Ɛfɛsënyüü 1:1 - Kuö Dëdrä Jenɛɛsë Rutë

¹ 'Mɔɔ 'Pɔɔlë bäa' Jesu 'Kriisëa apotrë 'sɩrɩ Nyɔsʋa 'bataa', 'mɔɔ ‑jɩjraa' 'amɩ 'wʋ, 'amɔ 'nyünanyüülü kʋa' Ɛfɛsëbätä, 'amɔ toroa' Jesu 'Kriisë plɛ.

Ɛfɛsënyüü 1:1 Referans Kwoze

Kolɔɔsënyüü 1:2

amɔ ‑jɩjraa' 'amɩ 'wʋ, 'amɔ Nyɔsʋaa 'nyünanyüülü kʋa' Kolɔɔsëbätä; 'amɔ 'Kriisë 'lɩa plɛgälɩpie ‑wlajü. Abɩa Nyɔsʋalɔ bäa' ana Tʋ nyra 'Pläkänyɔɔ Jesu 'Kriisëa ‑gbinanakʋ nyra plɛgälɩflɛrɛkʋ bä 'amɩ ‑gälɩ.

2 Korɛɛntënyüü 1:1

'Mɔɔ 'Pɔɔlë, ɔ bäa' Jesu 'Kriisëa apotrë, 'sɩrɩ Nyɔsʋa ‑waa' nɩ, 'mɔɔ ‑bɛ ‑wlajʋlɔ 'ü 'daraa' Timotee amɔ ‑jɩjra 'amɩ 'wʋ: Nyɔsʋaa 'cɛcɩlɛ bäa' Korɛɛntëbätä nyra Nyɔsʋaa 'nyünanyüüa 'fɩɔ kʋa' Akaiia ‑tʋtʋ ‑gälɩ.

Galaatënyüü 1:1

'Mɔɔ 'Pɔɔlë, ɔ bäa' apotrë, 'mɔɔ ‑jɩjra 'amɩ 'wʋ. ‑Mää nyüü, 'aiɛ nyɔɔ 'nyɩ 'mɩ apotrë 'lɩnrörö, ‑maa Jesu 'Kriisë nyra Nyɔsʋalɔ bäa' Tʋ, ɔ 'baa' 'ɔɔn jäjänyüüa ‑tɔrʋpɩɔ, 'üü nrörö 'mɩ apotrë 'lɩ.

Rɔmënyüü 1:1

'Mɔɔ 'Pɔɔlë ‑jɩjra 'amɩ 'wʋ, 'mɔɔ Jesu 'Kriisëa ‑geei. Nyɔsʋa 'balɩ 'mɩ 'mä apotrë bä, 'ɔnya bere 'mɩ 'klɩ 'mä Nyɔsʋaa 'Mʋfagogo 'sa.

Rɔmënyüü 1:7

'N ‑jɩjra 'ana 'fɩɔlü bäa' Rɔmë 'wʋ, Nyɔsʋaa ‑wawanyüü 'amɩ, 'amɔ bäa' 'ɔa 'nyünanyüü. 'N 'trɛɛ 'amɩ; abɩa Nyɔsʋalɔ bäa' ana Tʋ nyra 'Pläkänyɔɔ Jesu 'Kriisëa ‑gbinanakʋ nyra plɛgälɩflɛrɛkʋ bä 'amɩ ‑gälɩ!

Ɛfɛsënyüü 6:21

Ana ‑wlajʋ Tikiikë ana 'fɩɔ ‑waa' 'saa, ɔ nöa' 'mʋfasa 'Pläkänyɔɔa 'jrʋpa, 'ɔnya 'amɩ 'na ‑gogoa 'fɩɔ ‑nyɩa, 'amä bɩa dɛɛlɛ 'n nöa' jre.

1 Korɛɛntënyüü 4:17

'A 'ia ‑gʋ 'n ja 'amɩ Timotee, 'na ‑wawajʋ, ɔ ‑trääräa' 'lɩ 'Pläkänyɔɔ, 'ɔmä 'amɩ plɛpa 'sɩrɩ 'na 'nyɛnyɛdɛɛ bäa' 'Kriisë 'lɩ. 'A 'i 'n 'kpɩara ‑pɩɔa 'fɩɔ 'cɛcʋa 'mlɩ.

Lukë 16:10

«Nyɔɔlɔ ‑trääräa' 'lɩ diijie nɩ, 'ɔnya bɩa 'lɩ dii kpakü ‑trääräa. ‑Bɛ nyɔɔlɔ 'nyɩa' 'klɩgä diijiea 'mlɩ nɩ, 'ɔ ‑nëmä 'klɩ ‑a ‑gä dii kpaküa 'mli.

'Nyügälɩjawii 2:10

‑Sʋɩlɩ ‑nëmäa' 'jä 'nyɩ kä ‑mɩ ŋalɛ 'wʋ. Ponyakli. Sataan nya 'amɩ 'traɩn a: 'ɔnya 'ana ‑tɔrʋpɩɔa ‑mölöö 'kplaa kä 'ɔnya 'üün ‑jie 'lɩ 'pa, 'kä 'anya ‑sʋɩ 'jä ‑kpraalɩa jrüü ‑pʋ. ‑Maa ‑sɔɔrɔwʋ ‑bakää 'ünyɩ 'bla ‑mɩ, ‑bɛ 'mä ‑mɩ 'kläa 'wlugbö ‑nyɩ.

'Nyügälɩjawii 17:14

'Ü nyra ‑bablëëjʋ 'mä tou ‑fu, ‑maa ‑Bablëëjʋ nya 'üün dua, 'be 'ɔɔ bä 'pläkänyüüa 'Pläkänyɔɔ, 'ɔɔ bä 'kɩɩɩa 'Kɩɩ. 'Ɔɔ ‑bɛ nyüülü bäa' 'ɔɔn dɛrɩ, ü 'ɔ 'baa' 'lɩ ‑bɛ 'ɔ wea', 'ɔa plɛtoronyüü, 'ünya 'üün dua.»

Galaatënyüü 3:9

'Ii känyrɩ, nyüülü toroa' Nyɔsʋa plɛ nɩ, 'üü ‑bɛ nyɔsʋaplɛtoronyɔɔ Abraamë 'ɔ 'paa 'nɩ.

Rɔmënyüü 8:1

Dɛɛlɛ a kʋa' ‑plɩɩ ‑gälɩ ɔ nɩ, nyüülü bäa' Jesu 'Kriisë 'lɩ ‑kanyɩ 'pɔnɩkʋ ‑a kä, 'abɩa nyüülü 'nyɩ 'nyɛrɛa' 'üa 'jajɛa wii ‑gälɩ, ‑bɛ 'ü 'nyɛrɛa' 'Nyüna ‑Susua wii ‑gälɩ.

Akëtë 16:15

'Ɔɔ ‑bɛ 'ɔa ‑gbööö 'palaa' 'nɩwli nɩ, 'ɔnya bibie amɩ: «'Be 'a jre 'iin 'sɩrɩ 'n ‑trääräa' 'lɩ 'Pläkänyɔɔa wii, 'ba ji 'na ‑nyɛɛ 'amä 'lɩ 'prere.» 'Ɔ kʋ amɩ 'klɩ anya 'nyie.

'Nyügälɩjawii 2:13

'N jre wiili ‑nöa' nyra ‑plɩɩlɩ ‑kʋa', i Sataan a 'kɩɩkpata bäa'. ‑Kpaasra 'na 'nyrɩ ‑gba. 'Ana ‑tɔrʋpɩɔ, i Sataan kʋa', 'ii 'ü 'blaraa 'na ‑gäpanyɔɔ Antipasë 'nyɩa' 'mɩ dɛrɩ sɔ. ‑Maa ‑mɔlɔ nɩ, ‑jää 'ia 'fɩɔ ‑maa ‑ka toro 'mɩ plɛ.

1 Korɛɛntënyüü 4:12

Ana 'mʋgbɛ nʋ wlu anya ‑fɛ 'jrʋpa ‑gböösa, 'i sɩara amɩ. Nyüü ma ‑jejre amɩ nɩ, 'nɩ a 'paa 'üün; üma nʋ amɩ bʋbɔgbi ‑gba nɩ, a 'nyiere 'iin 'klɩ.

Akëtë 9:13

'Iibäa' Ananiasë nɩ: «'Pläkänyɔɔ, 'n 'nrörö nyɔɔlɔ kʋa' ‑pɩa 'nyrɩ nyüü 'kɔkɔmlɛa mlɩ 'sɩrɩ 'ɔ nʋa' bʋbɔgbi 'kɔkɔmlɛ ‑na nyüülü berea' 'klɩ ‑gba Jerusalɛɛmë;

Akëtë 18:19

'Ɔ 'tɔa' Ɛfɛsëbätä nɩ, 'ɔnya tɩ Prisiilë nyra Akilasë, 'ɔnya pa juifëa 'sraaplanyuku ‑wälɩ ‑bɛ 'ɔ nyra juifë ‑topo.

Akëtë 18:21

'Ɔ nëmäa' mi nɩ, 'ɔnya ‑gbala 'üün: «'N kä 'mä ‑glɩsɩglɩsɩlɛ jöa' Jerusalɛɛmë 'järä. ‑Maa Nyɔsʋa ma 'nyie 'nyaa ana ‑nyɛɛ dɛrɩ 'blööa.» 'Ɔ 'wlaraa' nɩ, 'ɔnya 'jra 'mɩɩ 'lɩ 'ɔnya 'cie Ɛfɛsë.

Galaatënyüü 3:26

'Ana 'fɩɔ 'a Nyɔsʋaa 'jü bä Jesu 'Kriisëa plɛtorokʋa ‑gʋ.

Galaatënyüü 3:28

'Ii känyrɩ, ‑bakää ‑bä juifë, 'aiɛ ‑nyɩ juifë ‑bä, ‑geei bä o, ‑nyɩ ‑geei bä o, nyɩbɛrʋ 'aiɛ 'ŋlʋʋ o, 'ana 'fɩɔ bä nyüü 'doo 'Kriisë Jesu 'lɩ.

Ɛfɛsënyüü 1:15

'A 'ia ‑gʋ 'na 'mʋgbɛ 'nua' 'sɩrɩ 'a toroa' 'Pläkänyɔɔ Jesu plɛ, ‑bɛ 'a ‑waa' 'nyünanyüüa 'fɩɔ nɩ,

Ɛfɛsënyüü 2:6

A nyra 'Kriisë Jesu 'sɔ 'ɔ tɛrɛ kä jäjänyüüa ‑tɔrʋpɩɔ, 'ɔnya ‑nyɩ amɩ kʋfa a nyra 'ɔɔn 'sɔ cɛɩɩa 'mlɩ.

Ɛfɛsënyüü 2:10

'Be Nyɔsʋa 'ɔɔ nʋ amɩ; a nyra 'Kriisë Jesua nyüü 'dooa bäbäkʋ kälɩ Nyɔsʋa ‑srörö 'ɔnya nʋ amɩ amä 'cɩcagbi nʋ. 'Cɩcagbili nɩ, 'ɔ 'a kä 'iin ‑ëlere amä 'iin nʋ.

Ɛfɛsënyüü 2:13

‑Maa 'köklesaplɩɩ ɔ nɩ, 'amɔ ma tʋŋlɔa' 'lɩ Nyɔsʋa dɛrɩ nɩ, 'Kriisë Jesu 'lɩa bäbäkʋa ‑gʋ nɩ, 'a ‑kanyɩ 'lɩ 'ɔɔn dɛrɩ ‑a tʋŋlɔ, 'Kriisëa ‑torua ‑gʋ.