Ebröönyüü 12:4 - Kuö Dëdrä Jenɛɛsë Rutë

⁴ ‑Tutualä 'a nyra ‑balʋlʋ ‑gbaaa' nɩ, 'a ‑kaaŋlʋ 'wli 'wʋsɔɔrɔ ‑sɔrɔ jäjä 'mä 'amɩ jrä.

Ebröönyüü 12:4 Referans Kwoze

1 Korɛɛntënyüü 10:13

'Traɩnkʋlʋ jräa' 'amɩ ‑gälɩ 'nyɩ 'dɔ ‑a bä 'kä nyüüa 'fɩɔa 'traɩnkʋa ‑gʋ. ‑Maa Nyɔsʋa ‑träärälɩ 'ɔa 'papawii, 'ɔ ‑nëmä 'nyie ‑a 'nyie 'traɩnkʋ 'mä 'amɩ 'wʋsi, ‑maa 'ana 'traɩnkʋ ma jrälɩ nɩ, 'ɔnya 'amɩ 'cerefa nyra 'ia 'klü ‑nyɩa 'amä 'iin ‑gbötö.

'Nyügälɩjawii 2:13

'N jre wiili ‑nöa' nyra ‑plɩɩlɩ ‑kʋa', i Sataan a 'kɩɩkpata bäa'. ‑Kpaasra 'na 'nyrɩ ‑gba. 'Ana ‑tɔrʋpɩɔ, i Sataan kʋa', 'ii 'ü 'blaraa 'na ‑gäpanyɔɔ Antipasë 'nyɩa' 'mɩ dɛrɩ sɔ. ‑Maa ‑mɔlɔ nɩ, ‑jää 'ia 'fɩɔ ‑maa ‑ka toro 'mɩ plɛ.

Ebröönyüü 12:2

A tɛ Jesua 'doo 'klɩ. 'Ɔɔ ‑nyɛɛ nyɔsʋaplɛtorokʋ 'kä 'ɔ jrä 'ɛɛn 'wli. 'Ɔ 'pa plɛ 'mlɩ 'pa 'pa 'ünya 'mä 'ɔɔn krʋa ‑gälɩ 'blara, 'ɔa ‑gbʋʋ nya 'nyɩ 'nyüsülü bäa' 'ia 'samaa jäjäkʋa 'mlɩ ‑gba bä, 'be dɔrʋlʋ 'ɔ tɛrɛa' 'ɔɔn, 'uu 'ɔ ‑treee. 'Köklesa ‑plɩɩ ɔ nɩ, Nyɔsʋaa 'kɩɩkpataa 'dupa 'pɛlɩ 'ɔ kʋ.

'Nyügälɩjawii 12:11

‑Bablëëjʋa ‑torua 'nyrɩklɩ nyra nyɔsʋaawiili 'ü 'salɩ, 'a 'ia ‑gʋ 'ü ‑siwʋ. 'Ü 'cɛrɛ 'üa 'kläa ‑wawakʋ ‑wälɩ, 'ünya 'nyiere jäjäkʋ 'klɩ.

Matiö 24:9

«'A ‑plɩɩ 'ümä 'amɩ nyüü kälɩ 'sara 'amä 'üü ‑sʋɩ kälɩ 'järä 'kä 'ünya 'amɩ 'babla. Nyüülü kä 'fɩɔ 'nyɩa' Nyɔsʋa jre nya 'amɩ 'nyüamlɩjraraa 'na 'nyrɩa ‑gʋ.

'Nyügälɩjawii 18:24

A 'järä ‑na ‑nyɛɛ nyɔsʋaamlɩpalanyüü nyra nyɔsʋaanyünanyüüa ‑toru nyra nyüülü kä 'fɩɔ 'ü 'böa' ‑plɛlɩ ‑pɩ ‑tʋtʋ ‑gälɩ 'ü 'blaa'.

'Nyügälɩjawii 17:6

'Nyaa 'jä 'ŋlʋʋlɔa 'nʋ 'blaa nɔ. Nyɔsʋaanyünanyüü nyra nyüülü 'paa' Jesua ‑gä, 'üa ‑toru 'ɔ 'mla. 'N 'jäa' 'ɔɔn, 'na plɛklɩkala ‑gböösa.

Filipënyüü 2:8

'Ɔ 'cie 'ɔa nyufa 'wʋ 'ɔnya ‑träärälɩ Nyɔsʋa ‑träärä 'ɔnya jä; 'ɔnya järä 'nɩmɩ krʋa ‑gälɩ.

Ebröönyüü 13:13

'Ii känyrɩ, a 'cie amä tɛrɩ 'ɔ bäa' mi. A 'nyie 'ümä amɩ 'nyüsü 'blara ‑beere 'ɔɔn.