Ebröönyüü 6:2 - Kuö Dëdrä Jenɛɛsë Rutë

² 'Aiɛ ‑frea ‑futokʋa 'kpɩkpɩadii, klʋgbë ‑gälɩ 'piepiekʋa wiili 'a 'kpɩaa' nyra jäjänyüüa 'kuaabresɔsɔkʋ nyra nyüüa ‑gätʋtʋkʋlʋ 'nyɩa' blöröfa kä.

Ebröönyüü 6:2 Referans Kwoze

Akëtë 6:6

'Ünya ja 'üün Apotrëa 'klʋɩ. 'Ünya 'pie 'üün klʋgbë ‑gälɩ, 'ünya bibie 'üa 'wli 'lɩ.

Akëtë 24:25

‑Maa 'ɔ ‑ka 'paa ɩ 'klɩgägäkʋa ‑gä, 'sɩrɩ nyɔɔ käa' 'ɔmäa' plɛböblökʋ kä, ‑bɛ 'sɩrɩ ‑gätʋtaɩn jöa' nɩ, 'inya kä Feliisë ŋalɛ 'wʋ, 'ɔ ‑nëma: «Mi ‑kätɩ, ama kä 'taɩn nɩ, 'nyaa ‑mɩ wea.»

Akëtë 23:6

'Pɔɔlë jrea' 'saa juifëa tropina 'lɩ bä bɩa Sadusinyüü nyra Farisinyüü nɩ, 'ia ‑gʋ 'ɔnya ‑gbolomlɩ 'ɔ ‑nëma: «'Na ‑wlajü 'amɩ, Farisinyɔɔ 'n bä, Farisinyɔɔ ‑gu 'mɩ. Dɛɛlɛ kä ‑gʋ 'n jrea' 'saa jäjänyüü nya ‑srɩɩ 'kuaabre sɔa nɩ, 'ia ‑gʋ 'ü ‑träärä 'mɩ ‑gä ‑gälɩ!»

Akëtë 17:18

'Kpɩkpɩanyüülü 'ü 'daraa' Epikuriinyüü nyra Sëtoisënyüü nyra 'ɔɔn ‑topo. ‑Mölöö nö: «‑Taa ‑yrɛkänyɔɔlɔ nɩnɩa dɛɛ 'plɛɛ le?» ‑Mölöö 'jä 'ɔɔn 'ɔnya 'pa Jesua ‑gä nyra 'sɩrɩ 'ɔ sɔa' 'kuaabre, 'ia ‑gʋ 'ü nö ‑maa: «'I ‑beere ‑pasa nyɔsʋaɩɩa wiipanyɔɔ 'ɔ bä.»

Akëtë 16:33

'Ia ‑gbia 'dööläa 'taɩn 'doolɔa 'mlɩ nɩ, ‑jienyuku ‑gbaglaranyɔɔ nya fa 'üün, 'ɔnya 'kʋɛrɛ 'üa ‑fë. 'A ‑plɩɩ 'ü kʋ dotro 'ünya 'pa 'ɔɔn 'nɩwli, 'ɔɔ ‑bɛ 'ɔa nyüüa 'fɩɔ.

Akëtë 16:15

'Ɔɔ ‑bɛ 'ɔa ‑gbööö 'palaa' 'nɩwli nɩ, 'ɔnya bibie amɩ: «'Be 'a jre 'iin 'sɩrɩ 'n ‑trääräa' 'lɩ 'Pläkänyɔɔa wii, 'ba ji 'na ‑nyɛɛ 'amä 'lɩ 'prere.» 'Ɔ kʋ amɩ 'klɩ anya 'nyie.

Akëtë 10:47

«'Nyüna ‑Susu 'a nyüülü kʋa' ‑pɩ ‑gälɩ 'cere bɩa ‑beere amɔ, nyɔɔ 'plɛɛ 'mä 'daa 'ünyɩ 'pala 'nɩwli le?»

Akëtë 2:41

Nyüülü 'kplaa' 'ɔa 'papawii 'mʋfasa nɩ, 'ünya 'pala 'nɩwli. 'Ia ‑srɩlɩa 'mlɩ nyüülü blöa' 'üün ‑gälɩ nɩ, 'ü bä nyüüa ‑dii ‑uunsɔɔ ‑glʋɩpʋ (3 000).

Akëtë 2:38

'Iibäa' Piɛɛrë nɩ: «'Ba toro 'lɩ ‑balʋ ‑gälɩ, ‑moloo ma bälɩ 'kä 'ü 'paa 'ɔɔn 'nɩwli Jesu 'Kriisëa 'nyrɩklɩ, 'ɔa ‑balʋ 'mä 'ɔmɩ cere, ‑bɛ Nyɔsʋa 'mä 'amɩ 'Nyüna ‑Susu ‑nyɩ.

Jaan 1:33

'Nyɩ ɩ 'saa 'ɔmɩ ‑a jre; ‑maa ɔ blɔa' 'mɩ ‑a 'pa nyüü 'nɩ 'wli nɩ, 'ɔ ‑gbala 'mɩ ‑maa: ‹Nyɔɔlɔ ‑nëmäa' 'jä, ɔ ‑Susu 'mäa' ‑gälɩ 'cere ‑bɛ 'umäa' 'lɩ kʋ nɩ, 'a nyɔɔlɔ 'cerea' nyüü 'Nyüna ‑Susu 'wli.›

Marëkë 16:16

Ɔ nëmäa' 'ään wii 'dara, ‑bɛ 'ümäa' 'nɩ 'wli 'pa, 'ɔnya 'lɩmlɩwʋa. ‑Maa ‑mɔlɔ ‑nëmäa' 'ään wii 'dara, Nyɔsʋa nya 'ɔɔn 'pɔnɩa.

Matiö 28:19

'Ii känyrɩ, 'ba mi ‑tʋtʋ ‑gälɩa ‑glügbüa 'fɩɔa ‑nyɛɛ, 'ba nrörö 'üün 'na 'wʋnyɛrɛnyüü 'lɩ, 'ba 'pa 'üün 'nɩ 'wli Tʋa 'nyrɩklɩ, 'Jʋa 'nyrɩklɩ nyra 'Nyüna ‑Susua 'nyrɩklɩ,

2 Piɛɛrë 3:7

‑Maa 'a 'papawii 'doolʋ nɩ, 'ii ‑tʋʋä 'saarɩa ‑tʋtʋ nyra cɛ ‑wälɩ, 'kä ‑gätʋsrɩ nɩ, 'taɩn 'lɩ Nyɔsʋa 'mäa' ‑balʋnyüü ‑gblooo nɩ, 'a ‑plɩɩ cɛ nyra ‑tʋtʋ 'mä fi.

Ebröönyüü 11:35

'Ŋlëgë ‑mölöö 'jä 'üa nyüülü jäa' 'ünya sɔwʋ. Nyüü nʋ ‑mölöö ‑gbigba ‑maa 'ünyɩ 'nyie ‑a 'nyie nyɔɔ 'mä 'üün 'lɩmlɩba, 'ümä ‑gʋ ‑mɛlɛ ‑sia' 'wʋ 'jä, 'i bä 'kuaabresɔsɔkʋ.

Ebröönyüü 9:10

Nyüüa ‑dɔlʋ bäa': ‑kpadii, 'mamladii nyra ‑gbafutokʋa 'drü 'kɔkɔmlɛ; 'iibä kä 'lɩ 'fɩɔwʋ Nyɔsʋa nya 'mä diia 'fɩɔ dëdrë 'lɩnrörö.

2 Timotee 2:18

'Ü tʋŋlɔlɩ 'cɩcasa dɛrɩ; 'ü nɩnɩa Nyɔsʋa 'a kä nyüü 'kuaabre 'ba. 'Asɩ 'ü nö ‑bɛ 'ü bʋblɔ nyüü 'kɔkɔmlɛa nyɔsʋaplɛ.

Kolɔɔsënyüü 2:12

'A 'palaa' 'nɩwli nɩ, 'amɔ ‑bɛ 'Kriisë 'sɔ 'ü ‑träärä ‑pɩɔ 'doo 'wʋ, 'anya toro Nyɔsʋaa 'klülü 'baa' 'ɔɔn jäjäa 'bre plɛ, 'a 'ia ‑gʋ 'a nyra 'ɔɔn sɔ 'kuaabre.

Filipënyüü 3:21

'Ɔmä ana fugbëlë 'nyɩa' 'klü kä, 'ɔa 'wliklɩbʋafugba 'lɩcicri. 'Ɔa 'klülü kä ‑gʋ 'ɔ 'kamaa' diia 'fɩɔ nɩ, 'üü 'ɔ nëmä nʋ ‑bɛ 'ɔmä ana fugba 'cici.

1 Korɛɛntënyüü 12:13

'Asɩ ana 'fɩɔ bä. Juifënyüü, nyüülü 'nyɩa' juifë bä, ‑goou, nyüülü 'nyɩa' ‑goou bä, ‑Susu 'doo 'lɩ ana 'fɩɔ 'pala 'nɩwli amä fugba 'dööa nyüü bä. Ana 'fɩɔ nya 'mlala ‑Susu 'doolʋa ‑gba.

1 Korɛɛntënyüü 10:2

'Üa 'fɩɔ nya 'pala 'nɩ 'wli ‑gbru nyra 'tanie 'lɩ, 'ü nyra Moisë 'mä 'doo bä.

Rɔmënyüü 2:16

Wiili 'n 'daaa' ‑plɩɩ nɩ, 'taɩn 'lɩ Nyɔsʋa 'mäa' Jesu 'Kriisë kälɩ ‑srörö ‑bɛ 'ɔmäa' nyüüa ‑sisiewii ‑fälɩ be 'ɔmäa' 'üa ‑gä ‑tʋ nɩ, 'a ‑plɩɩ 'imä 'järä.

Akëtë 26:8

Dɛplɛɛ kä ‑gʋ 'i klalɩ 'ana ‑tɔrʋpɩɔ 'kä 'amä 'saa jre 'sɩrɩ Nyɔsʋa tɛrɛa' jäjänyüü 'kä le?

Akëtë 24:21

‑Pasawii 'nyɩ 'lɩ ‑a bä, 'ima 'nyɩ ‑taa waklöölä kʋa' ‑pɩ, ä 'n ‑gboloa' mlɩ 'n 'palaa' 'üa 'klʋɩ ‑a bä: ‹Jäjänyüü nya 'kuaabre sɔa.› 'A wiili kä ‑gʋ 'ü jaa' 'saarɩ 'mɩ ‑jria 'lɩ!»

Akëtë 24:15

Nyɔsʋalɔ 'ü bibiea' nɩ, 'ɔɔ 'na 'mʋgbɛ toroplɛ 'sɩrɩ jäjänyüü 'mäa' 'kuaabre sɔ: 'palɩ 'klɩgänyüü nyra ‑balʋnyüü.

Akëtë 4:2

Wiili 'ü 'kpɩaa' nyüülü ibäa' ‑maa jäjänyüü 'mrɛɛ 'ü sɔ 'kuaabre 'sɩrɩ Jesu nʋa' nɩ, 'i kä 'üün 'crɛwʋ ‑gböösa.

Jaan 5:29

'kä 'ünya 'lɩ 'cie. ‑Mülü nʋa' 'cɩcasa, 'ünya 'kuaabre sɔa 'kä 'ünya 'klä 'jä, ‑maa ‑mölö nʋa' ‑balʋ, 'ünya 'kuaabre sɔa ‑gäa ‑gʋ.

Lukë 14:14

‑Ama nʋ 'saa, abɩa dɔrʋ 'blaa ‑mɩ, 'be 'ünyɩ dɛɛ ‑a kä 'ümä ‑na 'kpa 'sa. Nyɔsʋa nya ‑mɩ 'iin 'pɛɛa 'taɩn 'lɩ 'klɩgänyüüa 'fɩɔ 'mäa' 'kuaabre sɔ.»

Lukë 12:50

'Nɩlɩ 'nëmäa' 'wlipa, 'na plɛ nya 'lɩtaarataraa 'kä 'nya 'iin 'wlipa!

Lukë 11:38

Farisinyɔɔlɔ 'jäa' 'ɔɔn 'ɔnyɩa' wlu su 'fɩɔwʋ ‑bɛ jijri 'mäa' ji nɩ, 'i kala 'ɔɔn plɛklɩ.

Lukë 3:16

'Ɔnya ‑gbala 'üa 'fɩɔ: «'Mɔɔlɔ nɩ, 'nɩ 'n 'paa 'amɩ 'wli; ‑maa nyɔɔlɔ ‑sɔɔrɔa' 'wʋ ɔ ‑sia' 'mɩ 'wʋ nya jia, 'nyɩ 'lɩ ‑a bɩa 'mä 'ɔa 'siia pɩa ‑jie. 'Ɔnya 'amɩ 'Nyüna ‑Susu nyra kapu 'wlipaa.

Marëkë 7:8

'A ‑plɩɩ 'a tɩɛ Nyɔsʋaa ‑dɔ ‑bɛ 'a ‑träärälɩ nyüüa në 'brea ‑dɔ. 'Plëë nyra 'lɩmlaradii kä 'üa në 'lɩkpëtäkʋ, ‑bɛ 'a 'samaa bʋbɔgbi 'kɔkɔmlɛ 'a nö.»

Marëkë 7:4

Üma sɔ 'makatɩ 'klɩ üma ji nɩ, 'ü ‑futogba 'fɩɔwʋ 'kä 'ü jödɛɛ. 'Üa 'brea ‑dɔ 'kɔkɔmlɛ ‑moloo ‑ka bälɩ; 'plëë kä 'üa në 'lɩkpëtäkʋ, 'lɩmlaradii kä 'ia në 'lɩkpëtäkʋ, 'plëtë kä 'üa nü 'lɩkpëtäkʋ.

Matiö 3:14

‑Maa Jaan 'bata 'ɔmä blara, 'ɔ ‑nëma: «‑Mɔ kä ‑mä 'mɩ 'nɩwlipa, ‑bɛ ‑nö 'mɔɔ ‑a 'pa ‑mɩ 'nɩ 'wli?»

2 Korɛɛntënyüü 5:10

'Be ana 'fɩɔ nya 'Kriisëa 'klʋɩ 'nyüglöa 'ɔmä ana ‑gä ‑tʋ. 'Ia 'taɩn 'lɩ, 'jrʋpalä ‑moloo ‑fɛɛɛrɛa' ‑pɩ tʋtʋ ‑gälɩ ma 'na, 'aiɛ äma 'nyɩ 'na ‑a 'na, 'a 'ia 'sa 'ümä 'ɔɔn 'pɛɛ.

Akëtë 13:3

'Ii känyrɩ 'ü 'wlaraa' su nyra nyɔsʋabibiekʋ nɩ, 'ünya 'pie 'üün klʋgbë ‑gälɩ 'ünya 'cɛrɛ 'üün ‑wälɩ 'ünya mi.