Ebröönyüü 5:8 - Kuö Dëdrä Jenɛɛsë Rutë

⁸ 'Asɩ 'ɔ bä Nyɔsʋaa 'Jʋ, ‑maa 'ɔ 'kpɩa 'lɩträräkʋ ‑sʋɩlɩ kä 'fɩɔ 'ɔ 'jäa' a 'mlɩ.

Ebröönyüü 5:8 Referans Kwoze

Filipënyüü 2:8

'Ɔ 'cie 'ɔa nyufa 'wʋ 'ɔnya ‑träärälɩ Nyɔsʋa ‑träärä 'ɔnya jä; 'ɔnya järä 'nɩmɩ krʋa ‑gälɩ.

Jaan 4:34

Jesu nya ‑gbala 'üün: «'Na jijrɛ bä ‑a nʋ wiili nyɔɔlɔ blɔa' 'mɩ 'daaa', ‑bɛ ‑a 'wlara 'ɔa 'jrʋpa.»

Jaan 15:10

'Ama ‑träärälɩ 'na ‑dɔwii nɩ, 'anya 'na ‑wawakʋ 'lɩ kʋa, 'sɩrɩ 'n ‑trääräa' 'lɩ 'na Tʋa ‑dɔwii ‑bɛ 'n kʋa' 'ɔa ‑wawakʋ 'lɩ.

Jaan 6:38

'Nyɩ cɛlɩ ‑a sɔ 'mä 'na plɛ 'klɩa wii nʋ, ‑maa 'n ji 'mä nyɔɔlɔ blɔa' 'mɩ, 'mä 'ɔa ni nʋ.

Ebröönyüü 3:6

‑Maa 'Kriisëlɔ nɩ, 'ɔ bä plɛgälɩpie 'Jʋ ‑bɛ 'ɔ bä nyukulua 'wliklɩ. Ama ‑sɔɔrɔ ana nyɔsʋaplɛtorokʋ 'wʋ ‑sɔrɔ 'pläa bɩarafa 'wʋ nɩ, ‑bɛ ama 'kpla ana nyɔsʋaplɛgälɩpipiekʋlʋ käa' amɩ dɔrʋ 'wʋ nɩ, ama nʋ 'imɩ nɩ, a bä 'ɔa nyuku.

Ebröönyüü 1:8

‑Maa dɛɛlɛ bäa' 'Jʋ nɩ: ‑Mɔ Nyɔsʋa, ‑na 'kɩɩkpata 'srikä 'plɔʋplɔʋa ‑gʋ; ‑na sɩsɛ ‑nö ‑bɛ ‑tieere ‑na 'kamaplä 'klɩgägäkʋ 'lɩ.

Ebröönyüü 1:5

'Be Nyɔsʋa ‑kaapɩɔ 'ɔa 'aanjëa ‑tɔrʋpɩɔa 'doo ‑gbala ‑maa: ‑Mɔ bä 'na 'Jʋ, 'mɔɔ ‑gu 'saarɩ ‑mɩ . 'Aiɛ 'sɔɔwʋ, ɔ 'daa: 'Mɔɔ nëmä ‑na Tʋ bä, ‑bɛ ‑mä 'na 'Jʋ bä .

Matiö 3:15

‑Maa Jesu nya ‑gbala 'ɔɔn: «A nʋ 'iin 'saa. 'Asɩ anya nʋ 'kä diili kä 'fɩɔ ‑gäa' 'klɩ Nyɔsʋaa 'nyü ‑gälɩ nya nrörö.» Jaan nya 'nyie.

Ebröönyüü 1:2

‑Maa ‑taa ‑gälɩblöröjrüülü 'lɩ nɩ, 'ɔa 'Jʋ 'ɔ ‑srörö kälɩ 'kä 'ɔ 'pala amɩ wii ‑gba. 'Ɔɔ Nyɔsʋa ‑srörö kälɩ 'ɔnya nʋ diia 'fɩɔ. 'Ɔɔ 'ɔ 'ba bɩa 'lɩ 'ɔmä diia 'fɩɔa ‑jaajinyɔɔ bä.

Jaan 10:18

Nyɔɔ 'nyɩ 'ba 'ään 'mɩ kälɩ ‑a. 'Na 'mlɔɔ ‑nyɛɛ 'ään. 'N 'mrɛɛ ‑a ‑nyɩ 'ään, ‑bɛ 'n 'mrɛɛ ‑a dɔrɔ 'ään 'wʋ; 'n 'klaa 'ia 'klü. 'A wiili 'na Tʋ ‑gbalaa' 'mɩ ‑a nʋa'.»