Ebröönyüü 6:9 - Kuö Dëdrä Jenɛɛsë Rutë

⁹ ‑Maa, ‑wawawlajü 'amɩ, 'amɔlɔ nɩ, ‑yɛɛ ‑bakää a 'pa 'saa wii nɩ, a jre 'iin 'sɩrɩ 'a bäa' 'cɩca 'pɛ ‑gälɩ, 'lɩmlɩwʋwʋkʋa 'pɛ.

Ebröönyüü 6:9 Referans Kwoze

Ebröönyüü 10:39

Amɔlɔ nɩ, anyɩ nyüülü 'nyɛnyrɛa' ‑gälɩ ‑bɛ ü 'mɔlɔa' ‑a bä. Nyüülü käa' nyɔsʋaplɛ, ü 'wʋa' 'lɩmlɩ, 'ia nyüü a bä.

Ebröönyüü 2:3

‑Asɩ anya 'pɔnɩkʋ mlɩ sɔ ama 'nyɩ 'kpla 'mʋfasa 'samaa 'lɩmlɩwʋwʋkʋ kpakulua wii ‑ale? 'Be 'Pläkänyɔɔ ‑kätɩ ‑gbala amɩ 'lɩmlɩwʋwʋkʋlʋa ‑gä, 'fɩɔwʋ ‑mülü 'nua' 'iin 'wli nya ji 'sɔɔwʋ amɩ 'iin ‑gbala.

2 Korɛɛntënyüü 7:10

'Be 'kpɔkpɔɔkʋlʋ Nyɔsʋa ‑nyɛɛa' nɩ, 'u ‑nyɛɛ nʋnʋgbia 'cicikʋlʋ fala 'lɩmlɩwʋ 'nyʋfɔ mlɩ. 'Ia 'kpɔkpɔɔkʋ 'na. ‑Maa 'plälä kʋa' ‑pɩa 'kpɔkpɔɔkʋ fala jäjä 'nyʋfɔ 'wʋ.

Ebröönyüü 10:34

'A 'jä 'sɩrɩ 'n kpasraa' a nyatɛrɩ. 'Ü 'baa' 'amɩ 'ana käkädii kälɩ nɩ, 'a 'nyiere 'iin 'klɩ dɔrʋsa, 'be 'a jre 'iin 'sɩrɩ 'ana ni bäa' cɛɩɩa 'mlɩ 'bɩɔlʋ 'bʋaa' u ‑sia' ‑taa nu 'wʋ ‑bɛ u 'mäa' 'lɩbä 'plɔʋplɔʋa ‑gʋ.

Ebröönyüü 5:9

Nyɔsʋa jräa' 'ɔɔn 'wli nɩ, 'ɔnya nʋ nyüülü kä 'fɩɔ ‑trääräa' 'lɩ 'ɔɔn 'üa 'lɩmlɩbanyɔɔ 'plɔʋplɔʋa ‑gʋ.

1 Korɛɛntënyüü 10:14

'Ii känyrɩ 'na ‑wawawlajü 'amɩ, 'ba fɔlɔ ‑gbagblɛnyɔsʋɩɩ 'klɩ!

Akëtë 20:21

'N ‑gbala juifë nyra grɛɛkë ü 'pie 'üa ‑balʋ 'ümä Nyɔsʋa 'lɩträärä, 'ümä ana 'Pläkänyɔɔ Jesu 'Kriisë plɛtoro.

Marëkë 16:16

Ɔ nëmäa' 'ään wii 'dara, ‑bɛ 'ümäa' 'nɩ 'wli 'pa, 'ɔnya 'lɩmlɩwʋa. ‑Maa ‑mɔlɔ ‑nëmäa' 'ään wii 'dara, Nyɔsʋa nya 'ɔɔn 'pɔnɩa.

Ebröönyüü 6:10

'Be Nyɔsʋa ‑gäklɩ, 'ɔ ‑nëmä wiili 'a nʋa' ‑a ‑trɔ. 'Ɔ ‑nëmä bɩa 'jrʋpalä 'a nʋa' 'ana ‑wawaplɛ ‑bɛ 'a ‑fɛa' 'ɔa 'nyrɩa ‑gʋ nɩ, 'ɔ ‑nëmä bɩa 'äa ‑gä ‑a ‑trɔ. 'A ji 'cɛcɩnyüü ‑gba, ‑bɛ 'a ‑ka nö 'imɩ.

Galaatënyüü 5:6

'Be 'Kriisë Jesu 'lɩ nɩ, ‑böölö o, ‑nyɩ 'bölö o, 'inyɩ ‑gbaa ‑a kä. ‑Maa plɛtorokʋlʋ käa' 'nyrɩ ‑bɛ a ‑wawlaa', 'uu bä wii.

Akëtë 11:18

'Ü 'nua' wiili Piɛɛrë 'paa' 'wli nɩ, 'ünya trarakä. 'Ünya 'bʋala Nyɔsʋa; 'ü ‑nëma: «‑Ii! Nyɔsʋa ‑nyɩ bɩa nyüülü 'nyɩa' juifë bä 'nyʋfɔ 'ümä 'lɩ 'üa ‑balʋ ‑gälɩtoro ‑bɛ 'ümä 'cɩca 'klä 'jä!»

2 Korɛɛntënyüü 7:1

'Na ‑wawanyüü 'amɩ, 'be Nyɔsʋa nɩnɩa 'ɔnya 'ia 'fɩɔlʋ nʋa ana ‑gʋ. 'Ii känyrɩ, diili kä 'fɩɔ plaa' ana fugba nyra bobowli ‑fre nɩ, a 'ba 'iin ana ‑gba, a 'pa ana nyüfë 'klü 'lɩ ‑fre ‑pɩ amɩ 'lɩbä, 'kä a pɩɛ Nyɔsʋa.

2 Korɛɛntënyüü 12:19

'Ana plɛ nɩnɩa sököö ana 'wlilia wii a ji 'pa? Nyɔsʋaa 'klʋɩ a 'pala wii, 'Kriisëa 'nyrɩ 'lɩ. 'Na ‑wawanyüü 'amɩ, 'ana nyɔsʋaplɛ 'mä 'wʋsɔɔrɔ 'ia ‑gʋ a nö 'ia 'fɩɔlʋ.

1 Piɛɛrë 2:11

'Na ‑wawanyüü 'amɩ, 'amɔ bäa' nyɔtugbanyüü ‑taa ‑tʋtʋlʋa ‑gälɩ jrüü jiea ‑gʋ, 'n bibie 'amɩ, 'ba 'cɛrɛ bʋbɔgbili 'a 'bataa' ‑wälɩ; 'ii nyra 'ana ‑susu ‑fuuö tou.

2 Piɛɛrë 3:1

'Na ‑wawanyüü 'amɩ, 'sɔɔa nu ‑pɔɔkʋ kʋ ‑pɩ 'uu 'n ja 'amɩ. 'Ia 'sɔɔlɩa 'mlɩ nɩ, 'ana bobowli 'n 'bata 'mä 'kätɛrɛ 'imä bobowlili ‑gäa' 'klɩ bä,

1 Jaan 2:7

'Na ‑wlajü 'amɩ ‑mää ‑dɔ dëdrä 'nyɩ ‑jɩjra; ‑maa 'a ‑kätɩ ‑dɔlʋ 'a jrea' 'bala 'käkolofa 'wʋ nɩ, 'uu bäsaa. ‑Kätɩ ‑dɔlʋ nɩ, 'a 'papawiili 'a 'nua' 'wli 'käkolofa 'wʋ.

Judë 1:3

'Na ‑wawanyüü 'amɩ, 'n 'bata ɩ ‑a ‑jɩjra 'amɩ 'wʋ 'lɩmlɩwʋwʋkʋa ‑gʋ; u bäa' ana 'fɩɔa dɛɛ. ‑Maa 'n 'jäa' 'ia 'mlɩ nɩ, 'nëma ‑a ja 'amɩ ‑pasawii, 'mä 'amɩ 'klülɩpa, 'amä 'klü 'pa nyɔsʋaplɛlɛ Nyɔsʋa ‑nyɩa' nyɔsʋaanyünanyüü 'wʋ 'doo 'wʋ 'plɔʋplɔʋa ‑gʋ nɩ, amä 'ɛɛn 'jä.