Ebröönyüü 2:11 - Kuö Dëdrä Jenɛɛsë Rutë

¹¹ 'Be nyɔɔlɔ ‑futoa' nyüü ‑gba nyra nyüülü nyaa' ‑gbafuto nɩ, 'üa 'fɩɔ bä 'doo. 'A 'ia ‑gʋ 'inyɩ Jesu 'nyüsü 'wʋ kä, ɔma were 'üün ‑wlajü,

Ebröönyüü 2:11 Referans Kwoze

Ebröönyüü 10:14

‑Gbɔ 'doolʋ 'ɔ 'saa nɩ, 'u jrä nyüülü 'wʋäa' ‑fre 'lɩ 'wli 'plɔʋplɔʋa ‑gʋ.

Ebröönyüü 10:10

Wiili Nyɔsʋa 'bataa' 'ii Jesu 'Kriisë nʋ, 'ɔ 'sa 'ɔa fugbaa ‑gbɔ 'wʋ 'doo 'wʋ 'plɔʋplɔʋa ‑gʋ; 'ɔnya kpëtä ana ‑balʋ.

Jaan 20:17

'Iibäa' Jesu nɩ: «‑Nyɩ ‑fɛ 'mɩ ‑gba, 'n ‑kaaŋlʋ 'na Tʋa ‑nyɛɛ 'jra. ‑Maa mi ‑a ‑gbala 'na ‑wlajü, 'na Tʋa ‑nyɛɛ 'n 'jraa, ɔ bäa' 'ana Tʋ; 'na Nyɔsʋaa ‑nyɛɛ 'n 'jraa, ɔ bäa' 'ana Nyɔsʋa.»

Ebröönyüü 13:12

'A 'ia ‑gʋ Jesua 'mʋgbɛ 'järä ‑sʋɩ bätäa 'kɔtʋmlɩ, 'ɔmä 'ɔa ‑toru nʋ 'ɔmä nyüüa ‑balʋ kpëtä.

Rɔmënyüü 8:29

Nyüülü 'ɔ jrea' sököö nɩ, 'ɔ 'a kä 'lɩ 'üün 'ba 'ümä bɩa 'ɔa 'Jʋa 'sa bä, 'ɔmä ‑wlajü 'kɔkɔmlɛa ‑tɔrʋpɩɔa ‑kätɩjʋ bä.

Jaan 17:19

'Üa ‑gʋ 'n bere 'na nyufa 'klɩ, ‑bɛ 'üa 'mʋgbɛlü nɩ, 'ümä 'üa nyufa 'klɩbere ‑na 'cɩcasa 'lɩ.

Jaan 17:21

'üa 'fɩɔ 'mä 'doo bä. 'Na Tʋ, 'sɩrɩ ‑bäa' 'mɩ 'lɩ ‑bɛ 'n bäa' ‑mɩ 'lɩ, 'üa 'mʋgbɛ 'mä amɩ 'lɩ 'doo bä, ‑bɛ 'pläa 'mlɩa nyüü 'mä 'saa jre ‑mɔ blɔ 'mɩ.

Matiö 25:40

'Kä 'kɩɩlɔ nya 'üün ‑gbalaa ‑maa: ‹'Cɩcasa 'n ‑gbala 'amɩ, 'asɩ a nöa' 'ia samaa wii 'jüplüjielüa ‑tɔrʋpɩɔa 'doo bäa' 'na ‑wlajü ‑gba nɩ, 'mɔɔ 'a nʋ 'iin ‑gba.›

Ebröönyüü 2:14

‑Bɛ 'jülü bäa' nyɔɔa 'jajɛ nyra nyɔɔa ‑toru nɩ, 'asɩ Jesua 'mʋgbɛ 'cicri 'ɔa nyufa nyɔɔ 'lɩ; ‑bɛ ɔma jä nɩ, 'ɔmä nyɔɔlɔ 'klaaa' jäjäa 'klü kälɩ ‑gblooo, ɔ bäa' Sataan.

Galaatënyüü 4:4

‑Maa jrüülü Nyɔsʋa ‑tʋa' 'lɩ jräa' 'lɩ nɩ, 'ɔnya jara 'ɔa 'Jʋ 'ŋlʋʋ kälɩ 'ɔnya ‑gu 'ɔmɩ. Moisëa ‑dɔ ‑wälɩ 'ɔ ‑glooro,

Akëtë 17:26

Nyɔɔ 'doo 'ɔ ‑srörö kälɩ 'ɔnya nʋ nyüüa ‑glügbüa 'fɩɔ, 'ümä ‑tʋtʋa 'fɩɔa ‑gälɩ kʋ. 'Ɔ blɛ 'üa jrüü, 'ɔnya nyaka ‑plɩɩlɩ 'ü nëmäa' kʋ ‑tʋtʋ ‑gälɩ.

Ebröönyüü 11:16

‑Maa 'mʋfabätä 'ü 'bata: bätälä bäa' cɛa 'mlɩ. 'A 'ia ‑gʋ ü ma 'dara Nyɔsʋa 'üa Nyɔsʋa nɩ, 'inyɩ 'ɔɔn 'nyüsü 'wʋ ‑a kä, 'be 'ɔ tɛrɛ 'üün bätä.

Marëkë 8:38

'Ia ‑gʋ nyɔɔ o nyɔɔ 'mɔɔ ‑bɛ 'na mlɩa wii 'mäa' 'nyüsü 'wʋ kä, nyüüglügbölä kʋa' ‑pɩ, ä kä 'mlɩa nyüü 'sia' ‑balʋ 'klɩ, ä sɔa' Nyɔsʋa dɛrɩ nɩ, 'taɩn 'lɩ Nyɔɔa 'Jʋ 'mäa' 'ɔa tʋa 'wliklɩ 'bʋabʋakʋ ja 'ɔɔ ‑bɛ 'nyüna 'aanjëɩɩ 'mäa' ji nɩ, 'ɔnya ‑srɩ 'ɔa 'nyüsü käa bɩa.»

Matiö 28:10

'Iibäa' Jesu nɩ: «Ŋalɛ 'nyɩ 'blaa 'amɩ. 'Ba mi 'ba ‑gbala 'na ‑wlajüa ü ji Galileea 'bre. 'A ‑nyɛɛ 'ü nëmä 'mɩ 'järä.»

Akëtë 17:28

'be 'ɔɔ känyrɩ ‑bɛ a fio, ‑bɛ a sɔsɔkou ‑bɛ a bä 'plä 'wʋ. 'Asɩ 'ana 'bɩbrɩnyüü ‑mölöö ‑gba: A bä bɩa 'ɔa 'jü .

Lukë 9:26

'Ia ‑gʋ nyɔɔ o nyɔɔ 'mɔɔ ‑bɛ 'na mlɩa wii 'mäa' 'nyüsü 'wʋ kä nɩ, 'taɩn 'lɩ Nyɔɔa 'Jʋ 'mäa' ‑srɩ 'ɔa tʋa 'wliklɩ 'bʋabʋakʋ nyra 'nyüna 'aanjëa 'wliklɩ 'bʋabʋakʋ ja ‑bɛ 'ɔmä ji, 'ɔnya 'ɔa 'nyüsü käa bɩa.

Marëkë 3:34

'Ɔnya ‑piie nyüülü kä 'fɩɔ traraa' 'ɔɔn 'klɩ 'nyü ‑gälɩ, 'ɔ ‑nëma: «‑Jää 'na 'yio nyra 'na ‑wlajü!

Ebröönyüü 3:1

'A 'ia ‑gʋ 'na 'nyüna ‑wlajü 'amɩ, 'amɔlɔ Nyɔsʋa werea' cɛlɩ, 'ba tɛ Jesu 'Kriisë 'klɩ 'cɩcasa. 'Ɔɔ Nyɔsʋa blɔ 'ɔnya bä ‑gbɔsapɛrɩnyɔɔ kpakö, 'ii a toroplɛ, 'ii a 'pala ‑pɩɔa 'fɩɔ.