Ebröönyüü 2:10 - Kuö Dëdrä Jenɛɛsë Rutë

¹⁰ Nyɔsʋa, 'ɔɔ nʋ diia 'fɩɔ, 'ɔɔ kä diia 'fɩɔ, ‑maa 'ɔ 'bata abɩa 'jü 'kɔkɔmlɛ kʋ 'ɔa 'bʋalakʋ 'lɩ. 'Ii känyrɩ, nyɔɔlɔ 'saa' 'lɩmlɩwʋwʋkʋa 'nyʋfɔ nɩ, 'ɔ kä 'ɔmä ‑sʋɛ 'lɩ ‑srörö 'ɔmä 'wlijrä.

Ebröönyüü 2:10 Referans Kwoze

Rɔmënyüü 11:36

'Be 'ɔɔ diia 'fɩɔ sɔ kälɩ, 'ɔɔ 'ii ‑srörö kälɩ, 'ɔɔ kä 'imɩ. 'Ɔ kä 'bʋalakʋ 'plɔʋplɔʋ! 'Asɩ i bä!

Ebröönyüü 12:2

A tɛ Jesua 'doo 'klɩ. 'Ɔɔ ‑nyɛɛ nyɔsʋaplɛtorokʋ 'kä 'ɔ jrä 'ɛɛn 'wli. 'Ɔ 'pa plɛ 'mlɩ 'pa 'pa 'ünya 'mä 'ɔɔn krʋa ‑gälɩ 'blara, 'ɔa ‑gbʋʋ nya 'nyɩ 'nyüsülü bäa' 'ia 'samaa jäjäkʋa 'mlɩ ‑gba bä, 'be dɔrʋlʋ 'ɔ tɛrɛa' 'ɔɔn, 'uu 'ɔ ‑treee. 'Köklesa ‑plɩɩ ɔ nɩ, Nyɔsʋaa 'kɩɩkpataa 'dupa 'pɛlɩ 'ɔ kʋ.

Ebröönyüü 6:20

'A ‑nyɛɛ Jesu pa ana ‑gʋ, 'ɔ ‑ta amɩ 'nyʋfɔ 'klɔɔtrʋ. 'Ɔnya nʋ ‑gbɔsapɛrɩnyɔɔ kpakö 'plɔʋplɔʋa ‑gʋ ‑beere Mɛlëkesedɛkëa ‑gböööa 'klɩtotrokʋ.

Akëtë 5:31

'Ɔɔ Nyɔsʋa 'jrara, 'ɔnya nrörö 'ɔɔn 'Cifi nyra 'Lɩmlɩbanyɔɔ 'lɩ, 'ɔmä 'iin nʋ Israɛɛlë 'mä 'lɩ ‑balʋ ‑gälɩtoro, ‑bɛ 'üa ‑balʋ 'mä cere.

Lukë 24:46

'ɔnya ‑gbala 'üün: «'Asɩ 'i ‑jɩjra: 'Kriisë kä 'ɔmä ‑sʋɩ 'jä, ‑bɛ jrüü tääa ‑srɩ 'lɩ nɩ, 'ɔmä 'kuaabre sɔ.

Lukë 24:26

'Kriisëlɔ nɩ, 'ɔ ‑nëmä ɩ 'ia ‑sʋɛlɛ ‑a jä, ‑bɛ 'ɔmä 'ɔa 'wliklɩbʋabʋakʋa 'fɩɔ srara?»

1 Piɛɛrë 5:10

‑Maa 'ana ‑sʋɩ ‑nëmä 'lɩ ‑a ‑wlɛ, Nyɔsʋalɔ käa' ‑gbinanakʋa 'fɩɔ, ɔ werea' 'amɩ 'ɔa 'wliklɩbʋabʋakʋlʋ 'nyɩ bɩaraa' Jesu 'Kriisë 'lɩ nɩ, 'ɔnya 'amɩ 'naraa. 'Ɔnya 'amɩ nyɔnyrɔa, 'ɔnya 'amɩ 'wʋsɔɔrɔa, 'kä 'ɔnya 'amɩ 'wʋsɔɔrɔa nyɔɔ ‑pɩɔ 'amɩ käkpa.

1 Korɛɛntënyüü 8:6

amɔlɔ nɩ, Nyɔsʋa 'doo a jre. 'Ɔɔ bä Tʋlɔ nʋa' diia 'fɩɔ, 'a 'ɔa ‑gʋ a bä 'plä 'wʋ; 'Pläkänyɔɔ bä 'doo, 'ɔɔ bä Jesu 'Kriisë. 'Ɔɔ 'lɩ diia 'fɩɔ jara, ‑bɛ amɔlɔ nɩ, 'ɔa ‑gʋ a bälɩ.

Ebröönyüü 7:28

Moisëa ‑dɔ, 'uu 'baa 'lɩ nyüü 'kä 'ü bä ‑gbɔsapɛrɩnyüü kpakü, ‑bɛ 'ü 'fʋma. ‑Maa ‑dɔ bä ɩ 'lɩ, Nyɔsʋa nya 'sɔrɩ, 'ɔnya ‑tʋ 'lɩ 'Jʋlɔ jräa' 'wli 'plɔʋplɔʋa ‑gʋ.

Ɛfɛsënyüü 3:10

'Köklesaplɩɩ ɔ nɩ, 'Cɛcɩ Nyɔsʋa ‑srörö kälɩ 'kä 'kamasisi nyra 'klüükäsisili bäa' cɛlɩ 'mä Nyɔsʋaa wiijejrekʋ jre. 'Ia wiijejrekʋlʋ nɩ, Nyɔsʋa kä 'ia srarakʋa 'drü 'kɔkɔmlɛ.

'Nyügälɩjawii 4:11

«O 'Pläkänyɔɔ, ana Nyɔsʋa, 'i 'wʋ ‑mɩ 'klɩ amä ‑mɩ 'jrara, amä ‑mɩ 'bʋala, amä ‑mɩ 'klü ‑nyɩ, 'be ‑mɔ nʋ diia 'fɩɔ, ‑mɔ 'nyie 'aiɛ 'i nrörö ‑bɛ 'i bälɩ.»

2 Timotee 2:10

'A 'ia ‑gʋ, 'n 'nyiere wiia 'fɩɔ 'klɩ nyüülü Nyɔsʋa 'baa' 'lɩa ‑gʋ; 'kä 'üa 'mʋgbɛ 'mä bɩa 'lɩmlɩwʋwʋkʋlʋ bäa' Jesu 'Kriisë 'lɩ 'jä, nyra 'wliklɩbʋabʋakʋlʋ 'nyɩa' blöröfa kä.

Kolɔɔsënyüü 3:4

'Kriisë 'ɔɔ bä ana 'klä. 'Taɩn 'lɩ 'ɔmäa' 'klɩtɔrɔ nɩ, 'ana 'mʋgbɛ nyra 'ɔɔn nya 'klɩtɔrɔa 'ɔa 'wliklɩbʋabʋakʋ 'lɩ.

Galaatënyüü 3:26

'Ana 'fɩɔ 'a Nyɔsʋaa 'jü bä Jesu 'Kriisëa plɛtorokʋa ‑gʋ.

2 Korɛɛntënyüü 3:18

Ana 'fɩɔa 'kʋɩa 'nyɩ ‑sisie ‑a ‑sisie, ‑bɛ a 'jäjrä 'Pläkänyɔɔa 'wliklɩbʋabʋakʋ ‑beere ‑titre 'lɩ. 'Cicri a 'cicri 'plɔʋplɔʋ, amä 'Pläkänyɔɔa 'sa bä; a sɔ 'wliklɩbʋalakʋ 'lɩ ‑bɛ a 'jrara 'wliklɩbʋabʋakʋ 'lɩ. 'Pläkänyɔɔlɔ bäa' ‑Susu, 'ɔa 'jrʋpa bäsaa.

Rɔmënyüü 9:23

'ɔmä 'ɔa 'wliklɩbʋabʋakʋ nyatɛ ‑takɔɩɩa 'pɛlɩ srara, 'ɔmä ü 'ɔ tɩa' ‑srɩ dɛrɩ 'ɔ ‑gbalaa' 'bʋala.

Akëtë 3:15

'A 'bla 'Kläa Käkänyɔɔ. ‑Maa Nyɔsʋa 'ba 'ɔɔn jäjäa ‑tɔrʋpɩɔ, ana 'mʋgbɛ nya nʋ 'nyü anya 'jä 'imɩ.

'Nyügälɩjawii 7:9

I kʋa' ‑pɩ ‑sia' nɩ, 'n 'jä nyüü 'kɔkɔmlɛ 'kɔkɔmlɛ ünyɩa' ‑täsäsa bä: ‑tʋtʋ ‑gälɩa ‑glügbüa 'fɩɔa, ‑glügbüa 'fɩɔ, ‑tʋtʋ ‑gälɩa nyüüa 'fɩɔ nyra nyüüa mlɩa 'papawiia 'fɩɔ. 'Ü 'nyüglö 'kɩɩkpata nyra ‑bablëëjʋa 'klʋɩ. 'Ü pa 'pɔlɔ 'koti 'lɩ ‑bɛ ‑napusragbɩ bä 'üa kälɩ.

1 Piɛɛrë 5:1

'Mɔɔ bäa' tagbö ‑beere 'cɛcɩtagbülü bäa' 'ana ‑tɔrʋpɩɔ nɩ, 'mɔɔ 'paa 'üün 'klü 'lɩ; 'mɔɔ kä 'nyü 'jäa' bɩa 'Kriisë 'ɔa ‑sʋɩa 'mlɩ, ‑bɛ 'mɔɔ käläa' bɩa 'na nɛ 'pɛ 'wliklɩbʋabʋakʋa 'mlɩ, ɛ nëmäa' 'wʋcrɛrɛ nɩ, ‑jää wiili 'n ‑gbala 'a 'amɩ:

1 Piɛɛrë 1:12

Nyɔsʋa nya srara 'üün 'sɩrɩ wiili 'ɔ ‑tʋa' 'üün mlɩ 'nyɩa' 'üa 'mʋgbɛa ‑gʋ bä, ‑maa 'sɩrɩ 'i bäa' 'ana ‑gʋ. 'A wiili bä 'saarɩ 'Mʋfagogo, 'ää nyüü 'saa 'amɩ 'Nyüna ‑Susua 'klülü sɔa' ‑nyɛɛ cɛa 'mlɩ. 'Aanjëa 'mʋgbɛ 'bata 'ümä 'ia 'mlɩ 'kä 'järä.

Ebröönyüü 7:26

'A 'samaa 'nyüna ‑gbɔsapɛrɩnyɔɔ kpakö a 'bata, 'ɔ ‑kaapɩɔ bʋbɔgbi nʋ; 'ɔ ‑kaapɩɔ ‑balʋ nʋ, 'ɔnya sɔ ‑balʋnyüü dɛrɩ, Nyɔsʋa nya 'jrara 'ɔɔn cɛɩɩa 'wliklɩ.

Ɛfɛsënyüü 2:7

'Ɔ nʋa' 'imɩ nɩ, 'ɔmä ‑sraakäpɩa nyüü 'ɔa ‑gbinanakʋlʋ 'ɔnyɩ nyakaa' srara, 'a ‑gbinanakʋlʋ 'ɔ srörö 'Kriisë Jesu kälɩ 'ɔ srara amɩ.

2 Korɛɛntënyüü 6:18

'Nyaa 'ana Tʋ bäa, 'kä 'anya 'na nyɩbɛjü nyra 'na 'ŋlëkayörü bä. 'Nɩmrɛɛ 'Pläkänyɔɔ, 'ɔɔ ‑gba 'imɩ .

2 Korɛɛntënyüü 5:18

'Ia 'fɩɔlʋ nɩ, Nyɔsʋa kälɩ 'i sɔ, Nyɔsʋalɔ ‑sröröa' Jesu 'Kriisë kälɩ ‑bɛ 'ɔ 'nönröa' amɩ 'wli a nyra 'ɔɔn kɔsɔ. Amɔ Nyɔsʋa ‑nyɩ 'köklesa ‑plɩɩ 'wlinönrökʋa 'jrʋpa.

2 Korɛɛntënyüü 4:17

'Be ‑sʋɩlɩ a 'jääa' 'fʋma ‑bɛ 'inyɩ ‑wlɛlɩ ‑a, ‑maa 'i tɛrɛ amɩ 'wliklɩbʋabʋakʋlʋ ‑sia' ana ‑sʋɩ 'wʋ. 'Ia 'wliklɩbʋabʋakʋlʋ ‑wlɛɛɛlɩ 'plɔʋplɔʋa ‑gʋ 'unya 'bʋa ‑gböösa 'unya ‑si ana ‑sʋɩ 'wʋ.

1 Korɛɛntënyüü 2:7

Nyɔsʋaa 'lɩgaglakʋlʋ 'ɔ ‑sisre käa' nyüü ‑gba, u 'ünyɩa' 'wli 'nu, 'uu a 'kpɩa 'üün. Nyɔsʋa tɛrɛ kä amɩ 'ia wiijejrekʋ 'fɩɔwʋ 'ɔnya 'mä 'plä nʋ ana 'bʋalakʋa ‑gʋ.

Jaan 19:30

Jesu 'mlaa' viinɛgrëlë nɩ, 'ɔ ‑nëma: «'Ia 'fɩɔ 'a 'wlara.» 'Ɔ ‑ŋäa' 'wli 'kä, 'ɔnya 'balɩ ‑fʋflʋ.

Jaan 11:52

'Inyɩ juifëa 'pläa 'dooa ‑gʋ ‑a bä, ‑maa Nyɔsʋaa 'jülü ‑gbagbaa' 'kä nɩ, 'ɔmä 'üa 'fɩɔ ‑gbapapla 'ümä 'doo bä.

Lukë 13:32

'Ɔ ‑nëma nɩ: «'Ama mi nɩ, 'ba ‑gbala ‑taa yrʋkänyɔɔlɔ: ‹'Bala 'saarɩ ‑gälɩ ‑a mi ‑sraakäpɩ, 'a ‑plɩɩ 'mä domüüa pɛprɛkʋ bɩa, ‑bɛ 'mä nyüüa 'pɔpʋɔkʋ dɛrɩbɩa; jrüü tääa ‑srɩ 'lɩ 'kä 'nyaa 'na 'jrʋpa 'wlara.›

Lukë 2:14

«Abɩa Nyɔsʋa 'bʋawliklɩ cɛɩɩa 'mlɩ, abɩa 'ɔa plɛgälɩflɛrɛkʋ nyra 'ɔa ‑gbinanakʋ ‑nyrɛrɛ nyüülü bäa' ‑tʋtʋ ‑gälɩ.»

Jenɛɛsë 18:25

‑Nyɩ 'lɩ ‑a bɩa ‑a ‑nʋ 'sama wii 'plɔʋ: ‑nëmä 'klɩgänyüü ‑balʋnyüü ‑a 'cakla ‑bɛ ‑mä 'üün bʋblɔ! Abɩa 'ia bobowiili tʋŋlɔ ‑mɩ 'lɩ dɛrɩ! Nyɔɔlɔ ‑tʋʋäa' 'pläa 'fɩɔa ‑gä nɩ, 'ɔɔ 'nyɩ nʋ wiili ‑gäa' 'klɩ?»