Ebröönyüü 13:1 - Kuö Dëdrä Jenɛɛsë Rutë

¹ 'Ba ‑wawla ‑wlajüsa 'plɔʋplɔʋ.

Ebröönyüü 13:1 Referans Kwoze

1 Jaan 4:20

Nyɔɔ ma 'daa 'ɔ ‑wa Nyɔsʋa ‑bɛ ɔma jrara 'ɔa ‑wlajʋ 'nyüa 'mlɩ nɩ, ‑gbagblɛnyɔɔ 'ɔ bä. Nyɔɔ 'nyɩa' 'ɔa ‑wlajʋlɔ 'ɔ 'jääa' 'wʋ ‑wa nɩ, ‑asɩ 'ɔnya Nyɔsʋalɔ 'ɔnyɩ 'jääa' 'wʋ ‑wa le?

1 Piɛɛrë 3:8

'Ii känyrɩ, abɩa 'ana bobowli bä dɛɛ 'dee, 'ba ‑wawla ‑beere ‑wlajü, 'ba kä nyatɛplɛ, ‑bɛ 'ba kä ‑gbinanakʋ.

1 Piɛɛrë 1:22

Nyɔsʋaa ‑Susu 'lɩ 'a ‑träärälɩ 'cɩcasa ‑bɛ 'ana ‑sisi kpëträ 'amä ‑wawla 'tasɩrɩasa ‑beere ‑wlajü. 'Ii känyrɩ, 'ba nʋ 'nyünaplɛ 'ba ‑wawla 'tasɩrɩasa.

2 Piɛɛrë 1:7

Nyɔsʋaa ‑gbaa kpasrakʋa ‑gälɩ nɩ, 'ba 'palɩ ‑wawlakʋ, ‑bɛ ‑wawlakʋa ‑gälɩ nɩ 'ba 'palɩ 'tasɩrɩa ‑wawakʋ.

1 Piɛɛrë 2:17

'Ba ‑träärälɩ bätënyüüa 'fɩɔ, 'ba ‑wa 'ana ‑wlajülü toroa' Nyɔsʋa plɛ, 'ba pɩ Nyɔsʋa, 'kä 'a 'bʋala 'kɩɩ.

Ebröönyüü 10:24

A ‑gäglänyiöli amä 'klülɩpapla amä ‑wawla ‑bɛ amä 'cɩcagbi nʋ.

2 Tɛsalonikënyüü 1:3

‑Wlajü 'amɩ, 'ana ‑gʋ a kä amä Nyɔsʋa 'trɛɛ 'taɩn a 'fɩɔ 'lɩ. 'Inya 'nara 'lɩ, 'be 'ana nyɔsʋaplɛ 'papla ‑gälɩa 'doo, ‑bɛ 'ana ‑wawlakʋa 'mʋgbɛ 'papla ‑gälɩa 'doo.

1 Piɛɛrë 4:8

‑Maa wiili bäa' 'ia 'fɩɔa 'wli nɩ, 'ba nʋ 'ana plɛa 'fɩɔ 'ba ‑wawla, 'be ‑wawlakʋ cere ‑balʋ 'kɔkɔmlɛ.

Galaatënyüü 5:22

‑Maa wiili ‑Susu 'ciea' amɩ 'lɩ nɩ, 'iibä: ‑wawlakʋ, dɔrʋ, plɛgälɩflɛrɛkʋ, plɛpɩpɛa käkäkʋ, 'cɩcagbia nʋnʋkʋ, ‑gbajijikʋ, plɛtoronyɔɔa bäbäkʋ, ‑gbinanakʋ nyra jre ‑na 'mʋgbɛa 'kpakplakʋ;

Galaatënyüü 5:13

'Na ‑wlajü 'amɩ, 'a ‑kapɩ ‑goou bä 'a 'ia ‑gʋ Nyɔsʋa we 'amɩ. ‑Maa 'anyɩ mala 'iin 'wʋ ‑bɛ 'anyɩ nʋ bʋbɔgbili käa' 'ana plɛ 'tʋ; 'ba jöjrö ‑gba ‑wawlasa.

'Nyügälɩjawii 2:4

‑Maa wiili kä ‑gʋ 'mäa' ‑mɩ 'daa nɩ: ‑na ‑kätɩsaa ‑wawakʋlʋ ‑cɛɛrɛa' ‑wälɩ.

1 Jaan 3:23

‑Jää 'ɔa ‑dɔlʋ 'ɔ ‑nyɩa' amɩ: a toro 'ɔa 'Jʋ Jesu 'Kriisëa 'nyrɩ plɛ, 'kä a ‑wawla 'sɩrɩ 'ɔa ‑dɔlʋ 'ɔ ‑nyɩa' 'amɩ ‑gbaa'.

Galaatënyüü 5:6

'Be 'Kriisë Jesu 'lɩ nɩ, ‑böölö o, ‑nyɩ 'bölö o, 'inyɩ ‑gbaa ‑a kä. ‑Maa plɛtorokʋlʋ käa' 'nyrɩ ‑bɛ a ‑wawlaa', 'uu bä wii.

Jaan 15:17

Wiili 'n 'daa' 'ba nʋa' nɩ, 'iibä, 'ba ‑wawla.»

Ɛfɛsënyüü 5:2

'Ba 'nyɛrɛ ‑wawlakʋ 'lɩ, 'sɩrɩ 'Kriisë ‑waa' amɩ. 'Ɔ 'sara 'ɔa nyufa Nyɔsʋa kälɩ ‑gbɔa 'sa ana ‑gʋ; 'ɔ bä ‑gbɔlʋ kä 'nɔnʋ käa' Nyɔsʋa 'tʋ.

Ɛfɛsënyüü 4:3

'Ba 'pa 'kpɔɔ ‑mamakʋlʋ Nyɔsʋaa ‑Susu ‑maa' 'amɩ nɩ, 'amä 'saa bäa 'doo, 'ɔɔ ‑maaa' 'amɩ, 'kä 'ɔ ja 'ana ‑tɔrʋpɩɔ 'wlinönrökʋ.

Akëtë 4:32

Nyüülü toroa' 'Kriisë plɛ nɩ, 'üa polu nyra 'üa bobowli bä dɛɛ 'dee. Nyɔɔ 'nyɩ 'üa ‑tɔrʋpɩɔ ‑a bä 'ɔmä 'daa 'ɔa 'doo kä 'ɔa dii. Nyüüa 'fɩɔ kä kä dɛɛlɛ ‑moloo käa'.

Akëtë 2:1

Patekɔɔtëa ‑srɩ jräa' 'lɩ nɩ, 'wʋnyɛrɛnyüüa 'fɩɔ trara ‑pɩɔ 'doo 'wʋ.