Ebröönyüü 5:9 - Kuö Dëdrä Jenɛɛsë Rutë

⁹ Nyɔsʋa jräa' 'ɔɔn 'wli nɩ, 'ɔnya nʋ nyüülü kä 'fɩɔ ‑trääräa' 'lɩ 'ɔɔn 'üa 'lɩmlɩbanyɔɔ 'plɔʋplɔʋa ‑gʋ.

Ebröönyüü 5:9 Referans Kwoze

Ebröönyüü 9:15

‑Bɛ 'a 'ia ‑gʋ 'Kriisë bä kuö dëdräa 'diprö, 'kä nyüülü Nyɔsʋa wea' 'mä ‑wɩarajalä Nyɔsʋa 'daaa' 'ɔmäa' 'üün ‑nyɩ ji. 'Be 'ɔa jäjäkʋa ‑gʋ nyüülü kʋa' 'klɩsa kuöa 'mlɩ nɩ, 'üa ‑balʋ 'mrɛɛ 'ümä kpëträ.

Ebröönyüü 2:10

Nyɔsʋa, 'ɔɔ nʋ diia 'fɩɔ, 'ɔɔ kä diia 'fɩɔ, ‑maa 'ɔ 'bata abɩa 'jü 'kɔkɔmlɛ kʋ 'ɔa 'bʋalakʋ 'lɩ. 'Ii känyrɩ, nyɔɔlɔ 'saa' 'lɩmlɩwʋwʋkʋa 'nyʋfɔ nɩ, 'ɔ kä 'ɔmä ‑sʋɛ 'lɩ ‑srörö 'ɔmä 'wlijrä.

Ebröönyüü 12:2

A tɛ Jesua 'doo 'klɩ. 'Ɔɔ ‑nyɛɛ nyɔsʋaplɛtorokʋ 'kä 'ɔ jrä 'ɛɛn 'wli. 'Ɔ 'pa plɛ 'mlɩ 'pa 'pa 'ünya 'mä 'ɔɔn krʋa ‑gälɩ 'blara, 'ɔa ‑gbʋʋ nya 'nyɩ 'nyüsülü bäa' 'ia 'samaa jäjäkʋa 'mlɩ ‑gba bä, 'be dɔrʋlʋ 'ɔ tɛrɛa' 'ɔɔn, 'uu 'ɔ ‑treee. 'Köklesa ‑plɩɩ ɔ nɩ, Nyɔsʋaa 'kɩɩkpataa 'dupa 'pɛlɩ 'ɔ kʋ.

Ebröönyüü 9:12

'Kriisë nya pa 'wʋ 'doo 'wʋ ‑tetelɛa papapɩɔ kpakö 'kä 'plɔʋplɔʋa ‑gʋ. ‑Mää wluaɩɩ nyra bruujüa ‑toru 'ɔnyɩ nʋ, 'ɔnyɩ ‑gbɔ 'sa; ‑maa 'ɔa 'mlɔɔa ‑toru 'ɔ nʋ 'ɔnya 'sa ‑gbɔ, 'ɔ 'ba amɩ ‑balʋ kälɩ 'plɔʋplɔʋa ‑gʋ.

Akëtë 5:32

Amɔlɔ nɩ, a 'jä 'imɩ, amɔ ‑bɛ 'Nyüna ‑Susulu Nyɔsʋa ‑nyɩa' nyüülü ‑trääräa' 'lɩ 'ɔmɩ.»

1 Piɛɛrë 1:22

Nyɔsʋaa ‑Susu 'lɩ 'a ‑träärälɩ 'cɩcasa ‑bɛ 'ana ‑sisi kpëträ 'amä ‑wawla 'tasɩrɩasa ‑beere ‑wlajü. 'Ii känyrɩ, 'ba nʋ 'nyünaplɛ 'ba ‑wawla 'tasɩrɩasa.

Ebröönyüü 11:8

Abraamëa nyɔsʋaplɛtorokʋa ‑gʋ 'ɔ ‑träärälɩ Nyɔsʋa, 'ɔnya mi 'blɩ ‑mɩdoo ‑gälɩ, imäa' ‑srɩɩ 'ɔa ‑jaaa bä. ‑Plɩɩlɩ 'ɔ möa' 'ɔnyɩ 'lɩ ‑a jre, 'asɩɛ 'ɔnya mi.

2 Tɛsalonikënyüü 1:8

Kapu ‑gbogboa 'mlɩ 'ɔmä kʋ 'ɔmä ji. 'A ‑plɩɩ 'ɔmä nyüülü 'nyɩa' Nyɔsʋa jrea ‑gä ‑tʋ, nyra bɩa nyüülü 'nyɩ ‑trääräa' 'lɩ ana 'Pläkänyɔɔ Jesu 'Kriisëa 'Mʋfagogo.

Rɔmënyüü 2:8

‑Maa ‑mülü nöa' 'üa plɛklɩa wii, ünyɩ ‑trääräa' 'lɩ 'cɩcasa ‑bɛ 'ü ‑trääräa' 'lɩ wiili 'nyɩa' 'klɩgä nɩ, 'üülü nɩ, Nyɔsʋa nya 'üün 'ɔa 'crɛ kpaki ‑gälɩ 'sɔrɔa.

Rɔmënyüü 1:5

'Ɔɔ Nyɔsʋa ‑srörö kälɩ 'ɔnya ‑nyɩ amɩ 'ɔa ‑gbinanakʋ, 'ɔa ‑gʋ 'ɔ nrörö amɩ apotrë 'lɩ, amä 'iin nʋ 'kä 'ɔa 'nyrɩklɩ nyüülü 'nyɩa' juifë bä 'mä 'ɔɔn plɛtoro ‑bɛ 'ümä 'ɔɔn 'lɩträärä.

2 Korɛɛntënyüü 10:5

A totrolɩ bobowli ‑gälɩ, nyra 'lɩgba wiili kä 'fɩɔ ‑trääräa' 'lɩ, i kaa' nyüü 'klɩ 'ü ‑pɩ Nyɔsʋa jre. A kala nyɔɔa bʋbɔ bobowlia 'fɩɔ dɛrɩ, amä 'iin fa 'imä 'lɩ 'Kriisë ‑träärä.

Rɔmënyüü 15:18

'Be 'nyɩ 'papawii ‑a kä ima 'nyɩ wiili 'Kriisë ‑sröröa' 'mɩ kälɩ ‑bɛ 'ɔ nʋa' 'iin ‑bɛ nyüülü 'nyɩa' juifë bä ‑trääräa' 'lɩ Nyɔsʋa ‑a bä: 'ɔ ‑srörö 'papawii 'lɩ 'ɔnya ‑srörö nʋnʋdii 'lɩ,

2 Timotee 2:10

'A 'ia ‑gʋ, 'n 'nyiere wiia 'fɩɔ 'klɩ nyüülü Nyɔsʋa 'baa' 'lɩa ‑gʋ; 'kä 'üa 'mʋgbɛ 'mä bɩa 'lɩmlɩwʋwʋkʋlʋ bäa' Jesu 'Kriisë 'lɩ 'jä, nyra 'wliklɩbʋabʋakʋlʋ 'nyɩa' blöröfa kä.

Rɔmënyüü 10:16

‑Maa 'üa 'fɩɔ 'nyɩ 'lɩ 'Mʋfagogo ‑a ‑träärä. Esaii nɩnɩa kä: «'Pläkänyɔɔ, nyɔɔ 'plɛɛ 'dara ana 'papawii wii le?»

Rɔmënyüü 6:17

‑Maa a 'trɛɛ Nyɔsʋa, 'amɔ ma bäa' ‑balʋa ‑goou, 'a nʋ 'ana plɛ 'anya ‑träärälɩ 'kpɩkpɩakʋlʋ Nyɔsʋa ‑nyɩa' 'amɩ.

Ebröönyüü 2:3

‑Asɩ anya 'pɔnɩkʋ mlɩ sɔ ama 'nyɩ 'kpla 'mʋfasa 'samaa 'lɩmlɩwʋwʋkʋ kpakulua wii ‑ale? 'Be 'Pläkänyɔɔ ‑kätɩ ‑gbala amɩ 'lɩmlɩwʋwʋkʋlʋa ‑gä, 'fɩɔwʋ ‑mülü 'nua' 'iin 'wli nya ji 'sɔɔwʋ amɩ 'iin ‑gbala.

Jaan 19:30

Jesu 'mlaa' viinɛgrëlë nɩ, 'ɔ ‑nëma: «'Ia 'fɩɔ 'a 'wlara.» 'Ɔ ‑ŋäa' 'wli 'kä, 'ɔnya 'balɩ ‑fʋflʋ.

Matiö 17:5

'Ɔ ‑ka 'paa wii ‑bɛ pöplö ‑gbru ‑gblɔɔ 'üün ‑gälɩ 'kä, mlɩa wii nya ja ‑gbrulua 'mlɩ 'i ‑nëma: «'Na plɛ ‑gälɩa 'Jʋ kʋ ‑pɩ, 'ɔɔ 'lɩ 'n ‑tʋ 'na dɔrʋa 'fɩɔ. 'Ba po 'ɔɔn 'nyakli!»

Judë 1:21

'Ba kʋ Nyɔsʋaa ‑wawakʋ 'lɩ, ‑bɛ 'ba ‑glaaa ana 'Pläkänyɔɔ Jesu 'Kriisëlɔ ‑nyɛɛa' 'klälä 'nyɩa' blöröfa kä, 'ɔa nyatɛrɩ.

1 Jaan 5:20

A jre bɩa 'iin 'sɩrɩ Nyɔsʋaa 'Jʋ jia', 'sɩrɩ 'ɔ ‑nyɩa' amɩ 'lɩgaglakʋ, amä 'cɩca Nyɔsʋa jre. 'Ɔa 'Jʋ Jesu 'Kriisë 'lɩ a bä; 'a 'ia ‑gʋ a bä 'cɩca Nyɔsʋa 'lɩ. 'Ɔɔ bä 'cɩca Nyɔsʋa nyra 'klälä 'nyɩa' blöröfa kä.

Ebröönyüü 11:40

'Be Nyɔsʋa tɛrɛ amɩ 'mʋfadii, 'a 'ia ‑gʋ 'ünyɩ 'lɩ ‑a bɩa 'ü jräwli ama 'nyɩ 'lɩ ‑a bä.

2 Tɛsalonikënyüü 2:16

Abɩa ana 'Pläkänyɔɔ Jesu 'Kriisëa 'mʋgbɛ nyra ana Tʋ Nyɔsʋalɔ ‑waa' amɩ ‑bɛ ɔ ‑nyɩa' amɩ 'flɛɛlɩ 'klülü 'nyɩ bɩaraa' nyra 'cɩca plɛpiepiegälɩkʋ,

Akëtë 3:15

'A 'bla 'Kläa Käkänyɔɔ. ‑Maa Nyɔsʋa 'ba 'ɔɔn jäjäa ‑tɔrʋpɩɔ, ana 'mʋgbɛ nya nʋ 'nyü anya 'jä 'imɩ.

Lukë 13:32

'Ɔ ‑nëma nɩ: «'Ama mi nɩ, 'ba ‑gbala ‑taa yrʋkänyɔɔlɔ: ‹'Bala 'saarɩ ‑gälɩ ‑a mi ‑sraakäpɩ, 'a ‑plɩɩ 'mä domüüa pɛprɛkʋ bɩa, ‑bɛ 'mä nyüüa 'pɔpʋɔkʋ dɛrɩbɩa; jrüü tääa ‑srɩ 'lɩ 'kä 'nyaa 'na 'jrʋpa 'wlara.›

Akëtë 4:12

'Lɩmlɩwʋwʋkʋ ‑kanyɩ nyɔɔ ‑moloo kälɩ ‑a bä. ‑A ‑gbala 'amɩ, Nyɔsʋa 'nyɩ 'nyrɩ ‑mɩdoo ‑pɩ ‑tʋtʋ ‑gälɩ ‑a ‑nyɩ i nyɔɔ 'mäa' kälɩ ‑srörö ‑bɛ 'ɔmäa' 'lɩmlɩwʋ.»

Filipënyüü 2:12

'A 'ia ‑gʋ 'na ‑wawanyüü 'amɩ, 'sɩrɩ 'a ‑trääräa' 'lɩ Nyɔsʋaa 'doo nɩ, 'ba nʋ 'saa, 'anyɩ ‑glaaa 'mä ‑kätɩ 'ana ‑tɔrʋpɩɔ bä 'fɩɔwʋ ‑bɛ 'amä 'iin nʋ. 'Ba nʋ 'nɩmɩ 'iin ‑gböösa 'taɩn 'lɩ 'nyɩa' 'ana ‑tɔrʋpɩɔ bä. 'Ba 'palɩklü abɩa 'ana nʋnʋgbi 'na nyüü 'mä 'saa jre 'anya 'a 'lɩmlɩwʋ, 'ba nʋ 'iin Nyɔsʋa pɩpɩkʋ 'lɩ nyra 'lɩträäräkʋ 'lɩ,

Ebröönyüü 1:14

‑Maa 'aanjëlü nɩ, 'ü bä ‑sisili Nyɔsʋa jaa' 'imä nyüülü 'mäa' ‑srɩɩ 'lɩmlɩwʋ ‑gbaji.

Ebröönyüü 9:28

'Asɩ 'Kriisë 'sa 'ɔa fugba, ‑gbɔ nya 'sara 'wʋ 'doo 'wʋ 'ɔmä 'lɩ nyüü 'kɔkɔmlɛa ‑balʋ 'ba. 'Ɔnya 'sɔɔwʋ jia, ‑maa ‑mää nyüüa ‑balʋa 'lɩbabakʋa ‑gʋ ‑a, ‑maa nyüülü ‑glaaa' 'ɔɔn 'üü 'ɔ jö 'lɩmlɩbakalɩ.