Ɛfɛsënyüü 1:17 - Kuö Dëdrä Jenɛɛsë Rutë

¹⁷ 'N ‑gbala ana 'Pläkänyɔɔ Jesu 'Kriisëa Nyɔsʋa, Tʋlɔ 'sia' 'wliklɩbʋabʋakʋ 'klɩ nɩ, ɔ ‑nyɩ 'amɩ ‑susulu 'sia' wiijejrekʋ 'klɩ, 'kä 'ɔ ‑jie 'ana 'nyü 'amä 'ɔɔn jre 'cɩcasa,

Ɛfɛsënyüü 1:17 Referans Kwoze

2 Piɛɛrë 1:3

'Be 'ɔa 'nyrɩ 'klüa ‑gʋ, Nyɔsʋa ‑nyɩ amɩ diia 'fɩɔ amäa' 'plä 'wʋ kʋ ‑bɛ amäa' 'ɔɔn dɛrɩprɛ. 'Ɔɔlɔ sara amɩ nyɔɔlɔ werea' amɩ 'ɔa 'mʋgbɛa 'wliklɩbʋabʋakʋ 'lɩ nyra 'ɔa ‑gbinanakʋ 'lɩ.

2 Piɛɛrë 3:18

‑Maa 'ba 'bʋala Jesu 'Kriisëa ‑gbinanakʋ 'lɩ 'kä 'a jre 'ɔɔn ‑gböösa, 'ɔɔlɔ bäa' ana 'Pläkänyɔɔ nyra ana 'Lɩmlɩbanyɔɔ. 'Ɔɔ kä 'wliklɩbʋbʋakʋ 'köklesaplɩɩ, 'plɔʋplɔʋ! 'Asɩ i bä.

Ɛfɛsënyüü 1:3

Abɩa Nyɔsʋa 'bʋala, 'ɔɔ bä ana 'Pläkänyɔɔ Jesu 'Kriisëa Tʋ. 'Ɔ 'pa amɩ 'nɩ 'Kriisë 'lɩ, 'ɔɔ kälɩ 'ɔ ‑srörö 'ɔnya ‑nyɩ amɩ 'ɔa 'nɩpapakʋlʋa 'fɩɔ bäa' cɛa 'mlɩ.

Jaan 17:3

‑Bɛ dɛɛlɛ bäa' 'klälä 'nyɩa' blöröfa kä nɩ, 'iibä: ‑mɔ kä 'doo bäa' 'cɩca Nyɔsʋa, ü jre ‑mɩ, 'kä 'ü jre Jesu 'Kriisëlɔ ‑blɔa'.

Matiö 11:27

«'Na Tʋ ‑nyɩ 'mɩ diia 'fɩɔ kälɩ. Nyɔɔ 'nyɩ 'Jʋ ‑a jre, ima 'nyɩ Tʋ ‑a bä. Nyɔɔ 'nyɩ Tʋ ‑a jre, ima 'nyɩ bɩa 'Jʋ nyra nyɔɔlɔ 'Jʋ 'bataa' 'ia srarakʋ ‑a bä.

1 Korɛɛntënyüü 2:10

'Nyüna ‑Susu Nyɔsʋa ‑srörö kälɩ 'ɔnya srara amɩ 'iin. Nyɔsʋaa ‑Susu 'jää diia 'fɩɔ, 'u 'jää 'nɩmɩ Nyɔsʋaa ‑sisiewii.

Ɛfɛsënyüü 3:5

'Ia ‑sisiewiili nɩ, Nyɔsʋa 'nyɩ kä 'iin ‑kätɩnyüü ‑a srara. ‑Maa dɛɛlɛ a bäa' ‑plɩɩ ‑gälɩ nɩ, 'ɔ srörö ‑Susu kälɩ 'ɔnya srara 'iin 'nyüna apotrëɩɩ nyra nyɔsʋaamlɩpalanyüülü 'ɔ 'baa' 'lɩ.

Jaan 20:17

'Iibäa' Jesu nɩ: «‑Nyɩ ‑fɛ 'mɩ ‑gba, 'n ‑kaaŋlʋ 'na Tʋa ‑nyɛɛ 'jra. ‑Maa mi ‑a ‑gbala 'na ‑wlajü, 'na Tʋa ‑nyɛɛ 'n 'jraa, ɔ bäa' 'ana Tʋ; 'na Nyɔsʋaa ‑nyɛɛ 'n 'jraa, ɔ bäa' 'ana Nyɔsʋa.»

Akëtë 6:10

‑Maa 'ünyɩ 'ɔɔn du ‑a du dɛtʋa 'mlɩ, 'be 'Nyüna ‑Susu ‑nyɛɛ 'ɔɔn dɛtʋa jejrekʋ.

Matiö 6:13

‑Nyɩ tɛ bɩa amɩ 'klɩ anyɩ mi ‑balʋ 'lɩ, ‑maa 'ba amɩ Plɛbʋbɔsusu kälɩ, 'be ‑mɔ kä 'pläa 'kamakʋ, 'klü nyra 'bʋalakʋ 'plɔʋplɔʋ. 'Asɩ i bä.

Jaan 14:26

‑Maa ‑Gbajisusulu, u bäa' 'Nyüna ‑Susu, u Tʋ 'mäa' 'na 'nyrɩklɩ jara nɩ, 'unya 'amɩ diia 'fɩɔ 'kpɩaa, 'kä 'unya 'amɩ wiili 'kä 'fɩɔ 'n ‑gbalaa' 'amɩ plɛpa.

2 Korɛɛntënyüü 12:1

'Mä ‑tɔklʋ bɔtɔ ‑ale? 'Fʋflɛdii. ‑Maa wiili 'Pläkänyɔɔ jaa' 'mɩ 'nyügälɩ 'taɩn 'lɩ 'ɔ sraraa' 'mɩ 'ɔa nyufa nɩ, 'ii 'nëmä 'lɩsa.

Lukë 21:15

'Be 'mɔɔ nëmä 'ana mlɩ wii 'pa; 'mɔɔ nëmä 'amɩ 'lɩgaglakʋ ‑nyɩ. 'Ana 'nyüamlɩjraranyüüa 'fɩɔ ‑nëmä 'amɩ ‑a du 'papawii 'lɩ, 'ü ‑nëmä 'amɩ 'klɩ ‑a 'nyüglö.

1 Korɛɛntënyüü 12:8

'Nyüna ‑Susu ‑nyɛɛ 'doo 'lɩglasaadɛtɛkʋ; ‑Susu 'doolʋ ‑nyɛɛ ‑moloo 'wiijredɛtʋ.

1 Korɛɛntënyüü 2:8

'Kamanyɔɔ 'doo 'nyɩ ‑taa ‑tʋtʋlʋa ‑gälɩ ‑a bä ɔ jrea' ‑taa 'lɩgaglakʋlʋ. 'Üma jre ɩ 'imɩ nɩ, 'ü ‑nëmä 'Pläkänyɔɔlɔ 'sia' 'wliklɩbʋabʋakʋ 'klɩ krʋa ‑gälɩ ‑a kolo.

Rɔmënyüü 15:6

'Ia 'taɩn 'lɩ 'amä 'mä 'döö 'pa 'amä ana 'Pläkänyɔɔ Jesu 'Kriisëa Tʋ Nyɔsʋa 'bʋala.

Jaan 16:3

'Be 'ünyɩ 'mɔɔ ‑bɛ Tʋ ‑a jre, 'ia ‑gʋ 'ümä 'iin nʋ.

Jaan 14:17

'Ɔɔ bä ‑Susulu sraraa' 'cɩcasa. 'Plä 'nyɩ 'lɩ ‑a bɩa 'ü 'nyiere 'uun 'klɩ, 'be 'ünyɩ 'uun jre ‑a jre ‑bɛ 'änyɩ 'jä 'uun 'wʋ ‑a. ‑Maa 'amɔlɔ nɩ, 'a jre 'uun: 'u nyra 'amɩ kʋwälɩ, 'unya 'amɩ 'lɩbäa.

Matiö 16:17

Jesu nya ‑gbala 'ɔɔn ‑maa: «Simɔɔ, Jonasëa 'Jʋ, abɩa dɔrʋ 'bla ‑mɩ, 'be ‑mää nyɔɔ 'nyɩ ‑mɩ 'iin mlɩ 'pa, ‑maa 'na Tʋlɔ bäa' cɛlɩ, 'ɔɔ 'pa ‑mɩ 'iin mlɩ.

Matiö 11:25

'Ia 'taɩn 'lɩ Jesu ‑nëmä: «Tʋ, cɛ nyra ‑tʋtʋa 'Pläkänyɔɔ, 'n 'trɛɛ ‑mɩ 'sɩrɩ nʋa' ‑bɛ ‑sisrea' wiili 'lɩglanyüü nyra ‑pɔɔkɩjrenyüü ‑gba, ‑bɛ ‑sraraa' 'iin 'jütɛtɛɛ.

'Nyügälɩjawii 7:12

ü nɩnɩa: «'Asɩ i bä! A ‑nyɩ ana Nyɔsʋa 'lɩbrɛrɛkʋ, 'wliklɩbʋabʋakʋ, wiijejrekʋ, 'trɔrʋ nyra 'bʋalakʋ, 'klükäkäkʋ nyra 'wʋsɔɔrɔkʋ 'plɔʋplɔʋa ‑gʋ! 'Asɩ i bä!»

Titë 1:1

'Mɔɔ 'Pɔɔlë, Nyɔsʋaa ‑geei nyra Jesu 'Kriisëa apotrë, 'mɔɔ ‑jɩjra. Nyɔsʋa ‑gbala 'mɩ ‑a we 'ɔa nyüülü 'ɔ 'baa' 'lɩ 'ümä nyɔsʋaplɛtoro, 'ümä 'cɩcasa jre, 'üa 'nyɛnyɛkʋ nyra 'üa nyɔsʋaplɛ 'mä dɛɛ 'dee bä.

Jaakë 2:1

'Na ‑wlajü 'amɩ, 'amɔ toroa' 'Pläkänyɔɔ Jesu 'Kriisëlɔ 'bʋaa' 'wliklɩ plɛ nɩ, 'anyɩ ‑glɛ nyüü.

1 Korɛɛntënyüü 14:6

'Ii känyrɩ 'na ‑wlajü 'amɩ, ama 'pa nyüüamlɩawiia 'kaɩn 'kaɩn, ‑bɛ ama ji 'ana ‑nyɛɛ nɩ, ‑a 'jää ‑plɩɩlɩ 'n jröröa' 'amɩ ‑gba le? Ama 'nyɩ ‑gbala 'amɩ wiili Nyɔsʋa sraraa' 'mɩ ‑a nɩ, ama 'nyɩ ‑gbala 'amɩ wiijejrekʋ ‑a nɩ, 'aiɛ ama 'nyɩ 'palanyɔsʋamlɩ ‑a nɩ, ‑bɛ ama 'nyɩ 'kpɩa 'amɩ ‑a nɩ, ‑a 'jää ‑plɩɩlɩ 'n jröröa' 'amɩ ‑gba le?

Lukë 12:12

'Ia ‑srɩlɩa 'mlɩ nɩ, 'Nyüna ‑Susu nya 'amɩ wiili 'amäa' 'lɩsa ‑gbalaa.»

Lukë 2:14

«Abɩa Nyɔsʋa 'bʋawliklɩ cɛɩɩa 'mlɩ, abɩa 'ɔa plɛgälɩflɛrɛkʋ nyra 'ɔa ‑gbinanakʋ ‑nyrɛrɛ nyüülü bäa' ‑tʋtʋ ‑gälɩ.»

2 Timotee 2:25

'Ɔ kä ɔ 'kpɩa plɛblösa nyüülü 'ɔ nyra 'üün totroa' 'wli. Ɔma nʋ 'saa nɩ, ‑beeredɛ Nyɔsʋa 'mrɛɛ ɔ nʋ 'iin 'kä 'ünya nʋnʋgbi 'cici, 'ümä 'cɩcasa jre,

Rɔmënyüü 1:28

‑Bɛ Nyɔsʋa jejrekʋ 'nyɩa' 'üa ‑nyɛɛ ‑gbaa kä nɩ, Nyɔsʋa nya 'cɛrɛ 'üün ‑wälɩ 'üü ‑bɛ 'üa bʋbɔbobowli 'sɔ 'ümä wiili 'nyɩa' nʋnʋsa bä nʋ.

Akëtë 7:2

'Iibäa' Etiɛɛnë: «'Na tʋɩɩ 'amɩ ‑bɛ 'na ‑wlajü 'amɩ, 'ba ponyakli ‑o! Ana Nyɔsʋa ɔ 'bʋaa' 'wliklɩ, 'ɔ srara kä 'ɔa nyufa ana tʋ Abraamë 'taɩn 'lɩ 'ɔ ma kʋ käa' Mesopotamiinyüüa 'bre, 'fɩɔwʋ 'ɔnya 'mä Araabätä 'prɛrɛ.

Ɛfɛsënyüü 4:13

'Ima bäsaa nɩ, ana 'fɩɔa nyɔsʋaplɛ nyra Nyɔsʋaa 'Jʋa jejrekʋ nya dɛɛ 'dee bäa. Anya ‑jrɛa, 'kä anya 'tasɩrɩ 'Kriisëa 'bʋabʋakʋa ‑pɩɔ 'tɔ.

Filipënyüü 3:15

Ana 'fɩɔlʋ ‑jrɛɛrɛa' nyɔsʋaawii 'lɩ nɩ, 'asɩ a kä amä bobo. ‑Bɛ wii mɩdooa ‑gälɩ 'ama bobo ‑pasasa nɩ, Nyɔsʋa nya 'amɩ 'iin sraraa bɩa.

Matiö 20:33

'Ü ‑nëma: «'Pläkänyɔɔ, ‑jie ana 'nyü!»