Ebröönyüü 7:1 - Kuö Dëdrä Jenɛɛsë Rutë

¹ Mɛlëkesedɛkëlɔ nɩ, 'ɔ ma bä Salɛmëa 'kɩɩ nyra 'Wʋsi Nyɔsʋaa ‑gbɔsapɛrɩnyɔɔ. Abraamë sɔa' tou 'wʋ, 'ɔ bɔtɔa' 'kɩɩɩ ‑bɛ 'ɔ jöa' nɩ, Mɛlëkesedɛkë 'jrara 'ɔɔn 'klɩ 'ɔnya 'pa 'ɔɔn 'nɩ.

Ebröönyüü 7:1 Referans Kwoze

Ebröönyüü 6:20

'A ‑nyɛɛ Jesu pa ana ‑gʋ, 'ɔ ‑ta amɩ 'nyʋfɔ 'klɔɔtrʋ. 'Ɔnya nʋ ‑gbɔsapɛrɩnyɔɔ kpakö 'plɔʋplɔʋa ‑gʋ ‑beere Mɛlëkesedɛkëa ‑gböööa 'klɩtotrokʋ.

Marëkë 5:7

'ɔnya 'kpölɩkä: «Wii 'plɛɛ bä 'nyraa ‑mɔ 'sɔa ‑tɔrʋpɩɔ le, 'Wʋsi Nyɔsʋaa 'Jʋ Jesu? 'N bibie ‑mɩ Nyɔsʋaa 'nyrɩklɩa ‑gʋ, ‑nyɩ nʋ 'mɩ ‑gbi ‑gba!»

Akëtë 16:17

'Ɔ prɛ amɩ dɛrɩ, amɔ ‑bɛ 'Pɔɔlë, ‑bɛ 'ɔ 'kpöö: «‑Taa nyüülü kʋa' ‑pɩ, 'Wʋsi Nyɔsʋaa 'jrʋpafɛnyüü 'ü bä! 'Ünya ji 'ümä amɩ 'nyʋfɔlʋ 'amäa' fa ‑bɛ 'amäa' 'lɩmlɩwʋ srara!»

Ebröönyüü 7:2

'Ɔɔ Abraamë ‑nyɩ diili kä 'fɩɔ 'ɔ dɔrɔa' 'wʋa ‑pʋa nɩ 'pɛ. Mɛlëkesedɛkëa ‑gbaa bä «'Klɩgä 'Kɩɩ». 'Iibä bɩa «Plɛgälɩflɛrɛkʋa 'Kɩɩ», 'be Salɛmëa ‑gbaa bä «Plɛgälɩflɛrɛkʋ».

Ebröönyüü 7:3

'Ɔnyɩ tʋ nyra 'yio ‑a kä, nyɔɔ 'nyɩ 'ɔa tʋɩɩa tie ‑a jre. 'Ɔnyɩ 'käkolofa ‑a kä, 'ɔnyɩ blöröfa ‑a kä. 'Ɔ ‑beere 'sɩrɩ Nyɔsʋaa 'Jʋ bäa' 'sa, 'be 'ɔ bä ‑gbɔsapɛrɩnyɔɔ 'plɔʋplɔʋ.

Ebröönyüü 7:6

‑Maa Mɛlëkesedɛkë 'nyɩa' 'üa ‑glügbö 'klɩa nyɔɔ bä nɩ, Abraamë 'pɛrɛ 'ɔɔn ‑pʋa nɩ 'pɛ kälɩ. 'Ɔnya 'pa Abraamë 'nɩ, nyɔɔlɔ Nyɔsʋa ‑gbalaa' 'ɔnya 'ɔa 'jü ‑gälɩ 'paplaa 'kä 'ünya ‑sümlö.