Ebröönyüü 8:3 - Kuö Dëdrä Jenɛɛsë Rutë

³ ‑Gbɔsapɛrɩnyɔɔ kpakö kʋ ‑plɩɩ 'ɔmä nyüüa Nyɔsʋaa ‑pʋpʋadii nyra 'üa ‑gbɔsadii 'wʋdɔdrɔ 'ɔmä 'iin Nyɔsʋa ‑nyɩ. 'Ɔa 'mʋgbɛ kä bɩa dɛɛa 'sasakʋ.

Ebröönyüü 8:3 Referans Kwoze

Ebröönyüü 5:1

‑Gbɔsapɛrɩnyüü kpakülüa 'fɩɔ, nyüüa ‑tɔrʋpɩɔ 'ü 'ba 'üün. 'Ü ‑tʋʋä 'lɩ 'ɔɔn 'ɔmä Nyɔsʋaa 'jrʋpa ‑fɛ 'üa ‑gʋ: 'ɔɔ 'saa Nyɔsʋa ‑gbɔ nyra Nyɔsʋaa ‑pʋpʋadii ‑balʋa ‑gʋ.

Ɛfɛsënyüü 5:2

'Ba 'nyɛrɛ ‑wawlakʋ 'lɩ, 'sɩrɩ 'Kriisë ‑waa' amɩ. 'Ɔ 'sara 'ɔa nyufa Nyɔsʋa kälɩ ‑gbɔa 'sa ana ‑gʋ; 'ɔ bä ‑gbɔlʋ kä 'nɔnʋ käa' Nyɔsʋa 'tʋ.

Ebröönyüü 9:14

'iibä 'Kriisëa ‑toru ‑sɔɔrɔ 'wʋ ‑gböösa 'unya ‑si 'iin 'wʋ. ‑Susulu 'nyɩa' blöröfa käa 'klüa 'nyrɩklɩ, 'Kriisëlɔ 'nyɩa' bʋbɔdɛɛ ‑gba kä, 'ɔɔ 'sara 'ɔa nyufa Nyɔsʋa kälɩ. 'Asɩ 'ɔa ‑toru 'mä 'ana bobowii kpëtä. Bʋbɔgbili plaa' nyɔɔ ‑fre 'lɩ kä i fala jäjä mlɩ, 'a 'ii 'u kpëtä. 'I bäa' 'sa nɩ, a 'mrɛɛ a ‑fɛ 'Lɩbä Nyɔsʋaa 'jrʋpa.

Ebröönyüü 7:27

'Ɔnyɩ ‑gbɔsapɛrɩnyüü kpakü ‑mülüa 'sa ‑a bä. 'Üülü nɩ, 'ü kä 'ümä 'üa 'mʋgbɛa ‑balʋ nyra nyüüa ‑balʋa ‑gbɔ 'sa ‑srɩ o ‑srɩ. ‑Maa 'ɔɔlɔ nɩ, 'ɔ nröröa' 'ɔa 'mʋgbɛ ‑gbɔ 'lɩ 'wʋ 'doo 'plɔʋplɔʋa ‑gʋ.

Titë 2:14

'Ɔ 'sa 'ɔa nyufa ana ‑gʋ, 'ɔnya 'ba amɩ ‑balʋa 'fɩɔ ‑gälɩ 'ɔmä amɩ kpëtä. 'Ia 'taɩn 'lɩ anya 'ɔa ‑glügbölä 'ɔ 'baaa' 'lɩ bäa, 'kä anya kli 'cɩcagbia nʋnʋkʋa ‑gʋ.

Jaan 6:51

'Mɔɔ bä 'flɔɔlʋ sɔa' cɛlɩ, u ‑nyɛɛa' 'klä. Nyɔɔ ma ji 'uun, 'ɔnya 'klälä 'nyɩa' blöröfa kä 'jäa. ‑Bɛ 'flɔɔlʋ 'nëmäa' 'ɔɔn ‑nyɩ nɩ, 'na 'jajɛ bäsaa, 'ɛɛ 'nëmä ‑nyɩ 'pläa 'kläa ‑gʋ.»

Rɔmënyüü 4:25

'Ɔ 'sara ana ‑balʋa ‑gʋ; Nyɔsʋa 'ba 'ɔɔn 'kuaabre 'ɔmä amɩ 'klɩgä 'ɔa 'klɔɔtrʋ.

Rɔmënyüü 5:6

'Iibä, 'taɩn 'lɩ anyɩ käa' 'klü kä, ‑bɛ 'ɔa 'taɩnlɩ jräa' 'wli nɩ, 'Kriisë nya jä ‑balʋnyüüa ‑gʋ.

Rɔmënyüü 5:8

‑Maa ‑jäsɩ Nyɔsʋa srara amɩ 'sɩrɩ 'ɔ ‑waa' amɩ: 'taɩn 'lɩ a ‑ka bäa' ‑balʋnyüü nɩ, 'a 'ia 'taɩn 'lɩ 'Kriisë jä ana ‑gʋ.

Galaatënyüü 2:20

'Mɔɔ ‑bɛ 'Kriisë järä 'wʋ krʋa ‑gälɩ. ‑Ama ‑ka bälɩ nɩ, ‑mää 'mɔɔ ‑kanyɩ 'plä 'wʋ bä, ‑maa 'Kriisë 'ɔɔ bä 'mɩ 'lɩ. 'Na 'klälä 'n 'klaaa' ‑plɩɩ ɔ nɩ, Nyɔsʋaa 'Jʋ 'n toroplɛ ‑bɛ 'n 'nyɛɛ. 'Ɔɔ ‑wa 'mɩ, 'ɔnya 'sa 'ɔa nyufa 'na ‑gʋ.

Ebröönyüü 2:17

'A 'ia ‑gʋ 'ɔ kä ɔ ‑beere 'ɔa ‑wlajü diia 'fɩɔa 'mlɩ, ‑bɛ 'ɔmä ‑gbɔsapɛrɩnyɔɔ kpakölɔ ‑gbinanakʋ 'sia' 'klɩ bä, ɔ ‑gäa' 'klɩ 'ɔa 'jrʋpaa 'mlɩ Nyɔsʋaa 'klɩ. 'Asɩ 'ɔ nʋ 'ɔnya cere nyüüa ‑balʋ.

Ebröönyüü 3:1

'A 'ia ‑gʋ 'na 'nyüna ‑wlajü 'amɩ, 'amɔlɔ Nyɔsʋa werea' cɛlɩ, 'ba tɛ Jesu 'Kriisë 'klɩ 'cɩcasa. 'Ɔɔ Nyɔsʋa blɔ 'ɔnya bä ‑gbɔsapɛrɩnyɔɔ kpakö, 'ii a toroplɛ, 'ii a 'pala ‑pɩɔa 'fɩɔ.

Ebröönyüü 8:4

'Ɔma bä ɩ ‑tʋtʋ ‑gälɩ nɩ, 'ɔ ‑nëmä ɩ ‑gbɔsapɛrɩnyɔɔ ‑a bä, 'be ‑gbɔsapɛrɩnyüü bälɩ, 'üü 'saa ‑gbɔ 'sɩrɩ Moisëa ‑dɔ 'bataa'.