Ebröönyüü 13:4 - Kuö Dëdrä Jenɛɛsë Rutë

⁴ Abɩa 'titiö ‑träärälɩ wiia 'fɩɔa 'mlɩ, abɩa nyɔɔ 'blörö 'ɔa 'ŋlʋʋa 'doo ‑gälɩ, 'kä 'ŋlʋʋ 'blörö 'ɔa dʋɔa 'doo ‑gälɩ; 'be Nyɔsʋa nya nyüülü nöa' ‑sagbili Nyɔsʋa 'nyɩ 'bataa' nyra nyüülü 'paa' bätësa 'pɔnɩa.

Ebröönyüü 13:4 Referans Kwoze

Jenɛɛsë 2:24

'Ia ‑gʋ nyɔɔ nya 'ɔa tʋ nyra 'ɔa 'yio ‑gbasɔa, 'kä 'ɔ nyra 'ɔa 'ŋlʋʋ 'mä ‑ma, 'kä 'üa 'sɔɔ nya 'jajɛ 'dee bä.

Galaatënyüü 5:19

‑Bɛ nyüüa 'fɩɔ jre nyɔɔa bʋbɔplɛa 'jrʋpa, 'ää bä: bätësa, ‑sagbili Nyɔsʋa 'nyɩ 'bataa', nʋnʋgbili plaa' ‑fre 'lɩ, ‑nyɩ 'ba ‑na nyufa nyɔɔ 'wʋ,

Galaatënyüü 5:21

dɛɛnyükäkäkʋ, nyüübablakʋ, 'nʋbablakʋ, jijri jijikʋ nyra dii ‑mɩlɩ 'i nyra 'iin bäa' dɛɛ 'dee. 'Amɔ 'n ‑gbala dotro, ‑bɛ 'n 'paa 'amɩ plɛ, 'sɩrɩ nyüülü nöa' 'ia 'samaa diili nɩ, 'üa kʋfa 'nyɩ Nyɔsʋaa 'kamaplä ‑a bä.

1 Korɛɛntënyüü 6:9

'Anyɩ 'saa ‑a jre 'sɩrɩ nyüülü 'nyɩa' 'klɩgä ‑nëmäa' kʋfa Nyɔsʋaa 'kamapläa 'mlɩ kälä? 'Anyɩ ‑trɔɔrɔ 'ana nyüfë: nyüülü 'nöa' ‑sagbili Nyɔsʋa 'nyɩ 'bataa' nyra ‑wäsɩapʋpʋanyüü, nyüülü 'paa' bätësa, nyra nyüberülü ‑bɛ nyɩberü 'piea',

1 Korɛɛntënyüü 5:13

‑Mülü 'nyɩa' Nyɔsʋa jre nɩ, Nyɔsʋa nëmä 'üa ‑gä ‑tʋ. 'I ‑jɩjra ‑maa: «'Ba 'ba 'ana ‑tɔrʋpɩɔ plɛbʋbɔnyɔɔ.»

Ɛfɛsënyüü 5:5

‑Bɛ 'ba jre bɩa 'saa nyɔɔlɔ nöa' ‑sagbili Nyɔsʋa 'nyɩ 'bataa', 'aiɛ ɔ nöa' diili plaa' ‑fre 'lɩ, 'aiɛ ɔ käa' tɛ, 'iibä ‑a ‑tɩ ‑plɩɩ Nyɔsʋa ‑bɛ ‑a bibie dii ‑mɩdoo. 'Ia nyɔɔlɔ ‑nëmä ‑jaaa ‑a ji 'Kriisë nyra Nyɔsʋaa 'kamapläa 'mlɩ.

1 Timotee 3:12

Diakrë kä 'ɔmä 'ŋlʋʋ 'doo kä. 'Ü kä 'ümä 'üa 'jü nyra 'üa ‑gbööö ‑gbötö 'cɩcasa.

1 Timotee 3:4

Ɔ ‑gbötö 'ɔa 'mlɔɔ a ‑gbööö 'cɩcasa, 'kä 'ɔa 'jü ‑träärälɩ 'ɔmɩ ‑gböösa.

1 Korɛɛntënyüü 7:38

'Asɩ nyɔɔlɔ ‑nyɛɛa' 'ɔa 'ŋlëkayria 'titikʋ 'lɩ nɩ, 'cɩcagbi 'ɔ nʋ, ‑bɛ ‑mɔlɔ 'nyɩ 'tiea' 'ɔa nʋ nɩ, 'ɔa nɩ 'na ‑gböösa.

Jenɛɛsë 2:21

'Ii känyrɩ Yawe Nyɔsʋa nya 'pa 'ɔɔn 'mʋmʋ kpaku 'lɩ. 'A 'mʋmʋ 'lɩ 'ɔ bä, 'ɔnya 'balɩ 'ɔa ‑gbatii 'dee, 'ɔnya nʋ 'jajɛ 'ɔnya kala 'ia ‑plɩɩlɩ.

'Nyügälɩjawii 22:15

‑Maa ‑fälɩ, 'ii ‑fä, ‑gëglänyüü, 'palɩ nyüülü 'paa' ‑sagbili Nyɔsʋa 'nyɩ 'bataa', nyüüblanyüü, nyüülü traraa' ‑papadii 'wli, nyüülü ‑waa' ‑gbagblɛ ‑bɛ 'ü käa' 'ɛɛn, 'ümä tɩɔ!

Titë 1:6

'Ünyɩ bä nyüülü kä bʋbɔnyrɩ nyüü 'paaa', 'ia nyɔɔlɔ kä 'ɔmä 'ŋlʋʋ 'doo kä. 'Ɔa 'jü kä 'ümä Nyɔsʋa plɛtoro; 'ɔa 'jüa bʋbɔnyrɩ 'nyɩ kä ‑a kä 'imä nyüüa mlɩ bä, 'ü kä 'ümä 'lɩ nyüü ‑träärä.

1 Timotee 5:14

'A 'ia ‑gʋ 'n 'bata abɩa 'kusroyörü 'ti, 'ümä 'jü ‑gu, 'ümä 'üa ‑gbööö ‑gbötö 'cɩcasa; ana 'nyiöa 'mlɩ jraranyüü ‑pɩ ana ‑gʋ bʋbɔwii 'pa ‑sraakäpɩ.

1 Timotee 4:3

'Üü nö ‑maa, nyɔɔ 'nyɩ kä ‑a kä 'ɔmä 'ti, nyɔɔ 'nyɩ ji ‑taa jijrili kʋa' ‑pɩ. ‑Bɛ Nyɔsʋa nʋ 'ia diili 'kä nyüülü toroa' 'ɔɔn plɛ ü jrea' 'cɩcasa 'mä 'ɔɔn 'trɛɛ ‑bɛ 'ümä 'iin ji.

2 Korɛɛntënyüü 5:10

'Be ana 'fɩɔ nya 'Kriisëa 'klʋɩ 'nyüglöa 'ɔmä ana ‑gä ‑tʋ. 'Ia 'taɩn 'lɩ, 'jrʋpalä ‑moloo ‑fɛɛɛrɛa' ‑pɩ tʋtʋ ‑gälɩ ma 'na, 'aiɛ äma 'nyɩ 'na ‑a 'na, 'a 'ia 'sa 'ümä 'ɔɔn 'pɛɛ.

1 Korɛɛntënyüü 9:5

Anyɩ kä ‑a kä amä 'cɛcɩŋlʋʋ kä 'sɩrɩ apotrë ‑mölöö nöa' bɩa, 'sɩrɩ 'Pläkänyɔɔa ‑wlajü nyra Sefasë nöa'?

1 Timotee 3:2

'Ii känyrɩ, nyɔɔ 'mäa' 'cɛcɩtagbö bä nɩ, 'ɔa bʋbɔnyrɩ ‑nëmä nyüüa mlɩ ‑a bä: 'ŋlʋʋ 'dooa dʋɔ, ɔ kälä 'ɔa nyufaa wiigba, ɔ jre wiia 'kplaklakʋ, ɔ bä 'lɩträäränyɔɔ, ɔ bä nyüü 'lɩkʋɛɛnyɔɔ, ɔ bä bɩa nyüüa 'kpɩkpɩakʋ mlɩ.

Ebröönyüü 12:16

'Ana ‑tɔrʋpɩɔa nyɔɔ 'nyɩ nʋ ‑sagbili Nyɔsʋa 'nyɩ 'bataa'. Nyɔɔ 'nyɩ ‑wa ‑pɩ ‑tʋtʋ ‑gälɩa dii ‑beere Esau, ɔ 'paa' 'ɔa kpaködɛɛ 'peru jijrɛa ‑gʋ.

1 Korɛɛntënyüü 6:18

'Ba fɔlɔ ‑sagbili Nyɔsʋa 'nyɩ 'bataa' 'klɩ! ‑Balʋlʋ kä 'fɩɔ nyüü 'mrɛɛa' 'ümäa' nʋ nɩ, 'unyɩ fugbaa 'mlɩ ‑a bä. ‑Maa ‑sagbili Nyɔsʋa 'nyɩ 'bataa' nɩ, nyɔɔa ma nʋ 'umɩ nɩ, 'ɔa 'mʋgbɛa fugba 'ɔ nö ‑balʋ ‑gba.

1 Tɛsalonikënyüü 4:6

Nyɔɔ 'nyɩ nʋ 'ɔa ‑wlajʋ 'iia 'samaa' ‑balʋ ‑gba, 'be Nyɔsʋa nya 'ia bʋbɔgbili 'pɔnɩa. Anya ɩ 'amɩ 'iin ‑gbala 'wʋ 'kɔkɔmlɛ 'wʋ.