62

'Iibäa' Jesu nɩ: «‑Yɛɛ, 'ɔɔ 'n bä. 'Anya Nyɔɔa 'Jʋ 'Klükä Nyɔsʋa 'dupa 'lɩ 'järäa, 'ɔnya cɛlɩa ‑gbru ‑gälɩ jaraa ‑bɛ 'ɔnya ji.»

Matiö 26:64

'Iibäa' Jesu: «‑Na mlɩ 'i ja. ‑Maa 'cɩcasa 'n ‑gbala 'amɩ, 'bala 'saarɩ ‑gälɩ 'anya *Nyɔɔa 'Jʋ 'Klükä Nyɔsʋa 'dupa 'lɩ 'järäa, 'ɔnya cɛlɩa ‑gbru ‑gälɩ jaraa ‑bɛ 'ɔnya ji.»

'Nyügälɩjawii 1:17

'N 'jäa' 'ɔɔn nɩ, 'n blö ‑beere 'sɩrɩ 'n jäa'. 'Ɔnya 'pie 'ɔa 'dupa 'darʋ 'na ‑gälɩ 'ɔ ‑nëma: «Ŋalɛ 'nyɩ 'bla ‑mɩ! 'Mɔɔ bä diia 'käkolofa nyra 'ia bɩarafa,

1 Piɛɛrë 1:3

A 'bʋala Nyɔsʋa, ana 'Pläkänyɔɔ Jesu 'Kriisëa Tʋ! 'Ɔa nyatɛplɛ kpakia ‑gʋ 'ɔ ‑glooro 'sɔɔwʋ amɩ 'ɔnya 'ba Jesu 'Kriisë 'kuaabre. 'Asɩ a 'jä plɛgälɩpiepiekʋlʋ ‑nyɛɛa' 'kläa 'jäjäkʋ.

Ebröönyüü 13:20

Abɩa Nyɔsʋalɔ ‑nyɛɛa' plɛgälɩflɛrɛkʋ, ɔ ‑sröröa' kuölä 'nyɩa' blöröfa kä a ‑toru kälɩ ‑bɛ 'ɔ 'baa' jäjänyüüa ‑tɔrʋpɩɔ ana 'Pläkänyɔɔ Jesulɔ bäa' ‑bablëëgbanyɛrɛnyɔɔ kpakö nɩ,

Ebröönyüü 2:9

‑Maa ‑jää wiili a 'jääa' 'wʋ: Jesu 'cere 'wʋ 'aanjëa 'klʋɩ jrüü jiea 'mlɩ, ‑maa jäjäkʋa ‑sʋɩ 'ɔ 'jäa', 'ia ‑gʋ nɩ, Nyɔsʋa nya ‑nyɩ 'ɔɔn 'bʋalakʋ nyra 'lɩträäräkʋ ‑beere 'kɩɩa 'wlugbö. 'Abɩa Nyɔsʋaa ‑gbinanakʋa ‑gʋ Jesu jä nyüüa 'fɩɔa ‑gʋ.

Ɛfɛsënyüü 1:3

Abɩa Nyɔsʋa 'bʋala, 'ɔɔ bä ana 'Pläkänyɔɔ Jesu 'Kriisëa Tʋ. 'Ɔ 'pa amɩ 'nɩ 'Kriisë 'lɩ, 'ɔɔ kälɩ 'ɔ ‑srörö 'ɔnya ‑nyɩ amɩ 'ɔa 'nɩpapakʋlʋa 'fɩɔ bäa' cɛa 'mlɩ.

Rɔmënyüü 1:4

‑Maa Nyɔsʋa 'baa' 'ɔɔn 'kuaabre nɩ, 'Nyüna ‑Susu nya srara 'ɔɔn 'sɩrɩ 'ɔ bäa' Nyɔsʋaa 'Jʋlɔ käa' 'klü, 'sɩrɩ 'ɔ bäa' Jesu 'Kriisë ana 'Pläkänyɔɔ.

Akëtë 26:8

Dɛplɛɛ kä ‑gʋ 'i klalɩ 'ana ‑tɔrʋpɩɔ 'kä 'amä 'saa jre 'sɩrɩ Nyɔsʋa tɛrɛa' jäjänyüü 'kä le?

Akëtë 10:40

Nyɔsʋa nya 'ba 'ɔɔn 'kuaabre jrüü tääa ‑srɩ 'lɩ, 'ɔnya srara 'ɔa nyufa nyüü 'klɩ;

Akëtë 4:10

'I 'na, 'a nyra Israɛɛlënyüüa 'fɩɔ kä 'amä 'saa jre 'sɩrɩ nyɔɔlɔ kʋa' ‑pɩ 'pʋɔlɔa' Nasarɛɛtënyɔɔ Jesu 'Kriisëlɔ 'a koloa' krʋa ‑gälɩ, ɔ jäa' ‑bɛ Nyɔsʋa tɛrɛa' 'kä nɩ, 'a 'ɔa 'nyrɩklɩ 'ɔ 'nyüglö 'ana 'klɩ.

Jaan 10:30

'Mɔɔ ‑bɛ 'na Tʋ bä 'doo.»

Jaan 10:18

Nyɔɔ 'nyɩ 'ba 'ään 'mɩ kälɩ ‑a. 'Na 'mlɔɔ ‑nyɛɛ 'ään. 'N 'mrɛɛ ‑a ‑nyɩ 'ään, ‑bɛ 'n 'mrɛɛ ‑a dɔrɔ 'ään 'wʋ; 'n 'klaa 'ia 'klü. 'A wiili 'na Tʋ ‑gbalaa' 'mɩ ‑a nʋa'.»

Kolɔɔsënyüü 1:16

'Be 'ɔɔ Nyɔsʋa ‑srörö kälɩ 'ɔnya nʋ diili kä 'fɩɔ bäa' cɛa 'mlɩ nyra ‑tʋtʋ ‑gälɩ: diili a 'jäa' 'wʋ nyra ‑mɩlɩ anyɩ 'jäa' 'wʋ; 'Kɩɩɩ nyra 'üa 'kamakʋ, 'cifu nyra 'klüɩɩ. 'Ɔɔ kälɩ 'ia 'fɩɔ ‑srörö 'inya nrörö 'ɔa ‑gʋ.