Ɛfɛsënyüü 1:19 - Kuö Dëdrä Jenɛɛsë Rutë

¹⁹ ‑Bɛ 'amä 'ɔa 'klü kpakülü ‑fɛɛɛrɛa' amɔlɔ toroa' 'ɔɔn plɛa 'kläa 'mlɩa 'jrʋpa jre. 'Ia 'klülü nɩ, 'klü 'kɔkɔmlɛ Nyɔsʋa nʋ 'ɔnya srara 'üün.

Ɛfɛsënyüü 1:19 Referans Kwoze

Filipënyüü 2:13

'be Nyɔsʋa ‑nyɛɛ 'amɩ 'nyienyiekʋa 'klü nyra 'ia nʋnʋkʋa 'klü amä wiili käa' 'ɔɔn 'tʋ nʋ.

Ɛfɛsënyüü 3:20

Nyɔɔlɔ ‑fɛɛɛrɛa' ana 'kläa 'mlɩ 'jrʋpa ‑gböösa, ɔ 'mrɛɛa' ɔmäa' 'ɔa 'klülü bäa' amɩ 'lɩ kälɩ ‑srörö, ‑bɛ ɔmäa' dii 'kɔkɔmlɛlɛ anyɩa' 'bete 'aiɛ 'anyɩa' bobo nʋ,

Kolɔɔsënyüü 2:12

'A 'palaa' 'nɩwli nɩ, 'amɔ ‑bɛ 'Kriisë 'sɔ 'ü ‑träärä ‑pɩɔ 'doo 'wʋ, 'anya toro Nyɔsʋaa 'klülü 'baa' 'ɔɔn jäjäa 'bre plɛ, 'a 'ia ‑gʋ 'a nyra 'ɔɔn sɔ 'kuaabre.

2 Korɛɛntënyüü 4:7

‑Maa amɔlɔ 'klaaa' 'bɩɔlʋ nɩ, a ‑beere mamɛɛa ‑püü. 'Imä jrere 'sɩrɩ 'ia 'klü kpakülü 'nyɩa' ana 'klü bä, ‑maa Nyɔsʋaa ‑nyɛɛ 'i sɔ.

Kolɔɔsënyüü 1:29

'A 'ia ‑gʋ 'n ‑fɛɛɛ 'jrʋpa 'ɔa 'klüa 'nyrɩklɩ, 'ü 'tuto 'mɩ ‑gböösa.

Ɛfɛsënyüü 6:10

'Na ‑wlajü 'amɩ ‑jäsɩ 'n blöa' nɩ: 'ba 'batra 'ana 'klü 'Pläkänyɔɔ 'lɩ, 'kä 'a 'batra 'üün 'ɔa 'klü kpakü 'lɩ.

Ɛfɛsënyüü 3:7

A 'ia 'Mʋfagogoläa 'mlɩ 'n nʋ Nyɔsʋaa 'jrʋpafɛnyɔɔ: 'a Nyɔsʋaa 'srɛlɛ 'ɔ ‑nyɩa' 'mɩ 'ɔa ‑gbinanakʋ 'lɩ, 'ɔa 'klü 'ɔ nʋ.

Ɛfɛsënyüü 2:10

'Be Nyɔsʋa 'ɔɔ nʋ amɩ; a nyra 'Kriisë Jesua nyüü 'dooa bäbäkʋ kälɩ Nyɔsʋa ‑srörö 'ɔnya nʋ amɩ amä 'cɩcagbi nʋ. 'Cɩcagbili nɩ, 'ɔ 'a kä 'iin ‑ëlere amä 'iin nʋ.

Rɔmënyüü 1:16

'Be 'nyɩ 'Mʋfagogolä 'paaa' 'Kriisëa ‑gäa 'sasakʋa 'nyüsü ‑a kä. 'Ää bä Nyɔsʋaa 'klülü 'ɔ ‑sröröa' kälɩ ‑bɛ 'ɔ 'pʋɔa' nyɔɔ o nyɔɔ toroa' 'ɔɔn plɛ: kolo juifë ‑gälɩ 'kä, ‑a jrä ünyɩa' juifë bä ‑gälɩ.

Jaakë 1:18

'Ɔ ‑srörö 'ɔa 'papawiili bäa' 'cɩcasa 'lɩ 'ɔnya ‑gu amɩ, amä 'ɔa nʋnʋdiia 'fɩɔa 'wliklɩa nü bä.

2 Tɛsalonikënyüü 1:11

'A 'ia ‑gʋ a bibie 'ana 'wlili 'taɩn a 'fɩɔ 'lɩ, ana Nyɔsʋalɔ wea' 'amɩ 'mä 'lɩ 'amɩ 'kʋɛɛ, ‑bɛ 'ɔmä 'amɩ 'klülɩpa, 'amä wiili kä 'fɩɔ 'naa' nʋ 'ɔa 'klü 'lɩ 'ana nyɔsʋaplɛtorokʋa ‑gʋ.

1 Tɛsalonikënyüü 1:5

'be 'Mʋfagogolä a 'saraa' 'lɩ 'amɩ nɩ, 'änyɩ 'fʋflɛ ‑gogo ‑a bä, ‑maa 'Nyüna ‑Susua 'klü bä 'lɩ, anya 'suru 'sɩrɩ 'i bäa 'cɩcasa; 'be 'a 'jä 'sɩrɩ a 'nyɛrɛa' 'ana ‑tɔrʋpɩɔ, 'ia 'fɩɔlʋ nɩ 'ana 'cɩcasaa ‑gʋ.

2 Korɛɛntënyüü 5:17

Nyɔɔ nyra 'Kriisë ma bä 'doo nɩ, nyɔɔdëdrä nyɔɔlɔ bä; 'klɩbɩaa ni 'a ‑si, 'köklesa ‑plɩɩ diia 'fɩɔ bä dëdrä.

Akëtë 26:18

'N blɔ ‑mɩ ‑mä 'üa 'nyü ‑jie, ‑bɛ ‑mä 'üün 'jöjrüükpü 'lɩ 'ba ‑mä 'üün ‑srɩ 'klɩ ja; ‑mä 'üün Sataan a 'klü mlɩ 'ba ‑mä 'üün Nyɔsʋa ja. Üma toro 'mɩ plɛ nɩ, 'üa ‑balʋ 'mä 'üün cere ‑bɛ 'ümä ‑jaaa nyüülü Nyɔsʋa berea' 'klɩa ‑tɔrʋpɩɔ kälä.›

Jaan 3:6

Dɛɛlɛ nyɔɔ ‑gua' bä nyɔɔa dɛɛ, ‑maa ‑mɛlɛ ‑Susu ‑gua' bä ‑susua dɛɛ.

Filipënyüü 3:21

'Ɔmä ana fugbëlë 'nyɩa' 'klü kä, 'ɔa 'wliklɩbʋafugba 'lɩcicri. 'Ɔa 'klülü kä ‑gʋ 'ɔ 'kamaa' diia 'fɩɔ nɩ, 'üü 'ɔ nëmä nʋ ‑bɛ 'ɔmä ana fugba 'cici.

1 Piɛɛrë 4:11

Nyɔɔ ma 'pawii nɩ, ɔ bä Nyɔsʋaa wiisienyɔɔ. Nyɔɔlɔ jöa' nyüü ‑gba nɩ, 'ɔ nʋ 'klülü Nyɔsʋa ‑nyɩa' 'ɔɔn ‑bɛ ɔ ji nyüü ‑gba. ‑Bɛ wiia 'fɩɔa 'mlɩ nɩ, Nyɔsʋa 'mä 'bʋala Jesu 'Kriisëa ‑gʋ, 'ɔɔlɔ käa' 'wliklɩbʋbʋakʋ nyra 'klü 'plɔʋplɔʋa ‑gʋ! 'Asɩ i bä.