Ebröönyüü 4:16 - Kuö Dëdrä Jenɛɛsë Rutë

¹⁶ 'Ii känyrɩ, ŋalɛ 'nyɩ 'bla amɩ, a jijrö ana ‑gbina Nyɔsʋa 'kɩɩkpata ‑gba, 'ɔmä amɩ nyatɛplɛ nyra ‑gbinanakʋ ‑nyɩ. 'Ɔnya amɩ ‑gbajia 'ia ‑srɩ 'lɩ.

Ebröönyüü 4:16 Referans Kwoze

Ɛfɛsënyüü 3:12

A nyra 'Kriisë bäa' 'doo plɛtorokʋ 'lɩ, 'ia ‑gʋ a jresaa a 'mrɛɛ amä Nyɔsʋa ‑gbajijrö 'surusa.

Ebröönyüü 7:25

'A 'ia ‑gʋ 'ɔ 'mrɛɛ ɔ 'pʋɔ bɩa 'plɔʋplɔʋa ‑gʋ nyüülü ‑sröröa' 'ɔɔn kälɩ ü 'bataa' Nyɔsʋaa ‑gbajijrökʋ, 'be 'ɔ bälɩ 'plɔʋplɔʋa ‑gʋ 'ɔmä 'üa 'wlili bibie.

Ebröönyüü 13:6

Ana plɛ ‑kanyɩ 'lɩtarakʋ ‑a kä; a 'mrɛɛ a 'daa: 'Pläkänyɔɔ, 'ɔɔ jö 'mɩ ‑gba, 'nyɩ pɩ dɩjɔ 'doo ‑a. Dɛplɛɛ nyɔɔ 'mrɛɛ 'ɔmä 'mɩ ‑gba nʋ le ?

1 Piɛɛrë 2:10

'A ma 'nyɩ kä Nyɔsʋaa nyüü ‑a bä, ‑maa 'anya 'a 'saarɩ Nyɔsʋaa nyüü nʋ. Nyɔsʋa ma 'nyɩ 'ana nyatɛrɩ ‑a kä, ‑maa 'ɔ kä 'saarɩ 'ana nyatɛrɩ.

Ɛfɛsënyüü 2:18

'Be 'abɩa 'Kriisë ana 'fɩɔ ma ‑srörö kälɩ nɩ, ‑bakää ‑bä juifë 'aiɛ ‑nyɩ juifë bä, 'a ‑plɩɩ a 'mrɛɛ amä ana Tʋ Nyɔsʋa ‑gbajijrö ‑Susu 'doolʋa 'nyrɩklɩ.

Ebröönyüü 7:19

'Be Moisëa ‑dɔ ‑kaapɩɔ nyɔɔ 'wlijäjräkʋa 'nyʋfɔ 'wʋ fala. ‑Maa Nyɔsʋa ja 'cɩca plɛgälɩpiepiekʋlʋ amäa' kälɩ ‑srörö ‑bɛ amäa' Nyɔsʋa ‑gbajijrö.

Ebröönyüü 9:5

'Wliklɩbʋa Sɛrubɛɛn 'pepe kuöa 'dokloeelɛa ‑gälɩ. 'Üa ‑pëkatia pɩpɛ ‑sisie ‑plɩɩlɩ 'ü ‑gbagbaa' 'üa ‑balʋa cerekʋa ‑toru 'kä, Nyɔsʋaa 'crɛ 'mä 'wʋcie. ‑Maa ‑mää 'ia 'doorodooa ‑gäa 'papakʋa 'taɩn 'nyɩ ‑pɩ kʋ.

Ebröönyüü 3:6

‑Maa 'Kriisëlɔ nɩ, 'ɔ bä plɛgälɩpie 'Jʋ ‑bɛ 'ɔ bä nyukulua 'wliklɩ. Ama ‑sɔɔrɔ ana nyɔsʋaplɛtorokʋ 'wʋ ‑sɔrɔ 'pläa bɩarafa 'wʋ nɩ, ‑bɛ ama 'kpla ana nyɔsʋaplɛgälɩpipiekʋlʋ käa' amɩ dɔrʋ 'wʋ nɩ, ama nʋ 'imɩ nɩ, a bä 'ɔa nyuku.