Ebröönyüü 13:5 - Kuö Dëdrä Jenɛɛsë Rutë

⁵ Möliia ‑wawakʋ 'nyɩ 'tiere 'ana nʋnʋgbi. Dɛɛlɛ 'a 'klaaa' 'ɛa 'dee 'ba tɛklɩ. 'Be Nyɔsʋaa 'mʋgbɛ nɩnɩa: 'Nëmä ‑mɩ ‑wälɩ ‑a 'cɛrɛ 'plɔʋ, 'nëmä ‑mɩ dɛrɩ ‑a sɔ 'plɔʋ .

Ebröönyüü 13:5 Referans Kwoze

Jenɛɛsë 28:15

'N bä ‑mɩ dɛrɩ, ‑pɩɔa 'fɩɔ möa' 'n ‑gäälä ‑mɩ 'nyiöli; 'kä 'nyaa ‑mɩ bätäläa 'mlɩ dɛrɩ 'blöö. 'Be 'nëmä ‑mɩ dɛrɩ ‑a sɔ. Wiili kä 'fɩɔ 'n ‑gbala ‑mɩ, 'nyaa 'iin nʋa.»

Matiö 6:25

«'A 'ia ‑gʋ 'n ‑gbala 'amɩ, 'ana plɛ 'nyɩ ‑taaralɩ 'ana 'kläa ‑gʋ: 'kä dɛɛlɛ 'amäa' ji, dɛɛlɛ 'amäa' 'mla, 'ana fugba nyra diili 'amäa' 'srooa ‑gʋ. 'Klä ‑si jijri 'wʋ; fugba nya ‑si 'sosroodii 'wʋ.

Matiö 6:34

«'Ii känyrɩ, 'ana plɛ 'nyɩ ‑taaralɩ ‑sraakäpɩa ‑gʋ. ‑Sraakäpɩ nya 'ia 'mʋgbɛa ‑gä 'paa. ‑Srɩ ‑bɛ 'ia wii.

Kolɔɔsënyüü 3:5

'Ii känyrɩ, 'ba fio diili kä 'fɩɔ bäa' ‑pɩ ‑tʋtʋ ‑gälɩa dii, ibäa' 'amɩ 'lɩa, 'ia ‑gʋ: ‑sagbili Nyɔsʋa 'nyɩ 'bataa', ‑gbili plaa' nyɔɔ ‑fre 'lɩ, dɛɛnyükäkäkʋlʋ bäa' 'nyüsü 'wʋ ‑bɛ u bʋbɔa', nyra diili 'anyɩa' kä 'ia dɛɛnyükäkäkʋ; 'iibä ‑wäsɩa ‑pʋpʋakʋ.

Lukë 3:14

'Sʋgɩaa 'mʋgbɛ nya 'bete 'ɔɔn: «‑Bɛ amɔ le, ‑asɩ amä nʋ le?» 'Ɔnya ‑gbala 'üün: «'Anyɩ 'ba nyɔɔ mölii kälɩ, 'klüsa 'aiɛ yrʋsa. Möliili 'ü 'pɛɛa' 'amɩ 'ia 'doo 'ba fa.»

2 Piɛɛrë 2:14

Bätësaa 'dooa wii 'ü bobo, ‑balʋa nʋnʋkʋa 'doo bä 'üa plɛ 'klɩ. 'Ü 'kʋɛɛrɛ ü 'fʋmaa' 'üa nyüfë ‑gba, 'üa polu 'si dɛɛnyükäkäkʋ 'klɩ. Nyɔsʋaa busukʋ bä 'üün ‑gälɩ.

1 Timotee 3:3

'Ɔnyɩ bä 'nʋblanyɔɔ 'aiɛ 'blarʋkänyɔɔ, 'aiɛ ɔnyɩ bä möliiwanyɔɔ ‑maa ɔ bä ‑pɔplɔnyɔɔ, ɔ ‑wa 'wlinönrökʋ, möliia ‑wawakʋ 'nyɩ fa 'ɔa plɛ.

Ɛfɛsënyüü 5:5

‑Bɛ 'ba jre bɩa 'saa nyɔɔlɔ nöa' ‑sagbili Nyɔsʋa 'nyɩ 'bataa', 'aiɛ ɔ nöa' diili plaa' ‑fre 'lɩ, 'aiɛ ɔ käa' tɛ, 'iibä ‑a ‑tɩ ‑plɩɩ Nyɔsʋa ‑bɛ ‑a bibie dii ‑mɩdoo. 'Ia nyɔɔlɔ ‑nëmä ‑jaaa ‑a ji 'Kriisë nyra Nyɔsʋaa 'kamapläa 'mlɩ.

2 Piɛɛrë 2:3

Dɛɛnyü nyra ‑gbagblɛwii 'ümä nʋ 'ümä 'amɩ ‑trɔɔrɔ. ‑Mää ‑mlatɩkä 'üa ‑gä 'nyɩ ‑träärä, 'üa ‑gbogblookʋ 'nyɩ 'nyüglö ‑a 'nyüglö.

Ɛfɛsënyüü 5:3

Nyɔsʋaa 'nyünanyüü 'a bä. 'Ii känyrɩ, ‑sagbili Nyɔsʋa 'nyɩ 'bataa' nyra diili plaa' ‑fre, nyra dɛɛnyükäkäkʋ, 'ia ‑taa wiilia 'fɩɔ 'nyɩ kä ‑a kä 'imä 'ana ‑tɔrʋpɩɔ bä.

1 Korɛɛntënyüü 5:11

Wii ‑mɩlɩ 'n jaa' ‑plɩɩ 'amɩ ɔ nɩ, 'iibä nyɔɔ ma 'daa 'cɛcɩnyɔɔ 'ɔ bä, ‑bɛ ɔma nʋ ‑sagbili, 'aiɛ ɔma kä tɛ, ɔma ‑pʋpʋa ‑wäsɩa nɩ, ɔma bä nyüüsrɛnyɔɔ, 'aiɛ ɔma bä 'nʋblanyɔɔ 'aiɛ 'jejienyɔɔ nɩ, 'a nyra 'ia 'samaa nyɔɔ 'nyɩ tara 'wʋ 'plɔʋ.

Lukë 8:14

Nänëa mlɩa nulu nɩ, 'a ‑mülü üma 'nua' nyɔsʋaawii 'wli, ‑bɛ ü kä nyɔsʋaawii 'nyɩ mia' 'klɔɔtrʋ. Bobokʋ, 'bɩɔ nyra diili kä 'fɩɔ bäa' ‑pɩ ‑tʋtʋ ‑gälɩ fa 'üa plɛ. 'Ia ‑gʋ 'üa tʋtʋdii 'nyɩ ‑jrɛjrɛ ‑a.

Marëkë 7:22

'jejiekʋ, tɛkäkäkʋ, plɛbʋbɔkʋ, yrʋkäkäkʋ, mlüüjrarakʋ, dɛɛnyükäkäkʋ, 'nyrɩbʋblɔkʋ, ‑tɔklʋbɔtɔkʋ, nyɔkɔgbia nʋnʋkʋ.

Judë 1:11

Busukʋ jrä 'üün! 'Be Kaɛɛn a 'nyʋfɔ 'ü fa; möliia ‑wawakʋa ‑gʋ 'ü blö ‑beere Balaamë; 'ünya saka ‑beere 'sɩrɩ Koree sakla käa' 'taɩnlɩ 'ü ‑kanyɩ po käa' Moisë 'nyakli.

1 Korɛɛntënyüü 6:10

'jejienyüü, tɛkänyüü, 'nʋblanyüü, nyüüjejrenyüü, 'üa 'fɩɔlü ‑nëmä kʋfa Nyɔsʋaa 'kamapläa 'mlɩ ‑a kälä.

Rɔmënyüü 1:29

'Ü 'si ‑balʋgbia 'kaɩn 'kaɩn 'klɩ: ‑saa ‑balʋ, plɛbʋbɔkʋ, dɛɛnyükäkäkʋ, bʋbɔgbi, 'bablakʋ, 'blarakʋ, yrʋkäkäkʋ, ‑gbʋgblʋʋkänyüü. ‑Tutronyüü 'ü bä,

Jenɛɛsë 31:5

'Ɔnya ‑gbala 'üün ‑maa: «'Sɩrɩ 'i ma bäa' 'nyraa 'ana tʋ kɔsɔa ‑tɔrʋpɩɔ nɩ, ‑mää 'sɩ 'i ‑kanyɩ bä. ‑Maa 'na tʋa Nyɔsʋa bä 'mɩ dɛrɩ.

Matiö 6:19

«'Anyɩ 'papla ‑pɩ ‑tʋtʋ ‑gälɩa 'bɩɔ ‑gba; 'be 'nya nyra ‑wlɔsʋ bʋblɔ 'uun, ‑bɛ 'jejienyüü wa wa dii ‑bɛ 'ü 'jie 'iin.

2 Korɛɛntënyüü 4:9

Bʋbɔgbi nrörö amɩ ‑gba, ‑maa Nyɔsʋa 'nyɩ amɩ dɛrɩ ‑a sɔ. 'Ü 'kpa amɩ 'kä, ‑maa anyɩ jä ‑a jä.

Jenɛɛsë 30:31

Labaan ‑nëma: «Dɛplɛɛ ‑baata ‑a 'pɛɛ ‑mɩ le?» 'Iibäa' Jakɔɔbë nɩ: «‑Nɩ ‑nyɩ 'mɩ dɛɛ, ‑maa wii 'doo 'n 'bata; 'mä ‑na mlaa 'nyiöligäälä 'klaa 'sɔɔwʋ.