Ebröönyüü 9:12 - Kuö Dëdrä Jenɛɛsë Rutë

¹² 'Kriisë nya pa 'wʋ 'doo 'wʋ ‑tetelɛa papapɩɔ kpakö 'kä 'plɔʋplɔʋa ‑gʋ. ‑Mää wluaɩɩ nyra bruujüa ‑toru 'ɔnyɩ nʋ, 'ɔnyɩ ‑gbɔ 'sa; ‑maa 'ɔa 'mlɔɔa ‑toru 'ɔ nʋ 'ɔnya 'sa ‑gbɔ, 'ɔ 'ba amɩ ‑balʋ kälɩ 'plɔʋplɔʋa ‑gʋ.

Ebröönyüü 9:12 Referans Kwoze

Ebröönyüü 10:4

'Be bruua ‑toru nyra wluuaɩɩa ‑toru 'nyɩ 'lɩ ‑a bɩa u kpëtä ‑balʋ.

Ebröönyüü 9:15

‑Bɛ 'a 'ia ‑gʋ 'Kriisë bä kuö dëdräa 'diprö, 'kä nyüülü Nyɔsʋa wea' 'mä ‑wɩarajalä Nyɔsʋa 'daaa' 'ɔmäa' 'üün ‑nyɩ ji. 'Be 'ɔa jäjäkʋa ‑gʋ nyüülü kʋa' 'klɩsa kuöa 'mlɩ nɩ, 'üa ‑balʋ 'mrɛɛ 'ümä kpëträ.

Ɛfɛsënyüü 1:7

'Kriisëa ‑toru Nyɔsʋa ‑srörö kälɩ 'ɔnya 'balɩ amɩ mlɩ, 'ɔɔ 'lɩ Nyɔsʋa cere amɩ ana ‑balʋ, 'ɔa ‑gbinanakʋlʋ ‑siea' 'wli, 'ia ‑gʋ.

Ebröönyüü 5:9

Nyɔsʋa jräa' 'ɔɔn 'wli nɩ, 'ɔnya nʋ nyüülü kä 'fɩɔ ‑trääräa' 'lɩ 'ɔɔn 'üa 'lɩmlɩbanyɔɔ 'plɔʋplɔʋa ‑gʋ.

'Nyügälɩjawii 1:5

nyra bɩa Jesu 'Kriisëa ‑nyɛɛ. 'Ɔɔ bä nyɔɔlɔ 'nyɩ sɔa' nyɔɔ dɛrɩ ɔ 'jäa' 'ia wiili, 'ɔɔ bä ‑kätɩjʋlɔ sɔa' jäjänyüüa ‑tɔrʋpɩɔ, 'ɔɔ bä 'pläa 'kɩɩa 'Kamanyɔɔ. 'Kriisë ‑wa amɩ, 'ɔnya ‑srörö 'ɔa ‑toru kälɩ 'ɔnya ‑futo amɩ ana ‑balʋa ‑gʋ.

Ebröönyüü 10:19

'Ii känyrɩ ‑wlajü 'amɩ, Jesua ‑torua ‑gʋ a 'mrɛɛ a pa papapɩɔ kpaköa 'mlɩ, 'kä ŋalɛ 'nyɩ 'bla amɩ.

Ebröönyüü 9:28

'Asɩ 'Kriisë 'sa 'ɔa fugba, ‑gbɔ nya 'sara 'wʋ 'doo 'wʋ 'ɔmä 'lɩ nyüü 'kɔkɔmlɛa ‑balʋ 'ba. 'Ɔnya 'sɔɔwʋ jia, ‑maa ‑mää nyüüa ‑balʋa 'lɩbabakʋa ‑gʋ ‑a, ‑maa nyüülü ‑glaaa' 'ɔɔn 'üü 'ɔ jö 'lɩmlɩbakalɩ.

Ebröönyüü 7:27

'Ɔnyɩ ‑gbɔsapɛrɩnyüü kpakü ‑mülüa 'sa ‑a bä. 'Üülü nɩ, 'ü kä 'ümä 'üa 'mʋgbɛa ‑balʋ nyra nyüüa ‑balʋa ‑gbɔ 'sa ‑srɩ o ‑srɩ. ‑Maa 'ɔɔlɔ nɩ, 'ɔ nröröa' 'ɔa 'mʋgbɛ ‑gbɔ 'lɩ 'wʋ 'doo 'plɔʋplɔʋa ‑gʋ.

Ebröönyüü 9:13

Wluuaɩɩa ‑toru nyra bruua ‑toru 'ü ma ‑gbagba nyüülü bäa' ‑fre 'lɩ 'wʋ, 'kä 'ü 'pütö bruuŋlʋʋ, 'a 'ia 'pʋpʋlʋ 'ü ‑fɔɔɔ nyüülü bäa' ‑fre 'lɩ. 'Ia 'fɩɔlʋ ma 'ba nyɔɔ ‑fre ‑gba nɩ,

Ebröönyüü 1:3

'A 'Jʋlɔ bä Nyɔsʋa 'wliklɩbʋabʋakʋa srarakʋ, 'ɔɔ bä 'tasɩrɩ 'ɔa 'pije. 'Ɔɔ 'klaa diia 'fɩɔ kälɩ 'ɔa 'wʋsɔɔrɔ 'papawiia 'mlɩ. 'Ɔa 'mʋgbɛ kälɩ 'ɔ ‑srörö 'ɔ bɩaa' amɩ ‑gbafutokʋ ana ‑balʋa ‑gʋ nɩ, 'ɔnya kʋwälɩ cɛ 'lɩ Nyɔsʋalɔ 'bʋaa' 'wliklɩa 'dupa 'lɩ.

1 Tɛsalonikënyüü 1:10

‑Bɛ 'a jia' 'ɔa 'Jʋlɔ 'mäa' cɛlɩ sɔ ‑glaa, 'ɔa 'Jʋ Jesu 'ɔ 'baa' jäjänyüüa ‑tɔrʋpɩɔ, 'ɔɔ 'baa amɩ 'crɛlɛ jöa' mlɩ.

Kolɔɔsënyüü 1:14

'Ɔɔ känyrɩ anya 'wʋlɩmlɩ: 'iibä 'a 'ɔa ‑gʋ ana ‑balʋ cere.

Akëtë 20:28

'Ii känyrɩ 'ba ‑tre 'ana nyüfë, 'ba ‑gäälä nyüülü kä 'fɩɔ 'Nyüna ‑Susu ‑nyɩa' 'amɩ kälɩ 'nyü ‑gba, 'sɩrɩ nyɔɔ ‑glaara ‑bablëëjü ‑gälɩ. 'Ba bä Nyɔsʋaa 'cɛcɩa 'nyiöligälänyüü; 'ɔa 'Jʋa 'mʋgbɛa ‑toru 'ɔ nʋ 'ɔnya ‑su 'üün.

Marëkë 3:29

‑maa nyɔɔ o nyɔɔ nëmäa' 'Nyüna ‑Susu nɔpɔ nɩ, 'ɔ ‑nëmä 'ɔmɩ 'ia nu ‑balʋlʋ ‑a cere. 'Ɔa 'pɔnɩkʋ nya tɩɔrɔ 'ɔɔn ‑gälɩ 'plɔʋplɔʋ.»

'Nyügälɩjawii 5:9

‑Bɛ 'ü brɛ 'dʋ dëdrä: «‑Wʋʋ ‑pɔɔkʋlʋa 'wʋdɔrɔkʋ 'klɩ, ‑nya 'wʋ kpasradiilia ‑jejiekʋ 'klɩ, 'be 'ü 'bla ‑mɩ, ‑nya nʋ ‑na ‑toru ‑nya ‑su amɩ Nyɔsʋaa ‑gʋ, amɔ bäa' ‑glügbüa 'fɩɔa nyüü, ü 'paaa' nyüüa mlɩa 'papawiia 'fɩɔ, ‑tʋtʋ ‑gälɩa nyüüa 'fɩɔ, nyra ‑tʋtʋ ‑gälɩa ‑glügbüa 'fɩɔa.

Titë 2:14

'Ɔ 'sa 'ɔa nyufa ana ‑gʋ, 'ɔnya 'ba amɩ ‑balʋa 'fɩɔ ‑gälɩ 'ɔmä amɩ kpëtä. 'Ia 'taɩn 'lɩ anya 'ɔa ‑glügbölä 'ɔ 'baaa' 'lɩ bäa, 'kä anya kli 'cɩcagbia nʋnʋkʋa ‑gʋ.

Ebröönyüü 9:7

‑Maa ‑gbɔsapɛrɩnyɔɔ kpaköa 'doo, 'ɔɔ pa 'sɔɔa nɛ 'pɛa 'mlɩ 'wʋ 'doo 'wʋ ‑sʋa 'mlɩ. ‑Balʋlʋ 'ünyɩa' jre ‑bɛ 'ü nʋa' 'ua ‑gʋ ɔma nëmä 'lɩpa nɩ, 'ɔ ‑gblɔɔ ‑gbɔa ‑toru 'kä, 'ɔa 'mʋgbɛa ‑balʋ nyra nyüüa nua ‑gʋ.

Lukë 1:68

«A 'bʋala 'Pläkänyɔɔa 'nyrɩ, Israɛɛlëa Nyɔsʋa, 'sɩrɩ 'ɔ nʋa' ‑bɛ 'ɔ jia' 'ɔa ‑glügbö 'jä, ‑bɛ 'ɔ 'paatä 'ɔ 'baa' 'lɩ 'üün mlɩ.

Ebröönyüü 9:14

'iibä 'Kriisëa ‑toru ‑sɔɔrɔ 'wʋ ‑gböösa 'unya ‑si 'iin 'wʋ. ‑Susulu 'nyɩa' blöröfa käa 'klüa 'nyrɩklɩ, 'Kriisëlɔ 'nyɩa' bʋbɔdɛɛ ‑gba kä, 'ɔɔ 'sara 'ɔa nyufa Nyɔsʋa kälɩ. 'Asɩ 'ɔa ‑toru 'mä 'ana bobowii kpëtä. Bʋbɔgbili plaa' nyɔɔ ‑fre 'lɩ kä i fala jäjä mlɩ, 'a 'ii 'u kpëtä. 'I bäa' 'sa nɩ, a 'mrɛɛ a ‑fɛ 'Lɩbä Nyɔsʋaa 'jrʋpa.

Ebröönyüü 9:19

'Be Moisë sraraa' nyüüa 'fɩɔ Nyɔsʋaa 'kamadɔa 'fɩɔ 'sɩrɩ Nyɔsʋaa ‑dɔ 'daaa' nɩ, bruujʋ nyra wluuaɩɩa ‑toru nyra 'nɩ 'ɔ dɔrɔwʋ. 'Ɔnya kpasra tuulu 'ü 'daraa' isɔɔpë 'ua kata ‑gba ‑fɔflɔɔ ‑bablɛɛa ‑püplii, 'ää 'ɔ nö ‑bɛ 'ɔ ‑gbagba 'ia ‑torulu ‑pɔɔkʋlʋ nyra nyüüa 'fɩɔ ‑gälɩ 'kä.

Ebröönyüü 13:12

'A 'ia ‑gʋ Jesua 'mʋgbɛ 'järä ‑sʋɩ bätäa 'kɔtʋmlɩ, 'ɔmä 'ɔa ‑toru nʋ 'ɔmä nyüüa ‑balʋ kpëtä.