6 Nyüülü ‑kätɩ 'nua' 'mʋfagogo 'wli nɩ, 'ünyɩ 'lɩ Nyɔsʋa ‑a ‑träärä. 'Ia ‑gʋ, 'ünyɩ 'lɩ ‑a pa. ‑Bɛ nyüü ‑mülüü 'mrɛɛa' 'üü pa.
'A 'ia ‑gʋ 'n ‑gbala 'amɩ 'sɔɔwʋ: «'Ünya 'amɩ Nyɔsʋaa 'kamaplä kälɩ 'baa, 'kä 'ünya 'ään nyüülü käa' 'cɩcagbi kälɩ ‑nyɩ.
'Be a 'nu bɩa 'mʋfagogolä 'wli ‑beere ana tʋɩɩ. ‑Maa 'papawiili 'ü 'nua' 'wli nɩ, 'inyɩ 'üün dɛɛ ‑gba ‑a nʋ, 'be nyüülü 'nua' 'iin 'wli nɩ, 'ünyɩ 'iin nyɔsʋaplɛtorosa ‑a 'kpla.
'Ii känyrɩ, 'ba jresaa Nyɔsʋaa 'lɩmlɩwʋwʋkʋlʋ nɩ, nyüülü 'nyɩa' juifë bä 'üü 'ɔ ‑nyɩ 'ɔa ‑gogo; 'üülü nɩ, 'ünya 'ɔɔn 'nyaklipoa.»
'Ia 'fɩɔ ‑gbala amɩ 'sɩrɩ Nyɔsʋaa 'paa' ‑fʋflʋ jrüü ‑uunsɔɔa ‑srɩ 'lɩ nɩ, 'ia 'samaa ‑fʋflʋpasrɩ ‑ka bälɩ Nyɔsʋaa 'jüa ‑gʋ.
Nyɔsʋapɔɔkʋ 'a kä 'iin 'pa: nyüülü 'nyɩa' juifë bä üma toro Nyɔsʋa plɛ nɩ, 'ünya 'klɩgäa. 'Unya ‑gbala kä Abraamë 'mʋfagogolä: «‑Mɔ 'nëmä kälɩsrörö 'mä ‑tʋtʋ ‑gälɩa ‑glügbüa 'fɩɔ 'nɩ 'pa.»
'Na ‑wlajü 'amɩ, ‑jäsɩ 'n ‑gbaa' nɩ, 'taɩn 'nyɩ tʋŋlɔ ‑a tʋŋlɔ. Sɔrɔ ‑plɩɩ, abɩa nyüülü 'tia' nʋ 'sɩrɩ 'ünyɩ 'a 'ti.
'Ii känyrɩ, a 'bata ‑fʋflʋpalafaläa 'mlɩa papakʋ, nyɔɔ ‑pɩ nyɔsʋa 'nyʋfɔ 'wʋ 'wʋ ‑beere nyüülü 'nyɩa' 'lɩ Nyɔsʋa ‑träärä.