Ebröönyüü 12:2 - Kuö Dëdrä Jenɛɛsë Rutë

² A tɛ Jesua 'doo 'klɩ. 'Ɔɔ ‑nyɛɛ nyɔsʋaplɛtorokʋ 'kä 'ɔ jrä 'ɛɛn 'wli. 'Ɔ 'pa plɛ 'mlɩ 'pa 'pa 'ünya 'mä 'ɔɔn krʋa ‑gälɩ 'blara, 'ɔa ‑gbʋʋ nya 'nyɩ 'nyüsülü bäa' 'ia 'samaa jäjäkʋa 'mlɩ ‑gba bä, 'be dɔrʋlʋ 'ɔ tɛrɛa' 'ɔɔn, 'uu 'ɔ ‑treee. 'Köklesa ‑plɩɩ ɔ nɩ, Nyɔsʋaa 'kɩɩkpataa 'dupa 'pɛlɩ 'ɔ kʋ.

Ebröönyüü 12:2 Referans Kwoze

1 Piɛɛrë 3:18

'Kriisëa 'mʋgbɛ 'jä ‑sʋɩ ‑balʋnyüüa ‑balʋa ‑gʋ, 'ɔ nʋ 'imɩ 'wʋ 'doo 'wʋ 'plɔʋplɔʋa ‑gʋ: 'ɔɔ bäa' 'klɩgänyɔɔ, 'ɔ jä nyüülü 'nyɩa' 'klɩgäa ‑gʋ, 'ɔmä 'amɩ Nyɔsʋaa 'pɛlɩ fala. 'Tasɩrɩ 'ɔ jä, ‑maa Nyɔsʋaa ‑Susu nya 'ba 'ɔɔn jäjäa ‑tɔrʋpɩɔ, 'ɔnya bälɩ.

Ebröönyüü 1:3

'A 'Jʋlɔ bä Nyɔsʋa 'wliklɩbʋabʋakʋa srarakʋ, 'ɔɔ bä 'tasɩrɩ 'ɔa 'pije. 'Ɔɔ 'klaa diia 'fɩɔ kälɩ 'ɔa 'wʋsɔɔrɔ 'papawiia 'mlɩ. 'Ɔa 'mʋgbɛ kälɩ 'ɔ ‑srörö 'ɔ bɩaa' amɩ ‑gbafutokʋ ana ‑balʋa ‑gʋ nɩ, 'ɔnya kʋwälɩ cɛ 'lɩ Nyɔsʋalɔ 'bʋaa' 'wliklɩa 'dupa 'lɩ.

Ɛfɛsënyüü 5:2

'Ba 'nyɛrɛ ‑wawlakʋ 'lɩ, 'sɩrɩ 'Kriisë ‑waa' amɩ. 'Ɔ 'sara 'ɔa nyufa Nyɔsʋa kälɩ ‑gbɔa 'sa ana ‑gʋ; 'ɔ bä ‑gbɔlʋ kä 'nɔnʋ käa' Nyɔsʋa 'tʋ.

Filipënyüü 1:6

'Na plɛ 'suru wii 'dooa ‑gʋ: nyɔɔlɔ cɛtrɛa' 'amɩ 'lɩ ‑taa 'mʋfa 'jrʋpalä nɩ, 'ɔnya 'ään 'wlaraa, 'ɔnya 'ään nʋ nʋ kä Jesu 'Kriisëa jrüü nya 'lɩjrä.

Ebröönyüü 9:28

'Asɩ 'Kriisë 'sa 'ɔa fugba, ‑gbɔ nya 'sara 'wʋ 'doo 'wʋ 'ɔmä 'lɩ nyüü 'kɔkɔmlɛa ‑balʋ 'ba. 'Ɔnya 'sɔɔwʋ jia, ‑maa ‑mää nyüüa ‑balʋa 'lɩbabakʋa ‑gʋ ‑a, ‑maa nyüülü ‑glaaa' 'ɔɔn 'üü 'ɔ jö 'lɩmlɩbakalɩ.

Jaan 6:40

Wiili 'na Tʋ blɔa' 'mɩ 'bataa' nɩ, 'iibä: nyɔɔ o nyɔɔ 'jäa' 'Jʋ, ‑bɛ ɔ toroa' 'ɔɔn plɛ nɩ, ɔ 'jää 'klälä 'nyɩa' blöröfa kä, ‑bɛ 'pläa bɩarafa 'wʋ 'mä 'üün 'kuaabre 'ba.»

1 Piɛɛrë 3:22

'Ɔ 'jra cɛa 'mlɩ, 'ɔ bä Nyɔsʋaa 'dupa 'pɛlɩ. 'A ‑plɩɩ 'ɔ 'kamlaa 'aanjë, ‑sisili kä 'fɩɔ 'kamaa', nyra ‑sisili kä 'fɩɔ käa' 'klü.

Akëtë 5:31

'Ɔɔ Nyɔsʋa 'jrara, 'ɔnya nrörö 'ɔɔn 'Cifi nyra 'Lɩmlɩbanyɔɔ 'lɩ, 'ɔmä 'iin nʋ Israɛɛlë 'mä 'lɩ ‑balʋ ‑gälɩtoro, ‑bɛ 'üa ‑balʋ 'mä cere.

Lukë 24:26

'Kriisëlɔ nɩ, 'ɔ ‑nëmä ɩ 'ia ‑sʋɛlɛ ‑a jä, ‑bɛ 'ɔmä 'ɔa 'wliklɩbʋabʋakʋa 'fɩɔ srara?»

Judë 1:21

'Ba kʋ Nyɔsʋaa ‑wawakʋ 'lɩ, ‑bɛ 'ba ‑glaaa ana 'Pläkänyɔɔ Jesu 'Kriisëlɔ ‑nyɛɛa' 'klälä 'nyɩa' blöröfa kä, 'ɔa nyatɛrɩ.

Ebröönyüü 8:1

Wiili kä 'fɩɔ a 'saarɩ nɩ, ‑jää wiili bäa' 'ia 'mlɩa wii: 'iibä a kä ‑gbɔsapɛrɩnyɔɔ kpakö, 'a 'ɔa ‑gä a ‑gbala ɩ ‑plɩɩ 'amɩ. 'Ɔ kʋ cɛa 'mlɩ, Nyɔsʋaa 'kɩɩkpataa 'dupa 'lɩ.

2 Timotee 4:8

'Bala 'saarɩ ‑gälɩ nɩ, 'klɩgä 'wlugbölä 'ümäa' 'mɩ ‑nyɩ nɩ, 'mɔɔ 'ä ‑glaaa. 'Pläkänyɔɔlɔ ‑gäa' 'klɩ ɔ ‑tʋʋäa' ‑gä, nya 'mɩ 'ään ‑nyɩa 'ia ‑srɩlɩa 'mlɩ. ‑Bɛ ‑mää 'na 'doo ‑a, nyüülü kä 'fɩɔ ‑waa' 'ɔɔn ü ‑glaaa' bɩa 'ɔa jijisrɩ bä bɩa 'lɩ.

Filipënyüü 3:20

‑Maa amɔlɔ nɩ, ana 'bre bä cɛlɩ, 'a 'Lɩmlɩbanyɔɔlɔ bäa' 'Pläkänyɔɔ Jesu 'Kriisëlɔ bäa' 'lɩ 'lee, 'ɔɔ a ‑glaaa.

Marëkë 14:36

'Ɔ nɩnɩa: «Aba, 'na Tʋ, ‑bɩa wiia 'fɩɔ mlɩ, tʋŋlɔ 'mɩ 'lɩ ‑taa ‑sʋɩa ‑köwölä dɛrɩ! 'Ia 'fɩɔlʋ nɩ, 'na ni 'nyɩ tɩɔ 'lɩ, abɩa ‑na ni tɩɔ 'lɩ.»

'Nyügälɩjawii 2:8

«‑Jɩjra 'aanjëlɔ bäa' Simiirënëa 'cɛcɩ 'lɩ 'wʋ, ‑gbala 'ɔɔn ‑maa: «Nyɔɔlɔ bäa' diia 'käkolofa nyra 'ia bɩarafa, ɔ jäa' ‑bɛ ɔ sɔa' 'wʋ, ‑jäsɩ 'ɔ ‑gbaa:

Ebröönyüü 13:13

'Ii känyrɩ, a 'cie amä tɛrɩ 'ɔ bäa' mi. A 'nyie 'ümä amɩ 'nyüsü 'blara ‑beere 'ɔɔn.

Ebröönyüü 5:9

Nyɔsʋa jräa' 'ɔɔn 'wli nɩ, 'ɔnya nʋ nyüülü kä 'fɩɔ ‑trääräa' 'lɩ 'ɔɔn 'üa 'lɩmlɩbanyɔɔ 'plɔʋplɔʋa ‑gʋ.

Jaan 13:3

Jesu jre 'iin 'sɩrɩ Tʋ ‑nyɩa' 'ɔɔn diia 'fɩɔ kälɩ. 'Ɔ jre 'iin 'sɩrɩ 'ɔ sɔa' Nyɔsʋaa ‑nyɛɛ. 'Ɔ jre bɩa 'iin 'sɩrɩ 'ɔ möa' Nyɔsʋaa ‑nyɛɛ,

Lukë 17:5

Apotrë nya ‑gbala 'Pläkänyɔɔ: «'Papla ana nyɔsʋaplɛtorokʋ ‑gälɩ!»

Marëkë 9:24

'A ‑plɩɩ 'jʋlɔa tʋ kʋ dotro 'ɔ ‑nëma: «'N toro Nyɔsʋa plɛ, ‑maa ji 'mɩ ‑gba, 'na nɩ plɛtorokʋ 'nyɩ 'klʋɛɛ 'lɩ ‑a tʋŋlɔ!»

Ebröönyüü 12:3

'A 'ia ‑gʋ 'ba bobo 'sɩrɩ Jesu sɩaa' 'taɩn 'lɩ ‑balʋnyüü jraraa' 'ɔɔn 'nyüa 'mlɩ; 'ana polu ‑pɩ 'lɩcakla, ‑bɛ 'ana 'klü ‑pɩ 'jɔklɔ!

Ɛfɛsënyüü 2:16

'ɔmä ‑glügbü 'sɔɔlë 'wlinönrö, 'üü ‑bɛ Nyɔsʋa 'mä 'doo bä. Krʋa ‑gälɩa järäkʋ 'lɩ 'ɔ ‑srörö 'ɔnya 'bala 'lɩ dɛɛlɛ nröröa' 'üün 'nyüamlɩjraranyüü 'lɩ.

Akëtë 5:41

Apotrëlü nya 'cie juifëa tropina 'lɩ, dɔrʋ 'bla 'üün 'sɩrɩ Nyɔsʋa 'nyiea' ‑bɛ 'ü ‑jejreea' 'üün 'ɔa 'nyrɩklɩa ‑gʋ.

Jaan 12:32

'Mɔɔlɔ nɩ, 'taɩnlɩ 'mäa' cɛlɩ 'jrara ‑tʋtʋ ‑gälɩ nɩ, 'nyaa 'na ‑gba nyüüa 'fɩɔ 'kʋɛɛrɛa.»

1 Piɛɛrë 1:11

'Ü 'bata 'taɩn 'lɩ kä 'mlɩ wiili 'mäa' nröröa jejrekʋ ‑bɛ 'sɩrɩ 'imäa' nrörö. 'Kriisëa ‑susu bä kä 'üün ‑gälɩ, 'ünya 'sa kä 'lɩ ‑sʋɩlɩ 'Kriisë 'mäa' 'jä 'ɔa 'wliklɩbʋabʋakʋlʋ 'mäa' 'lɩtroroa 'mlɩ.

Ebröönyüü 10:14

‑Gbɔ 'doolʋ 'ɔ 'saa nɩ, 'u jrä nyüülü 'wʋäa' ‑fre 'lɩ 'wli 'plɔʋplɔʋa ‑gʋ.

Jaan 12:24

'Tasɩrɩa 'cɩcasa 'n ‑gbala 'amɩ, dɛɛ bäa' 'jaji, ɛma blö ‑tʋtʋa 'mlɩ nɩ, 'ɛ ‑kaaŋlʋa' ‑fɛ nɩ, 'dee 'ɛ bä, ‑maa ɛma ‑fɛ, 'kä 'ɛ ‑gaaa, 'kä 'ɛ tʋä 'kɔkɔmlɛ.

Jaan 8:56

'Ana tʋ Abraamë jre 'iin 'ɔa plɛklɩ, 'sɩrɩ 'ɔmäa' 'na jijisrɩ 'jä. 'Ɔ 'jäa' 'iin, dɔrʋ nya 'si 'ɔɔn 'klɩ.»

Jaan 1:29

‑Srɩ ‑gbaa' kä nɩ, Jaan 'jääa' Jesu ‑bɛ 'ɔ jaraa' 'ɔa 'pɛlɩ nɩ, 'ɔ ‑nëma: «‑Jää Nyɔsʋaa ‑Bablëëjʋlɔ 'baa' 'lɩ 'pläa ‑balʋ.

Lukë 23:11

Erɔɔdë, nyra 'ɔa 'sʋgɩa, 'böö 'ɔɔn 'klɩ ‑bɛ 'ü srörö 'ɔɔn. 'Ünya 'pa 'ɔɔn 'kotulu plöa' ‑gälɩ, 'ünya 'blöö 'ɔɔn Pilatëa ‑nyɛɛ dɛrɩ.

Matiö 20:28

'Asɩ Nyɔɔa 'Jʋ 'nyɩ bɩa ji ‑a ji 'ɔmä 'jrʋpafɛnyüü kä, ‑maa 'ɔ ji 'ɔmä 'jrʋpafɛnyɔɔ bä, ‑bɛ 'ɔmä 'ɔa 'klä 'sa 'kɔkɔmlɛ 'mä 'lɩmlɩwʋ.»

Matiö 16:21

'Bala ‑plɩlɩ ɔ nɩ, Jesu ‑gbala 'ɔa 'wʋnyɛrɛnyüü 'sɩrɩ 'ɔ käa' 'ɔmäa' Jerusalɛɛmë mi, ‑bɛ 'ɔmäa' ‑sʋɩ 'jä ‑gböösa; juifëa tagbü, ‑gbɔsapɛrɩnyüü kpakü nyra ‑dɔkpɩanyüüa ‑gʋ; 'sɩrɩ 'ümäa' 'ɔɔn 'blaa ‑bɛ 'ɔmäa' 'kuaabre sɔ 'ia jrüü tääa ‑srɩ 'lɩ.

'Nyügälɩjawii 1:17

'N 'jäa' 'ɔɔn nɩ, 'n blö ‑beere 'sɩrɩ 'n jäa'. 'Ɔnya 'pie 'ɔa 'dupa 'darʋ 'na ‑gälɩ 'ɔ ‑nëma: «Ŋalɛ 'nyɩ 'bla ‑mɩ! 'Mɔɔ bä diia 'käkolofa nyra 'ia bɩarafa,

'Nyügälɩjawii 1:11

‑Jäsɩ 'i 'saa' 'lɩ: «‑Jɩjra wiili ‑jääa' 'wʋ ‑pɔɔkʋa 'mlɩ, 'kä ‑fa 'uun 'cɛcʋ ‑uunsɔɔlʋ bäa' ‑taa bätëlëa 'mlɩ: Ɛfɛsë, Simiirënë, Pɛgamamë, Tiratiirë, Sarëdɛɛsë, Filadɛlëfii, nyra Laodisii.»

Ebröönyüü 7:19

'Be Moisëa ‑dɔ ‑kaapɩɔ nyɔɔ 'wlijäjräkʋa 'nyʋfɔ 'wʋ fala. ‑Maa Nyɔsʋa ja 'cɩca plɛgälɩpiepiekʋlʋ amäa' kälɩ ‑srörö ‑bɛ amäa' Nyɔsʋa ‑gbajijrö.

Ebröönyüü 1:13

Nyɔsʋa ‑kaapɩɔ 'aanjëɩɩ ‑gbala ‑maa: 'A ‑pɩ 'na 'dupa 'lɩ ‑a kʋ kʋ, 'kä 'n nrörö ‑na 'nyüamlɩjraranyüü ‑na bökligälɩtʋkpö 'lɩ .

Akëtë 2:36

'Ii känyrɩ, Israɛɛlëa 'fɩɔ kä 'ümä 'saa jre 'tasɩrɩ 'sɩrɩ Jesulɔ 'a koloa' krʋa ‑gälɩ nɩ, 'ɔɔ bäa' Nyɔsʋa, 'ɔɔ nrörö 'ɔɔn 'Pläkänyɔɔ nyra 'Kriisë 'lɩ.»

Marëkë 9:12

'Iibäa' Jesu nɩ: «'Asɩ 'i bä, Elii ‑kätɩ jö 'ɔmä diia 'fɩɔ 'ia kʋfa 'wʋ ‑tätä. ‑Bɛ dɛplɛɛ kä ‑gʋ ‑jɩjradii 'daa bɩa Nyɔɔa 'Jʋ nya ‑sʋɩ 'jäa ‑gböösa, kä 'ünya 'ɔɔn 'nyüamlɩjraraa le?

'Nyügälɩjawii 1:8

'Pläkänyɔɔ Nyɔsʋa nɩnɩa: «'Mɔɔ bä Alëfaa nyra Omega, nyɔɔlɔ bäa' 'lɩ, ɔ bä käa' 'lɩ ‑bɛ ɔ jöa', 'Nɩmrɛɛ Nyɔsʋa.»

Ebröönyüü 11:36

‑Mölöö 'nyiere ‑jejrekʋ nyra ‑gbalɛfi 'klɩ. 'Ü kpasra ‑mölöö 'cɩ 'ünya 'pa 'üün ‑jie 'lɩ.

Ebröönyüü 10:33

‑Srɩ ‑mɩdoo 'lɩ 'ü ‑jejre 'amɩ ‑jria 'lɩ, 'ü nö 'amɩ bʋbɔgbi ‑gba, ‑srɩ ‑mɩdoo 'lɩ ‑mülü 'ü nöa' bɩa bʋbɔgbi 'doolë 'ü 'nöa' 'amɩ ‑gba nɩ, 'a trara 'üün 'klɩ.

Marëkë 16:19

'Pläkänyɔɔ bɩaa' 'üün wii ‑gba 'palakʋ, 'ɔnya sakla cɛlɩ, 'ɔnya kʋ Nyɔsʋaa 'dupa 'pɛ 'lɩ.

Akëtë 3:15

'A 'bla 'Kläa Käkänyɔɔ. ‑Maa Nyɔsʋa 'ba 'ɔɔn jäjäa ‑tɔrʋpɩɔ, ana 'mʋgbɛ nya nʋ 'nyü anya 'jä 'imɩ.

1 Korɛɛntënyüü 1:18

Nyüülü faa' 'mɔlɔnyʋfɔ ma 'jä 'Kriisëa krʋagälɩjäräwii nɩ, saklawii 'ü 'dara 'iin. ‑Maa amɔlɔ 'wʋa' 'lɩmlɩ nɩ, a jre 'iin 'sɩrɩ 'i bäa' Nyɔsʋaa 'klü.

1 Korɛɛntënyüü 1:23

‑Maa amɔlɔ nɩ, 'Kriisëlɔ koloa' krʋa ‑gälɩ 'ɔa ‑gä a ‑gbala nyüü; 'inya ‑siie juifënyüüa ‑nyɛɛ, ‑bɛ grɛɛkënyüü nö mlüü bäsaa.

Jaakë 2:1

'Na ‑wlajü 'amɩ, 'amɔ toroa' 'Pläkänyɔɔ Jesu 'Kriisëlɔ 'bʋaa' 'wliklɩ plɛ nɩ, 'anyɩ ‑glɛ nyüü.

Marëkë 15:28

'Asɩ wiili ‑jɩjra käa' nyɔsʋapɔɔkʋ 'lɩ ‑gba: «‑Balʋnyüüa ‑tɔrʋpɩɔa nyɔɔ 'ü 'dara 'ɔɔn.»